2006ko abenduaren ­22an, José Antonio Gonzįlez jaunak, Amcor Flexibles Hispania SL enpresaren izenean eta ordezkaritzan, Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, kutsaduraren prebentzio eta kontrol integratuari buruzko uztailaren ­1eko ­16/2002 Legeak xedatutakoaren arabera, Lezoko (Gipuzkoa) udalerrian enbalaje malgua sakongrabatuan inprimatzeko jarduerarako. Eskaerarekin batera, ondorengo agiri teknikoak bidali zituen:

Ingurumeneko baimen bateraturako eskaera. ­1. atala: enpresa eskatzailearen dokumentazioa (2006 urtea).

Ingurumeneko baimen bateraturako eskaera. ­2. atala: oinarrizko proiektua (2006 urtea).

Erreferentziako baimena eskatzeko orduan, Amcor Flexibles Hispania SL enpresak, besteak beste, irekitzeko baimena zuen, ­1998ko martxoaren ­12koa, euskarri malguak inprimatzeko jarduerari zegokiona; saneamendu-­sarera isurtzeko baimena, ­2004ko martxoaren ­4koa; eta industria-­hondakin geldoen ekoizleen erregistroan inskripzioa, ­2003ko urtarrilaren ­15ekoa, isurketei eta hondakinei buruz indarrean den araudian xedatutakoari jarraituz.

Ondoren, ­2006ko abenduaren ­12an, proiektuak Lezoko hirigintza-­plangintzarekin duen bateragarritasunari buruzko udal-­txostena bidali zen.

2007ko urtarrilaren ­23an, Ingurumenaren Kalitatearen Zuzendaritzak prozeduran esku-­hartzea duten hainbat organori txostenak eskatu zizkion, ingurumen organoaren bidez proiektua jendaurrean jartzeko izapidetzea adosteari dagokionez (Lezoko Udala, Ańarbeko Uren Mankomunitatea eta Eusko Jaurlaritzako Osasun Saila).

2007ko apirilaren ­2an, ingurumen organoak agiri osagarriak eskatu zizkion sustatzaileari, eta honek ­2007ko uztailaren ­20an bete zuen eskaera. ­2007ko irailaren ­17an, ingurumen organoak berriz ere informazio osagarria eskatu zion; espedientea ­2007ko urriaren ­8an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak ­2007ko azaroaren ­14an emandako Ebazpenaren bidez, jendaurrean jarri zen ­30 egun balioduneko epean, Amcor Flexibles Hispania SL enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian eta Gipuzkoako Aldizkari Ofizialean argitaratu zen, bietan ­2007ko abenduaren ­3an. Era berean, Euskal Autonomia Erkidegoko bi egunkaritan argitaratu zen ­2007ko abenduaren ­2an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidetze-­epea bete ondoren, alegazio-­idazkirik aurkeztu ez zela egiaztatu zen.

Uztailaren ­1eko ­16/2002 Legearen ­17. eta ­18. artikuluetan xedatutakoa betez, ­2008ko urtarrilaren ­14an Ingurumenaren Kalitatearen Zuzendaritzak txostenak eskatu zizkien Lezoko Udalari, Ańarbeko Uren Mankomunitateari eta Eusko Jaurlaritzako Osasun Sailari, espedientean ageri den emaitza jasoz.

2008ko martxoaren ­5ean, Kutsaduraren Prebentzio eta Kontrol Integratuari buruzko uztailaren ­1eko ­16/2002 Legearen ­20. artikuluan xedatutakoa betez, espediente osoa Amcor Flexibles Hispania SL enpresaren esku utzi zen, Ingurumen eta Lurralde Antolamendu Sailak egindako ebazpen-­proposamena gehituz.

Uztailaren ­1eko ­16/2002 Legearen ­1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-­maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren ­1eko ­16/2002 Legea garatu eta burutzeko Erregelamendua onartzen duen apirilaren ­20ko ­509/2007 Errege De­kre­tuaren ­3. artikuluan xedatutakoa betez, baimen honetan sartzen dira ekoizpen-­elementu eta lerro guztiak; ­16/2002 Legearen ­1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.

16/2002 Legearen ­9. artikuluak ezartzen duena betez, ingurumeneko baimen bateratua behar dute ­1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. ­11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-­baimen guztiak egintza administratibo bakar batean bildu nahi dira. Amcor Flexibles Hispania SL enpresaren kasuan, honako baimenak behar ditu: hondakin arriskutsuen ekoizle izateko baimena, industria-­hondakin geldoen ekoizleen erregistroan inskripzioa, saneamendu-­sistema bateratura isurtzeko baimena, eta ingurumen-­izaerako beste zehaztapenen artean, atmosferaren kutsadurari dagozkionak eta lurzorua ez kutsatzeko eta kutsatutakoa garbitzearen gainekoak. Gainera, espedientean beste administrazio eta erakunde eskudun batzuk ere parte hartu dute, aginduzko txostenak igorriz.

Uztailaren ­1eko ­16/2002 Legearen ­29. artikuluan xedatutakoaren arabera, ingurumeneko baimen bateratua emateko prozedurak Jarduera Gogaikarri, Osasungaitz, Kaltegarri eta Arriskutsuei buruzko azaroaren ­30eko ­2414/1961 De­kre­tuak aurreikusten duen jarduera sailkatuetarako udal-­baimenaren prozedura ordezkatzen du; ez du ordezkatzen, ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal-­agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren ­22. artikuluan jasotako ingurumen-­alderdiei buruzko aipamena egiten bada ere. ­29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Amcor Flexibles Hispania SL enpresari dagokion ingurumeneko baimen bateratuaren prozedurak barne hartu ditu Euskal Herriko Ingurumena Babesteko otsailaren ­27ko ­3/1998 Lege Orokorrean aurreikusitako izapideak; horiez gain, espedientean sartu dira Lezoko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika erabilgarri onenak eta aplika dakiokeen alorreko legerian ezarritako neurriak eta baldintzak. Zehazki, Europako Batzordearen ­2007ko maiatzeko «Reference Document on Best Available Techniques on Surface Treatment using Organic Solvents» BREF agiriaren edukia kontuan hartu da. Gainera, alorreko araudiei dagokienez, kasu honetan apirilaren ­30eko ­782/1998 Errege De­kre­tua aplikatu behar da. De­kre­tu horren bidez, Ontziei eta Ontzi-­hondakinei buruzko apirilaren ­24ko ­11/1997 Legea garatzeko eta betetzeko Araudia, eta zenbait jardueratan disolbatzaile organikoak erabiltzerakoan sortzen diren konposatu organiko hegazkorrak isurtzeari buruzko urtarrilaren ­31ko ­117/2003 Errege De­kre­tua aplika daitezke.

