VALDELANA

Valdelana nekazalturismoa Elciegon, Arabako Errioxako ardoaren iturburuan, eta izen bereko upategi eta museoaren ondo-ondoan, dago.

Jatorrizko eraikina oso zaharra da, eta guztiz zaharberritu dute. Bertan ardoaren munduaz gozatzeko abagunea izango dugu. Nekazalturismoak gela bikoitzak (guztiak, bainugelarekin), tximinia eta sofak dituen egongela, jangela, terraza handi bat eta sukaldea eskaintzen ditu. Prezioak gosaria hartzen du barne.

Gainera, nahi izatekotan, bisitariek aldameneko jatetxean bazkal edo afal dezakete, eta upategi-museoan antolatzen diren jardueretan (bisita gidatuak eta ardo edo mahats dastatze ikastaroak, besteak beste) ere parte har dezakete.