Arautegia
Inprimatu1/2025 LEGEGINTZAKO DEKRETUA, martxoaren 20koa, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzekoa.
Identifikazioa
- Lurralde-eremua: Autonomiko
- Arau-maila: Legegintzako Dekretua
- Organo arau-emailea: Lehendakaritza
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 66
- Hurrenkera-zk.: 1493
- Xedapen-zk.: 1
- Xedapen-data: 2025/03/20
- Argitaratze-data: 2025/04/04
Gaikako eremua
- Gaia: Administrazioaren antolamendua; Ogasun eta Ekonomía
- Azpigaia: Gobernua eta Administrazio Publikoa; Ekonomia
Deskribapenak
Testu legala
Eusko Legebiltzarrak, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzen duen martxoaren 20ko 1/2025 Legegintzako Dekretua onartu duela jakinarazten zaie Euskadiko herritar guztiei.
Euskal Autonomia Erkidegoko 2024. urteko Aurrekontu Orokorrak onartzen dituen abenduaren 22ko 21/2023 Legearen azken xedapenetako bosgarrenak baimena ematen dio Jaurlaritzari, Legea indarrean jarri eta urtebeteko epean, Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzen duen irailaren 11ko 1/2007 Legegintzako Dekretuaren testu bategina egin eta onar dadin.
Baimenaren barruan sartzen da batu beharreko lege-testuak erregularizatzea, argitzea eta harmonizatzea, bai, halaber, beharrezkoak diren terminologia-egokitzapenak egitea eta sistematizatzea bereziki hizkuntza inklusiboa behar bezala erabiltzeari dagokionez, baita proiektuaren euskarazko bertsioa Euskaltzaindiak onartutako hizkuntza-arauetara egokitzea ere.
Manu hori betetzeko eta baimen hori erabiliz, legegintzako dekretu hau egiten da, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzekoa.
Euskal Autonomia Erkidegoko Administrazioaren Ariel eta Herri Prezioei buruzko maiatzaren 31ko 3/1990 Legean aipatu zen, dagoeneko, egoki zela tasak eta prezio publikoak testu bakar batean arautzea diru-sarrera publikoen modalitate biei buruzko oinarrizko printzipioak ezartzeko eta tasa guztiak banan-banan arautzeko. Orduan arautu ziren, lehenengo aldiz, Euskal Autonomia Erkidegoko Administrazioaren tasak eta prezio publikoak lege-testu bakar batean.
Lege horrek arrazionaltasuna sartu zuen diru-sarrera publikoen sektore honen arauketan, ordura arte aski heterogeneoa, konplexua eta barreiatua baitzen araudiari zegokionez, eta bete-betean gauzatu zituen lortu beharreko xedeak, legea aldarrikatu zen unean indarrean zeuden tasak lege-mailako arau batean berrantolatuta, homogeneizatuta eta bateratuta.
Helburuak, alabaina, ez ziren mugatu tasen koadroa bateratzera, asmo handiagoko xedeak ere bilatu baitziren. Tasen eta prezio publikoen kontzeptuak zehaztu ziren, eta prezio horiek exijitzeko araubidea finkatu; tasak erregulatzen dituzten arauak tributuen arloan oro har bete behar diren printzipioetara egokitu ziren, eta arau argiak eta aplikatzen errazak ezarri ziren tasen kudeaketan, segurtasun juridikoaren printzipioa betetzeko. Arau horien barnean, likidazioaren eskakizun formalak eta errekurritzeko bideak finkatzeaz batera, zergadunaren bermeak ere jasotzen ziren.
Dena dela, Legea zenbait urtez indarrean egon ondoren, gorabeherak izan ziren inguruabarretan, eta komenigarri ikusi zen beste lege bat onartzea, izandako esperientzia aprobetxatuz esparru arautzaile berri bat zehazteko.
Euskal Autonomia Erkidegoko Tasa eta Prezio Publikoei buruzko maiatzaren 9ko 13/1998 Legeak, aurreko legean ezarritako helburuetan sakonduz, Konstituzio Auzitegiaren abenduaren 14ko 185/1995 Epaira egokitu zituen tasa eta prezio publikoen tributu-kontzeptuak, eta, diru-sarrera publiko horien edukiari buruzko hausnarketa-prozesu orokor baten barruan, orduan indarrean zeuden tasetako hainbaten araudia aldatu zuen, tasa berriak ezarri zituen eta beste batzuk kendu.
