2006ko abenduaren 15ean, Rafael Sarrionandia jaunak, Smurfit Kappa Nervión SA enpresaren izenean eta ordezkaritzan, Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, kutsaduraren prebentzio eta kontrol integratuari buruzko uztailaren 1eko 16/2002 Legeak xedatutakoaren arabera, Iurretako (Bizkaia) udalerrian zura erabiliz zakutarako kraft orea eta kraft papera fabrikatzeko jarduerarako. Ondorengo dokumentu teknikoak aurkeztu ziren eskaerarekin batera:

Oinarrizko proiektua (2006ko abendua).

Laburpen ez-teknikoa (2006ko abendua).

Erreferentziako baimena eskatzeko unean, Smurfit Kappa Nervión SA enpresak, besteak beste, baimen hauek zituen: hondakin arriskutsuak ekoizteko baimena, 2003ko abuztuaren 26koa; industria-hondakin geldoen ekoizleen erregistroko inskripzioa, 2006ko ekainaren 12koa; Bilbao Bizkaia Ur Partzuergoaren kolektorera isurtzeko baimena, 2004ko maiatzaren 6koa, eta ondorengo zabaltze eta berritzeak.

2006ko urtarrilaren 23an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki Iurretako Udalari, Eusko Jaurlaritzako Osasun Sailari eta Bilbao Bizkaia Ur Partzuergoari eskatu zien.

2007ko otsailaren 19an, ingurumen organoak agiri osagarriak eskatu zizkion sustatzaileari; espedientea 2007ko ekainaren 8an osatu zen.

2007ko maiatzaren 7an proiektuak Iurretako hirigintza-plangintzarekin duen bateragarritasunari buruzko udal-txostena gehitu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako ebazpenaren bidez, jendaurrean jarri zen 30 egun balioduneko epean, Smurfit Kappa Nervión SA enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko abenduaren 3an. Era berean, ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegazio bat dagoela egiaztatu da, eta Ebazpen honen I. eranskinean jaso da laburbildurik.

Uztailaren 1eko 16/2002 Legearen 17. eta 18. artikuluetan xedatutakoa betez, Ingurumenaren Kalitatearen Zuzendaritzak, 2008ko martxoaren 18an, txostena eskatu zien Iurretako Udalari, Bilbao Bizkaia Ur Partzuergoari, eta Bizkaiko Osasun Publikoko Zuzendariordetzari.

2008ko otsailaren 4an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Smurfit Kappa Nervión SA enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituz.

2008ko otsailaren 1ean sustatzailearen jakinarazpena jaso zen. Jakinarazpen horretan hainbat ohar egiten ziren Ingurumeneko Baimen Bateratuaren ebazpen-proposamenari lotuta.

Uztailaren 20an 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Smurfit Kappa Nervión SA enpresaren kasuan, baimen hauek guztiak behar ditu: hondakin ez-arriskutsuak kudeatzeko baimena; hondakin arriskutsu eta ez-arriskutsuak sortzeko baimena; kolektorera isurketak egiteko baimena; eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta hari aurre hartzeari dagozkionak. Era berean, eskumeneko beste administrazio eta organismo batzuk kasuan kasu txostenak luzatuz egindako parte-hartzea egiaztatu da espedientean.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Smurfit Kappa Nervión SA enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak, eta Iurretako Udalaren eta Eusko Jaurlaritzako Osasun Sailaren txostenak eskatu dira, espedientean agertzen den bezala.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan da teknika erabilgarri onenak. Bereziki, Europako Batzordearen papergintza-arloko 2001eko abenduko «Reference Document on Best Available Techniques in the Pulp and Paper Industry» BREF txostenaren edukia hartu da kontuan.

Espedienteko txostenak eta aurkeztutako alegazio-idazkia aztertu ondoren, horrekin lotuta txostena erantsi da I. eranskinean, eta ebazpen-proposamena egin eta Smurfit Kappa Nervión SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Ildo horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 23an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

Lehenengoa. Helbide soziala Iurretako (Bizkaia) udalerriko Arriando auzoko z./g.an eta IFK: A-48019244 duen Smurfit Kappa Nervión SA enpresari zura erabiliz zakutarako kraft orea eta kraft papera fabrikatzeko ingurumeneko baimen bateratua ematea, Ebazpen honen bigarren atalean ezarritako baldintzekin.

Jarduera uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren, 1. eranskinean jasota dago. Hain zuzen ere, 6.1.a kategorian, «Zura edo zuntzezko beste gai batzuk erabiliz paper-orea fabrikatzeko industria-instalazioak», eta 6.1.b kategorian, «Eguneko 20 tona paper eta kartoi baino gehiago fabrikatzeko gaitasuna duten industria-instalazioak».

Jarduera zura hartuz hasten da, eta kraft papera ontzi eta enbalajeen industriari salduz amaitzen da.

Orea Krat-en sulfatozko RDH prozedura etenaren bidez lortzen da: zura ezpal bihurtuta, lixiba zuriarekin egosten da autoklabe batzuetan 170 ºC-ko tenperaturan, eta zuntzak ligninatik bereizten dira garbitze-prozesu batean. Zuntz horiek kraft orea osatzen dute, eta ligninek likore beltza edo biomasa izeneko erregaia osatzen dute, lurruntze bidez aurrez kontzentratuta erre egiten dena ur-lurruna sortzeko, produktu kimikoak eta energia elektrikoa berreskuratzeko kogenerazio-turbina batean, eta zikloa egoste berrietan ixten da. Gainera, azalak eta biomasa izeneko erregaia, araztegiko lohiak barne, erretzen dituen galdara bat dago, eta ur-lurruna eta energia elektrikoa sortzen da lehen aipatutako turbinan. Galdaren eta elektrizitatea sortzen duen turbinaren multzoa «kogenerazio» izeneko prozesua da, 11 MW-eko potentzia elektrikoa duena.

Kraft orea papera fabrikatzeko lehengaia da. Orea instalazioetan tratatzen da zuntza modu optimoan prestatzeko. Horiek makina batera bidaltzen dira, eta bertan, modu jarraian, paper-orria fabrikatzen da, ura oihal birakari batean xukatuz, ura prentsa birakarietan hutsaren eta presio altuen bidez erauzten segitzen da, eta % 35 eta 39 arteko lehortasuna lortzen da. Hortik aurrera, termikoki lehortzen da 120 eta 140 ºC artean ur-lurrunarekin. Urrats bakoitzean, orri hezeak ukipenean dagoen arrabolaren tenperatura hartzen du, orrian tenperatura horretan lortutako ura berotu egiten da, eta ukipen hori uzten duenean, orria aire bero eta lehorreko korronte batean dago, eta bat-bateko lurruntze bat gertatzen da gainazal osoan. Mekanismo hori paper-makina bakoitzak dituen zilindro lehortzaile adina aldiz gertatzen da, eta papera lehor geratzen da, eta merkataritzako tamaina duten bobinetan bildu eta mozten da.

Papera fabrikatzean, zelulosa-oreari produktu kimikoen proportzio txikiak gehitzen zaizkio fabrikazioko pH optimoa kontrolatzeko eta ezaugarri fisiko-kimiko batzuk lortzeko.

Instalazioak urtean 141.600 t lehor kraft ore ekoizteko ahalmena du, eta zakutarako 129.000 t/urte kraft paper.

