Astra Unceta y Cía lantegia

Gernika-Lumoko La Vega auzo gernikarrean dago Unceta y Cía lantegia. Ricardo Bastida arkitekto bilbotarraren eraikin hau Campogiro izeneko pistolen fabrikazioan espezializatu zen.

Deko (arkitektura modernoaren bertsioa) estetikako eraikina bada ere, kubismoaren, konstruktibismo errusiarraren eta futurismo italiarraren elementu ugari ditu lantegiak. 1997. urtean lanari utzi zionetik, hutsik egon da lantegia eta kanpoko aldea bakarrik izan da ikusgai.

Baina, Bizkaiko Foru Aldundiak 2006ko maiatzean enkantean jarri ostean, Gernika-Lumoko Udala egin zen Astrako lantegiaren jabe eta, egun, ekintza soziokultural ugari jasotzen ditu urtean zehar.