Hasiera: Aiaraldea 
Helmuga: Gernika
Arabako Errioxako ardoa atzean utzi, eta txakolinaren munduan murgilduko gara Aiaraldean. Arabako Errioxako paisai mediterraneoekin kontrastean, txakolin mahastiak Euskadiko mendi eta itsaslabar berdeekin nahasten dira, eta Euskadiko bertako mahatsondoetarako -hondarribi zuri eta hondarribi beltza- baldintza apartak sortzen dira.
Aiaraldea Gorobel mendilerroaren pareta bertikal handiaz inguratuta dago, eta bertako balkoitik 200 metro baino gehiagoko ur-jauzi ikusgarria jaisten da. Eskualde honetan txakolinaren bi jatorri deitura ekoizten dira: Arabako Txakolina eta Bizkaiko Txakolina. Herrietan barrena ibiltzea, txakolinaren Ibilbiderekin bat egin duten upategiak bisitatzea edo Urduñan ardoterapia saio batez gozatzea gomendatzen dizugu. Ondoren, ardo bera dastatzen jarraituko dugu, baina, oraingo honetan, Bizkaikoa.
Herri askotan daude Bizkaiko Txakolina jatorri deitura duten ardoak ekoizten dituzten upategiak, dela Bilbotik gertu (ostatua hiriburuan hartzen baduzu), dela kostaldean (Bakio), dela Gernikan.
