Ibilgailu berrien eta bigarren eskuko ibilgailuen salmentari buruzko kontratu-aurreko informazio-kanpainaren azken txostena.
(Batez ere finantzaketa-baldintzak)

Helburua

Kanpainaren helburu nagusia izan da egiaztatzea ibilgailu berri bat edo bigarren eskuko ibilgailu bat erosteko kontratu-aurreko informazioak indarreko legeria betetzen zuen, kontsumitzaileak eta erabiltzaileak erosketa arrazoitua egiteko erabakia hartu ahal izango duela bermatzeko. Era berean, bereziki egiaztatu da saltzaileek finantzaketari buruz emandako kontratu-aurreko informazioa.

Informazio-kanpaina bat izan zen, eta ez-betetzeak izan zituzten establezimenduei ohartarazpena egin zitzaien.

Kanpainaren nondik norakoak

45 ikuskapen egin dira, honela banatuta:

• Araban: 12 ikuskapen → 6 ikuskapen bigarren eskuko ibilgailuei lotuta eta beste 6 ibilgailu berriei lotuta.
• Bizkaian: 18 ikuskapen → 7 ikuskapen bigarren eskuko ibilgailuei lotuta eta 11 ikuskapen ibilgailu berriei lotuta.
• Gipuzkoan: 15 ikuskapen → 8 ikuskapen bigarren eskuko ibilgailuei lotuta eta 7 ikuskapen ibilgailu berriei lotuta.

Guztira 21 ikuskapen egin dira bigarren eskuko ibilgailuei lotuta eta 24 ikuskapen ibilgailu berriei lotuta.

Ikuskapenak askotariko establezimenduetan egin dira: bigarren eskuko ibilgailuak, ibilgailu berriak edo lehen eta bigarren eskuko ibilgailuak dituzten establezimenduetan.

Ikuskatzeko prozedura: establezimenduan zeuden ibilgailuetako bat ausaz aukeratzea, eta kontratua formalizatu aurretik kontsumitzaileari ibilgailu horri buruz eskaintzen dioten informazioa eskatzea, bai eta finantzaketa-kontratuaren aurreko informazioa ere, paperean edo beste edozein euskarritan.

Gauzatzeko epea

Kanpaina 2020ko azaroan gauzatu da.

Emaitzak

Bigarren eskuko ibilgailuak  

• Gauzatutako jarduketak: 21
• Ez-betetzeak izan dituzten jarduketak: 9 (% 42,86)

Kontratua egin aurreko informazioa (1/2007 ELDren 60. art.)

Antzeman den ez-betetze ohikoena izan da ez dela informaziorik egon entregatzeko prozedurari buruz eta enpresaburuak ibilgailua entregatzeko konpromisoa hartzen duen datari buruz (% 35).

Gainera, beste ez-betetze batzuk antzeman dira:

• Ez da informaziorik ematen ordaintzeko prozedurari buruz (% 28,57).
• Ez da informaziorik ematen saldu ondoko zerbitzuen eta merkataritza-bermeen existentziari eta baldintzei buruz (% 27,78).
• Ez da informaziorik ematen legearen arabera gutxienez urtebeteko adostasun-bermearen existentziari buruz (% 19,05).
• Ez da informaziorik ematen kontsumitzaileari jasanarazten zaizkion gastu gehigarriei buruz —garraioa, finantzaketa, etab.— (% 16,67).
• Ez da informaziorik ematen kreditu motei buruz (% 10,00).
• Ez da informaziorik ematen ondasun edo zerbitzuen ezaugarri nagusiei buruz —motorraren potentzia, erregai mota, kilometrajea, antzinatasuna, etab.— (% 4,76).
• Ez da informaziorik ematen azkenean geratuko den prezio osoari buruz, hau da, zergak sartuta geratuko denari buruz (% 4,76).

Finantzaketa: kontratu-aurreko informazioa (16/2011 Legea, kontsumorako kreditu-kontratuei buruzkoa)

Kontzesionarioak finantzaketari buruz emandako informazioari dagokionez, ez-betetze ohikoena honako hau izan da: ez da jakinarazten zein den berandutzearen interes-tasa (% 35,00); ez da oharrik egiten ez ordaintzeak izango lituzkeen ondorioei buruz (% 35,00); eta ez da jakinarazten atzera egiteko eskubidea dagoenik (% 35,00).

