1. – Leioako Erizaintzako Unibertsitate Eskola Bizkaiko Campusean Euskal Herriko Unibertsitateak daukan ikastegietako bat da eta, bere eskumenen arloan, unibertsitate mailako ikasketak ematen dituen zerbitzu publikoa.

2. – Unibertsitateko ikasketak antolatzen ditu, eta I. eranskinean jasotako tituluak lortzera edo ikasketa eskaintza betetzera bideratutako akademia eta administrazio arloko prozesuak zuzendu eta gestionatzen ditu (betiere, eskolari dagokion arloan).

1. – Euskal Herriko Unibertsitateko Leioako Erizaintzako Unibertsitate Eskola honakoa hauei jarraituz arautuko da: indarreko legediari, UPV/EHUko Estatutuei, arautegi honi eta aplika dakiokeen gainerako arautegiari.

2. – Euskal Herriko Unibertsitateko Leioako Unibertsitate Eskolaren egoitza: Sarriena auzoa, zg 48940, Leioa.

3. – Eskolan egoitza daukaten sailak eta eskolak ematen dituzten sailak I. eranskinean daude jasota.

4. – Zuzendaritzak eskolako jarduerak direla-eta izan daitezkeen kexa, erreklamazio eta iradokizunak jasoko ditu protokolo honi jarraituz: paperean edo horretarako egokitutako prozedura telematikoen bidez aurkeztu ahal izango dira, azaroaren 26ko 30/1992 Legeak, Herri Administrazioen Araubide Juridikoaren eta Administrazio Prozedura Erkidearenak, 45. artikuluan zehaztutakoari jarraituz. Erreklamazioak, iradokizunak eta kexuak behar adinako identifikazioarekin aurkeztuko dira; dena dela, zuzendaritzak isilpean gorde beharko du informazio hori. Hamabost egun balioduneko epean ebatzi beharko dira eta erabaki arrazoitua helarazteko, eskari egileak erabilitako bide bera erabiliko da, gutxien dela.

5. – Euskal Herriko Unibertsitateko Leioako Erizaintzako Unibertsitate Eskolaren anagrama 2. eranskinean dago jasota.

1. – Euskal Herriko Unibertsitateko Leioako Erizaintzako Unibertsitate Eskola eskolako kideek eta eskolara atxikitako gainerakoek osatzen dute.

2. – Euskal Herriko Unibertsitateko Leioako Erizaintzako Unibertsitate Eskolako kide dira:

   1. Ofizialki ikastegira atxikita dauden irakasle guztiak.

   2. Eskolan irakasten diren titulazio eta ikasketa ofizialetan matrikulatuta dauden ikasle guztiak.

   3. Eskolara atxikitako administrazio eta zerbitzuetako langileak.

3. – Euskal Herriko Unibertsitateko Leioako Erizaintzako Unibertsitate Eskolara lotuta egongo dira, baina kide izateke, eskolara atxikita egon gabe bertan eskolak ematen dituzten irakasleak, eskolan egoitza daukaten sail edo institutuetako ikertzaileak eta administrazio eta zerbitzuetako langileak, eta ikastegian zerbitzuak ematen dituztenak.

Leioako Erizaintzako Unibertsitate Eskolako eginkizunak dira:

1. Bai irakaskuntzari eta bai gestioari dagokionez, Erizaintzak diplomatua titulua eta eskolari lotutako UPV/EHUko berezko tituluak antolatzea, bai eta bestelako espezializazio ikastaro, etengabeko prestakuntzako edo unibertsitate nahiz kultur hedakuntzako ikastaroak ere.

2. Urtero irakats eskaintza egitea, UPV/EHUko ikasketa programazioaren arabera, bai eta ikasturte bakoitzerako ikasketa planak ere, titulazio bakoitzean eskolak ematen dituzten sail guztiekin koordinaz-ioan.

3. Ikasketa planak onetsi edo aldatzea proposatzea, eta UPV/EHUko beste organo batzuek halakorik proposatzen dutenean eta horrek eragiten dionean, ikasketa planak onetsi edo aldatzeko prozesuetan parte hartzea.