Orobat, tributuen arloan oro har bete beharreko printzipioak ezarri ziren, hala nola legezkotasunaren printzipioa eta tributu-arloko lege-erreserba, aurrekontuen unibertsaltasunaren printzipioa, loturarik ezaren printzipioa eta kutxa bakarraren printzipioa, bai, halaber, finantza-nahikotasunaren printzipioa eta gaitasun ekonomikoaren printzipioa.
Aurreko arauketarekin gertatu zen bezala, 13/1998 Legea indarrean egon zen bitartean zenbait aldaketa gertatu ziren, bai Administrazioaren jardueran, bai Autonomia Erkidegoko eta Estatuko araudietan, eta, aldaketok garrantzitsuak zirenez, komenigarri iritzi zen lege-testua berriro aldatzea.
Beraz, zenbait aldaketa egin eta tasa berriak sartu ziren lege hauek baliatuta: Euskal Autonomia Erkidegoko 2000. urteko Aurrekontu Orokorrak onartzen dituen abenduaren 29ko 4/1999 Legea, Merkataritza Jardueraren 7/1994 Legea aldatzen duen azaroaren 10eko 7/2000 Legea eta Euskal Autonomia Erkidegoko 2003. urteko Aurrekontu Orokorrak onartzen dituen abenduaren 27ko 8/2002 Legea. Aldaketa horiekin batera, euroari egokitu zitzaizkion tasen zenbatekoak.
Berritasun garrantzitsuenak inguruabar horietara egokitu beharrak ekarriak irailaren 29ko 3/2006 Legearen bitartez onartu ziren Euskal Autonomia Erkidegoko Administrazioaren Tasa eta Prezio Publikoei buruzko Legea eta Euskal Autonomia Erkidegoko Herriogasuntza Nagusiaren Antolarauei buruzko Legea aldatzekoa berau, hartara diru-sarrera publiko horiek modu eraginkorrago batean kudeatu ahal izateko.
Hortaz, berriz definitu zen tasaren kontzeptua, jurisprudentziaren azken erabakietara egokituta, Zergei buruzko abenduaren 17ko 58/2003 Lege Orokorrak lehenago egokitu zuen bezala. Preskripzio-gaietan, epea aldatu eta lau urtekoa finkatu zen, ezarpenaren arauketa osoago bat xedatuta hartara. Bitarteko telematikoak erabiltzeko aukera ere aztertu zen tributu-zorra ordaintzeko, eta araudi berri bat ezarri zen aitorpena epez kanpo eta aurretiazko errekerimendurik gabe egiteagatik ezarritako errekarguetarako.
Gainera, Eusko Legebiltzarraren urtarrilaren 23ko 1/2002 Legeak eta Euskal Autonomia Erkidegoko 2003. urteko Aurrekontu Orokorrak onartzen dituen abenduaren 27ko 8/2002 Legeak Autonomia Erkidegoko zenbait tasaren esparruan sortutako egoera argitu zen, tributua osatzen duten elementuak behin betiko zehazteko.
Bestalde, tasa berriak sartu eta beste batzuk kendu ziren, eta artikulu batzuen edukia aldatu zen. Aldi berean, Euskadi Informazio Gizartean Planean jasotako gomendioei jarraituz eta Xedapen Orokorrak Egiteko Prozeduraren abenduaren 22ko 8/2003 Legean ezarritakoa betetzeko, azken xedapenetako laugarrena aldatu zen, Eusko Jaurlaritzaren web-orrian Tasen eta Prezio Publikoen Legearen testu eguneratua sartzeko, arauen aplikazio-eremuan hedapen handiagoa izan zezan.
Geroago, Euskadiko Nekazaritza eta Elikadura Ekologikoari buruzko abenduaren 29ko 10/2006 Legearen bitartez, nekazaritza ekologikoaren produkzio-araubidea kontrolatzeko zerbitzuengatik ezarritako tasa kendu zen, nahiz eta indarrean jarraitu harik eta Euskadiko Nekazaritza eta Elikadura Ekologikoaren Kontseiluko kideak izendatu arte.
