Sopuertako Txerriki Azoka

Martxoaren 2an Txerriki Azokaren ospatuko da Sopuertan. 

Urtero lagun ugari biltzen da Enkarterriko azoka ezagun eta tradizional horretan. Gainera, Euskal Herriko Txerrikigile Onena hautatzeko Txapelketa eta Etxeko Txorizo eta Odolki Lehiaketak antolatu ohi dituzte ekitaldiaren baitan. Etxeko produktu ugari eros ditzakete bisitariek: gazta mota desberdinak, gozoak (euskal pastela, esaterako), ogia, eztia, patea, kontserbak, txakolina eta sagardoa, gutxi batzuk aipatzearren. Eskulanek (saskigintza, alezko apaingarriak, ardo-botak) eta nekazaritza-makinek ere euren txokoa dute azokan. Txerrikia da azokaren protagonista nagusia, eta horri zor dio bere ospea.

Eskualdean oso tipikoak diren bi jaki nabarmendu behar dira: "Enkarterri erara" egindako txorizoak eta odolkiak.