Albaola, Itsas Kultur Faktoria

Albaola Itsas Kultur Faktoria  museo ontziola bat da eta Pasaiako portu historikoaren sarreran kokatua dago, Donostiako erdigunetik 3 kilometrora.

Albaola Itsas Kultur Faktoria proiektu eta erakusketa aldaketa dela eta, 2025eko azaroaren 2tik azaroaren amaiera arte, itxita egongo da publiko orokorrarentzat.

Bere jarduera nagusia ondare balioa duten zurezko ontzien eraikuntza da eta bertaratzen diren bisitariek lan teknika eta teknologia tradizionalekin jendaurrean lanean ari diren arotz ontzigileak ikusi ahal izango dituzte.

Bisitaldian, 1565ean Labradorren (Kanada) hondoratutako San Juan baleontzi historikoaren erreplikaren eraikuntza ikusi ahal izango da, ia 30 metro luze dena eta UNESCOren babesa duen eraikuntza prozesua.

Albaola nazioarteko erreferentzia bihurtu den espazioa da eta bere jarduerengatik, bisita bakoitza bakana eta desberdina da beti.

Oinezkoen bidea itxita dagoenez, bertaratzeko doako itsasontzi zerbitzua egongo da. Konfirmazio emailean bisitaren gaineko eta etortzeko jarraibide denak emango dira.

Aurretiko erreserba ezinbestekoa bisitak@albaola.com / (+34) 943 39 24 26 (asteartetik ostiralera goizeko 10:00etatik 14:00etara)