Ondoren, ekainaren 22ko 5/2007 Legearen bidez Euskal Autonomia Erkidegoko Administrazioaren Tasa eta Prezio Publikoei buruzko maiatzaren 29ko 13/1998 Legea aldatzekoa berau, beste apartatu bat gehitu zen, hartan jasotzeko iragarkiak presaz txertatzeari buruzko arloa.
Tasen eta prezio publikoen eremuaren arauketa harmonizatu eta argitu beharrak bultzatuta, berrantolatu egin ziren tasak eta prezio publikoak, Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzen duen irailaren 11ko 1/2007 Legegintzako Dekretuaren bidez. Horrela, aldatu egin zen Legearen II. eta III. tituluen ordena, eta prezio publikoei buruzkoa II. tituluan birkokatu zen, tasa bakoitzaren araudi espezifikoa baino lehen. Horren helburua zen, tasa berriak gehitu ahala, artikulu horiek berriro zenbakitu beharrik ez izatea, haien edukia aldatu ezean.
Halaber, tasak sailkatzeko beste modu bat ezarri zen; izan ere, sailen araberako sailkapena zaharkituta geratu zen, sailek izena aldatu eta beren egitekoak eta jarduketa-arloak trukatu ahala. Sailkapen berriak irizpide objektibo-materialak hartzen zituen oinarritzat, eta, hala, titulu berriak sortu zituen, bat arlo berri bakoitzeko.
Aipatutako 1/2007 Legegintzako Dekretua onartu zenetik, Tasen Legeak aldaketak izan ditu, garrantzi handikoak zein txikiagokoak, eta aldaketa horiek justifikatzen dute testu bategin berri bat onartzea. Aldaketen artean, hauek dira aipagarrienak:
Euskal Autonomia Erkidegoko Administrazioaren Tasa eta Prezio Publikoei buruzko Legea aldatzen duen abenduaren 22ko 5/2011 Legeak ordura arte indarrean egon zen araudia egokitu zuen egindako aldaketetara zehazki, Euskadiko Ondareari buruzko azaroaren 17ko 5/2006 Legeak Euskadiko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuan sartutako aldaketetara, hartara Administrazio orokorraren eta instituzionalaren egitura berriak bat egin zezan tasen eta prezio publikoen erregulazioarekin.
Lege horretan, Aseguru Bitartekari Tituludunaren Diploma egiteagatik ezarritako tasa eta hondakin arriskutsuei buruzko material informatikoa eta kontrol- eta jarraipen-dokumentuak entregatzeagatik ezarritakoa kendu eta beste bi tasa jaso ziren: bilaketa-, erreskate- edo salbamendu-zerbitzuak emateagatik ezarritako tasa eta Europako etiketa ekologikoa eman eta erabiltzeagatik ezarritakoa.
Bizialdi Osoko Ikaskuntzari buruzko urriaren 10eko 1/2013 Legeak tasa bat ezarri zuen, laneko esperientziaren bidez edo prestakuntza-bide ez-formalen bitartez lortutako konpetentzia profesionalak egiaztatzeko.
Lurzorua Kutsatzea Saihestu eta Kutsatutakoa Garbitzeko ekainaren 25eko 4/2015 Legeak azken xedapenetako lehenengoan jaso zuen lurzoruaren kutsadura saihestu eta garbitzeko jarduketei dagokien tasa.
Jendaurreko Ikuskizunen eta Jolas Jardueren abenduaren 23ko 10/2015 Legeak tasa bat ezarri zuen, Ertzaintzak ikuskizunetan edo aisialdiko jardueretan ikusleen edo erabiltzaileen segurtasuna babesteko zerbitzu bereziak emateko. Hala, hauxe ezarri zen tasaren zerga-egitatetzat: zerbitzu zehatz batzuk ematea, onuragarriak direnak bereziki pertsona edo entitate jakinentzat edo, onuragarriak izan gabe ere, zuzenean eragiten dietenak pertsona edo entitate jakinei, betiere, azkeneko kasu horretan, Ertzaintzaren lana pertsona edo entitate horiek eragindakoa bada, zuzenean edo zeharka.
