Gorbeialdeko Koadrilaren Turismo Bulegoa

Aramaiok, Arrazua-Ubarrundiak, Legutiok, Urkabustaizek, Zigoitiak eta Zuiak osatzen dute Gorbeialdeko Koadrila. Interesgune anitz aurkituko dituzte bertan bisitariek.

Murgian dagoen turismo-bulegoak horiek guztiak ezagutzen lagunduko die. Turismo-informazioa eskaintzeaz gainera, liburuxkak saltzen dituzte bulegoan, mendi-ibili eta askotariko ibilbideekin.

Koadrila osoa ezagutzeko bisitaldi gidatuak prestatzen dituzte udan. Gaztelaniaz, euskaraz eta ingelesez zerbitzuak eskaintzen dituzte.