Urdaibai barrutik

Urdaibaiko Biosferaren Erreserban barneratzeko eta bertako paisaia eta altxor naturalak oinez eta itsasontziz ezagutzeko egun bat.

GOIZEAN

Urdaibai Ekoetxean (www.ekoetxea.eus) hasiko dugu eguna. Madariaga Dorretxean integratuta dago ingurumen-zentro hori, eta erreserbaren ezaugarriak erakusten dizkigu, bisita librea egiteko aukera emanez.

Bisitaren ostean, PR160 ibilbidean barrena Sukarrietaraino iritsiko zarete, eta oinezkoen bidetik, berriz, Mundakaraino, errepidearen ondotik. Bi aukera daude: zuzenean Sukarrietaraino joan, edo, lehenbizi, hegoaldera egin, Busturiako auzoak zeharkatzeko mahasti, artadi eta landaguneen artean.  

ARRATSALDEAN

Bazkaldu ostean, zorabiatzeko beldurrik gabe, Mundakako portutik abiatuko gara itsasadarrean barrena ibilaldi gidatu bat egiteko, udalerrian zerbitzu hori eskaintzen duten hiru enpresetako baten eskutik. Urdaibaiko paisaiak uretatik ikustea aparteko esperientzia da, benetan.

Portura itzultzean, oraindik gogoa eta denbora baduzue, hurbil zaitezte Gaztelugatxeko San Joanera arrastiria ikustera, Matxitxako lurmuturretik adibidez, autoan bazoazte.

KONTRATA DAITEZKEEN ZERBITZU-ENPRESAK:

Bisita gidatua itsasontzian, Urdaibaiko itsasadarrean barrena (2 .) 

• Izkira Urdaibai
• Urdaibai On
• Urdaibai Boat

Non jan plan honetan: https://turismourdaibai.com/eu/non-jan/

Non ostatu hartu plan honetan:  https://turismourdaibai.com/eu/ostatuak/