Euskal Autonomia Erkidegoko Portuen eta Itsas Garraioaren ekainaren 28ko 2/2018 Legeak portuko tasei buruzko arauketaren berrikuspen orokorra egin zuen; hala, erabat birdefinitu eta berregituratu zituen tasa horiek, eta, horretarako, azken xedapenetako lehenengoan aldatu egin zuen Tasa eta Prezio Publikoei buruzko Legearen testu bateginean jasotako arauketa (irailaren 11ko 1/2007 Legegintzako Dekretuaren bidez onartutako testu bategina).
Azkenik, Euskal Autonomia Erkidegoko 2020. urteko Aurrekontu Orokorrak onartzen dituen abenduaren 27ko 13/2019 Legearen azken xedapenetako bigarrenak Tasen Legean sartu zituen Euskadiko Kirol Portuak zuzenbide pribatuko ente publikoaren izaera publiko ez-tributarioa duten ondare-prestazioak (tarifak).
Legegintzako dekretu honen bidez onartutako testuak orain arteko egiturari eusten dio, eta artikuluak berriz zenbakitu dira. Tasa bakoitzaren erregulazioari dagokionez, kapitulu bakoitzeko artikuluek legean bertan aurreikusitako eskema betetzen dute, funtsezko elementuen definizioari dagokionez.
Bestalde, arau-erreferentziak eguneratu dira eta euskarazko termino batzuen erabilera harmonizatu da, Euskararen Aholku Batzordearen Terminologia Batzordeak onartutako Herri-ogasunaren hiztegira egokituz. IZO Itzultzaile Zerbitzu Ofizialak gainbegiratu eta zuzendu du Legegintzako Dekretuaren euskarazko testuaren erregularizazioa eta harmonizazioa, bi bertsioen arteko baliokidetasuna bermatzeko.
Era berean, testu arautzailea genero-hizkuntzaren ikuspegitik aztertu eta, hala zegokionean, zuzendu egin da.
Horrenbestez, Ogasun eta Finantzetako sailburuaren proposamenez, Euskadiko Aholku Batzorde Juridikoarekin bat etorriz eta Gobernu Kontseiluak 2025eko otsailaren 18an egindako bilkuran proposamena aztertu eta onartu ondoren, hau
Euskal Autonomia Erkidegoko 2025. urteko Aurrekontu Orokorrak onartzen dituen abenduaren 20ko 8/2024 Legearen azken xedapenetako laugarrenean ezarritakoarekin bat etorriz, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzen da (jarraian erantsita dator).
Beste xedapen batzuetan Euskal Autonomia Erkidegoko Administrazioaren Tasei eta Prezio Publikoei buruzko Legearen testu bategina onartzen duen irailaren 11ko 1/2007 Legegintzako Dekretuari egiten zaizkion arau-erreferentziak direla-eta, ulertuko da legegintzako dekretu honen bidez onartutako testu bategineko kasuan kasuko manuei dagozkiela.
Legegintzako dekretu honen bidez onartzen den testu bategina indarrean jartzen denean, indargabetuta geratuko dira bai Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzen duen irailaren 11ko 1/2007 Legegintzako Dekretua, bai legegintzako dekretu berrian ezarritakoaren aurka doazen maila bereko edo beheragoko xedapen guztiak.
Legegintzako dekretu hau eta beronen bidez onartzen den testu bategina Euskal Herriko Agintaritzaren Aldizkarian argitaratu eta hurrengo egunean jarriko dira indarrean.
EUSKAL AUTONOMIA ERKIDEGOKO ADMINISTRAZIOAREN TASEN ETA PREZIO PUBLIKOEN LEGEAREN TESTU BATEGINA
Lege honen xedea da Euskal Autonomia Erkidegoko Administrazio orokorrak eta instituzionalak exijitutako tasen eta prezio publikoen araubide juridikoa arautzea.
Lege honen aplikazio-eremutik kanpo geratzen dira Euskal Autonomia Erkidegoko sektore publikoko entitateek zuzenbide pribatuko arauei jarraituz egiten dituzten jardueretatik eta ematen dituzten zerbitzuetatik eratorritako diru-sarrerak.
