Santa Eufemia eliza

Santa Eufemia eliza seguruenik XIII. mendean eraikia izan zen eta XV. mendearen amaieran berreraiki zuten.

Bermeoko elizarik zaharrena da. Gotikoa da, leihoetan, ateetan eta gangetako nerbioetan ikusten den moduan. Nabe bakarrekoa da, mutur batean korua du eta burualdea berriz, poligonala da eta bi kapera ditu. Eskuinaldeko bigarren kaperaren ondoan Mendozatarren hilobia dago, gotiko loretsuan egindakoa. Dorrea, 1783an eraikitakoa da, eta pinakuloekin apaindutako kupula du. Bizkaiko Jaunek eliza honetan egiten zuten Foruen zina.

1995. urtean monumentu Historiko Artistiko izendatu zuten.