Ekoizte-prozesurako erabilitako energia-baliabideak energia elektrikoa, gas naturala, fuel-olioa, gasolioa, likore beltza eta azalak dira. Energia elektrikoa ekoizte-prozesu osoan erabiltzen da, eta urtean 171.745 MWh kontsumitzen dira. Gas naturala azal-galdaran, likore beltzaren galdaran, paper-makinan eta galdara osagarrian erabiltzen da, eta urtean 1.359.231 m3 kontsumitzen dira. Fuel-olioa likore beltzaren galdaran erabiltzen da, eta urtean 1.260 t kontsumitzen dira. Gasolioa orea eta papera fabrikatzeko prozesuetan eta tailer mekanikoan eta zerbitzu orokorretan erabiltzen da, eta urtean 6.821 l kontsumitzen dira. Likore beltza kraft orea fabrikatzeko erabiltzen da, likore beltzaren galdaran, eta urtean 172.970 t lehor kontsumitzen dira. Azalak kraft orea fabrikatzeko kontsumitzen dira, azal-galdaran, eta 85.288 t heze kontsumitzen dira.

Oromiño eta Ibaizabal ibaietako ura kontsumitzen da papera fabrikatzeko prozesuetan, eta udal-sareko ura zerbitzu orokorretarako. Oromiño ibaian bildutako ura 2.582.658 m3/urte da, Ibaizabal ibaian bildutakoa 135.929 m3/urte, eta sareko uraren kontsumoa 30.786 m3/urtekoa da.

Instalazioan puntu bat dago industria-urak, ur beltzak, hoztekoak eta fabrikako euri-urak isurtzeko, eta araztegi batetik igaro ostean, Bilbao Bizkaia Ur Partzuergoaren kolektorera isurtzen dira. Urtean 2.058.569 m3-ko emaria isurtzen da.

Hondakin-urak arazteko instalazio bat dago, arbastu mekanikoko tratamendu fisiko-kimikoa, homogeneizatzea, koagulatze/malutatzea, pH-a doitzea, lohiak dekantatu eta loditzea egiten duena, eta ur tratatuaren batez besteko emaria 250 m3/h-koa da.

Instalazioak isuri atmosferikoen 10 foku ditu: bat likore beltzaren galdararena; beste bat azal-galdararena; beste bat gasa erretzeko kanpaiarena; beste bat galdara osagarriarena; beste bat kaustifikazio-instalazioarena; beste bat ur beltzak lekualdatzeko tangarena; beste bat disolbagailuarena; beste bat agoarrasa haizatzeko tangarena; beste bat blowtank-aren (puzte-tanga) irteerarena, eta beste bat lurrungailuena.

Tratamendu-sistema gisa, hauspeatzaile elektrostatikoak daude, bat likore beltzaren galdararen fokuan, eta bestea azal-galdaran.

Hondakin arriskutsuak sortzen dituzten prozesuak zura prestatzea, zura egostea, orea ikuzi eta araztea, lixibak berreskuratzea, papera fabrikatzea, hondakin-uren tratamendua eta zerbitzu orokorrak dira.

Ekoizte-prozesuek teknika erabilgarri onenak dituzte, Europako Batzordearen 2001eko abenduko «Reference Document on Best Available Techniques in the Pulp and Paper Industry» BREF agirian jasota daudenak. Teknika erabilgarri onenak hauek dira: zura lehorrean zuritzea, RDH sistemaren bidez egostea, orea mahai lauaren eta bi iragazki presurizatu birakariren bidez araztu eta garbitzea, ur alkalinoak oreen loditasun handiko dorreetako diluziorako birziklatzea, lurruntzeko instalazioko kondentsatuak berrerabiltzea, likoreak biltegiratzeko tangak, likore beltza lurruntzeko sistema, hozteko ur garbiak berreskuratu eta berrerabiltzeko galdara, homogeneizatzeko tanga, hondakin-uren tratamendu primarioa, O2 eta CO neurgailuak, galdaretako SO2 isurien kontrola likore beltza solido lehorren % 65ekin errez, NOX isurien kontrola berreskuratze-galdaran nahasketa egokiaren bidez, NOX erregailua galdara osagarrietan, SO2-aren kontrola galdara osagarrietan, bi fokutan hauts-isuriak murriztea prezipitagailu elektrostatikoen bidez, prozesu-urak murriztu eta birziklatzea, zuntzak eta hondakinak berreskuratzea, hondakin-urak homogeneizatzeko putzuen bidez tratatzea, kaustifikazio-hondakinak eta azal-galdarako errautsak baliotzea zementu-sektorean.

Bigarrena. Smurfit Kappa Nervión SA enpresak Iurretako udalerrian zura erabiliz zakutarako kraft orea eta kraft papera fabrikatzeko jarduera ustiatzeko baldintza eta betekizun hauek ezartzea

1. Erantzukizun zibileko aseguru bat eratu beharko da seiehun mila euroko (600.000) zenbatekoaz, ondorengoak estaliko dituena: hirugarren pertsonei edo horien ondasunei sortutako balizko kalteengatiko kalte-ordainak, eta baimen honek onartutako jardueraren ondorioz ingurumen aldatua konpondu eta berreskuratzeko kostuak.

   Aseguru horren zenbatekoa urtero eguneratuko da, aurreko 12 hilabeteetako kontsumo-prezioen indizearen arabera (KPI) handituz.

2. Smurfit Kappa Nervión SA enpresak administrazioarekiko harremanen ardura duen goi-mailako tituludunari buruzko datu hauek jakinaraziko dizkio Ingurumen Sailburuordetzari: izen-abizenak, helbidea eta titulazioa.

3. Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1. Hondakin ez-arriskutsuak manipulatu eta biltegiratzeko baldintzak eta kontrolak.

   Smurfit Kappa Nervión SA enpresak, zura erabiliz zakutarako kraft orea eta kraft papera fabrikatzeko jardueran, azal-galdaran bere instalazioan sortutako hondakin ez-arriskutsu batzuk erreko ditu.

   1.1. Hondakinak onartzeko baldintzak.

1. Azal-galdaran erretzeko onar daitezkeen hondakin ez-arriskutsuak hauek dira:

   Hondakina HEZ kodea

   Lehen transformazioko zura (tratatu gabeko azalak eta lakak) 03 03 01

   Instalazioko bertako araztegiko lohiak 03 03 11

2. Hondakin ez-arriskutsuen autokudeaketa baldintza hauekin egingo da:

   Urtero, «araztegiko lohiak» hondakinaren karakterizazio bat egingo da, Smurfit Kappa Nervión SA enpresaren instalazioetan tratatzeko aukera ziurtatuko duena.

   Inola ere ezingo dira baimen honetan adierazitakoak ez diren hondakinak kudeatu.

   Urtero, autokudeatutako «araztegiko lohiak» hondakinaren bero-ahalmena zehaztuko da.

   Atal honi jarraituz urtero igorri behar den informazioaz gain, araztegiko lohiak hondakinaren karakterizazioa ingurumeneko baimen bateratua eraginkor egiteko ebazpena eman aurretik igorriko da Ingurumen Sailburuordetza honetara. Karakterizazio horretan hondakineko landare-zuntzen ehunekoa zehaztuko da.

   1.2. Hondakinak biltegiratzeko baldintzak.

   Hondakina biltegiratzeko guneak lurzoru estankoa eta atxikipen-kubeta izango ditu, ustekabeko isuriak kanpora irtetea saihesteko.

