Ahuntz Eguna

Baranbiok (Amurrio) hartuko du Ahuntz Eguna deritzon jaiaren XXIII.edizioa. Egun osoan zehar, eskualdeko baserritarrak bilduko dira Garrastatxu ermitaren kanpoaldean.

Egitarau zabalaren baitan azpigorri eta azpizuri ahuntzen (eskualdean bi arraza horiek dira nagusi) lehiaketak eta ganadu erakusketak merezi dute aparteko aipamena.

Horrez gainera, aurreko urteetan bezala, aker-proba izango da ikusgai.

Arabako herrixkara bertaratzen direnek dastatze saio batean (ahuntz-gaztaz egindako platerak dastatzeko parada izango dute), herri-bazkarian edota erromerian parte hartu ahalko dute.