Hasiera: Karrantza 
Helmuga: Balmaseda
Gaur Karrantza Haranera joatea aholkatuko dizuegu, Enkarterrietako eskualdean kokatuta dagoena; Karpin Abentura parke tematiko eta ekologikoan haurrek ongi pasatuko dute. Baina familia osoa dibertituko da eremu tematikoetan: Animalia, Terrasauro, Gastornisland, Chavarri Jauregia eta Dinotxiki. Enkarterrietan, Sopuertako abentura parkera joatea da beste aukera bat, zuhaitzetatik ibiltzeko Euskadiko lehenengo abentura parkea dena; edo, bestela, estalaktita eszentriko ugari izateagatik bereziak diren Pozalagua Haitzuloak bisitatu ditzakezu, eta lurraren bihotzeraino iritsi. Natura maite baduzue, Armañon Parke Naturalean edo Enkarterrietako mendietan hainbat ibilbidez gozatu ahal izango duzue. Proposamen kulturalago bat nahiago baduzue, ez galdu Balmaseda eta bere alde zaharra, hiribilduak Erdi Aroan izan zuen garrantziaren adierazle diren monumentu eta museoak baititu.
