Mairuaren alardea

Urtero bezala, Mairuaren alardea ospatuko dute Antzuola udalerri gipuzkoarrean uztailaren 18an.

Alarde honetan, 920. urteko uztailaren 26an Valdejunqueran izandako guda gogoratzen da. Guda horretan Abd al-Rahman III. gainditu zen eta Antzuolako bizilagunez osatutako konpainia batek parte hartu zuen. Armen desfilea udalerriko kaleetan barna egiten da eta enparantzan amaitzen da, antzezpen txiki batekin.

Ekitaldian Valdejunqueran gertatutakoa gogoratzen duen hitzaldi txiki bat irakurtzen da. Gaur egun moldatuta dago hitzaldi hori, baina neurri handi batean, 1745eko arma-Zertifikazioan jasotzen den diskurtsoa biltzen du. Une horretan, Jose Maria Iparragirre abeslari urretxuarrak idatzitako bertsoak ere abesten dira.

Desfilean txistuaren eta danborraren soinuak entzun daitezke. 1761eko pieza bat jotzen dute. Ondorengoa da: "Marcha de Fusileros para Pífanos y Tambores de Espinosa. Música de Ordenanza de Carlos III". Ekitaldian Antzuolako bandera ikusteko aukera ere badago. Herriko armarriaren zati batzuez osatuta dago. Aldi berean, armarriaren irudiak 1745eko arma-Zertifikazioarenak dira.

Antzuolako jai nagusien barnean ospatzen da alardea, uztaileko hirugarren asteburuko larunbatean hain zuzen ere.