Arabako Lautadako turismo bulegoa

Agurain, Alegria-Dulantzi, Asparrena, Barrundia, Burgelu, Iruraiz-Gauna, Donemiliaga eta Zalduondo udalerriek osatzen dute Arabako Lautadako Kuadrilla.

Horien guztien ondare historiko-artistikoa ezagutzeko informazioa eskainiko digu Aguraingo Turismo Bulegoak.

Bulegoan bisita gidatuak eskaintzen dira Lautadako bitxiak ikusteko: Gazeo, Alaitza, Añua eta Arbuluko eliza pintatuak eta Aguraingo hirigune historikoa. Eta sasoiko beste batzuk:  Idiazabal gaztandegia, Castro de Henaio...

Urte osoan zehar eskaintzen ditu zerbitzuak bulegoak, euskaraz, gaztelaniaz zein ingelesez.