SAGARLORE HOTELA

Sagardotegien lurraldean

Sagarlore landa hotelak sagarraren loretik hartzen du izena, eta ez da kasualitatea, sagardoaren herri nagusi den Astigarragaren bihotzean baitago kokatuta. Leku ezin hobea da sagardotegi tipiko batean jateko esperientzia bizi nahi duenarentzat eta, aldi berean, 7 km-ra dagoen Donostia bisitatu nahi duenarentzat.

Sagarlore XVI. mendeko baserri bat da eta urte luzez teileria baten egoitza izan zen. Eraikina erabat zaharberritu dute, baina jatorrizko hainbat elementuri eutsita, esaterako, adreiluzko fatxadari.

Inguruneaz gozatzeko eta erlaxatzeko diseinaturiko espazio bat da, eta bertan, merezi duen balioa eskuratzen du denborak. Horren erakusgarri dira patxadaz gozatzeko gosariak, Astigarragako eta inguruko nekazari eta artzainek landuriko produktu fresko eta ekologikoekin prestatuak.