Espedienteko txostenak aztertu ondoren, ebazpen-­proposamena sinatu eta Amcor Flexibles Hispania SL enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, Kutsaduraren Prebentzio eta Kontrol Integratuari buruzko uztailaren ­1eko ­16/2002 Legearen ­20. artikuluan jasotzen den entzunaldi-­izapidea bete da, eta organo hau da ingurumeneko baimen bateratu hau emateko eskuduna, aipatutako araudiaren ­13. artikuluan eta Ingurumen eta Lurralde Antolamendu Saileko egitura organikoa ezartzen duen urriaren ­25eko ­340/2005 De­kre­tuaren ­9. artikuluan ezarritakoaren arabera.

Ondorengo araudia ikusi da: Ingurumen eta Lurralde Antolamendu Sailak ­2008ko martxoaren ­5ean emandako ebazpen-­proposamena; Euskal Herriko Ingurumena Babesteari buruzko otsailaren ­27ko ­3/1998 Lege Orokorra; Kutsaduraren Prebentzio eta Kontrol Integratuari buruzko uztailaren ­1eko ­16/2002 Legea; Ingurumenaren gaineko Eraginaren Ebaluazioari buruzko ekainaren ­28ko ­1302/1986 Legegintzako Errege De­kre­tua, maiatzaren ­8ko ­6/2001 Legeak aldatu zuena; Legea burutzeko araudia onartzen duen irailaren ­30eko ­1131/1988 Errege De­kre­tua; Ingurumen eta Lurralde Antolamendu Sailaren egitura organikoa ezartzen duen urriaren ­25eko ­340/2005 De­kre­tua; Herri Administrazioen Araubide Juridikoa eta Administrazio Prozedura Erkideari buruzko azaroaren ­26ko ­30/1992 Legea eta aplikatzeko den gainerako araudia,

Lehenengoa. Burgoseko (Burgos) udalerriko Lopez Bravo kaleko ­68. zenbakiko Villalonquejar Industrialdean helbide soziala eta IFK: B20021960 zenbakia duen Amcor Flexibles Hispania SL enpresari Ingurumeneko Baimen Bateratua ematea, Lezoko udalerrian enbalaje malgua sakongrabatuan inprimatzeko jarduerarako eta ebazpen honen Bigarren atalean ezarritako baldintzak jarraituz.

Jarduera Kutsaduraren Prebentzio eta Kontrol Integratuari buruzko uztailaren ­1eko ­16/2002 Legearen ­1. eranskineko ­10.1 kategorian jasota dago, «Disolbatzaile organikoak erabiltzen dituzten material, objektu edo produktuen azalerak tratatzeko instalazioak, bereziki distira emateko, estanpatzeko, estaltzeko eta koipegabetzeko, iragazgaizteko, itsasteko, lakatzeko, garbitzeko edo bustitzeko, orduko ­150 kg baino disolbatzaile gehiago edo ­200 tona/urteko kontsumitzeko gaitasunarekin» izenburupean.

Jarraian, Amcor Flexibles Hispania SL enpresak ingurumeneko baimen bateraturako eskaera xede duen jarduera deskribatzen da:

Enpresaren instalazioak Irurtzun ­58, ­103 Industrialdea, Lezoko (Gipuzkoa) udalerrian kokatzen dira.

Amcor Flexibles Hispania SL enpresak enbalaje malgua sakongrabatuan inprimatzeaz arduratzen da.

Amcor Flexibles Hispania SL enpresaren gehienezko produkzio-­ahalmena honako hau da:

Guztizko inprimaketa (3 lerro): ­100 milioi m²/urtean.

1. Indarra inprimaketa: ­41.000.000 m².

2. Rotomec inprimaketa: ­28.000.000 m².

3. Cerutti inprimaketa: ­31.000.000 m².

   Polytype: ­42 milioi m²/urtean.

   Ebakigailuak: ­120 milioi m²/urtean.

   Hauek dira erabiltzen diren energia-­iturriak:

   Elektrizitatea: ­4.930.471 kWh.

   Propanoa: ­1.293,176 m3.

   Amcor Flexibles Hispania SL enpresak bezeroarengandik jasotzen dituen enkarguen gainean lan egiten du. Enkarguak guztiz diseinatuta iristen zaizkio. Enpresak etiketaren eredua edo prototipoa ahalik eta fidagarritasun handienarekin kopiatzen du eta hortik aurrera produkzio-­prozesua abiatzen da.

   Enpresan hiru produkzio-­gune bereiz daitezke: ijezketa, inprimaketa eta ebaketa. Produkzioak lan egiten duen makinaren arabera ezaugarri desberdinak ditu; makina Rotomec, Cerruti, Indarra edo Polytype izan daiteke.

   1. Ijezketa.

      45 gr/m² paper+poliester ­12 µm (mixpap) konplexuratzea Polytype makinan gauzatzen da. Bi euskarrien ijezketa da, disolbatzailerik gabeko poliuretano oinarria duen itsasgarri bat tartean sartuz.

