• Sailkapena: Kultura Orokorrekoak
• Xedea: Musika, Dantza, Folklorekoak
• 2.1.- Musika Bulegoaren xede nagusia Euskal Herrian sortu eta ekoitzitako musikaren edo Euskal Herrian jaio edo Euskal Herriarekin zerikusia duten beste musikari batzuek sortutako eta ekoitzitako musikaren presentzia soziala balioestea eta indartzea da, bai eta haren balio-katean esku hartzen duten eragileen jarduera ere, une oro jarduera horren kalitatea eta profesionaltasuna areagotzeko lan eginez. 2.2. EHMBEk erreferentziazko plataforma eta elkargunea izan nahi du Euskal Herriko Musikaren Sektorearen balio-kateko edozein mailatan lan egiten duten eragile publiko eta pribatuentzat, sektoreko ekintzak eta proiektuak sustatzeko, bideratzeko, integratzeko eta zabaltzeko tresna gisa. 2.3. 'Musika Bulegoa', beraz, musikaren euskal sektoreko agente guztientzat irekita egongo den eta zerbitzu bokazioa izango duen ekimen gisa eratzen da, eta haren lan ildo nagusietako bat izango da elkarrizketa, koordinazioa eta lankidetza indartzea, bai agente horien artekoa, baita agente horien eta aipatutako balio katean zuzenean edo zeharka parte hartzen duten erakunde eta ekimen publiko eta pribatuen artekoa ere, kateko azken mailatzat hartuta publikoa, hau da, gizarte osoa. 2.4.- Musika jarduera garatzeko, EHMBE - Euskal Herriko Musika Bulego Elkarteak arlo publiko eta pribatuaren arteko lankidetza landu eta sustatuko du, musikarekin zerikusia duten erakunde publikoekin akordioak eta hitzarmenak izenpetuta. 2.5.- Hauek dira Elkartearen helburu iraunkorrak: 2.5.1. Euskal Herriko musika mota guztietan babestea eta indartzea, eta bere kalitate artistikoa eta profesionaltasuna areagotzeko lan egitea. 2.5.2. Musikaren sorkuntza, ekoizpena eta hedapena babestea eta zabaltzea. 2.5.3. Musikarekiko ezagutza, prestakuntza, zaletasuna eta sentsibilizazioa bultzatzea 2.5.4. Euskarazko musika babestea eta zabaltzea. 2.6. EHMBEk bere jarduera guztia ondorengo printzipioetan oinarrituko du: Kalitatea: Sektoreko erreferentzia izatea, bai gure proiektuen kalitateagatik bai erakundearen praktika onengatik. Zintzotasuna: Proiektuaren ezaugarriak kontuan izanda, elkarteak bere jardueraren esparru guztietan zintzotasunez jokatuko du. Musikazaletasuna: Musika batzen gaituen ardatza da. Euskal Herriko musika sektorearen topagunea izateko jaio den ekimena da. Lankidetza: EHMBEren izaera lankidetzan oinarrituta dago eta horretan dihardu. Elkarlana eta elkarri laguntzea sustatuko dira.

Estatutuak - 2025/06/11 (418 KB)