4. Eskolan ematen diren titulazioen funtzionamendu orokorra ebaluatzea.

5. Irakasleek eta administrazio eta zerbitzuetako langileek euren eginbeharrak betetzen dituztela jagotea.

6. Eskolaren aurrekontuko hornidura gestionatzea eta atxikita dauzkan baliabideak administratu eta langileak gidatzea.

7. Eskolaren urteroko plana garatu eta betetzea.

8. Urteko memoria egitea.

9. Hizkuntza plangintza orokorra garatu eta ikastegira egokitzea.

10. Etengabeko hobekuntza bultzatzea, eta langileen trebetasun pedagogikoa nahiz prestakuntza eguneratzea.

11. UPV/EHUko gainerako organoei laguntzea euren eginkizunak betetzen.

12. Zientzia, teknika, arte eta giza zientzien arloko jarduerak bultzatzea, eta espezializazio nahiz unibertsitate hedakuntzarako ikastaroak sustatzea.

13. Legeak, Estatutuek edo unibertsitate arautegiak bere gain uzten dituzten gainerako eginkizun guztiak.

14. Kideko beste ikastegi batzuekin irakaskuntzako eta ikerketako jarduerak koordinatzea lankidetzarako hitzarmenen bidez.

1. – Hauek izango dira Eskolako Batzarraren osakideak: zuzendaria (batzarraren burua izango da); idazkari akademikoa; eskolako administratzailea; zuzendariordeak (berezko kide izango dira); eta kide hautatuak, unibertsitateko taldeen arabera banatuak.

2. – Kide hautatuak unibertsitateko taldeen artetik aukeratuko dira sufragio unibertsal bidez. Guztira 30 kide izango dira era honetara banatuta: unibertsitatearekin lotura iraunkorra duten irakasleen taldeko 16 ordezkari; kontratatutako langileen 4 ordezkari; ikasleen 6 ordezkari; eta administrazio eta zerbitzuetako langileen 4 ordezkari.

   Zuzendariak, zuzendaritza taldeko kideen izendapenak proposatzean, kontuan izan beharko du Eskolako Batzarreko kideen % 51 unibertsitatearekin lortura iraunkorra duten irakasleen taldekoa izan behar dela.

3. – Eskolako Batzarrak bere arautegia izango du funtzionamendurako, eta kide hautatuak lau urterik behin aldatuko dira. Salbuespena ikasleen ordezkariak izango dira, horiek urtero aldatuko baitira.

4. – Eskolako Batzarreko kideak hautatzean bete egin beharko da Estatutuek xedatutakoa eta UPV/EHUko Hauteskunde Arautegi Orokorrean zehaztutako prozedura.

1. – Eskolako Batzarra da kide anitzeko ohiko gobernu organoa ikastegian.

2. – Eskolako Batzarrak ikastegiaren bizitza akademikoan eragina daukaten oinarrizko erabaki guztiak hartu behar ditu, batez ere honakoak:

   1. Ikastegiaren arautegia, eta arautegian egin beharreko aldaketak, prestatu eta Gobernu Kontseiluari proposatzea, hark onar dezan.

   2. Eskolako zuzendaria aukeratzea.

   3. Gobernu organoei irakasleen plantillan eta administrazio eta zerbitzuetako langileen plantillan dauden beharrizanak aurkeztea.

   4. Unibertsitateko planetan biltzen diren helburuak eskolara egokitzeko plana onartzea.

   5. Hizkuntza normalkuntzako planak betetzeko eta plan horiei jarraipena egiteko ikastegiak dauzkan premien memoriak aurkeztea Campuseko Errektoreordetzari, hark errektoreari edo, hala dagokionean, Gobernu Kontseiluari bidera diezazkion.

   6. Eskolara atxikitako irakasle lanpostuen eskariez iritzia ematea.

   7. Ikasketa planak eta euren aldaketak egin eta proposatzea Gobernu Kontseiluari, bai eta titulazioak ezarri, aldatu eta kentzeko proposamenak ere.

   8. Irakasteko behar diren azpiegituren planak edo irakaskuntzan nahiz ikerkuntzan sortutako bestelako premien planak aztertu eta onartzea, kontuan hartuta ikastegiari atxikitako sail edo sail atalen iritzia.

   9. Ikastegiak eskaintzen dituen ikasketen kalitatea aldiro ebaluatuko dena bermatzea, eta unibertsitatearen zerbitzu publikoa hobetzeko neurriak proposatzea.

   10. Bere zereginak betetzeko egoki diren batzordeak eratzea.

   11. Irakasleen eta ikasleen ordezkaria izendatzea Campuseko Batzarrerako. Ikasleen ordezkaria izendatzeko proposamena eskolako Ikasleen Kontseiluak egingo du.