   1.3. Biomasaren eta hondakin autokudeatuen kontrolen erregistroa.

   Ebazpen honen C.2.3.2.e atalak aipatzen duen sortutako hondakin ez-arriskutsuen erregistroan azal-galdaran autokudeatutako hondakinen dosifikazio- eta tratamendu-eragiketak jasoko dira, eta gutxienez datu hauek agertuko dira bertan:

   biomasa onartua (hileko laburpena) - biomasa onartuaren izaera eta kopurua

   biomasaren jatorria eta prozesu mota

   biomasa garraiatzen duen enpresa, behar bada

   biomasa baliotua (hileko laburpena) - biomasa baliotuaren kopurua (frakzioka, lohiak barne)

   biomasa baztertua (denbora errealean eta hileko laburpena) - biomasa baztertuaren kopurua

   biomasa baztertuaren jatorria

   biomasa baztertzearen kausa

   biomasa baztertuaren azken helmuga

   Titularrak erabili behar duen erregistro-eredua aurkeztu beharko du Ingurumen Sailburuordetzan, horrek onar dezan. Erregistro horren kopia igorri beharko da ingurumen-organo honetara sei hilero (bi alditan zatituta, urtarriletik ekainera eta uztailetik abendura).

   2. Instalazioaren funtzionamendurako baldintza orokorrak.

   2.1. Airearen kalitatea babesteko baldintzak.

   2.1.1. Baldintza orokorrak.

   Smurfit Kappa Nervión SA instalazioa ustiatzean atmosferara egingo diren isurtzeek ez dituzte Ebazpen honetan ezarritako balioak gaindituko.

   Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

   Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

   Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   2.1.2. Fokuak identifikatzea. Katalogazioa.

   Smurfit Kappa Nervión SA instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

   Foku zk. Erregistro-liburuan duen izena Isurtze-fokuaren izena Garaiera

   (m) Barne-diametroa (m) Katalo

   gazioa UTM koordenatuak

   X Y

   1 48007292-01 Likore beltzaren tximinia 55 3,43 A 527131 4781442

   2 48007292-02 Azal-galdararen tximinia 56 1,12 A 527146 4781401

   3 48007292-03 Gas-errekuntzarako kanpaiaren tximinia 20 0,564 C 527201 4781514

   4 48007292-04 Galdara osagarriaren tximinia 17,045 1,2 B 527094 4781433

   5 48007292-05 Kaustifikazioa 18,3 0,25 A 527206 4781368

   6 48007292-06 Ur beltzak lekualdatzeko tanga (Chemiwasher) 36,81 0,35 A 527023 4781463

   7 48007292-07 Disolbagailua 43,72 1 A 527180 4781420

   8 48007292-08 Agoarrasa haizatzeko tanga 34,5 0,9 A 527011 4781464

   9 48007292-09 Blowtank-aren irteera (puzte-tanga) 39,6 0,5 A 527003 4781449

   10 48007292-10 Lurrungailuak 20,9 0,16 A 527095 4781404

   Gainera, hauts-isuri barreiatuak sortzen dira ezpalak biltegiratzeko parkean. Lurrun-isuriak ere sor daitezke lixiba beltzen andeletan.

   Ur-lurrunak soilik isurtzen diren fokuetan, zer prozesuri lotuta dauden adierazi eta desklasifikazioa eskatu beharko da.

   2.1.3. Isurtzeko muga-balioak.

   Instalazioa ustiatzean egingo diren isuri atmosferikoek ez dituzte isurtzeko muga-balio hauek gaindituko:

   Fokua(k) Substantziak Isurtzeko muga-balioak

   1 Partikulak (mg/Nm3) 100

   Sufre dioxidoa (SO2) (mg/Nm3) 300

   Nitrogeno oxidoak (NOX) (ppm) 300

   Azido klorhidrikoa (HCl) (mg/Nm3) 50

   Guztizko sufre murriztua (TRS) (mgS/Nm3) 7,5

   2 Partikulak (mg/Nm3) 50

   Karbono monoxidoa (CO) (ppm) 1.445

   Nitrogeno oxidoak (NOX) (ppm) 300

   3 Karbono monoxidoa (CO) (ppm) 500

   Nitrogeno oxidoak (NOX) (ppm) 300

   4 Karbono monoxidoa (CO) (ppm) 500

   Nitrogeno oxidoak (NOX) (ppm) 300

   5 Guztizko sufre murriztua (TRS) (mgS/Nm3) 7,5

   6 Guztizko sufre murriztua (TRS) (mgS/Nm3) 7,5

   7 Guztizko sufre murriztua (TRS) (mgS/Nm3) 7,5

   Partikulak (mg/Nm3) 150

   8 Guztizko sufre murriztua (TRS) (mgS/Nm3) 7,5

   9 Guztizko sufre murriztua (TRS) (mgS/Nm3) 7,5

   10 Guztizko sufre murriztua (TRS) (mgS/Nm3) 7,5

   Balio horiek baldintza hauek dituzte: 273 ºK-eko tenperatura, 101,3 kPa-ko presioa eta gas lehorra.

   Neurtutako parametroek ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

   Etengabe neurtutako parametroei dagokienez, isurtzeko muga-balioak betetzen direla ulertuko da, urtebetean neurtutako orduko batez besteko balio balioztatuen % 94k ezarritako muga gainditzen ez badu.

   Konfiantza-tartearen balioak 100eko 95ean, isurtzeko gehienezko balioetan, ez ditu isurtzeko muga-balioaren ehuneko hauek gaindituko: sufre dioxidoa eta TRS, % 25; guztizko partikulak, % 30.

   Orduko batez besteko balio balioztatuak benetako ustiapen-epean zehar zehaztuko dira, orduko batez besteko baliozko balioak oinarri hartuta, eta horiek lehen zehaztutako konfiantza-tartea kendu ondoren neurtuta.

   Erregistro-denbora ez-baliozkotzat jotzen dira neurketa-ekipoen mantentze-lanak, matxurak edo funtzionamendu okerra.

   Uztailaren 1eko 16/2002 Legearen 22.2 artikulua aplikatuz, 1. fokuari, «likore beltzaren tximinia», dagokion parametroa, eta 5-10 fokuei dagokien TRS parametroa isurtzeko muga-balioak betetzetik salbuetsiko dira aldi baterako.

   Ebazpen hau jaulkitzen denetik gehienez 18 hilabeteko epean, ingurumeneko baimen bateratu honetan ezarritako isurtzeko muga-balioak betetzeko behar diren ekipoak instalatu eta abian jarriko dira. Isurtzeko balioak betetzeko egokitze-plan bat aurkeztu beharko da, gertaera definituak dituen kronograma eta burutzeko aurrekontua barne hartuta.

   Une hori iritsi arte, 1. fokuak partikulen isurtzeko muga-balio hauekin jardun ahal izango du: 150 mg/Nm3.

   2.1.4. Gasak biltzeko eta husteko sistemak.

   Fokuetako hondar-gasak kanporatzeko tximiniek ez dute C.2.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

   Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 8D eta L2 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

   Zehazki, sarbide, plataforma eta baranda-kontuetan, eta tximiniak eta isurtzeko hodiak egokitzeko gaietan, kontuan izan beharko da isurtzeak neurtzeko sistema jarraikiak kalibratzeko instrukzio teknikoan ezarrita dagoena; ikuskarientzako segurtasun-bermea izan beharko dute.

   Halaber, neurketa eta irakurketa ofizialak aldez aurretik abisatu gabe egiteko beharrezko gutxienekoak izango dituzte (argindarra eta beste batzuk).

   Ezpalak biltegiratzeko parkean isuri barreiatuak minimizatzearren, kamioak arrastez deskargatuko dira, iraulkirik gabe, eta ezpalak pala bidez jarriko dira uhal garraiatzailean, siloetara garraiatzeko.

