Donostiako Aireportua (EAS)

Hondarribian dago, Bidasoa ibaiaren estuarioaren ondoan, Donostiatik 22 km-ra. Donostiako Aireportuak 5 helmuga eskaintzen ditu (Madril, Bartzelona, Kanaria Handia, Sevilla, Tenerife Iparraldea), 4 konpainia ezberdinekin.

Garraio publikoan irits gaitezke bertara; izan ere, Ekialdebus eta Lurraldebuseko linea ugarik hainbat udalerrirekin (Hondarribia, Irun, Errenteria, Donostia...) lotzen dute aireportua.

Aireportuko aparkalekua estrategikoki kokatuta dago, terminaletik metro gutxira. Bi minutuan lasai asko irits daiteke bertara. Donostiako aireportuan taxi geltoki iraunkor bat dago, bai eta autoak alokatzeko enpresak ere.

Aireportuko informazio gunean panel finkoak eta gailu elektronikoak daude, eta gune hori Eusko Jaurlaritzaren informazio turistikorako gunean dago txertatuta, iritsieren atartean.