   12. Eskolak, beharrezkoa izanez gero, bere esker ona adierazteko erabiliko dituen moduak zabaldu eta arautzea.

   13. Eskolako kide bakarreko edo kide anitzeko organoek edo taldeen ordezkariek behar bezala aurkeztutako edo proposatutako gaien inguruko erabakiak hartzea bere eskumenen babesean.

   14. Estatutuek eta beroriek garatzen dituzten arauek bere gain uzten dituzten gainerako eginkizun guztiak, edo UPV/EHUko beste gobernu organoek eskuordetzen dizkionak.

3. – Eskolako Batzarrak ohiko bileran eztabaidatu eta bozkatuko ditu urteko memoria, eginkizun plana eta urteko txosten ekonomikoa. Dokumentu horiek zuzendariak aurkeztuko ditu bileran. Memoria eta eginkizunen plana behin onartuta, Campuseko Batzarrari eta Gobernu Kontseiluari bidaliko zaizkio, jakitun egon daitezen.

Eskolako Batzarrak taldeka daukan ordezkari banaketa bera izango du eta Eskolako Batzarrak eskuordetuko eskumenak izango ditu. Honakoak izango dira kide: zuzendaria (batzordearen burua izango da), idazkari akademikoa, eskolako administratzailea, zuzendariordeak, unibertsitatearekin lotura iraunkorra duten irakasleen ordezkari bat, kontratatutakoen ordezkari bat, administrazio eta zerbitzuetako langileen ordezkari bat eta ikasleen bi ordezkari. Batzorde Iraunkorra osatzean kontuan izan beharko da kideen % 51 unibertsitatearekin lortura iraunkorra duten irakasleen taldekoa izan behar dela.

1. – Batzorde Iraunkorraren eginkizunak dira:

   1. Batzarrari ekimen berriak proposatzea eta horiek koordinatzea.

   2. Batzarrari aurkeztu beharreko aurrekontua egitea eta aztertzea.

   3. Eskolaren kontrol ekonomikoa egitea.

   4. Premiazko gaiak ebaztea.

   5. Eskolako Batzarrak eskuordetutako gainerakoak.

   6. Edozelan ere, Batzarrak ezin izango ditu eskuordetu UPV/EHUren Estatutuetako 276. artikuluko lehen ataleko a), b), i), eta j) paragrafoetan aipatutako eginkizunak.

1. – Eskolak honako batzordeak izango ditu:

   1. Akademia Antolakuntzako eta Ikasketak Baliozkotzeko Batzordea.

   2. Euskara Batzordea.

   3. Kalitate Batzordea.

   4. Ikasketa Planen Batzordea.

   5. Praktika Batzordea.

2. – Honakoa izango da batzordeen osaera: zuzendaritzako bi kide, zuzendariak izendatuak eta bietako bat batzordearen buru izango da; unibertsitatearekin lotura iraunkorra daukaten irakasleen bi ordezkari; kontratudunen bi ordezkari; administrazio eta zerbitzuetako langileen ordezkari bat; eta ikasleen ordezkari bat. Ez da Eskolako Batzarreko kide zertan izan batzordeetako kide izateko. Idazkaria batzordeak egiten duen lehenengo bileran aukeratuko da.

3. – Akademia Antolakuntza eta Ikasketak Baliozkotzeko Batzordearen burua zuzendaria izango da, edo hark bere ordez izendatzen duen pertsona, eta era honetara egongo da osatuta: hiru irakasle (ikastegian irakasten diren titulazio bakoitzeko gutxienez bat) eta horietako bat idazkaria izango da; eta titulazio bakoitzeko ikasleen ordezkaria. Ez da izango beharrezkoa Eskolako Batzarreko kide izatea batzorde honetan aritzeko. Batzorde honek, eskuordetuko zaizkion eginkizunez gain, ikasketak baliozkotzeko eta aukera askeko kredituak amortizatzeko ikasleek aurkeztuko dituzten eskariak ebatziko ditu, indarreko legeriari jarraiki. Batzorde horrek hartutako erabakien aurkako errekurtsoak errektoreari aurkeztu ahal izango zaizkio. Eskolako zuzendaritzak bermatu du ikastegiko kasuan kasuko bulegoak aholkularitza teknikoa emango diola batzordeari.

4. – Euskara Batzordea parte-hartze eta aholkularitza organoa da eta euskararen erabilera sustatzea du helburu.

