Lanpostuaren fun­tzioak segidakoak izango dira. Nolanahi ere, fun­tzio hauek alda daitezke udal zerbi­tzuak hobe­tzeko beharrezkoa denean:

1.— Udal eraikinetako komunen garbiketa eta desinfekzioa egitea; komuneko papera, xaboia eta eskuzapiak birjar­tzea.

2.— Geletako lurrak eta paretak garbi­tzea.

3.— Eskailera, helduleku eta sarrera-irteerak garbitu eta desinfekta­tzea.

4.— Mahai eta aulkien garbiketa egitea.

5.— Hau­tsa ken­tzea.

6.— Kristal eta azulejuak garbitu eta desinfekta­tzea.

7.— Eraikun­tza lanen ostean hondakinak ken­tzen direnean, haien garbiketaz ardura­tzea.

8.— Gaikako hondakinen bilketa lanen baitan, edukion­tzien garbiketa egitea.

9.— Eraikinak ­itxita daudenean garbiketa orokorrak egitea.

10.— Zaborrak atera­tzea.

11.— Garbiketako karroetan materiala birjarri eta garbi­tzea.

12.— Garbi­tzen diren eraikinetako alarmak konektatu eta leiho eta ate guztiak ­itxi direla egiazta­tzea.

13.— Aurreko guztiaz gain, Zestoako Udalak agin­tzen dizkion bestelako eginkizunak bete­tzea, Udalaren helburuak lor­tzeko; betiere, bere gaitasun eta prestakun­tza profesionalaren arabera.

Gutxienez, Eskola Ziurtagiria edo indarrean dagoen legediak adierazitako baliokidea izatea, edo eskura­tzeko eskubideak ordainduta eduki­tzea. Atze­rriko titulazioei dagokienez, titulua homologatuta dagoela adierazten duen egiaztagiria izan beharko da.

Euskarazko 1. hizkun­tza eskakizuna egiazta­tzea, hautaketa prozesuan zehar egingo diren azterketen bidez edo zor­tzi­garren oinarrian ezar­tzen diren agirietakoren baten bidez. Horretarako, izangaiek egoera hori azaldu beharko dute eskaera-orrian eta dagokion egiaztagiri originala edo konpul­tsa­turiko fotokopia eran­tsi beharko diote eskabide orriari.

Instan­tziak.

Zestoako Udaleko bulego orokorretan eskuratu ahal izango dira eta oinarri hauetan III. eranskin moduan doan eredu normalizatuari egokituko zaizkio instan­tziak.

Oposizio-lehiaketan parte har­tzeko eskatuz beteko diren instan­tzia normalizatuak Zestoako Udaleko alkate-presidenteari zuzenduko zaizkio, eta onartuak izateko ondorengo baldin­tzak bete beharko dituzte:

a)  Deialdiko 4. oinarrian eska­tzen diren baldin­tza guztiak bete­tzen dituztela azaldu beharko dute izangaiek. Baldin­tzok bete­tzeko epemuga instan­tzien aurkezpenarena izango da.

b)  Instan­tziari ondorengo agiriak eran­tsi beharko zaizkio:

— NANren fotokopia konpul­tsa­tua, edo haren baliokidearena atze­rritarren kasuan, eta deialdian parte har­tzeko eskatutako titulazioa edo horren fotokopia konpultsatua.

— Hirugarren ariketari buruzko 8. oinarrian aipa­tzen diren ziurtagiriak (euskara ziurtagiria edo titulua), eskaeraren instan­tziari eran­tsiko zaizkio eta jatorrizkoa edo fotokopia konpultsa­tua aurkeztuz egiaztatuko dira.

Konpul­tsa Zestoako Udaleko Bulego Orokorretan edo konpeten­tziadun fede-emaile publikoren batek egin ahal izango dute, agiri originala eta kopia aurkeztuz.

c)  Lehiaketa fasean baloratuko diren merituen egiazta­tze dokumentala, oposizio fasea amaitutakoan egingo da, Epaimahai Kalifika­tzaileak ezarritako forma eta epeetan. Administrazio Publikoak derrigortuan dauden efikazi eta efizien­tzia prin­tzi­pioengatik, oposizio fasea lehiaketarena baino lehen egingo da, oposizio fasea gaindi­tzen ez dutenen merituak balora­tze­aren alferrikako lana ekiditeko eta aipaturiko akreditazioa oposizio fasea gaindi­tzen duten hautagaiei bakarrik eskatuko zaie.

Instan­tziak, behar bezala beteta, Zestoako Udaleko Erregistro Orokorrean aurkeztu behar dira hogei egun baliodun epearen barruan, deialdiaren iragarkia Estatuko Aldizkari Ofizialean argitaratu eta biharamunean konta­tzen hasita. (2018/01/03)

Eskabideak aurkeztu ahal izango dira postaz, kasu horretan, dagokion fun­tzionarioak eskabideak aurkezteko epean data eta zigilua ipini ahal izateko eskutitz irekian aurkeztu beharko dira. Horrela eginez gero bakarrik ulertuko da eskabideak Zestoako Udaleko Erregistro Orokorrean sartutako egunean izan dutela sarrera. Zigiluak eskabidean bertan egon behar du.

OINARRIAK

Gai orokorrak:

1. gaia. Tokiko erakundeek nahitaez eman behar dituzten zerbi­tzuak.

2. gaia. Administrazio Publikoko langileen eskubideak eta betebeharrak.

Gai espezifikoak:

1. gaia. Garbitasuneko tresneria. Garbitasunerako oinarrizkoak diren erremintak eta tresnak.

2. gaia. Zoruaren oinarrizko tratamendua. Bainugela eta komun publikoen garbitasuna.

3. gaia. Garbi­tzeko sistemak.

4. gaia. Eraikin publikoen garbiketa.

5. gaia. Garbitasunarekin lotutako alderdi ekologikoak. Hondakinak deusezta­tzea. Hondakinen tratamendua Zestoan.

6. gaia. Lan arriskuen preben­tzioa garbitasun lanetan.

7. gaia. Garbi­tzeko produktuak. Produktu kimikoak, produktuen inguruko arau orokorrak, desinfekzioa garbiketagatik, produktuen erabileratik etor daitezkeen arriskuak identifika­tzea eta produktuen etiketa­tzea.

8. gaia. Garbitasun zerbi­tzuen antolaketa eta kontrola. Lan taldeak. Garbitasun lanetan erabil­tzen den materialaren zain­tza.

Oharra: Probak presta­tzeko material posiblea: Personal de limpieza de edificios públicos administrativos. Temario general y test [autorea, Maite de Pablo Rodríguez]. –1.ed., mar­txoa.– Alcalá de Guadaíra (Sevilla): MAD, 2005.