      Papera eta poliesterra (metalizatua edo ez-­metalizatua) desbobinatzeko makinetan sartzen dira. Poliesterra itsasgarriaren taldera bideratzen da, eta bertan, plater beroko dosifikatzaile batek modu neurtuan itsasgarria erretilu batean uzten du. Abiadura desberdineko hainbat arrabolek ­3 gr/m²-­ko geruza erregularreko itsasgarria dosifikatu eta aplikatzen dute poliesterraren gainean. Itsasgarria duen poliester-­banda benetako ijezkailuraino bideratzen da eta bertan paperarekin elkartzen da hainbat arrabolen presioaren bidez. Azkenik, multzoa makinaren irteeran birbobinatzen da.

      Sartutako paper-­bobinek ­18.000 m dituzte eta poliesterrezkoek ­36.000 m; horrela, ­9.000 m-­ko mixpap-­bobinak sortzen dira, lotura eta bobina-­hondarren ondorioz galerak saihesteko. Makinaren batez besteko abiadura ­200 m/min da eta gehienezko zabalera ­1.200 mm.

   2. Inprimaketa.

      Egindako inprimaketa beti sakongrabatu motakoa da eta bereziki jogurtari zuzendua: estalkia eta etiketa (marka).

      Paper estukatu, paper+poliester (mixpap) multzoa, aluminioa, OPS eta abarreko euskarri baten gainean tintak aplikatzen dira disolbatzaile oinarrian (etil azetatoa), berniz nitro-­zelulosikoa edo gaininprimaketaren oinarri urtsuan eta argizaria markaren kasuan edo laka termosoldagarria estalkiaren kasuan (mixpap).

      Sakongrabatuko inprimagailu guztiek funtzionatzeko antzeko eskema dute. Makinak inprimaketa-­atal edo -­unitatetan banatzen dira. Horietako bakoitzak zilindro grabatu bat du kolorea inprimatzeko edo laka edo berniza aplikatzen zaio euskarria, zilindroa eta presio-­arrabolaren artean zirkulatzen baitu. Aplikazioaren ostean, euskarria lehortzeko «petaka» edo tunelera pasatzen da. Jarraian euskarria egonkortzen da, urak hoztutako arraboletan hoztu ondoren.

   3. Ebaketa.

      Birbobinagailu-­ebakitzaileak inprimagailuetatik ateratako bobina amak bukaerako bezeroak nahi duen formatuan bilakatzeaz arduratzen dira: zerbitzuaren zabalera, luzera-­diametroa, mandril-­mota, bandaren irteeraren zentzua

      Bobina ama bakoitzari gutxienez bi ebaketa egiten zaizkio oihal-­bazterretan (inprimaketa-­erreferentziak inprimatzen ez diren ertzak). Gainera, sarritan inprima­keta-­zabalera zerbitzuaren zabaleraren multiploa da, eta beraz, erdibideko ebaketak egiten dira, guztiak aldi berean. Ebaketaren hondakinak birrinketa eta garraio pneumatiko sistema baten bidez xurgatzen dira eta berariazko ekipo batean trinkotzen dira.

      Bobinatzea tentsio eta presio baldintzetan egiten da, produktua etorkizunean ontziratzeko makinan erabili ahal izateko.

      Atmosferara isurtzen duten iturriak ondorengoak dira: ­1. fokua (garbigailua), ­2. fokua (Romotec ­1), ­3. fokua (Romotec ­2), ­4. fokua (Cerruti), ­5. fokua (Indarra I) eta ­6. fokua (Indarra II).

      Soilik langileen erabilera higienikorako hondakin-­urak sortzen dira eta saneamendu-­kolektore nagusira isurtzen dira. Prozesuko urak, hozte-­urak eta abar ez daudela adierazten da.

      Aurkeztutako proiektuak, besteak beste, teknika erabilgarri onenak (TEO) izan daitezkeen ondorengo neurriak ditu: disolbatzailerik gabeko ijezketa-­itsasgarriak erabiltzea; estaldura-­prozesuen airearen erauzketa; presio negatiboa lehorketan; estaldura-­ eta lehorketa-­prozesuetan airearen erauzketa; Ingurumena Kudeatzeko Sistema ezartzea, ISO ­14001 Arauaren arabera; disolbatzaileak Kudeatzeko Plana (langileen jardunbide egokiak, asken sistema automatizatua, disolbatzailea berreskuratzeko ekipoa, disolbatzaileak aplikatzeko sistemen zati baten kapsulatzea); prozesuko adierazleei buruzko barruko benchmarking-­a; istripu egoeretan kutsaduraren prebentzioa, produktu kimikoen biltegiak modu egokian egokituz (Gipuzkoako Industriako Lurralde-­Bulegoak legeztatuak); etil azetatoa automatikoki dosifikatzea; nahasketarako sistema automatizatua; prozesuen eta ekipoen optimizazioa adierazleen kontrolaren bidez (produzitutako m² bakoitzeko azetatoa, kontsumitutako tinta eta berniz kopurua); disolbatzaileen balantzea egitea; tentsio altuko hornidura; tinta eta bernizak just-­in time metodoaren bidez kudeatzea; pintura eta disolbatzaileen kalitatea ziurtatzea; biltegiratze unetik etil azetatoa aplikatzea; prozesuan (garbigailua eta destilagailua) erabilitako disolbatzaileak berreskuratzea; tintak eta bernizak destilatu eta berrerabiltzearen bidez hondakinak minimizatzea.

      Bigarrena. Honako baldintzak eta eskakizunak ezartzea Amcor Flexibles Hispania SL enpresak Lezoko udalerrian sustatutako enbalaje malgua sakongrabatuan inprimatzeko jarduera ustiatzeko:

      1. Amcor Flexibles Hispania SL enpresak Administrazioarekiko harremanez arduratuko den pertsonaren izena jakinaraziko dio Ingurumen Sailburuordetzari.

