Albert Plak Matacerdos aurkeztuko du

Albert Plaren Matacerdos lana ibilbide bat da, musikari katalanak egindako bidearen hainbat mugarritan barrena. Oraingo honetan, bi artista ikaragarri izango ditu ondoan: Judit Farrés (pianoa, sampleak, kutxa, klarinetea, koroak) eta Diego Cortés (gitarra).

Hala, Gasteizko Jimmy Jazz aretoaren agertokian, abestiak antzezteko eskuak libre dituela, Albert Plak historia tragikoak eta eroak, egunerokoak eta harrigarriak, delikatuak eta bortitzak, gordinak eta surrealak aletuko ditu, non borreroa biktima ere baden, barealdia ekaitz bihurtzen den, komedia eta tragedia elkarrekin bizi diren, eta lasaitasuna eroaldian amaitzen den.