GARABILLA LANDETXEA

Garabilla landetxea izen bereko auzoan dago, Lanteno herrian eta Aiarako eskualdearen bihotzean.

XVII. mendean eraiki zuten, dorretxe gisa; jatorrizko egitura mantenduta zaharberritu dute, turisten beharrizanei erantzun ahal izateko. Natura-ingurune ederrean dago, eta logela bakoitzak bere bainugela du. Hori gutxi balitz, logela guztietan bista ederrez gozatzeko aukera izango dugu.

Etxeak hiru egongela eta bi sukalde ditu, bezeroentzat, eta kanpoaldean honakoak aurkituko ditugu, besteak beste: sauna, hidromasaje-dutxa, paddle pista, barbakoa eta baratze ekologikoa. Aipatzekoa da, gainera, bisitariek nekazaritza-lanetan parte hartzeko eta naturarekin lotura duten hainbat jarduera praktikatzeko aukera izango dutela.