Beste ez-betetze batzuk:

• Ez da informaziorik ematen mailegu-emailearen nortasunari eta helbide sozialari buruz, ez eta, hala badagokio, bitartekariari buruz ere (% 25,00).
• Ez da informaziorik ematen urteko tasa baliokideari eta kontsumitzaileak zor duen guztizko zenbatekoari buruz; horretarako, tasa kalkulatzeko erabilitako hipotesi guztiak barne hartzen dituen adibide adierazgarri bat eman beharko litzateke (% 25,00).
• Ez da informaziorik ematen kreditu-kontratuaren zerbitzu osagarriei buruz, bereziki aseguru-kontratuari buruz, kreditua lortzeko edo eskainitako baldintzetan lortzeko zerbitzu osagarria sinatu behar bada (% 21,05).
• Ez da informaziorik ematen kredituaren guztizko zenbatekoari buruz eta funtsak erabiltzeko baldintzei buruz (% 20,00).
• Ez da informaziorik ematen zor-tasari eta tasa hori aplikatzeko baldintzei buruz (% 15,00).
• Ez da informaziorik ematen kreditu motei buruz (% 10,00).
• Ez da informaziorik ematen kreditu-kontratuaren iraupenari buruz (% 10,00).
• Ez da informaziorik ematen kontsumitzaileak egin beharreko ordainketen zenbatekoari, kopuruari eta aldizkakotasunari buruz (% 10,00).
• Establezimenduak ez du kontratu-aurreko informaziorik ematen dokumentu batean edo edozein euskarri iraunkorretan (% 5,00).

 Ibilgailu berriak

• Gauzatutako jarduketak: 24
• Ez-betetzeak izan dituzten jarduketak: 11 (% 45,83)

Kontratua egin aurreko informazioa (1/2007 ELDren 60. art.)

Ez da alde handirik ikusi bigarren eskuko ibilgailuen eta ibilgailu berrien salmentan hautematen diren ez-betetzeen artean. Oraingoan ere, antzeman den ez-betetze ohikoena izan da ez dela informaziorik ematen entregatzeko prozedurari buruz eta enpresaburuak ibilgailua entregatzeko konpromisoa hartzen duen datari buruz (% 34,78).

Beste ez-betetze batzuk:

• Ez da informaziorik ematen ordaintzeko prozedurari buruz (% 29,17).
• Ez da informaziorik ematen saldu ondoko zerbitzuen eta merkataritza-bermeen existentziari eta baldintzei buruz (% 21,74).
• Ez da informaziorik ematen legearen arabera gutxienez urte biko adostasun-bermearen existentziari buruz (% 20,83).
• Ez da informaziorik ematen kontsumitzaileari jasanarazten zaizkion gastu gehigarriei buruz —garraioa, finantzaketa, etab.—.

Finantzaketa: kontratu-aurreko informazioa (16/2011 Legea, kontsumorako kreditu-kontratuei buruzkoa)

Ibilgailu berrien finantzaketari dagokionez, ez-betetze ohikoena bigarren eskuko ibilgailuen finantzaketan antzemandakoarekin bat dator: ez da berandutzako interes-tasari buruzko informaziorik ematen (% 43,48).

Beste ez-betetze batzuk:

• Ez da ohartarazpenik egiten ez ordaintzearen ondorioei buruz (% 41,67).
• Ez dago atzera egiteko eskubiderik (% 41,67).
• Ez da informaziorik ematen urteko tasa baliokideari eta kontsumitzaileak zor duen guztizko zenbatekoari buruz; horretarako, tasa kalkulatzeko erabilitako hipotesi guztiak barne hartzen dituen adibide adierazgarri bat eman beharko litzateke (% 29,17).
• Ez da informaziorik ematen kontsumitzaileak egin beharreko ordainketen zenbatekoari, kopuruari eta aldizkakotasunari buruz (% 20,83).
• Ez da informaziorik ematen kreditu-kontratuaren zerbitzu osagarriei buruz, bereziki aseguru-kontratuari buruz, kreditua lortzeko edo eskainitako baldintzetan lortzeko zerbitzu osagarria sinatu behar bada (% 19,05).
• Ez da informaziorik ematen mailegu-emailearen nortasunari eta helbide sozialari buruz, ez eta egin beharreko kredituaren bitartekariari buruz ere (% 16,67).
• Ez da informaziorik ematen zor-tasari eta tasa hori aplikatzeko baldintzei buruz (% 16,67).
• Ez da informaziorik ematen kreditu motei buruz (% 12,50).
• Ez da informaziorik ematen kreditu-kontratuaren iraupenari buruz (% 4,17).
• Ez da informaziorik ematen kredituaren guztizko zenbatekoari buruz eta funtsak erabiltzeko baldintzei buruz (% 12,50).

Ondorioak

Ibilgailu berrien eta bigarren eskuko ibilgailuen ikuskapenetan antzemandako ez-betetze ohikoenak antzekoak dira, ibilgailu mota bakoitzari dagozkion berezitasunak alde batera utzi gabe.

Bisitatutako establezimenduei ohartarazi zaie antzemandako arau-hausteak zuzendu behar dituztela (guztira 45 ikuskapen egin ostean 20 ohartarazpen); hori kontuan hartuta, komeni da bigarren bisita bat egitea, arau-hausteak zuzendu diren egiaztatzeko.