ERREKALDE

Errekalde hotela Lezon dago, kostaldetik 5 kilometrora eta Lezoko eta Errenteriako hirigune historikoetatik hurbil. Aipatzekoa da, halaber, bertatik inguruko udalerrietara mugitzea oso erraza dela; izan ere, GI-636 errepidearen eta EuskoTren geltokiaren ondo-ondoan dago. Laburbilduz, Oarsoaldea eskualdeko txokorik adierazgarrienak ezagutu nahi dituztenentzat egokia da. Eraikina XVIII. mendean egin eta orain gutxi zaharberritu zuten, eta barrualdean baserri-giroa da nagusi. Besteak beste, berogailua, WIFI konexioa, telebista eta aparkalekua ditu, eta gosariak, afariak eta enpresentzako prezio bereziak ere eskaintzen ditu.