Itsas paisaiak, Bizkaiko kostan, Ebikerekin

Ibilbide zirkularra, bizikleta elektrikoan; hots, edonorentzat erabilerraza eta irisgarria den ibilgailuan. Denbora gutxian topera gozatu ahal izango duzu gure lurraz, modu osasungarri eta iraunkor batean. Getxoko Turismo Bulegotik abiatuko gara (Ereaga hondartzan dago), bizikleta gainean, tokiko gidari baten laguntzarekin. Bertan bidegorria hartu, eta Algorta zeharkatuko dugu. Aixerrotako errota zeharkatu, eta Bizkaiko kostaldeko labarretara hurbilduko gara, harik eta Sopelako hondartzetara iristen garen arte. Bidean, euskal kulturaren hamaikatxo itsas elezahar biltzen dituzten baserriak eta arrantzale herriak ezagutuko ditugu, zinez bereziak diren paisaiez gozatuz. Itzuleran, Bizkaia Zubira joango gara, Unescok Gizadiaren Ondare izendatutakoa. Era berean, Getxoko etxe handien pasealekuan zehar ibiliko gara. Azkenik, abiaburura itzuliko gara, eta Algortako Portu Zaharrean zizka-mizkak izango ditugu zain, pintxoekin tripazorriak baretzeko.