Lege honen aplikazio-eremutik kanpo geratzen dira sektore publikoko kontratuen legeriaren arabera obra erabiltzeagatik edo zerbitzua jasotzeagatik erabiltzaileek obra- eta zerbitzu-emakidadunei ordaintzen dizkieten tarifak, izaera publiko ez-tributarioa duten ondare-prestazioak baitira.
Tasetatik eta prezio publikoetatik sortzen diren diru-sarreren aurrekontu-araubidea Euskal Autonomia Erkidegoko Ogasun Nagusia osatzen duten diru-sarreretan aplikatzekoa den araubide bera izango da.
Lege honetan arautzen diren diru-sarreren bitartez eskuratutako baliabideak Autonomia Erkidegoaren Aurrekontu Orokorretan agertuko dira, diru-sarreren egoera-orrian, eta Euskal Autonomia Erkidegoko Diruzaintza Nagusiaren kutxa eta kontuetan sartuko dira.
Baliabide horien etekina dagokion diru-sarreren aurrekontuari atxikiko zaio oso-osorik, eta ezingo da inolako zenbatekorik kendu edo murriztu, 10. artikuluan xedatzen den kasuan izan ezik; etekina behar orokorrei erantzuteko erabiliko da, non eta baliabide horietako batzuk ez diren xede jakinetarako atxikitzen, betiere salbuespenez eta legez hala ezarrita.
Ogasunaren arloan eskumena duen sailaren buruak Jaurlaritzari edo dagokion arloko sailaren buruari proposatu ahalko dio tasak edo prezio publikoak ezartzea, bai eta horiek eguneratzea ere, hala dagokionean.
Agintariek, funtzionario publikoek, agenteek edo horien kidekoek diziplinazko falta oso astuna egingo dute, baldin eta, beren borondatez eta errudun izanda, tasa edo prezio publiko bat bidegabeki eskatzen badute edo ezarritakoa baino diru kopuru handiagoa eskatzen badute. Gainera, beste arlo batzuetako erantzukizunak ere eskatu ahal izango zaizkie halako jarduketak egiteagatik.
Era horretara jardunda, beren ebazpenekin edo egintzekin lege hau eta arlo hau arautzen duten gainerako arauak urratzen badituzte, aurreko erantzukizun horretaz gain, kalte-ordainak ordaindu beharko dizkiote Euskal Autonomia Erkidegoko Ogasun Nagusiari, eragindako kaltearengatik.
Tasak tributu mota bat dira, zerga-egitatetzat hauek izaten dituztenak: jabari publikoaren erabilera pribatiboa edo aprobetxamendu berezia egitea, edota tributu-betebeharpekoari bideratzen eta hari eragiten edo mesede egiten dioten jarduerak egitea edo zerbitzuak ematea zuzenbide publikoko araubidean, betiere zerbitzu edo jarduera horiek ez badira tributu-betebeharpekoek beren borondatez eskatutakoak edo hartzekoak edo ez baditu sektore pribatuak ematen edo gauzatzen.
BIGARREN ATALA
PRINTZIPIOAK
Legebiltzarrak emandako legearen bidez bakarrik sortu eta arautu daitezke tasak. Legeak tasen funtsezko elementuak ezarri beharko ditu.
Arau hauen arabera ezarriko dira tasak:
Lege hau edo tasa bakoitzaren berezko legea.
Euskadiko Ogasun Nagusiaren Antolarauei buruzko Legea.
Lege horiek garatzeko emandako erregelamendu-arauak.
Tasaren zerga-egitatea zer zerbitzu edo jarduerari dagokion, zerbitzu edo jarduera horren kostua berdintzera jo behar da tasaren bidez.
Euskal Autonomia Erkidegoko Aurrekontu Orokorren Legean, tasen arauketa aldatu ahal izango da.
Tasak ezartzerakoan, kontuan hartu beharko da zer-nolako gaitasun ekonomikoa duten tasok ordaindu behar dituzten pertsonek, baldin eta tributuaren ezaugarriek horretarako aukera ematen badute.
Baldin eta subjektu pasiboari egotzi ezin zaion arrazoi batengatik tasaren zerga-egitatea gauzatzen ez bada, tasaren zenbatekoa itzuliko zaio.
