Eginkizunak

Lanpostuaren eginkizun nagusiak hauexek dira:

• Klase bakoitzaren edukia prestatzea, arau pedagogiko egokienak kontuan hartuta.
• Bakoitzaren espezialitateko eta tresnako klaseak ematea.
• Ikasleak eskolara datozela kontrolatzea.
• Ikasleei ipinitako ariketak eta lanak zuzentzea.
• Ikasleak ikasten dutena egunero kontrolatzea eta ebaluatzea.
• Material pedagogikoa zaintzea eta kontrolatzea.
• Egunero praktikatzea tresnarekin.
• Gaitasun profesionala mantentzea profesionalentzako ikasketetara joanda.
• Esleituta dau(z)kan talde(ar)en tutoretzaren eginkizunak betetzea eta gurasoekin hitz egitea, hala eskatzen badute.
• Astero joatea mintegiaren bileretara eta hilero irakasle-klaustroarenetara.
• Ikasle bakoitzaren txostena egitea (hiruhilabetero) eta guraso edota ikasleekin hitz egitea.
• Entzunaldiak prestatu eta antolatzea (Santa Zezilia, Gabonak, Aste Santua eta Ikasturte Amaiera, Elkarteak, eta abar.).
• Musika-Eskolako urteko plana burutzea.
• Hiruhilabetero programatzea emango diren irakasgaiak.
• Ikasturte amaierako Memoria egitea helburuak lortu diren egiaztatzeko eta, beharrekoa balitz, ikastetxearen proiektu kurrikularra berrikusteko.
• Urteko azterketak prestatu eta zuzendu eta dagozkien txostenak egin.
• Aldian-aldian ikasleekin joatea kontzertu pedagogikoetara, Musika-eskolatik kanpo.
• Eskolaz kanpoko jarduerak egitea, hala nola ikasleekin beste ikastetxe batzuekin lankidetzan aritzea.
• Prestakuntza ikastaroetara joatea (hobekuntza-, euskara-, pedagogia-, musika-ikastaroak).
• Musika eskaini, ikasleak zein irakasleak, beste elkarte eta zentro batzuei (jubilatu-, etxekoandre-elkartea, eta abar) hala eskatuz gero.
• Bere mailako beste edozein eginkizun, horretarako aldez aurretik prestatua izan bada.

Solfeo-irakasle eta piano-irakasle titulua edo baliokidea edukitzea, 2618/66 Dekretuaren arabera.

Eskabideak, behar bezala beteta, Trapagarango Udaleko Erregistro Orokorrean aurkeztuko dira, 10 egun naturaleko epearen barruan, oinarri hauek «Bizkaiko Aldizkari Ofizialean » argitaratu eta biharamunetik kontatzen hasita.

Era berean, eskaera-orriak Herri Administrazioen Araubide Juridikoaren eta Administrazio Prozedura Erkidearen 30/1992 Legearen 38.4. artikuluan agertzen diren herri administrazioetan aurkeztu ahal izango dira. Udalburuari zuzenduko zaizkio eta postetxeko langileak zigilua ipini beharko die, datarekin, eskaerak aurkezteko epearen barruan.

BAO. 97. zk. 2013, maiatzak 22. Asteazkena

Oker zuzenketa