   Euskara Batzordearen eginkizunak dira:

   1. Eskolan euskarari buruzko planen inguruko informazioa eta aholkua eman eta proposamenak egitea.

   2. Eskolan plan espezifikoak antolatu eta bultzatzea, elebitasunean aurrera egiteko.

   3. Sailen lana koordinatzea euskarazko irakaskuntza ezarri eta euskaraz irakatsi eta ikertzeko oinarrizko material espezifikoak prestatzeko.

   4. Euskarako irakaskuntza ezartzerakoan eta irakasle eta administrazio eta zerbitzuetako langileen euskalduntze eta prestakuntza prozesuan bere iritzia aintzat hartzea.

5. – Kalitate Batzordea aholku organoa izango da eta ondoko planen jarraipena egingo du: ikastegiaren hobekuntza planarena, Gestiorako Urteko Planarena, Prestakuntza Planarena eta ikastegiko kalitatearen gestio sistemarekin zerikusirik daukaten gainontzekoena.

6. – Ikasketa Planen Batzordea aholkularitza organoa izango da eta ikasketa planetan egoki diren aldaketak proposatu eta espezialitate berriak sortzeko ahalegina egingo du.

7. – Praktiketako Batzordea aholkularitza organoa da eta ospitaletan, ospitaletatik kanpo eta gizarte eta osasun zentroetako praktikak antolatzeko proposamenak egingo ditu, betiere, sinatutako hitzarmenei jarraituz eta sailen eskumenei kalterik eragin gabe. Batzordea arduratuko da, era berean, ikasleek praktikak bete egiten dituztela gainbegiratzeaz.

1. – Bileretarako deiak ohikoak eta ezohikoak izango dira.

2. – Bileretarako deiak, oro har, ohikoak izango dira. Eskolako Batzarrak ohiko bilera bi egingo ditu, gutxienez, seihileko bakoitzean.

3. – Ezohiko bilera egingo da bileran aztertuko den gaiak hala eskatzen duenean eta, baita ere, arautegi aplikagarriak xedatutako kasuetan. Ezohiko bileretako aztergaien zerrendan ez dira agertuko gai hauek: aurreko akten onespena eta galde-eskeak.

4. – Presazko bilerak ezohikoak izango dira eta deia gutxienez 24 ordu lehenago egin beharko da. Halakoetan, bilera egiteko arrazoia benetan premiazkoa dela onartu beharko da bileraren hasieran. Onartzen ez bada, bilera bertan behera geratuko da besterik gabe.

1. – Kide anitzeko organoetako buruek egin behar dute kasuan kasuko organoaren bilerarako deia. Dena dela, kide anitzeko organoko kideen % 25ek hala eskatzen badute, bilerarako deia egin beharko da. Bilera ezohikoa izango da eta gehienera ere zazpi egun balioduneko epean egingo da, eskaera egiten denetik hasita.

2. – Bilerarako deia organoko idazkariak bideratuko du, denbora nahikoarekin eta, edonola ere, bileraren data baino hiru egun lehenago. Deialdian adieraziko da bilera non egingo den, zein ordutan, eta zeintzuk gai aztertuko diren bertan. Organoko kideek denboraz eskuratu beharko dituzte aztergaiei dagozkien dokumentuak eta, edonola ere, bileraren data baino 24 ordu lehenago.

3. – Ohiko bilerako aztergaien artean, gutxien dela, honakoak zehaztu beharko dira:

   • Aurreko bilerako akta irakurri eta, egoki izanez gero, onartzea.

   • Zuzendariaren txostena.

   • Txosten ekonomikoa.

   • Zuzendariaren proposamena.

   • Galde-eskeak.

4. – Edonola ere, aztergaiak osatzen dituzten puntuak zehatz-mehatz jasoko dira deialdian. Puntu horien artean agertu beharko dira organoko kideen % 10ek, gutxienez, behar den garaian eta moduan eskatutakoak. Eskaria idatziz egin beharko zaio idazkari akademikoari bilera baino gutxienez 48 ordu lehenago. Aztergaietan agertzen ez diren puntuei buruzko erabakirik ezingo da hartu; baina organoko kideen bi heren baino gehiago badaude bileran, eta botazioa eginda gehiengo absolutuak gaia premiazkoa dela uste badu, erabakia hartu ahal izango da.

5. – Organoak jarduera daukan egoitzetan eta gainerako tokietan eman beharko da argitara deialdia, organoko kideei bilerarako deia egiten zaien egun berean, jende guztia jakinaren gainean egon dadin.

1. – Kide anitzeko organoko kide izatea norberari dagokion ezaugarria da eta ezin da beste inoren gain utzi. Estatutuetako 228. artikuluan aipatutako egoeretan utziko dio organoko kide batek kide izateari.