   2.2. Saneamendu-sarera isurketak egiteko baldintzak.

   2.2.1. Isurketen sailkapena, jatorria, ingurune hartzailea eta kokapena.

   Isurketa-

   puntua Hondakin-ur mota Isurketaren jatorria Ingurune hartzailea Isurketa-puntuaren UTM koordenatuak

   1 Industria-urak, hoztekoak, sanitarioak eta euri-urak Fabrikatze-prozesua, hoztea, fabrikako euri-urak eta zerbitzu sanitarioak Bilbao Bizkaia Ur Partzuergoko kolektorea X: 527.037

   Y: 4.781.497

   2.2.2. Gehienez isur daitezkeen emari eta bolumenak.

   Orduko puntako emaria 500 m3/h

   Eguneko gehienezko bolumena 12.000 m3/egun

   Urteko gehienezko bolumena 3.285.000 m3/urte

   2.2.3. Isurtzeko muga-balioak.

   Bilbao Bizkaia Ur Partzuergoko kolektorera doazen isurketei buruzko araudian agertzen diren mugak eta baldintzak bete behar ditu akaberako isurketak, erakunde horrek aintzat har ditzakeen zehaztapen, aldaketa edo salbuespenekin.

   Ezin dira diluzio-teknikak erabili isurtzeko muga-balioak lortzeko.

   2.2.4. Araztu eta husteko instalazioak.

   Hondakin-urak arazteko instalazioek edo hondakin-uren neurri zuzentzaileek hondakin-urak arazteko instalazio bat dute, funtsean arbastu mekanikoko tratamendu fisiko-kimikoa, homogeneizatzea, koagulatze/malutatzea, pH-a doitzea, lohiak dekantatu eta loditzea egiten duena, eta ur tratatuaren batez besteko emaria 250 m3/h-koa da.

   Hartutako neurri zuzentzaileak nahikoak ez direla ikusiz gero, Smurfit Kappa Nervión SA enpresak behar beste aldaketa egingo ditu arazketa-instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

   Aurkeztutako agirien arabera, isurketak kontrolatzeko kutxeta bat jarriko da baimendutako hondakin-ur mota bakoitzerako; kutxeta horiek isurketen lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

   Kasu honetan, efluenteak kontrolatzeko nahitaezkoa da ondorengo elementuak izatea:

   TOD bat homogeneizatzeko putzuaren sarreran pH neurgailua eta konduktibitate-neurgailua malutatzeko ganberaren sarreran.

   • Phneurgailu bat eta konduktibimetro bat malutapen ganberako sarreran.

     Emari-neurgailua, turbidimetroa eta TOD bat isurketa-puntuan.

     2.3. Instalazioan sortutako hondakinak egoki kudeatzen direla bermatzeko baldintzak.

     Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

     Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

     Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

     Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.

     Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

     Hondakinak desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Iurretako Udalean.

     2.3.1. Hondakin arriskutsuak.

     Sustatzaileak adierazitako hondakin arriskutsuak honako hauek dira:

     1. Prozesua: «Zura prestatzea».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     2. Prozesua: «Zura egostea».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     3. Prozesua: «Orea ikuzi eta araztea».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     4. Prozesua: «Lixibak berreskuratzea».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     5. Prozesua: «Papera fabrikatzea».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     6. Prozesua: «Hondakin uren tratamendua».

        Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodifikatuta agertuko dira Zerbitzu Orokorrak prozesuan.

     7. Prozesua: «Zerbitzu orokorrak».

     1. hondakina: «Olio erabilia».

        Identifikazioa: A48019244/4800004776/7/1.

        Hondakinaren kodea: Q7//R9//L8//C51//H5/6//A800//B0019.

        HEZ: 130205.

        Urtean sortutako kantitatea: 9,8 t.

        Hondakinarentzat identifikatutako bidoian jasotzen da sortu den postuan edo postuetan, eta bete ondoren, hondakin-biltegian kokatutako edukiontzi identifikatuetara aldatzen da. Bertan ur- eta olio-faseak bereizi eta ur-fasea arazketa-instalaziora bideratzen da.

     2. hondakina: «Ni-Cd-zko pilak eta pila zapalak».

        Identifikazioa: A48019244/4800004776/7/2.

        Hondakinaren kodea: Q6//R13//S37//C5/11/16//H6/14//A800//B0019.

        HEZ: 200133.

        Urtean sortutako kantitatea: 70 kg.

        Nikela, kadmioa eta merkurioa bezalako metalak dituzten pilak birjartzean sortzen da.

        Hondakinarentzat identifikatutako edukiontzian gordetzen da berariaz adierazitako zona batean.

     3. hondakina: «Hodi fluoreszenteak eta sodio-lurrunezko eta merkurio-lurrunezko lanparak».

        Identifikazioa: A48019244/4800004776/7/3.

        Hondakinaren kodea: Q6//R13//S40//C16//H6//A800//B0019.

        HEZ: 200121.

        Urtean sortutako kantitatea: 550 unitate.

        Lanparak birjartzeko eragiketetan sortzen da Mantentze-lan Orokorra azpiprozesuan; merkurioa duten lanpara erabiliak dira.

        Hondakinarentzat identifikatutako kutxan biltzen dira, horretarako berariaz jarritako gunean.

     4. hondakina: «Ekipo informatiko zaharkituak».

        Identifikazioa: A48019244/4800004776/7/4.

        Hondakinaren kodea: Q14//R4//S40//C6/18//H6/

        14//A800//B0019.

        HEZ: 160213.

        Urtean sortutako kantitatea: 300 kg.

        Ekipo elektrikoak eta elektronikoak birjartzeko eragiketetan sortzen da; baztertutako ekipo ofimatikoak dira.

        Hondakinarentzat identifikatutako gunean biltzen da, kanpoko areto isolatuan.

     5. hondakina: «PKB duten transformadoreak eta kondentsadoreak».

        Identifikazioa: A48019244/4800004776/7/5.

        Hondakinaren kodea: Q12//D13//S-L10//C32//H6/7//A800//B0019.

        HEZ: 160209.

        Urtean sortutako kantitatea: (2011. urtearen aurretik kudeatu beharreko hondakina).

        Mantentze-lan orokorreko azpiprozesuaren hondakin gisa sortzen da; kudeatzaile baimenduari entregatzeko jasotzen dute zuzenean.

     6. hondakina: «Taladrina».

        Identifikazioa: A48019244/4800004776/7/6.

        Hondakinaren kodea: Q7//D13//L9//C51//H5//A800//B0019.

        HEZ: 120109.

        Urtean sortutako kantitatea: 30 kg.

        Mantentze Mekanikoko azpiprozesua mekanizatzeko eragiketetarako taladrinaren erabileraren hondakin gisa sortzen da.

        Hondakin-biltegira eramaten da hondakin horrentzako identifikatutako bidoian bildu ondoren.

     7. hondakina: «Disolbatzaile organiko ez-halogenatuak».

        Identifikazioa: A48019244/4800004776/7/7.

        Hondakinaren kodea: Q7//R13//L5//C41//H3b/5//

        A800//B0019.

        HEZ: 140603.

        Urtean sortutako kantitatea: 1.360 litro.

        Piezen garbiketako eta/edo deskoipeztatzeko eragiketetan sortzen da.

        Hondakina sortzen den puntuan jasotzen da zuzenean kudeatzaile baimenduari entregatzeko.

     8. hondakina: «Laborategiko hondakin zaharkituak».

        Identifikazioa: A48019244/4800004776/7/8.

        Hondakinaren kodea: Q3//D15//L-S40//C24/40/

        41//H8/6//A800//B0019.

        HEZ: 160506.

        Urtean sortutako kantitatea: 113 kg 40 urtean behin.