HIRUGARREN ATALA
TASAREN FUNTSEZKO ELEMENTUAK
Tasak ezarri ahal izango dira jabari publikoaren erabilera pribatiboa edo aprobetxamendu berezia egiten denean, edo zerbitzu edo jarduerak zuzenbide publikoko araubidean ematen edo egiten direnean, hala nola:
Administrazioaren edozein eratako lizentziak, oniritziak, matrikulak edo baimenak izapidetzean edo egitean.
Interesdunak eskaturik ziurtagiriak edo agiriak egitean.
Liburuak legeztatzean edo zigilatzean.
Jarduketa tekniko eta fakultatibo hauek egitean: zaintza, zuzendaritza, ikuskapena, ikerketa, azterlanak, txostenak, aholkularitza, egiaztapenak, araketak edo prospekzioak.
Proiektuak aztertzean, egiaztapenak eta erkatzeak egitean, saiakuntzak eta homologazioak egitean.
Balorazioak eta tasazioak egitean.
Erregistro ofizial eta publikoetan inskripzioak eta oharrak idaztean.
Zerbitzu akademikoak eta osagarriak ematean.
Portu eta aireportuetako zerbitzuak ematean.
Osasun-zerbitzuak ematean.
Orotariko zerbitzu edo jarduerak egitean, pertsona zehatzei zuzenduak badaude edo pertsona horientzat eragina edo onura badute, edo haiek zuzenean nahiz zeharka eragin badituzte.
Euskal Autonomia Erkidegoko sektore publikoko entitateek emandako zerbitzu edo egindako jarduera publikoen tasei ezarriko zaie lege hau, zerbitzu eta jarduera horiek nonahi eman edo egiten direla ere.
Tasaren sortzapena inguruabar hauetan izango da, betiere zerga-egitatearen izaeraren arabera:
Jabari publikoaren erabilera pribatibo edo aprobetxamendu berezirako emakida-, baimen- edo lagapen-tituluak ematen direnean.
Kostu-bidezko erabilera-lagapena edo emakida indarrean duten hurrengo urte-aldietan, urte bakoitzeko urtarrilaren 1ean izango da tasaren sortzapena.
Zerga-egitate diren zerbitzu edo jarduerak ematen edo gauzatzen direnean.
Hala ere, dena delako jarduketa aldez aurretik eskaera eginda gauzatzekoa bada, tasa aurretiaz ordaintzeko exijitu daiteke; hain zuzen, eskaera aurkezten denean.
Administrazio-jarduketa hori burutzen ez bada eta arrazoia ezin bazaio subjektu pasiboari egotzi, itzuli egingo da tasaren zenbatekoa.
Tasen subjektu pasiboak dira jabari publikoaren erabilera pribatiboaren edo aprobetxamendu bereziaren onuradunak (pertsona fisikoak zein juridikoak), edo zerga-egitate diren zerbitzu edo jarduera publikoen eragina edo onura jasotzen dutenak dela berek zuzenean edo dela beren ondasunetan.
Hala badagokio, hauek ere tasen subjektu pasibotzat joko dira: jarauntsi banatugabeak, ondasun-erkidegoak eta bestelako entitate batzuk, baldin eta nortasun juridikorik izan ez arren zergapetu daitezkeen unitate ekonomikoak eta ondare bereiziak osatzen badituzte.
Tasa bakoitzaren berariazko legeak zergadunaren ordezkoak izendatu ahal izango ditu subjektu pasibo gisa, zerga-egitatearen ezaugarriak direla-eta komenigarria bada.
Zerga-egitatean bi onuradunek edo gehiagok esku hartzen badute, erantzule solidario izango dira guztiak, non eta tasa bakoitza arautzen duen arauak ez duen berariaz besterik xedatzen.
Tasa bakoitzaren berariazko legeak tasaren zenbatekoaren erantzule solidariotzat edo subsidiariotzat jo ahal izango ditu prozeduran interesdun diren beste pertsona batzuk.
Etxebizitzak, pabiloiak, lokalak edo oro har eraikinak okupatzen edo erabiltzen dituztenei onura dakarkieten zerbitzu edo jarduerengatik ezarritako tasetan, eraikin horien jabeak izango dira erantzule subsidiarioak.
Lege honetan edo beste batzuetan bestelakorik agindu ezean, Euskal Autonomia Erkidegoko Administrazio publikoa, Estatua eta gainerako ente publikoak lurraldekoak nahiz instituzionalak salbuetsita egongo dira tasak ordaintzetik, betiere tasetan elkarrekikotasuna badago.
