Donostiako Musika Hamabostaldia oso jaialdi garrantzitsua eta ospetsua da Europan. Estilo eta garai ezberdinetako musika uztartzen ditu hainbat ziklotan: antzinako musika, ganbera-musika eta garaikidea, besteak beste. Halaber, interprete gazteei eskainitako tartean, etorkizun oparoa duten zenbait musikarik ere hartzen dute parte.

Horretaz gain, ospe handiko musikariek, taldeek eta artista anitzek errepertorio apartak interpretatzen dituzte, ekitaldi honen kalitatearen erakusgarri. Kursaal jauregia Hamabostaldiko egoitza nagusia izan arren, beste hainbat agertokitan ere egiten dira musika-emanaldiak, Santa Teresa komentuan eta Santa Maria basilikan, esaterako.

Era berean, jaialdiaren izaera ibiltaria azpimarratu beharra dago. Izan ere, irteera bereziak antolatzen dira urtero toki bitxi eta ikusgarrietara ziklo bereziak ospatzeko. Halaber, Hamabostaldia guztiz anitza denez, haurrek ere eremu berezia dute egitarauaren barnean, eta egun oso bat eskaintzen zaie etxeko txikienei.


Aretoak: Kursaal Jauregia, Santa Teresa Komentua eta Santa Maria Basilika.