Lea-Artibai

Eskualdea zeharkatzen duten bi ibaiei zor die izena, eta Bizkaia mendebaldean dago, Gipuzkoa ondoan. Kostako herriak eta nekazaritzarekin lotura estuagoa duten udalerriak daude Lea-Artibain, basoak, aitzinako bideak, kobazuloak, hondartzak eta portuak bikain uztartzen dituztenak. Orografia aldapatsu horretan, Oiz mendia nabarmentzen da; Bizkaiko behatokia izenaz ere da ezaguna. Lekeitio herria, uharte eta guzti, "cittaslow" bat da. Itsas Ondarearen Zentroa eta Andra Mariaren Zeruratzearen eliza (Estatuko hirugarren erretaula handiena du) bisita ditzakegu bertan. Ondarroan, berriz, Kantauri itsasoko portu handiena aurkituko dugu; Santiago Calatravak diseinatutako zubi batetik iristen da bertara. Barnealdera eginez, Markina-Xemeinen, alde zahar ederra ikus dezakegu, eta eskualdeko herri txikietan, merezi du inguruko basabideetatik ibilaldiak egitea.