        Laborategiko produktu iraungi eta/edo zaharkitu gisa sortzen da; batik bat base, azido eta disolbatzaile halogenatu eta ez-halogenatuak dira.

        Hondakina sortzen den puntuan jasotzen da zuzenean baimendutako kudeatzaileari entregatzeko.

     9. hondakina: «Metal astunak dituen analisietako hondar-likidoa».

        Identifikazioa: A48019244/4800004776/7/9.

        Hondakinaren kodea: Q7//D15//L-S27//C7/16/

        18//H8/6//A800//B0019.

        HEZ: 160506.

        Urtean sortutako kantitatea: 153 kg.

        Laborategiko analisietako hondakin gisa sortzen da; batik bat zinka, merkurioa eta beruna duen disoluzio bat da.

        Hondakin horrentzat identifikatutako bidoian biltzen da, horretarako berariaz jarritako gunean.

     10. hondakina: «Produktu kimikoak izan dituzten laborategiko beirazko ontzi hutsak».

         Identifikazioa: A48019244/4800004776/7/10.

         Hondakinaren kodea: Q5//R13//S36//C7/16/18//H5//A800//B0019.

         HEZ: 150110.

         Urtean sortutako kantitatea: 25 kg.

         Batik bat laborategirako metal-gatzen oinarriko produktu kimikoak izan dituzten beirazko ontzi hutsak biltzean sortzen da.

         Hondakin hori identifikatzeko edukiontzian biltzen da laborategian.

     11. hondakina: «Produktu kimikoak izan dituzten laborategiko plastikozko ontzi hutsak».

         Identifikazioa: A48019244/4800004776/7/11.

         Hondakinaren kodea: Q5//R13//S36//C19/24//H5//A800//B0019.

         HEZ: 150110.

         Urtean sortutako kantitatea: 25 kg.

         Batik bat laborategirako metal-gatzen oinarriko produktu kimikoak izan dituzten plastikozko ontzi hutsak biltzean sortzen da.

         Hondakin hori identifikatzeko edukiontzian biltzen da laborategian.

     12. hondakina: «Trapuak, eskularruak, kotoiak, HC-z bustiak (olioak, koipeak, disolbatzaileak)».

         Identifikazioa: A48019244/4800004776/7/12.

         Hondakinaren kodea: Q5//D13//S40//C41/51//H5/14//A800//B0019.

         HEZ: 150202.

         Urtean sortutako kantitatea: 2,5 t.

         Olio, koipe eta disolbatzailez bustitako trapuak, eskularruak, kotoiak eta xurgatzaileak biltzean, eta iragazkiak, junturak eta abar birjartzean sortzen da.

         Hondakin hori identifikatzeko 50 l-ko poltsa duen edukiontzian biltzen da sortzen den postuan edo postuetan, eta bete ondoren hondakin hori identifikatzeko big-bagean uzten da horretarako berariazko gunean.

     13. hondakina: «Olioak eta koipeak izan dituzten metalezko ontzi hutsak».

         Identifikazioa: A48019244/4800004776/7/13.

         Hondakinaren kodea: Q5//R4//S36//C51//H5//A800//B0019.

         HEZ: 150110.

         Urtean sortutako kantitatea: 4,8 t.

         Batez ere olioak eta koipeak izan dituzten metalezko ontziak biltzeko lanetan sortzen da.

         Hondakin horrentzat identifikatutako lekuan biltzen da hondakinen biltegian.

     14. hondakina: «Berun/azidozko bateriak».

         Identifikazioa: A48019244/4800004776/7/14.

         Hondakinaren kodea: Q6//R4//S37//C18/23//H8//A800//B0019.

         HEZ: 160601.

         Urtean sortutako kantitatea: 15 kg.

         Beruna eta azidoa duten bateria agortuak birjartzean sortzen da.

         Hondakinarentzat identifikatutako plastikozko kaxan biltzen dira berariaz adierazitako gunean.

     15. hondakina: «Aerosol agortuak».

         Identifikazioa: A48019244/4800004776/7/15.

         Hondakinaren kodea: Q5//R13//S-G36//C51//H3b/

         5//A800//B0019.

         HEZ: 160504.

         Urtean sortutako kantitatea: 30 kg.

         Batik bat lubrifikatzaileak izan dituzten aerosolak biltzean sortzen da.

         Hondakin horrentzat identifikatutako bidoian biltzen da, eta bete ondoren, horretarako berariazko gunera eramaten da.

     16. hondakina: «Objektu ebakitzaile eta zorrotzak».

         Identifikazioa: A48019244/4800004776/7/16.

         Hondakinaren kodea: Q16//D14//S1//C35//H9//A800//B0019.

         HEZ: 180103.

         Urtean sortutako kantitatea: 4 kilogramo.

         Zerbitzu medikoan sortutako hondakinak biltzean sortzen da.

         Hondakin horrentzat identifikatutako bidoian biltzen da, eta kudeatzaile baimenduak eramaten du.

         1. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

         2. Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

         3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

         4. Berariazko hondakin sanitarioak (II. taldea) manipulatu, ontziratu, etiketatu eta gordetzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.

         5. Gainerako hondakin arriskutsuak ezin izango dira 6 hilabete baino gehiago gorde.

         6. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

         7. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Smurfit Kappa Nervión SA enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

         8. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

         9. Smurfit Kappa Nervión SA enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

         10. Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Smurfit Kappa Nervión SA enpresak.

         11. Ekipo elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

         12. Smurfit Kappa Nervión SA enpresak poliklorobifeniloak eduki ditzaketen gailuak dituenez, nahitaez bete behar ditu abuztuaren 27ko 1378/1999 Errege Dekretuaren, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, baldintzak eta errege dekretu hori aldatzen duen otsailaren 24ko 228/2006 Errege Dekretua; gero, azken ekitaldiari dagokion poliklorobifenilo edukia jakinarazi beharko du. Smurfit Kappa Nervión SA enpresak poliklorobifeniloak dituen artean, nahitaez aurkeztu behar du urtero Errege Dekretu horrek araututako jakinarazpena.

         13. Europako Parlamentuaren eta Kontseiluaren ekainaren 29ko 2037/2000 EE Erregelamenduan ozono-geruza agortzen duten substantzia batzuk zehazten eta arautzen dira. Smurfit Kappa Nervión, S.A enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

         14. Smurfit Kappa Nervión SA enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda.

         16. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

         17. Hondakin arriskutsuen kudeaketako funtsezko oinarrietako bete dadin, hau da, hondakin horiek ahal den gutxiena sortzeko, Smurfit Kappa Nervión SA enpresak prebentziozko neurriak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

         18. Aurreko f) eta g) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

         19. Amiantoa duten hondakinak detektatuz gero, Smurfit Kappa Nervión SA enpresak amiantoak ingurumenean sortzen duen kutsadura saihestu eta gutxitzeko 108/1991 Errege Dekretuaren 3. artikuluan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

             2.3.2. Hondakin ez-arriskutsuak.

             Sustatzaileak adierazitako hondakin ez-arriskutsuak hauek dira:

             Hondakinaren izena HEZ kodea Zein prozesuri lotuta Zenbatetsitako ekoizpena

             (kg/urtea)

             Azal-galdarako errautsak 100101 Azal-galdara 11.956.336

             Papera (kraft zakuak) 030308 Zerbitzu Orokorrak 277.110

             Kaltzio karbonatoa 030309 Kaustifikazioa 61.674.510

             Araztegiko lohiak 030311 Arazketa-instalazioa 4.005.710

             Tonerra 080318 Zerbitzu Orokorrak 488 unitate

             Zura 150103 Zerbitzu Orokorrak 70.000

             Pila alkalinoak eta gatzezko pilak 160604 Zerbitzu Orokorrak 129

             Txatarra 191001 Zerbitzu Orokorrak 112.900

             Industria-zaborrak 200000 Zerbitzu Orokorrak 202.870 kg

         1. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.