2. – Organoa behin eratuta, hutsik geratuko diren lekuak kasuan kasuko zerrendako ordezkoek beteko dituzte. Aipatutako irizpideari jarraitu ondoren bete gabe geratzen den plaza kopurua talde bateko kideen % 50 baino handiagoa edo organoko kideen % 30 baino handiagoa bada, hauteskunde partzialak egingo dira. Modu horretara hautatuak kide izango dira agintaldia amaitu arte.

1. – Kide anitzeko organoetako kideek organoen bileretara joateko eskubidea eta joan beharra daukate, eta arautegi honek betearazten dizkien eginkizunak betetzekoa. Bileretara joateak unibertsitateko gainerako betebeharrak betetzetik salbuetsiko ditu organoetako kideak, baina kasuan kasuko organoek beharrezko neurriak hartuko dituzte betebehar horiek bete egiten direla eta zerbitzua eman egiten dela bermatzeko.

2. – Kide anitzeko organoko kideek beren eginkizunak betetzeko beharrezko diren agiriak eta informazioa eskura dezakete. Horretarako, idatziz egin beharko diote eskaria idazkari akademikoari bilera baino gutxienez 24 ordu lehenago.

1. – Kide anitzeko organoak balioz eratzeko, beharrezkoa izango da kideen gehiengo absolutua egotea bertan lehen deialdian; edo kideen heren bat, gutxienez, bigarren deialdian. Lehenengo eta bigarren deialdiaren arteko tartea 15 minutukoa izango da. Organoko burua eta idazkaria beti egon beharko dira edo, bestela, euren ordezkoak.

2. – Eskolako Batzarrerako botoa batzarreko beste kide baten esku utzi daiteke. Eskolako Batzarreko kide bakoitzak beste baten ordez baino ezin izango du eman botoa. Organoa eratzeko quorumerako ez dira zenbatuko organoko kideek beste batzuen esku utzitako botoak.

3. – Organoko kideek idatziz adierazi beharko dute beste batzuen esku uzten dituztela botoak, eta idatzi hori bilerako aktari erantsiko zaio.

4. – Organoa bigarren deialdian eratzeko beharrezkoa den quoruma bozketa guztietan izango da beharrezkoa.

1. – Eskolako Batzarraren buruak bilera behar bezala antolatuko du eta, horretarako arrazoirik egonez gero, bertan behera utzi ahal izango du.

2. – Eztabaidak aztergaiei jarraituz egingo dira. Dena dela, beharrezkoa izanez gero, Eskolako Batzarrak bileraren ordena aldatzeko erabakia har dezake, organoko buruak proposamena egin ondoren.

3. – Eskolako Batzarraren buruak, beharrezko ikusten badu, eztabaidaren denbora mugatu ahal izango du, bai eta gaiaren botazioa egin aurretik egon daitezkeen parte hartzeen kopurua ere.

4. – Eskolako Batzarreko kideek aktan agerrarazi ahal izango dute euren botoa eta horren azalpena. Azalpen hori idatziz eman beharko dute botazioa egitean. Unibertsitateko beste organo batzuei egindako proposamenak badira, kideen boto partikularrak beti agerraraziko dira haiekin batera.

5. – Eskolako Batzarraren buruak organoko kide ez diren pertsonak gonbidatu ahal izango ditu bileretara egoki deritzonean, aztergaietako punturen batekin zerikusia daukan iritzia edo informazioa eman diezaioten kide anitzeko organoari. Gonbidatuen izen-abizenak bilerako aktan jasoko dira, botoa emateko eskubidea izango ez duten arren.

1. – Erabakiak hartu ahal izateko, emandako boto baliodunen artetik gehiengo soila behar izango da, Estatutuek edo gainerako lege xedapenek beste gehiengoren bat eskatzen ez duten kasuetan izan ezik. Proposamen bakarra dagoenean, onartua izango da aldeko botoak kontrakoak baino gehiago badira. Bi proposamen daudenean, aldeko boto gehien lortzen dituena onartuko da. Proposamenak bi baino gehiago direnean, emandako botoen gehiengoa lortzen duena onartuko da; edo, lehenengo botazioan boto gehien lortu dituzten bi proposamenak hartuta, bigarren botazioan boto gehien lortzen dituena.

   Berdinketa izanez gero, berriro egingo da botazioa; eta hala ere berdinketa izanez gero, Eskolako Batzarraren buruaren kalitate botoak erabakiko du.

