Berrizjauregi Lorategi Botanikoa

Berrizjauregi Lorategi Botanikoa Berrizko udaletxearen inguruan dago. 200.000 metro karratu baino gehiagoko azalera du, ehun urtetik gorako zuhaitzez beteta.

Naturgune honetan haritzak, pagoak, zedroak eta sekuoiak nabarmentzen dira eta udalerriko erakargarritasun turistikoetako bat da. Gainera, espezie bakoitza QR kode bat duen plaka batekin seinaleztatuta dago, ale bakoitzari buruzko informazio zehatza eskuratu ahal izateko.

Landare eta zuhaitzen aukeraketa bikainaz gain, lorategian ur-jauziak dituen urmael bat eta interes handiko eskultura batzuk daude: alde batetik, Triton Txikia dago, jatorri frantseseko iturria, eta, bestetik, Erreka Mari, Euskal Herriko azken lamiaren irudia, egurrez zizelkatua.