         2. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

         3. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Smurfit Kappa Nervión, SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, nahitaezkoak direnean, bost urtean gutxienez.

         4. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

         5. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

         6. Aipatutako c) eta d) (kudeatzaileak EAEn daudenean) eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

            2.4. Lurzorua babesteko baldintzak.

            Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenean jasota dauden gomendioen arabera, Smurfit Kappa Nervión SA enpresak lurzorua babesteko beharrezko neurriak hartu beharko ditu.

            Smurfit Kappa Nervión SA enpresak jarduera garatzen duen lur-zatian lur-mugimenduak sustatzen baditu, enpresak hondeatu behar dituen materialen karakterizazioa egin beharko du, jarduketa kutsatzaileen ondorioz erasan diren egiaztatzearren eta, karakterizazio horren emaitzen arabera, horientzako kudeaketa-modu egokiena zehaztearren.

            Karakterizazio horretan lortutako emaitzak, material horiek kudeatu aurretik Ingurumen Sailburuordetzara bidaliko dira, baloratzeko. Ingurumen-organoak, ebazpen arrazoitu bidez, lurzoruaren kalitatearen adierazpena egiteko prozedura hastea eskatu ahal izango du kutsadura-zantzurik antzemanez gero, lurzorua ez kutsatzeko eta kutsatutakoa garbitzeko otsailaren 4ko 1/2005 Legearen 17.6 artikuluan xedatutakoari jarraiki.

            2.5. Kaltzio karbonatoaren andelari buruzko baldintzak.

            Hondakinak zabortegian uztea arautzen duen abenduaren 27ko 1481/2001 Errege Dekretuaren arabera, instalazioen ondoko kaltzio karbonatoaren andela zigilatzeko proiektua aurkeztu beharko da. Plan horrek gutxienez hauek hartuko ditu kontuan: xehetasun-planoak, kalkuluak, baldintza-agiriak, aurrekontua, eraikuntza-kalitatearen kontrol- eta berme-plana, eta andela itxi ondorengo faseari buruzko ingurunea zaintzeko plana.

            2.6. Zaratari buruzko baldintzak.

            Jarraian adierazitako zarata-mailak ez gainditzeko neurriak hartu eta instalatuko dira:

         1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

         2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

         3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

         4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

         3. Ingurumena zaintzeko programa.

            Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

            1. Atmosferako isuriak kontrolatzea

         1. Smurfit Kappa Nervión SA enpresak isurtzeen kontrola egin beharko du, informazio honi jarraituz:

            Fokua Erregistro-liburuko izena Fokuaren izena Neurtu beharreko parametroak Kontrolen maiztasuna

            1 48007292-01 Likore beltzaren tximinia Partikulak, sufre dioxidoa, karbono monoxidoa, nitrogeno oxidoak, azido klorhidrikoa, guztizko sufre murriztua Urtekoa

            Partikulak guztira eta TRS Neurketa jarraikia

            2 48007292-02 Azal-galdararen tximinia Partikulak, karbono monoxidoa, nitrogeno oxidoak, sufre dioxidoa (SO2), KOG eta metal astunak Urtekoa

            3 48007292-03 Gas-errekuntzarako kanpaiaren tximinia Karbono monoxidoa, nitrogeno oxidoak 5 urtetik behin

            4 48007292-04 Galdara osagarriaren tximinia Karbono monoxidoa, nitrogeno oxidoak 3 urtetik behin

            5 48007292-05 Kaustifikazioa Guztizko sufre murriztua Urtekoa

            6 48007292-06 Ur beltzak lekualdatzeko tanga (Chemiwasher) Guztizko sufre murriztua Urtekoa

            7 48007292-07 Disolbagailua Partikulak, guztizko sufre murriztua Urtekoa

            8 48007292-08 Agoarrasa haizatzeko tanga Guztizko sufre murriztua, karbono organikoa guztira Urtekoa

            9 48007292-09 Blowtank-aren irteera (puzte-tanga) Guztizko sufre murriztua Urtekoa

            10 48007292-10 Lurrungailuak Guztizko sufre murriztua Urtekoa

         2. Goiko atalean adierazitako neurketa guztiak Kontrol Erakunde Baimendu (KEB) batek egin behar ditu (gutxienez ordubeteko hiru neurketa, zortzi ordutan barrena neurtutakoak) eta aldizkako neurketa horiei dagozkien txostena, Ingurumen Sailburuordetzaren «KEBen gutxieneko txostenean» ezarritakoari egokitu behar zaio. Nolanahi ere, isurtzeen kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

         3. Tanga atmosferikoetako isurtze-kontrolen kasuan, modu adierazgarrian neurtzeko zailak diren parametroak egongo direnez, analisien nahasketan oinarritutako kalkulu bat eta ingeniarien estimazio/kalkuluak egin ahal izango dira. Kalkulu-proposamen bat aurkeztu beharko da, hori onartzeko.

         4. Arestian eskatutako parametro guztien neurketen KEB txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan ezarritako kontrol-maiztasunaren aurretik egindakoak badira. Atmosferara egiten diren isurtzeen ondorengo kontrolak, egindako azken neurketarekiko adierazitako maiztasunarekin egingo dira.

            Nolanahi ere, Smurfit Kappa Nervión SA enpresak azal-galdarako metal astunei buruzko analisien emaitzak aurkeztu beharko ditu Ingurumen Sailburuordetza honetan, ingurumeneko baimen bateratu honen eraginkortasuna erabaki aurretik. Neurketa hori Ebazpen honen C.1 atalean aurreikusitako autokudeaketarako hondakin ez-arriskutsuak azal-galdaran sartu direnean burutuko da.

         5. Kaustifikazio-eremuan TRSren analisia egin beharko da bertako andelen osaeraren foku adierazgarri batean. Era berean, andel bakoitzaren isurketa-emaria neurtu beharko da.

         6. Lixiba beltzak dituzten tangak taldeka eta tenperaturaren eta kontzentrazioaren arabera sailkatu behar dira. Andel bakoitzean emaria neurtuko da eta TRS neurtuko da talde bakoitzaren berezko andel batean.

         7. Neurketa jarraikia.

            Smurfit Kappa Nervión SA enpresak TRSren eta guztizko partikulen neurketa jarraikia egin beharko du «likore beltzaren tximiniari» dagokion 1. fokuan.

            Neurtzeko sistema jarraikiak «Igorpen atmosferikoak tximinian neurtzeko sistema jarraikiak ziurtatzeko, aztertzeko eta egiaztatzeko Gida Teknikoa»n ezartzen diren baldintza guztiak bete beharko ditu.

            Neurtzeko sistema jarraikia Euskal Autonomia Erkidegoko airearen kalitatea zaindu eta kontrolatzeko sarera kateatu beharko da.

            Sustatzaileak neurtzeko sistema jarraikia prebentziozko mantentze-plan bati jarraituz zaindu beharko du, datuen fidagarritasuna eta lortzen den gutxieneko datu-kopurua bermatuko duena. Edonola ere, datuen fidagarritasuna eta kopuruaren ardura sustatzailearen gain geratzen dira.

            Neurtzeko ekipoen erabilgarritasuna, hots, erregistro baliodunak lortzen diren denbora-tarteen proportzioa, urteko jardun-denboraren 100eko 90ekoa izango da gutxienez, Ingurumen Sailburuordetza honen baimen zehatz espresa izan ezean.

