Bilbobentura

Itsasadarretik ibilbide ederra egiteko eta bide batez Bizkaiko hiriburua eta inguruko herriak ezagutzeko aukera luzatzen dizu Bilbobentura enpresak.

Mota guztietako piraguak eskaintzen dituzte, sei ibilbide desberdin (tartean, Lekeitioko kostaldea eta Bilbo gauez ezagutzeko ibilbideak) egiteko aukerarekin. Aurrekoaz gain, pedaloan Itsasadarra zeharkatzeko aukera ere badago. Eskarmentu handiko irakasleek eskalada, eskimotaje eta piraguismo ikastaroak ematen dituzte. Pagasarri eta Ganekogorta mendietara txangoak, eski bidaiak eta ezkondu aurreko agurretarako, enpresentzako nahiz eskolentzako jarduera bereziak antolatzen dituzte.

Martxotik urrira bitartean egoten da irekita, 10:00etatik 21:00etara.