Bilboko Eleiz Museoa

Bilboko Eleiz Museoan Bizkaiko artelan erlijiosoak daude ikusgai 1995etik. 1513an sortutako Gizakundearen komentu domingotarrean dago. Bertan, balio artistiko handiko ehunka pieza daude bilduta, Erdi Arotik gaur egunera arteko piezak, hain zuzen ere. Horrez gainera, arte erlijioso garaikideari buruzko gela bat ere badago. Bigarren solairuan, berriz, arte erlijiosoak historian zehar izan dituen espresioei, estilo ezberdinei, egin zaie lekua, batez ere, eskulturei eta margolanei. Bilboko Eleiz Museoak XII. mendetik XX. mendera arteko baino gehiagok osatzen duten bilduma du egun, eta horietatik 500 inguru daude erakusketan jasota. Halere, badago III. mendeko material arkeologikoa ere. Erakusketa hiru atal nagusitan banatuta dago: eskultura-margoa, urregintza eta eliz jantziak. Multzo horietako bakoitzean, piezak irizpide kronologiko-estilistikoaren arabera antolatuta daude.