      2. Neurri babesle eta zuzentzaileak sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

         1. Instalazioaren funtzionamendurako baldintza orokorrak.

         1.1. Airearen kalitatea babesteko baldintzak.

         1.1.1. Baldintza orokorrak.

         Enbalaje malgua sakongrabatuan inprimatzeaz arduratzen den Amcor Flexibles Hispania SL enpresaren instalazioa ustiatzean atmosferara egiten diren isurtzeek ez dituzte ebazpen honetan ezarritako isurtzeko muga-­balioak gaindituko.

         Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

         Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

         Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-­efluenteak tratatzeko instalazioak behar bezala eraiki, ustiatu eta mantenduko dira, efluenteen tenperatura-­ eta konposizio-­aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

         1.1.2. Fokuak identifikatzea. Katalogazioa.

         Amcor Flexibles Hispania SL instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

         Foku zk. Foku-­kodea Isurtze-­fokuaren izena Garaiera

         (m) Barruko diametroa

         (m) Katalogazioa UTM koordenatuak

         Taldea Epigrafea X Y

         1 20000452-­01 Indarra ­1 10 1,2 x 0,4 B 2.12.1 590.957 4.797.515

         2 20000452-­02 Indarra ­2 10 1,0 x 1,0 B 2.12.1 590.992 4.797.520

         3 20000452-­03 Rotomec ­1 10 0,8 x 0,7 B 2.12.1 590.992 4.797.545

         4 20000452-­04 Rotomec ­2 10 0,66 x 0,66 B 2.12.1 590.950 4.797.537

         5 20000452-­05 Cerruti 10 0,46 x 0,95 B 2.12.1 590.947 4.797.535

         6 20000452-­06 Garbigailua 10 0,2 B 2.12.1 590.983 4.797.550

         Gainera, ondorengo prozesuetan modu etenkorrean isurtze barreiatuak sortzen dira: pinturen prestaketa nahasteko ekipoan egina (Ink Maker makina), kolorearen homogeneizaziorako akaberako eskuzko nahasketan eta garbiketa-­prozesuan (azken honetan, neurri txikiagoan).

         1.1.3. Isurtzeko muga-­balioak.

         Instalazioa ustiatzean atmosferara egingo diren isurtzeek ez dituzte isurtzeko muga-­balio hauek gaindituko:

         Fokuak Substantziak Isurtzeko muga-­balioak

         Indarra ­1 KOH 100 mgC/Nm3

         Nitrogeno oxidoak (NOx) 300 ppm

         Karbono monoxidoa (CO) 500 ppm

         Indarra ­2 KOH 100 mgC/Nm3

         Nitrogeno oxidoak (NOx) 300 ppm

         Karbono monoxidoa (CO) 500 ppm

         Rotomec ­1 KOH 100 mgC/Nm3

         Nitrogeno oxidoak (NOx) 300 ppm

         Karbono monoxidoa (CO) 500 ppm

         Rotomec ­2 KOH 100 mgC/Nm3

         Nitrogeno oxidoak (NOx) 300 ppm

         Karbono monoxidoa (CO) 500 ppm

         Cerruti KOH 100 mgC/Nm3

         Nitrogeno oxidoak (NOx) 300 ppm

         Karbono monoxidoa (CO) 500 ppm

         Garbigailua KOH 100 mgC/Nm3

         «Oihalaren edo kartoia/kartoi mehearen gaineko errotograbatu, flexografia, inprimaketa serigrafiako birakaria, ijezketa edo bernizatzea, inprimaketa serigrafiako birakariaren bestelako unitateak» jardueraren isurtze barreiatuaren muga-­balioa (disolbatzaileen sarrera-­portzentajea) % ­20 izango da.

         Balio horiek baldintza hauek dituzte: ­273 K-­ko tenperatura, ­101,3 kPa-­ko presioa eta gas lehorra.

         Neurtutako parametroek ez dituzte isurtzeko muga-­balioak gaindituko, arauz egingo diren aldizkako ikuskaritzetan (ordubeteko hiru neurketa, gutxienez) zortzi ordutan zehar neurtuta. Neurketa-­tolerantzia gisa, kasu guztien % ­25ean gainditu ahal izango da muga-­balioa, % ­40 gainditzen ez duen zenbatekoa baldin bada. Tolerantzia hori gaindituz gero, neurketa-­aldia astebetez luzatuko da, eta aldi honetako tolerantzia global gisa, kasuen % ­6an gehienez onar daitezkeen mailak gainditzea onartuko da, % ­25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

         KOHei (KOG bezala neurtuta) dagokienez, gehienez onar daitezkeen balioek ez dituzte isurtzeko muga-­balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez), baldin eta neurketa guztien batez bestekoak ez baditu gainditzen isurtzeko muga-­balioak, eta ordubeteko neurketek ez badituzte gainditzen isurtzeko muga-­balioak, ­1,5 baino gehiagoan.

         1.1.4. Gasak biltzeko eta husteko sistemak.

         Fokuetako gas-­hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz ­1976ko urriaren ­18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

         Zehazki, laginak hartzeko aurreikusitako zuloen kokapenari eta ezaugarriei dagokienez, gas-­fluxuak laginketa-­puntutik neurketa-­puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziak (L1 eta L2 parametroak) ­1976ko urriaren ­18ko Aginduaren III. eranskinean xedatutakoa beteko dute. L1 ­8D eta L2 ­2D distantziak betetzen ez diren fokuetarako inoiz ez dira L1 < ­2D eta L2 < ­0,5D balioak onartuko. Kasu horietan, neurketen txostenean laginketa-­planoaren baliotasuna justifikatzea eskatuko da.

         Isurtze barreiatuak minimizatzeko xedearekin, neurri zuzentzaileen proposamena jasotzen duen azterketa egingo da.

         1.2. Saneamendu-­sare nagusira isurtzeko baldintzak.

         Kolektorerako isurketek Ańarbeko Uren Mankomunitateko kolektorerako isurketen Araudian jasotzen diren mugak eta baldintzak bete beharko dituzte, erakunde horrek aintzat har ditzakeen zehaztapen, aldaketa edo salbuespenekin. Ezin da prozesuko uren, hozte-­uren eta abarren isurketarik egin.

