El Portalon

Arabako hiriburuko jatetxerik ospetsuenetakoa eta zaharrenetakoa da El Portalon. Gasteizko hirigune historikoan dago, XV. eta XVI. mendeen artean egindako eraikinean.

Antzina, ezaugarri errenazentistak, gotikoak eta mudejarrak gorde dituen eraikin honetan hartzen zuten ostatu merkatariek. Sei jantoki desberdin ditu El Portalonek; horietako lau, pribatuak. Sukaldaritza tradizional onenaz gozatzeko aukera paregabea izango dugu jatetxean.

Izan ere, kalitate handiko lehengaiak erabiltzen dituzte euren platerrak egiteko: babak, barraskiloak eta Arabako perretxikoak, besteak beste.

Horrez gainera, Errioxako ardorik onenak biltzen dituen upeltegia du El Portalonek. Posible izatekotan, gustukoen duten botila aukeratu ahal izango dute mahaikideek. Bestalde, jatetxearen jantokietan armarri heraldikoak, margolan garaikideak eta eskulturak ikusgai dira.