2. – Botazioa isilpekoa izango da Eskolako Batzarreko kideren batek eskatzen duenean. Dena dela, botazioa beti izango da isilpekoa pertsonei buruzkoa denean.

3. – Aurkako botoa ematen dutenek eta horretarako arrazoia azaldu, ez dute erantzukizunik izango kide anitzeko organoak hartutako erabakietan. Ere berean, ez dute erantzukizunik izango botazioan abstenitu egin direnak. Botazioa isilpekoa bada, interesatuak boto txartela emango dio Eskolako Batzarreko idazkariari botazioko unean eta, txartel horrekin batera, emandako botoaren arrazoia azaltzen duen testua. Boto txartela eta testua aktari erantsiko zaizkio.

1. – Idazkariak egingo du bilerako akta. Akta bileran bertan edo hurrengoan onartu beharko da, eta aktaren zirriborroa hurrengo bilerako aztergai zerrendari dagozkion dokumentuekin batera banatuko da. Onartutakoan, idazkariak sinatuko du, eta bilkurako presidentziak ontzat emango.

2. – Aktan honako hauek jasoko dira nahitaez: bilerara etorri direnen eta etorri ez direnen zerrenda; aztergaien zerrenda; bileraren tokia eta eguna; bileran aztertutako puntuak; botazioak (nola egin diren) eta emaitzak; hartutako erabakien edukia eta, egokitzat ikusiz gero, arrazoiaren azalpen laburra.

3. – Aktan boto partikularrak ere jasoko dira, Eskolako Batzarreko kasuan kasuko kideek hala eskatzen badute. Eskolako Batzarreko edozein kidek eskatu ahal izango du bere parte hartzea edo proposamena hitzez hitz jasotzeko aktan. Horretarako, idatziz aurkeztu beharko du testua eskaera egin eta segituan edo, bestela, organoko buruak esango duen moduan.

4. – Eskolako Batzarreko kideek aktan aldaketak egiteko proposamenak egin ahal izango dituzte akta onartzeko unean. Idazkariak proposatu den aldaketa egiaztatuko du, eta gehiengoak aldeko botoa ematen badu, onartu egingo da.

5. – Eskolako Batzarra aldatu baino lehen bilera bat egin beharko da onartzeke dauden akta guztiak onartzeko. Bilera hori egitea ezinezkoa gertatzen bada, akten zirriborroak bidaliko zaizkie kide anitzeko organoko kide zirenei eta hamar eguneko epea emango zaie erreklamazioak egiteko. Ez bada aurkezten erreklamaziorik esandako epearen barruan, aktak onartutzat emango dira; erreklamaziorik aurkeztuz gero, Eskolako Batzar berriak egingo duen lehen bileran onartu beharko dira aktak.

6. – Aktak behin onartuta, bi egun balioduneko epean jendaurrean jarri beharko dira iragarki oholean pertsonen intimitatea babestuta.

1. – Idazkariak Eskolako Batzarrak hartutako erabakien fede eman eta ziurtagiriak egingo ditu.

2. – Eskolako Batzarrak hartutako erabakiak iragarki oholean argitaratuko dira hiru egun balioduneko epean eta noiz argitaratu diren zehaztuta. Erabakiak argitaratzerakoan pertsonen intimitatea babestuta egon behar da. Eskolako Batzarraren buruak eta idazkariak ziurtatu beharko dute hartutako erabakiak argitara ematen direla eta gutxienez hilabete egongo direla argitaratuta jendaurrean. Izan ere, epe horren barruan egongo da aukera kasuan kasuko errekurtsoa aurkezteko errektoreari.

3. – Aipatutakoaz gain, pertsonei buruzko erabakiak jakinarazi egin beharko zaizkie interesatuei. Erabakiak jakinarazpena egiten den unetik aurrera izango ditu ondorioak. Jakinarazpena Administrazio Prozeduraren Legean xedatutako moduan egingo da.

1. – Eskolako Batzarrak hartutako erabakiek onartzen direnetik aurrera izango dituzte ondorioak, erabakian bertan beste ezer adierazi ez bada behintzat. Erabakiak publikoak dira eta unibertsitateko kasuan kasuko organoak jakinaren gainean jarriko dira.

2. – Arautegi honetako 7. artikuluan aipatzen diren kide anitzeko organoek hartzen dituzten erabakien kontra gorako errekurtsoa aurkeztu ahal izango zaio errektoreari, hilabeteko epean.