         1.3. Instalazioan sortutako hondakinak egoki kudeatzen direla bermatzeko baldintzak.

         Instalazioetan sortzen diren hondakin guztiak hondakinei buruzko apirilaren ­21eko ­10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

         Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

         Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

         Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia-­ eta gertutasun-­printzipioei jarraituz.

         Baimendutako zabortegian ezabatzea aurreikusita dagoen hondakinen karakterizazioa, ­2002ko abenduaren ­19ko Kontseiluaren ­2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, Erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

         Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-­urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

         Hondakinek desagertu, galdu eta ihes egingo balute, berehala jakinaraziko da gertatutakoa Ingurumen Sailburuordetzan eta Lezoko Udalean.

         1.3.1. Hondakin arriskutsuak.

         Sustatzaileak adierazitako hondakin arriskutsuak honako hauek dira:

         ­1. Prozesua: «Ijezketa, inprimaketa eta ebaketa».

         ­1. hondakina: «Disolbatzaile organikoak dituzten itsasgarri eta zigilatzaileen hondakinak».

         Identifikazioa: B20021960/2000011558/1/1.

         Hondakinaren kodea: Q8//R2//L-­P5/13//C41//H3b//A811(1)//B8018.

         EHZ: ­080409.

         Urtean sortutako kantitatea: ­13 tona.

         Produktu itsasgarriak eduki dituzten poltsak jasotzerakoan sortzen da; disolbatzaile organikoak ditu.

         Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

         ­2. Prozesua: «Disolbatzailea berreskuratzea».

         ­1. hondakina: «Hondakin-­disolbatzaile ez-­halo­ge­natua».

         Identifikazioa: B20021960/2000011558/2/1.

         Hondakinaren kodea: Q8//R13//L5//C41//H3a//A811(1)//B10008.

         EHZ: ­140603.

         Urtean sortutako kantitatea: ­96 tona.

         Disolbatzailea berreskuratu ondoren lohia jasotzerakoan sortzen da; disolbatzaile organikoak ditu.

         Hondakinarentzat identifikatutako bidoian biltzen da sortzen den lekuan, eta bete ondoren, hondakinen biltegira eramaten da.

         ­3. Prozesua: «Zerbitzu orokorrak».

         ­1. hondakina: «Hondakin-­olioak».

         Identifikazioa: B20021960/2000011558/3/1.

         Hondakinaren kodea: Q7//R13//L8//C51//H5/6//A811(1)//B0019.

         EHZ: ­130208.

         Urtean sortutako kantitatea: ­400 kg.

         Inprimatzeko makinetan olioa birjartzeko lanetan sortzen da; olio mekaniko eta hidrauliko erabiliak dira.

         Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

         ­2. hondakina: «Fluoreszenteak».

         Identifikazioa: B20021960/2000011558/3/2.

         Hondakinaren kodea: Q6//R13//S40//C16//H6/14//

         A811(1)//B0019.

         EHZ: ­200121.

         Urtean sortutako kantitatea: ­5 kg.

         Merkurioa duten lanpara erabiliak aldatzeko eragiketetan sortzen da.

         Hondakinarentzat identifikatutako gunean jasotzen da, hondakin arriskutsuen biltegian.

         ­3. hondakina: «Laborategiko hondakinak».

         Identifikazioa: B20021960/2000011558/3/3.

         Hondakinaren kodea: Q3//D15//L40//C23/41//H3b/8//A811(1)//B0019.

         EHZ: ­160506.

         Urtean sortutako kantitatea: ­50 kg.

         Kalitatearen laborategiko analisietan erreaktiboak erabiltzearen ondorioz sortzen da; produktu kimiko ez-­organikoak eta organikoak ditu.

         Hondakinarentzat identifikatutako plastikozko bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

         ­4. hondakina: «Tinta eta disolbatzailez bustitako materiala».

         Identifikazioa: B20021960/2000011558/3/4.

         Hondakinaren kodea: Q5//D15//S40//C41/51//H5//A811(1)//B0019.

         EHZ: ­150202.

         Urtean sortutako kantitatea: ­4 tona.

         Xurgatzaileak eta ehunak biltzerakoan sortzen da; bereziki tintaz eta disolbatzailez, eta olioz bustitako trapuak, material xurgatzaileak, iragazkiak eta abarrak dira.

         Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

         ­5. hondakina: «Metalezko ontzi hutsak».

         Identifikazioa: B20021960/2000011558/3/5.

         Hondakinaren kodea: Q5//R13//S36//C41/51//H5//A811(1)//B0019.

         EHZ: ­150110.

         Urtean ekoitzitako kantitatea: ­200 kg.

         Ontzi hutsak jasotzerakoan sortzen da; olioak, pinturak, pinturaren gehigarriak, disolbatzaileak, itsasgarriak eta tinta eduki dituzten metalezko ontziak dira.

         Hondakinarentzat identifikatutako zumitz-­paleta batean jasotzen da, sortzen den postuetan. Behin bete ondoren, hondakinen biltegira eramaten da.

      1. Hondakin arriskutsuak biltzeko sistemak bereiziak izango dira, duten tipologia dela-­eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

      2. Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren ­14ko ­20/1986 Oinarrizko Legea betearazteko erregelamendua onartzen duen uztailaren ­20ko ­833/1988 Errege De­kre­tuak ­13. artikuluan ezarritako segurtasun-­arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

      3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren ­20ko ­833/1988 Errege De­kre­tuak ­14. artikuluan horretarako adierazitako jarraibideen araberakoa izango da.

      4. Hondakin arriskutsuak gordetzeko denbora ezingo da ­6 hilabetetik gorakoa izan.

      5. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-­baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-­kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-­modua ebazpen honetako hondakinen kudeaketari buruzko printzipio hierarkikoei egokitzen zaiela.

