Garapenerako Lankidetzaren Euskal Agentzia (GLEA) Eusko Jaurlaritzaren erakunde publikoa da, eta garapenerako lankidetzaren politikak planifikatzen, kudeatzen, gauzatzen eta ebaluatzen ditu.

Eusko Jaurlaritzaren tresna nagusia da nazioarteko elkartasuna bideratzeko eta tokiko eta nazioarteko eragile ugarik giza garapen iraunkorra sustatzeko, eta pobreziaren eta desberdintasunaren aurka borrokatzeko egiten dituzten ahaleginekin bat egiteko. Era berean, herritartasun kritikoa eta aktiboa sustatzen du, tokikotik abiatuta eta globalarekin lotuta, guztion ongiaren eta herrien arteko elkartasunaren aldeko apustua egiten duena.

Horretarako, sustatzen eta laguntzen ditu Hegoaldeko zein Iparraldeko askotariko eragileen estrategiak, eta azpimarratzen du koordinazioa, koherentzia, eta elkar ezagutza eta ikaskuntza sortzea. Garrantzi berezia ematen die genero berdintasunari, iraunkortasun ekologikoari, eskubideen ikuspegiari, gaitasunen sendotzeari, parte-hartzeari eta antolakuntzari, eta tokikoa-globala loturari.

Garapenerako Lankidetzaren Euskal Agentzia zuzenbide pribatuko erakunde publikoa Berdintasun, Justizia eta Gizarte Politiketako Sailari atxikita dago, Giza Eskubide, Memoria eta Lankidetza Sailburuordetzaren bidez, erakunde hori sortzeko ekainaren 19ko 5/2008 Legean ezarritakoaren arabera. Erakunde horri dagokio garapenerako lankidetzaren arloa.

12/2021 DEKRETUA, urtarrilaren 19koa, Berdintasun, Justizia eta Gizarte Politiketako Sailaren egitura organikoa eta funtzionala ezartzen duena

18/2020 DEKRETUA, irailaren 6koa, lehendakariarena, Euskal Autonomia Erkidegoaren Administrazioko sailak sortu, ezabatu eta aldatzen dituena eta sail bakoitzaren egitekoak eta jardun-arloak finkatzen dituena

117/2013 DEKRETUA, urtarrilaren 22koa, Garapenerako Lankidetzaren Euskal Agentziako zuzendaria izendatzeko dena

310/2010 DEKRETUA, azaroaren 23koa; honen bidez, Garapenerako Lankidetzaren Euskal Agentziaren jarduerak abiaraztea eta Euskal Autonomia Erkidegoko Administrazio Orokorraren baliabide pertsonalak eta materialak Agentzia horri atxikitzeko baldintzak arautzen dira

95/2010 DEKRETUA, martxoaren 23koa, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena

5/2008 LEGEA, ekainaren 19koa, Garapenerako Lankidetzaren Euskal Agentzia sortu era arautzen duena

1/2007 LEGEA, otsailaren 22koa, Garapenerako Lankidetzari buruzkoa