            Segidako 15 egunetik gora neurtzeko sistema jarraikia konektatu gabe badago edo gaizki badabil, KEBen bidez etengabe neurtu behar liratekeen parametroen aldizkako autokontrolak egin beharko dira, 15 eguneko maiztasunaz, gorabehera hasten denetik kontatzen hasita, eta neurtzeko sistema jarraikiak zuzen jardun arte.

            Urtero neurtzeko sistema jarraikiaren funtzionamenduari buruzko txosten bat egin eta Ingurumen Sailburuordetza honetara igorri beharko da, «Tximinietatik egiten diren isurketak etengabe neurtzeko sistemak ziurtatzeko, aztertzeko eta egiaztatzeko Gida Teknikoan» adierazitako ereduaren arabera.

         8. Lortutako emaitzen erregistroa.

            Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du.

            Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskuragarri izango dute.

            2. Isuritako uraren kalitatea kontrolatzea.

         1. Sustatzaileak aurkeztu dituen agirien arabera, ondorengo analisiak egingo dira:

            Isurketa-puntua Kontrolatu beharreko fluxua Kontrol-kutxetaren UTM koordenatuak Neurtu beharreko parametroak Kontrolen maiztasuna Kontrol mota

            1 Industria-urak, hoztekoak, sanitarioak eta euri-urak X: 526885

            Y: 4781416 pH-a, solido esekiak, OEK Egunerokoa Autokontrola

            pH-a, solido esekiak, OEK Egunerokoa Kanpo-kontrola

         2. Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek egin eta egiaztatuko du, edo hala badagokio, kolektorera konektatzeko baimena ematen duen erakundeak, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

            Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

         3. Laginketak kutsatzaile gehien sortzen den aldietan egingo dira beti.

         4. Isurketak baimenean jarritako baldintza guztiak betetzen dituela ulertuko da, C.2.2.3 atalean adierazitako parametro guztientzat ezarritako mugak betetzen badituzte.

            3. Jardueraren adierazleak kontrolatzea.

            Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

            Adierazlea Unitatea

            Sortutako kraft ore kimikoa Adt (*)

            Ekoiztutako papera T

            Kontsumitutako zura m3

            Zur-kontsumoa/ekoiztutako orea m3/ adt

            Ore zuriaren kontsumoa/ekoiztutako paper zuria T/t (%)

            Energia elektrikoaren kontsumoa guztira Mwh

            Energia-eraginkortasun elektrikoa (kwh/paper-ekoizpena) Kwh /t paper

            Gas naturala/ energia termikoaren kontsumoa Mwh/mwh

            Biomasa/ energia termikoaren kontsumoa Mwh/mwh

            Fuel-olioa/ energia termikoaren kontsumoa Mwh/mwh

            Elektrizitate-kontsumoa / energiaren guztizko kontsumoa Mwh/mwh

            Galdarako azal-kontsumoa/energia termikoaren kontsumoa Mwh/mwh

            Energia kogeneratua/t ore + paper Mwh/t (orea + papera)

            Ezarritako kogenerazioko potentzia Mw

            Ur-kontsumoa m3

            Orea egiteko ur-kontsumoa/t ore ekoiztu m3/adt

            Orea egiteko ur-kontsumoa/t paper ekoiztu m3/t paper

            Sareko ur-kontsumoa/guztizko ur-kontsumoa m3/m3(%)

            Industria-isuriak/helmuga m3

            Industria-isuriak /paper ekoiztua m3/t paper

            Oek Kg/t

            Putzuaren irteerako ph-a (instalazioko araztegia)

            Ph unitateak

            Solido esekiak (instalazioko araztegia)

            Kg/t

            Iturri zarratuetan isuritako trs (min., max. Eta batez bestekoa, lagin kop.)/parametro honi lotutako prozesu nagusira lotutako foku kontrolatuko Mg/nm3

            Trs isuriak iturri zarratuetan/ore ekoiztua Kg/t ore

            Nox isuriak iturri zarratuetan (ezin da urteko batez bestekoaz egin)

            Trs isuriak iturri zarratuetan/ore ekoiztua Kg/t ore

            Neurgailu jarraikiaren likore beltzaren tximiniaren fokuko likore beltzaren tximinian isuritako partikulak (min., max. Eta batez bestekoa, urteko batez bestekoa) Mg/nm3

            Iturri zarratuetan isuritako guztizko partikulak/ore ekoiztua (ore kimikoa soilik) Kg/adt

            Gas-galdarako so2 (b motakoa) Mg/nm3

            Gas-galdarako co (b motakoa) Mg/nm3

            Gas-galdarako nox (b motakoa) Mg/nm3

            Erregai fosilen guztizko co2 isuriak T

            Co2 isuriak/paper-ekoizpena T/t paper

            Hondakin arriskutsuak/adt T/t

            Hondakin ez-arriskutsu baliotuak / sortutako hondakin ez-arriskutsuak %

            Prezipitagailu elektrostatikoetako errauts eta lohiak/adt T/adt

            Araztegiko lohiak: lohiak/t paper ekoiztu T/t

            Kaustifikazioko lohiak/adt T/adt

            Ustekabeko isurketekin lotutako gorabehera kopurua Kopurua/urte

            Ekoscan/ urte

            Eta/edo

            Iso14001/ urte

            Eta/edo

            Emas/ urte Bai/ez

            Zein/ urtea

            (1) Adierazleen unitateek, ahal dela, datuak emateko erabili ohi diren unitateekin bat etorri behar dute; isuri atmosferikoak, ahal dela, kg/urte unitatean emango dira edo emaria eta kontzentrazioa adieraziz, horixe da-eta isuriei buruzko EPER datuak emateko modua. Era berean, materialei buruzko datua izatekotan, ahal dela, ton bidez emango da; energiari buruzko datua bada, berriz, kWh bidez, eta abar.

            (*) ADT (Tona lehorra airera = Air Dry ton).

            4. Zarataren kontrola.

            Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

            Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamena Ebazpen honen D.6 atalak aipatzen duen ingurumena zaintzeko programaren agiri bateginari gehituko zaio.

            5. Emaitzak kontrolatu eta bidaltzea.

            Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

            Ingurumeneko ziurtagiria justifikatzen bada, ez da beharrezkoa izango erakunde independente espezializatuak egitea.

            6. Ingurumena zaintzeko programaren agiri bategina.

            Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

            Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

         5. Ezohiko egoeretarako prebentziozko neurriak eta jardunerako baldintzak.

            1. Fabrika gelditzeko eta abiarazteko eragiketak eta mantentze-lanetarako programatutako eragiketak.

            Programatutako urteko mantentze-lanei dagokienez, isurien eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

            2. Jarduera uztea.

            Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (21.1 epigrafea: «Paper-orea, papera eta kartoia fabrikatzea»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Smurfit Kappa Nervión SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

            3. Ezohiko jardunean aplikatzeko neurriak eta jarduketak.

            Sustatzaileak aurkeztutako oinarrizko proiektuan egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

         1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

         2. Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

         3. Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.

         4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

         5. Erabilitako olioak, erregaiak, eta efluenteen arazketako hondakinak, besteak beste, eta orokorrean, fabrikan sortutako hondakinak maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen lur zatien azalera guztiak iragazgaiztuko dira.

         6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira. Hausturen, ustekabeko gainezkaldien eta abarren ondorioz gerta daitezkeen isuriei eusteko, gasolioa biltegiratzeko eta manipulatzeko instalazioak modu egokian isolatuko dira.