      6. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Amcor Flexibles Hispania SL enpresak artxibategian erregistratu eta gorde beharko ditu onarpen-­agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

      7. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

      8. Amcor Flexibles Hispania SL enpresak Industrian erabilitako olioaren kudeaketa arautzen duen ekainaren ­2ko ­679/2006 Errege De­kre­tuari jarraituz kudeatu beharko du sortutako industria-­olio erabilia.

      9. Ekainaren ­2ko ­679/2006 Errege De­kre­tuan aurreikusitako baimendutako kudeaketa bateraturako sistema bat ezartzen ez den bitartean, Euskal Autonomia Erkidegoan erabilitako olioaren kudeaketa arautzen duen irailaren ­29ko ­259/1998 De­kre­tuan begiesten diren aurreikuspenak bete beharko ditu Amcor Flexibles Hispania SL enpresak.

      10. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren ­25eko ­208/2005 Errege De­kre­tuan ezarritakoaren arabera kudeatuko dira.

      11. Amcor Flexibles Hispania SL enpresak PKB eduki dezaketen gailuak dituenez, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen abuztuaren ­27ko ­1378/1999 Errege De­kre­tuaren baldintzak, eta errege dekretu hori aldatzen duen otsailaren ­24ko ­228/2006 Errege De­kre­tua.

      12. Europako Parlamentuaren eta Kontseiluaren ­2000ko ekainaren ­29ko ­2037/2000 EE Arautegian ozono-­geruza agortzen duten substantzia batzuk zehazten eta arautzen dira. Amcor Flexibles Hispania SL enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

      13. Amcor Flexibles Hispania SL enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

      14. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-­kodea, jatorria, tratatzeko metodo eta tokiak, sorrera-­ eta lagapen-­datak, biltzeko maiztasuna eta garraiatzeko modua, uztailaren ­20ko ­833/1988 Errege De­kre­tuaren ­17. artikuluan ezarritakoa betez, eta uztailaren ­20ko ­952/1997 Errege De­kre­tuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio, erakundeentzako IKS-­L03 Sistemaren bertsioaren erabilita.

      16. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Amcor Flexibles Hispania SL enpresak neurri babesleak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

      17. Aurreko e), f) (kudeatzaileak EAEn daudenean), m) eta n) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-­L03 Sistemaren erakundeentzako bertsioa erabilita.

      18. Amiantoa duten hondakinak antzemanez gero, Amcor Flexibles Hispania SL enpresak amiantoak ingurumenean sortzen duen kutsadura saihestu eta gutxitzeko ­1991ko otsailaren ­1eko ­108/1991 Errege De­kre­tuan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak ­396/2006 Errege De­kre­tuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

          1.3.2. Hondakin ez-­arriskutsuak:

          Sustatzaileak adierazitako hondakin ez-­arriskutsuak hauek dira:

          Hondakinaren izena Zein prozesuri lotuta Zenbatetsitako ekoizpena (t/urtea)

          Aluminio-­ebakinak Ebaketa 17,16

          Txatarra Prozesu orokorra 14,21

          Papera, kartoia eta zura Biltegiratzea, bidalketa 264

          Bereizi gabeko hondakin geldoak Ijezketa, inprimaketa, ebaketa 900

          Sustatzaileak sortutako hondakin ez-­arriskutsu guztien EHZ kodearen berri eman beharko du.

          B.1.2 atalean bereizteari eta hondakinen kudeaketari buruzko printzipio hierarkikoen inguruan xedatutakoari jarraituz, «bereizi gabeko hondakin geldoak» izeneko hondakinak ezingo du baliotu daitekeen hondakin-­frakziorik izan. Horri dagokionez, gaur egun Euskal Autonomia Erkideagoan baliotu daitezkeen hondakin-­frakzioak hauek dira: papera eta kartoia, zura, plastikoak, metal ferrikoak eta metal ez-­ferrikoak.

      1. Erabilitako ontziak eta ontzi-­hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-­hondakinak, berriz, berreskuratzaile, birziklatzaile edo balioztagune baimendu bati.

      2. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, ­2 urtez gorde ahal izango dira.

      3. Oro har, hondakin oro hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-­modua ebazpen honetako hondakinen kudeaketari buruzko printzipio hierarkikoei egokitzen zaiela. Amcor Flexibles Hispania SL enpresak artxibategian erregistratu eta gorde beharko ditu onarpen-­agiriak edo horien agiri ofizial baliokideak, aginduzkoak direnean, bost urtean gutxienez.

      4. Halaber, hondakin geldo eta geldotuen kudeaketari buruzko azaroaren ­2ko ­423/1994 De­kre­tuarekin bat etorriz, hondakin ez-­arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

      5. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-­kodea, jatorria, tratatzeko metodo eta tokiak, sorrera-­ eta lagapen-­datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

      6. Aurreko c) eta d) (kudeatzaileak EAEn daudenean), eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-­L03 Sistemaren erakundeentzako bertsioa erabilita.

         1.3. Lurzoruaren kalitatea babesteko neurri orokorrak.

         Urtarrilaren ­14ko ­9/2005 Errege De­kre­tuan eta otsailaren ­4ko ­1/2005 Legean jasotako betebeharrei jarraituz lurzoruaren egoerari buruz aurkeztutako aurretiazko txostenaren arabera, Amcor Flexibles Hispania SL enpresak jarraian deskribatzen diren neurriak bete beharko ditu:

         Hormigoizko zolaren egoera egokia dela ziurtatu beharko du, lursailean balizko kutsadura iragaztea saihesteko.

         Etil azetatoaren lur azpiko gordailuetarako ihesak antzemateko sistemak ezarri beharko dira; halaber, aldizkako estankotasun-­probak egin beharko dira.

         Itsasgarria gehitzeko instalazioa estalpean kokatuta egon beharko da, hormigoizko zolaren gainean eta gainera, balizko ihesen atxikipen-­sistema izan beharko du.

         Pinturak prestatzeko guneak, nola gai osagarriak biltegiratzeko eta hondakin arriskutsuen biltegiko gelak atxikipen-­sistema izan beharko dute ihesak eta isuriak gertatuz gero.

