Artzain egun batez Urkiolan

Euskadiko mendiko paisaia zoragarrienetako batean, Urkiolako Parke Naturalean, Alluitz Natura baserria dago, Atxarte gaztandegia alboan duela, eta han, Patxi Solana artzainak bere eguneroko bizitza eta zereginak partekatzera gonbidatuko gaitu.

 

Abeltegia eta gaztandegia barne hartzen dituen baserrian hasiko dugu esperientzia, Patxiri ardiak jezten lagunduz eta, urte sasoi aproposean joanez gero, ardiak mozten lagunduko diogu.

 

Esne jetzi berria erabiliz, gazta freskoa edo gatzatua egingo dugu, edo, nahi izanez gero, soberako gazurarekin xaboiak egiten ikasiko dugu.

 

Ondoren, naturgune eder horretako zelaietan ibiliko gara, border collie arrazako Harri artzain-zakurra lagun dugula. Harritu egingo zara latxa arrazako artaldea larre batetik bestera artzainaren aginduak betez eramaten zein abila den ikusita.

 

Eta, lanaldia amaitzeko, Idiazabal jatorri-deiturako gazta ospetsua ekoizlearen beraren eskutik hartu eta dastatzea baino ezer hoberik ez da.

Gaia

  • Natura eta paisaia
  • Gastronomia
  • Kultura

Egokia hauentzat

  • Bikotekidea
  • Haurrak
  • Lagunak

Barne hartzen du

  • Ardiak jeztea eta, sasoia izanez gero, ilea moztea. Esnearekin mamia egitea eta sobera dagoen gazurarekin xaboiak egitea.
  • Artilearen artisau eraldaketako tailerra.
  • Larreetatik paseoa artaldearekin eta artzain txakurrarekin.
  • Idiazabal gaztaren dastaketa.
  • Azaroan, arkume berriak jaioko dira, eta esnea eman dakieke biberoiarekin.

Gutxieneko pertsona kopurua

Taldeak eratu diren kontsultatu.

Iraupena

3 ordu

Noiz egin daiteke

Egunero 10:00 eta 16:00etan.

Informazio gehiago: https://www.alluitznatura.com/eu/experience/pastor-por-un-dia-en-urkiola/

Hizkuntzak

Ingelesa, Katalana, Gaztelania, Euskara