         7. Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

         8. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

         9. Pabiloien barruan zolak garbitzean sortutako ura tratamendu-lerrora bidaliko da.

         10. Andel edo putzuen hondoan pilatzen diren solidoak ez dira ibai-ibilgura hustuko aldizkako garbitze-lanetan zehar; behar bezala kudeatuko dira edo zabortegi baimendura eramango dira.

         11. Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, andel iragazgaitzetan eta hondoan hustubiderik ez dutenetan gordeko dira.

         12. Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.

         13. Arazketa-instalazioek lohien tratamendua badute, xukatutako ura instalazioaren sarrerara birzirkulatuko da, hori tratatzeko.

         14. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

         16. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko. Kasu honetan, baldintza hauek azpimarratu behar dira:

             Estazioan erroilu erako edo gai pikortatuzko, edo antzeko berariazko gai xurgatzailea egongo da, ustekabeko jario edo ihesetan berehala aplikatu ahal izateko.

             Berme-neurrri gisa, pH eta redox-aren zunda bikoitza eduki behar da, eta arazketa-prozesuko puntu kritikoetan izaten diren kontsigna-puntuen desbideratzeei dagozkien alarmak jarri behar dira.

             Araztegia ustiatzeko enpresa espezializatu batek egindako protokolo edo eskuliburu bat izango da nahitaez, eta ekipo elektromekaniko, zunda, mintz, dosifikatu eta kontrolatzeko tresna eta abarren azterketa eta mantentze-lanak finkatuko dira bertan.

             Hondakin-ura ezingo da «by pass» bidez isuri arazketa-instalazioetan.

         17. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ustekabeko isuria, isurtze-mugak gainditzea, edo neurtzeko sistema jarraikiko datuak galtzea), sustatzaileak gorabehera edo ezohiko gertaera horren berri eman beharko dio Ingurumen Sailburuordetzari.

         18. Gorabehera edo arazo larriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

             Gertakari mota.

             Gertakaria non, zergatik eta zein ordutan gertatu den.

             Iraupena.

             Ustekabeko isuria izanez gero, emaria eta isuritako gaiak.

             Mailak gainditu badira, isurtzeei buruzko datuak.

             Eragindako kalteen balioespena.

             Hartutako neurri zuzentzaileak.

             Berriro gerta ez dadin aurreikusitako neurriak.

             Prebentziozko neurriak eraginkortasunez aplikatzeko ezarritako epeak.

         19. Aurreko atalean ezarritakoaz gain, gerta daitezkeen gorabeherak edo arazoak saiheste aldera, jardueraren titularrak berehala jakinarazi beharko dio Ingurumen Sailburuordetzari ondorengo gertaeraren bat jazo dela:

             1. Analizatzaile jarraikian neurtutako orduko datu egiaztatu baten kontzentrazioak muga-balioa % 100ean gainditzea. Horrelakoetan, gainditu den unetik gehienez ere ordubetera jakinaraziko da.

             2. Analizatzaile jarraikian neurtutako orduko datu egiaztatu baten kontzentrazioak muga-balioa % 40an gainditzea. Horrelakoetan, gainditu den unetik gehienez ere hogeita lau ordura jakinaraziko da.

             3. Ekipoek 24 ordu baino gehiagotan datu fidagarririk ez ematea ekartzen duen edozein matxura edo akatsen berri eman. Horrelakoetan, isurketen datu fidagarririk ez dagoenetik gehienez ere 8 ordura jakinaraziko zaio Ingurumen Sailburuordetzari.

             4. Instalazioaren etengabeko prozesu batean aurrez programatuta egingo diren geldialdiak, aurreikusitako mantentze-lanak barne, gutxienez 15 egun lehenago jakinaraziko dira.

         20. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

         5. Baldin eta arautegi berria indarrean jartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta edo ofizioz aldaraz daitezke, ingurumena zaintzeko programan lortutako emaitzetan oinarrituta.

         6. Urtean behin Smurfit Kappa Nervión SA enpresak Ingurumen Sailburuordetzari jakinaraziko dizkio atmosferara eta uretara egindako isurtzeei, eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, E-PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren 20ko 508/2007 Errege Dekretuari jarraituz.

            Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

            Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

            Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

         7. Apirilaren 21eko 509/2007 Errege Dekretuaren 4. artikuluko 3. atalari jarraituz, lehendik dauden instalazioen titularrek agintaritza eskudunari jakinarazi beharko diote instalazio horietan erabiltzen eta ekoizten diren substantziek (EE 1907/2006 Erregelamenduan erregistratu eta ebaluatzeko aurreikusitako prozesuan identifikatu dira horiek) giza osasunerako eta ingurumenerako izan dezaketen arriskua.

         8. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

            Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: A (erantzukizun zibileko asegurua); B (goi-mailako tituludunaren datuak); C.2.1.3 (ur-lurruna soilik isurtzen den fokuei lotutako prozesua, eta desklasifikatzeko eskaera, behar bada; isurtzeko muga-balio baimenduetara egokitzeko plana); C.2.3 (hondakin arriskutsu eta ez-arriskutsuen onarpen-agiriak, hondakin arriskutsu eta ez-arriskutsuen erregistro-eredua, kudeatutako biomasaren datuak dituena, eta PKB izatearen adierazpena); C.2.5 (kaltzio karbonatoaren andelari buruzko baldintzak); D.1 (isuri atmosferikoak erregistratzeko eredua, eta hala badagokio, KEB txostenak eta isuri atmosferikoen kontrola, metal astunen txostena, kaustifikazio-eremuan TRSren analisia bertako andelen osaeraren foku adierazgarri batean, andel bakoitzaren isuri-emariaren neurketa, lixiba beltzak dituzten tangak taldetan sailkatzea, tenperatura eta kontzentraziaren arabera, andel bakoitzaren emariaren neurketa eta TRSren neurketa talde bakoitzaren berezko andel batean, tanga atmosferikoetako isurien kalkulurako proposamena); D.4 (zarataren kontrola); D.6 (ingurumena zaintzeko programaren agiri bategina); E.1 (sortutako isuri eta hondakinen balioespena programatutako geldialdietan); E.3 (prebentziozko mantentze-lanen eskuliburua, ikuskapen eta kontrolerako programa, kubetak husteko protokoloa, suteen aurkako araudia betetzen delako ziurtagiria eta larrialdi-egoeretarako material erabilgarrien zerrenda).

            Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

            Atal honetako baldintza guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

            Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

            Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

            Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

            Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

            Seigarrena. Smurfit Kappa Nervión SA enpresak Ebazpen honen xede den zakutarako kraft orea eta kraft papera zura erabiliz fabrikatzeko jardueran titulartasun-aldaketarik eginez gero, aldaketa hori jakinarazi beharko du, Ingurumen Sailburuordetzak onar dezan.

            Zazpigarrena. Baimen honek balioa galduko du kausa hauek gertatzen direnean:

            Epearen barruan ez egiaztatzea Ebazpen honetako lehenengo atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

            Smurfit Kappa Nervión SA enpresaren nortasun juridikoa bukatzea, indarrean dagoen araudian ezarritako kasuetan.

            Baimena indarrean jartzen dela adierazten duen ebazpenean xedatutakoak.

            Zortzigarrena. Ebazpen honen edukia jakinaraztea Smurfit Kappa Nervión SA enpresari, Iurretako Udalari, ingurumeneko baimen bateratua emateko prozeduran parte hartu duten erakundeei eta gainerako interesdunei.

            Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

            Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

            Vitoria-Gasteiz, 2008ko apirilaren 30a.

            Ingurumen sailburuordea,

            IBON GALARRAGA GALLASTEGI.