         1.4. Zaratari buruzko baldintzak.

         Jarraian adierazitako zarata-­mailak ez gainditzeko neurriak hartu eta instalatuko dira:

      1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere ­40 dB (A) baino handiagoa izan Leq ­60 segundo etengabeko balioan neurtuta, ­08:00ak eta ­22:00ak bitartean, leiho eta ateak itxita, ezta ­45 dB (A) ere gehienezko balioetan.

      2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere ­30 dB (A) baino handiagoa izan Leq ­60 segundo etengabeko balioan neurtuta, ­22:00ak eta ­08:00ak bitartean, leiho eta ateak itxita, ezta ­35 dB (A) ere gehienezko balioetan.

      3. Era berean, zarata ezin da ­60 dB (A) baino handiagoa izan, Leq ­60 segundo etengabeko balioan neurtuta, industria-­eremuaren kanpoko itxituran.

      4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-­maila.

      2. Ingurumena Zaintzeko Programa.

         Ingurumena zaintzeko programa sustatzaileak aurkeztutakoa girietan aurreikusitakoaren eta ondoko atal hauetan ezarritakoaren arabera gauzatu beharko da:

         1. Atmosferako isurtzeak kontrolatzea.

      1. Amcor Flexibles Hispania SL enpresak botatzen dituen poluitzaileak kontrolatu beharko ditu, ondorengo informazioaren arabera:

         Fokua Foku-­kodea Fokuaren izena Neurtu beharreko parametroak Kontrolen maiztasuna

         1 20000452-­01 Indarra ­1 KOG, CO, NOx 3 urtetik behin

         2 20000452-­02 Indarra ­2 KOG, CO, NOx 3 urtetik behin

         3 20000452-­03 Rotomec ­1 KOG, CO, NOx 3 urtetik behin

         4 20000452-­04 Rotomec ­2 KOG, CO, NOx 3 urtetik behin

         5 20000452-­05 Cerruti KOG, CO, NOx 3 urtetik behin

         6 20000452-­06 Garbigailua KOG 3 urtetik behin

      2. Aurreko atalean aipatutako neurketa guztiak baimendutako kontrol erakunde (BKE) batek egin beharko ditu (zortzi ordutan hartutako hiru neurketa, gutxienez ordubetekoa bakoitza), eta aldizkako neurketa horiei buruzko txostenak Ingurumen Sailburuordetza honek prestatutako «BKEen gutxieneko txostenean» ezarritakora egokitu beharko du. Nolanahi ere, isurtzeen kontrolek eta neurketa-­baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

         Arestian eskatutako parametro guztien neurketen BKE txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan kontrol-­maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.

      3. Amcor Flexibles Hispania SL enpresak jarduera jakin batzuetan disolbatzaileen erabilerak eragindako konposatu organiko hegazkorren isurtzeak mugatzeko baldintzei buruzko urtarrilaren ­31ko ­117/2003 Errege De­kre­tuak ezarritakoa bete behar du. Xede horretarako, Ingurumen Sailburuordetzak eskatzen duen informazioa aurkeztu behar da.

         1.1. Lortutako emaitzak erregistratzea.

         Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko ­1976ko urriaren ­18ko Aginduak ­33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-­lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-­ikuskatzaileek eskatuko balute, eskuragarri izango dute.

         2. Jardueraren adierazleak kontrolatzea.

         Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

         Adierazlea Unitatea

         Uraren kontsumoa/produkzioa m3/m² milioi-­kopurua

         Energia elektrikoaren kontsumoa/produkzioa Kwh/m² milioi-­kopurua

         Propanoaren kontsumoa/produkzioa m3/m² milioi-­kopurua

         Hondakin arriskutsuen sorkuntza/produkzioa Kg/m² milioi-­kopurua

         Hondakin ez-­arriskutsuen sorkuntza/produkzioa Kg/m² milioi-­kopurua

         3. Zarataren kontrola.

         Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

         Sustatzaileak neurketen proposamen zehatz bat landu beharko du eta neurketa-­metodo zehatzak adierazi bertan. Proposamen hori ebazpen honetako C.5 atalean aipatzen den Ingurumena Zaintzeko Programako testu bateginarekin batera aurkeztuko da.

         4. Emaitzak kontrolatu eta bidaltzea.

         Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren ­31 baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

         Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Gipuzkoako Ordezkaritza).

         5. Ingurumena Zaintzeko Programaren agiri bategina.

         Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-­mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

         Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika izan beharko du, horien arabera enpresan bertan ingurumen-­hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-­adierazleak).

      4. Ezohiko egoeretan kutsadurari aurrea hartzeko neurriak eta jardunerako baldintzak.

         1. Fabrika gelditzeko eta abiarazteko eragiketak eta mantentze-­lanetarako programatutako eragiketak.

         Programatutako urteko mantentze-­lanei dagokienez, sor daitezkeen isurtzeen eta hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

         2. Jarduera uztea.

         Jarduera lege hauen aplikazio-­esparrukoa da: lurzorua ez kutsatzeko eta kutsatutakoa garbitzeko otsailaren ­4ko ­1/2005 Legea (2222 epigrafea «Inprimatzeko bestelako jarduerak»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren ­14ko ­9/2005 Errege De­kre­tua. Hori dela-­eta, Amcor Flexibles Hispania SL enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren ­4ko ­1/2005 Legeak ­17.4 artikuluan xedatutakoaren arabera.

         3. Ezohiko jardunean aplikatzeko neurriak eta jarduerak.

         Sustatzaileak aurkeztutako agirietan egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

      1. Prebentziozko mantentze-­lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-­sistemak, lantegiko kolektore-­sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

      2. Goian aipatutako prebentziozko mantentze-­lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.

      3. Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-­probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-­bidezko ikuskaritzak (hormena eta estaldurena) eta kubetetako detekzio-­sistemen aldizkako kontrol sistematikoa, lurzorua kutsa dezakeen edozein egoerari aurrea hartzeko.

