EBAZPENA, 2020ko irailaren 1ekoa, Hizkuntza Politikarako sailburuordearena, zeinaren bidez esleitzen baitira Euskalgintza deialdiari dagozkion 2020ko dirulaguntzak.

Araudia

Arautegia

Inprimatu

Identifikazioa

Lurralde-eremua: Autonomiko
Arau-maila: Ebazpena
Organo arau-emailea: Kultura eta Hizkuntza Politika Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 179
Hurrenkera-zk.: 3587
Xedapen-zk.: ---
Xedapen-data: 2020/09/01
Argitaratze-data: 2020/09/10

Gaikako eremua

Gaia: Kultura eta Kirola; Administrazioaren antolamendua
Azpigaia: Gobernua eta herri administrazioa

Deskribapenak

Testu legala

Aurkibidea erakutsiAurkibidea ezkutatu

- EBAZTEN DUT :

Gizarte-bizitzan euskara sustatzeko, garatzeko edota normalizatzeko dirulaguntzak emateko araubidea ezartzeko (Euskalgintza deialdia) Kultura eta Hizkuntza Politikako sailburuak 2020ko apirilaren 7an emandako aginduak finkatutakoari jarraituz (2020ko apirilaren 15eko EHAA, 71. zk.) eta, aldi berean, balorazio-batzordeak eginiko proposamena gogoan izanik, honako hau

EBAZTEN DUT :

1. artikulua Dirulaguntzarik ez ematea I. eranskinean zehazten diren egitasmoei, ematea agindu horretan finkatutako baldintzetako bat ez betetzeagatik.

2. artikulua Diruz laguntzea agindu horretan finkatutako baldintzak bete dituzten egitasmoak (II. eranskina).

3. artikulua Interesatuei ebazpen honen berri ematea.

4. artikulua Diruz lagundutako egitasmoen berri Euskal Herriko Agintaritzaren Aldizkarian argitaratzea, herritar orok jakin dezan eta ebazpenak jakinarazpenaren ondorioak izan ditzan. Hala ere, argitalpena ez da oztopoa izango beste mota bateko jakinarazpena egiteko. Interesdunari bide batetik baino gehiagotatik egiten bazaio jakinarazpena, lehenik egin zaionarena hartuko da jakinarazpen-datatzat.

5. artikulua Laguntza-eskatzaileren bat ados ez badago hartutako ebazpenarekin, eta gora jo nahi badu, ebazpena jakinarazi eta hurrengo egunetik aurrera hilabeteko epean gorako errekurtsoa aurkez diezaioke Kultura eta Hizkuntza Politikako sailburuari.

Vitoria-Gasteiz, 2020ko irailaren 1a.

Hizkuntza Politikarako sailburuordea,

MIREN DOBARAN URRUTIA.

(Ikus .PDF)