Arautegia

Inprimatu

EBAZPENA, 2022ko ekainaren 7koa, Giza Eskubide, Biktima eta Aniztasuneko zuzendariarena, zeinaren bidez epea irekitzen baita Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Osoko Bilkuran parte hartzeko Eskaerak Jasotzeko Liburuan sartzeko eskaerak aurkezteko.

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Berdintasun, Justizia eta Gizarte Politiketako Saila
  • Jadanekotasuna-egoera: Indarrean

Aldizkari ofiziala

  • Aldizkari ofiziala: EHAA (Euskal Herria)
  • Aldizkari-zk.: 118
  • Hurrenkera-zk.: 2766
  • Xedapen-zk.: ---
  • Xedapen-data: 2022/06/07
  • Argitaratze-data: 2022/06/20

Gaikako eremua

  • Gaia: Gizarte gaiak eta emplegua; Administrazioaren antolamendua
  • Azpigaia: Gizarte Gaiak; Gobernua eta herri administrazioa

Testu legala

Aurkibidea erakutsiAurkibidea ezkutatu

Azaroaren 25eko 289/2003 Dekretuaren bidez (2003ko abenduaren 5eko EHAA, 239. zk.), Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseilua sortu zen, eta dekretu horren IV. kapituluan kontseilu horren Osoko Bilkurarako elkarteen ordezkariak izendatzeko prozesua arautzen da.

Dekretu horren 15. artikuluaren arabera, ijitoen elkarteen eta ijitoen aldeko elkarteen ordezkariak izendatzeko prozesua antolatzeko, Kontseiluaren Osoko Bilkuran parte hartzeko Eskaerak Jasotzeko Liburua erabiliko da, eta hiru urtetik behin irekiko da, ezohiko arrazoirik egon ezean, liburu horretan sartzeko epea.

Familia Politikako eta Aniztasuneko zuzendariaren 2019ko ekainaren 7ko Ebazpenaren bidez (2019ko ekainaren 20ko EHAA, 116. zk.), elkarteen ordezkariak izendatzeko azken prozesua zabaldu zenez, orain beste izendapen-prozesu bati ekin behar zaio eta Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Osoko Bilkuran parte hartzeko Eskaerak Jasotzeko Liburuan sartzeko eskaerak aurkezteko epea finkatu behar da.

Emakumeen eta gizonen berdintasuna lortzeko eta emakumeen kontrako indarkeria matxistarik gabe bizitzeko otsailaren 18ko 4/2005 Legeari jarraikiz, erabakiak hartzeko gune guztietan emakumeen eta gizonen ordezkaritza orekatua errespetatu behar da, eta pertsona anitzeko administrazio-organoetan ordezkaritza orekatutzat joko da, hain zuzen, sexu biek gutxienez % 40ko ordezkaritza dutenean.

Berdintasun, Justizia ete Gizarte Politiketako Sailaren egitura organikoa eta funtzionala ezartzen duen urtarrilaren 19ko 12/2021 Dekretuaren 20. artikuluak xedatutakoa betez, Giza Eskubideen, Biktimen eta Aniztasunaren zuzendariari dagokio izendapen-prozesu berria irekitzea eta parte hartzeko eskaerak aurkezteko epea jakinaraztea, EHAAn argitaratuta.

Horren indarrez, honako hau

Lehenengoa. Hamar eguneko epea irekitzea ijitoen elkarteek eta ijitoen aldeko elkarteek Euskal Autonomia Erkidegoko Ijito Herriaren erabateko sustapenerako eta partaidetza sozialerako Kontseiluaren Osoko Bilkuran parte hartzeko Eskaerak Jasotzeko Liburuan sartzeko eskaerak aurkezteko. Epea ebazpen hau Euskal Herriko Agintaritzaren Aldizkarian argitaratu eta hurrengo egunean hasiko da.

Bigarrena. Parte hartzeko eskaerak azaroaren 25eko 289/2003 Dekretuaren eranskinean finkatutako ereduaren araberakoak izango dira, eta eskaerarekin batera, adostasun-agiria ere aurkeztu beharko dute, zeinaren bidez elkarteek aho batez izendatu baitituzte Osoko Bilkuran ordezkatuko dituzten bokalak, edo guztien adostasuna lortzen ez bada, dekretu horren 7.2.d) artikuluaren bigarren paragrafoak aipaturiko abalak aurkeztu beharko dituzte.

Hirugarrena. Parte hartzeko eskaerak Eusko Jaurlaritzaren Giza Eskubide, Biktima eta Aniztasun Zuzendaritzara igorri behar dira, eta Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan jasotako edozein modutan aurkez daitezke.

Laugarrena. Euskal Autonomia Erkidegoko Ijito Herriaren Erabateko Sustapenerako eta Partaidetza Sozialerako Kontseiluaren Osoko Bilkurarako elkarteen ordezkariak izendatzeko prozesua Emakumeen eta gizonen berdintasuna lortzeko eta emakumeen kontrako indarkeria matxistarik gabe bizitzeko otsailaren 18ko 4/2005 Legean xedaturikoaren araberakoa izango da, eta ordezkaritza orekatutzat joko da, hain zuzen, sexu biek gutxienez % 40ko ordezkaritza dutenean.

Ebazpen honek Euskal Herriko Agintaritzaren Aldizkarian argitaratu eta biharamunetik aurrera izango ditu ondorioak.

Vitoria-Gasteiz, 2022ko ekainaren 7a.

Giza Eskubide, Biktima eta Aniztasuneko zuzendaria,

M覰ICA HERNANDO PORRES.

Gaiarekin lotutako edukiak.


Arauaren historia

Ez dago lotutako edukirik

Eskumenak eta transferentziak

Ez dago lotutako edukirik

Garrantzi juridikoko dokumentazioa

Ez dago lotutako edukirik