      4. Era berean, erregistro bat eduki behar da, eta bertan, aldizka egindako mantentze-­lanen berri eman behar da, baita antzemandako gorabeherena ere.

      5. Besteak beste, disolbatzaileak, bernizak, olioak eta abar maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen azalera guztiak iragazgaiztuko dira.

      6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

      7. Larrialdi-­egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-­elementuak eta babes pertsonalerako ekipamendu bereziak.

      8. Larrialdi-­egoeretan, babes zibileko legeriari helduko zaio, eta bertan ezarritako betekizun guzti-­guztiak bete beharko dira.

      9. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ezbeharrez gertatzen diren isurketak, kontrolik gabeko isurtze atmosferikoak, zaraten inguruko kexak), gorabehera edo ezohiko gertaera horren berri eman beharko zaio berehala Ingurumen Sailburuordetzari.

      10. Gertakari edo arazo larriren bat edo atmosferara ustekabeko isuriren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere ­18 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, honako datu hauek agertuko dira:

          gertakari mota.

          gertakaria non, zergatik eta zer ordutan gertatu den.

          Iraupena.

          ustekabeko isuria bada, emaria eta isuritako gaiak.

          mugak gaindituz gero, isurtzeei buruzko datuak.

          eragindako kalteen balioespena.

          berriro gerta ez dadin aurreikusitako neurriak.

          prebentzio-­neurriak eraginkortasunez aplikatzeko ezarritako epeak.

      11. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

      4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, baita neurketaren aldizkakotasuna eta aipatutako parametroek hartu behar duten tarteari dagozkion mugen kasuan ere. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.

      5. Urtean behin Amcor Flexibles Hispania SL enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-­PRTR-­Euskadi botatako eta eskualdatutako kutsagarrien Europako Inbentarioa landu eta eguneratzeko, E-­E-­PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren ­20ko ­508/2007 Errege De­kre­tuari jarraituz.

         Informazio hori ekitaldi horren hurrengo martxoaren ­31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-­informazioa batak besteari elektronikoki emateko ardatza. Informazio-­trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-­L03 Sistemako erakundeentzako bertsioaren bidez (www.eper-­euskadi.net web orrian eskuragarri): Ingurumen eta Lurralde Antolamendu Saileko Ingurumen-­informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-­PRTR Erregistroa) egiten diren informazio-­bidalketen oinarri dena.

         Halaber, ebazpen honetan aurreikusitako gainerako informazio-­trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

         Informazio hori agerikoa izango da, uztailaren ­18ko ­27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-­gaietan justizia eskura izateko eskubideak arautzen dira (2003/4/EE eta ­2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren ­13ko ­15/1999 Lege Organikoan ezarritakoa betetzen dela.

      6. Apirilaren ­21eko ­509/2007 Errege De­kre­tuaren ­4. artikuluko ­3. atalari jarraituz, lehendik dauden instalazioen titularrek agintaritzari jakinarazi beharko diote instalazio horietan erabiltzen eta ekoizten diren substantziek, ­1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

      7. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko ­2002ko uztailaren ­1eko ­16/2002 Legeak ­10.3 artikuluan ezarritako komunikazio-­erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

         Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako Bigarren ataleko honako puntu hauetan ezarritako baldintzak betetzen direla: A (Arduradunaren nortasuna); B.1.3.1.e eta B.1.3.2.d (Hondakin arriskutsu eta ez-­arriskutsuen onarpen-­agiriak); B.1.3.1.n eta B.1.3.2.f (Hondakin arriskutsu eta ez-­arriskutsuen erregistro-­eredua); B.1.4 (Lurzoruaren kalitatea babesteari buruzko baldintzak); C.1 (Atmosferara egiten diren isurtzeen kontrola); C.1.1 (Isurtze atmosferikoen erregistro-­eredua); C.5 (Ingurumena Zaintzeko Programaren agiri bategina); D.1 (Mantentze-­lanetan sortutako isurtze eta hondakinen balioespena); D.3.a (Prebentziozko mantentze-­lanen eskuliburua); D.3.g (Larrialdietarako materialen zerrenda); D.3.k (Suteen aurkako babeserako egiaztagiriak).

         Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-­bisitan egiaztatu beharko da instalazioak aurkeztutako proiektuaren arabera eta ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskaritza-­bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

         Goiko baldintza horiek guztiak betetzeko ­6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den egunetik kontatzen hasita.

         Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

         Laugarrena. Ingurumeneko baimen bateratu hau ­8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

         Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren ­1eko ­16/2002 Legearen ­25. artikuluan xedatutakoa betez.

         Bosgarrena. Edozein modutan ere, ingurumeneko baimen bateratua ofizioz aldatu ahal izango da uztailaren ­1eko ­16/2002 ­26. artikuluan ezarritako kasuak aintzat hartuta.

         Seigarrena. Amcor Flexibles Hispania SL enpresak ebazpen honen xede den metalaren tratamenduen jardueran titulartasun-­aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.

         Zazpigarrena. Baimen honek balioa galduko du honako hauek gertatzen direnean:

         Epearen barruan ez egiaztatzea ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

         Amcor Flexibles Hispania SL enpresaren nortasun juridikoa bukatzea, indarrean dagoen araudian ezarritako kasuetan.

         Baimena indarrean jartzen dela adierazten duen ebazpenean xedatutakoak.

         Zortzigarrena. Ebazpen honen edukia jakinaraztea Amcor Flexibles Hispania SL enpresari, Lezoko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

         Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

         Hamargarrena. Ebazpen honek ez du agortzen administrazio-­bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamenduko sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren ­26ko ­30/1992 Legearen ­114. artikuluarekin eta ondorengoekin bat etorriz (urtarrilaren ­13ko ­4/1999 Legeak aldatu zuen lege hori).

         Vitoria-­Gasteiz, ­2008ko martxoaren ­25a.

         Ingurumeneko sailburuordea,

         IBON GALARRAGA GALLASTEGUI.