Lege batek agintzen badu, gainerako subjektu pasiboak ere tasatik salbuetsita geratuko dira edo tasa ordaintzeko hobaria izango dute, zerga-egitatearen ezaugarrien arabera edo subjektu pasiboen izaeraren arabera.
Jabari publikoaren erabilera pribatiboa edo aprobetxamendu berezia egiteagatik ezarritako tasen zenbatekoak muga hau izango du guztizko kostutzat: dagokion merkatu-balioa edo eragindako onuraren araberako balioa.
Meatze edo hidrokarburoetarako baimen edo emakiden kasuan, eskubidearen xede den azalera hartuko da kontuan.
Zerbitzu bat emateagatik edo jarduera bat egiteagatik ordaindu beharreko tasen zenbatekoak, guztira, ezingo du gainditu zerbitzu edo jarduera horren benetako kostua edo aurreikusitako kostua, ez eta, bestela, jasotako prestazioaren balioa ere.
Zenbateko hori zehazteko, zuzeneko kostuak eta zeharkakoak hartuko dira kontuan, hauek ere barnean direla: finantza-kostuak, ibilgetuaren amortizazioarenak eta, hala badagokio, tasa eragin duen zerbitzu edo jarduera hori mantendu eta arrazoizko era batean garatuko dela bermatzeko kostuak; hori guztia, zeinahi dela ere zerbitzu horiek ordaintzeko baliatzen den aurrekontua. Kontuan hartuko da beti subjektu pasiboaren jarduketek, jarduerek edo zerbitzuek zer-nolako kostu sozialak edo onura sozialak dakartzaten, tasaren zenbatekoa tasaren onura sozialaren kontzeptura hurbilarazteko.
Tributu-kuota prozedura hauetako batez ezar daiteke: kopuru finko bat izendatu daiteke kuotatzat; zerga-oinarritzat balioko duten elementu kuantitatiboei aplikatzekoa zaien karga-tasa baten arabera ezar daiteke; edo bi prozedura horiek erabil daitezke, batera.
Erabilera pribatiboaren edo aprobetxamendu bereziaren ondorioz jabari publikoa suntsitzen edo hondatzen bada eta suntsitze edo hondamen hori aski neurri handikoa eta tasaren zenbatekoa zehazteko arauetan aurreikusi gabea bada, onuradunak konponketaren edo berreraikuntzaren gastu guzti-guztiak ordaindu beharko ditu. Betebehar horrek ez du kentzen tasa ordaintzeko betebeharra. Kalteak ezin konponduzkoak badira, suntsitutako ondasunen balioaren adinakoa edo ondasunei eragindako hondamenaren zenbatekoaren adinakoa izango da kalte-ordaina.
Tasak kudeatu eta likidatzea sail, organismo autonomo eta zuzenbide pribatuko ente publikoei dagokie, tasaren sortzapena eragiten duen zerbitzua eman edo jarduera egiten duten heinean.
Ogasunaren arloan eskumena duen sailari dagokio tasen kudeaketa, likidazioa eta bilketa zaindu eta kontrolatzea; hari dagokio, orobat, tasen finantza- eta tributu-arloko ikuskapena, premiamendu-bideko diru-bilketa eta kontabilitate-arloko kontrola eta fiskalizazioa.
Tasaren kudeaketa, baldin eta tasa autolikidatzea ez badago aurreikusita, honela hasiko da: Administrazioak likidazioa egingo du ofizioz, tasaren sortzapen-unean, edo subjektu pasiboak eskaturik, eskaera egiten duen unean. Likidazioan, datu hauek agertu beharko dira beti: zein arau juridikoren babespean egiten den; zein diren likidazioaren kontzeptua, zerga-oinarria eta karga-tasa, hala badagokio; zenbatekoa den kuota dela finkoa, dela aldagarria; nor den subjektu pasiboa; diru-sarrera non, zein eperen barruan eta nola egin behar den, eta likidazioaren kontra zein errekurtso aurkez daitezkeen, espresuki adierazita zein epetan aurkez daitezkeen eta zein organok duten ebazteko eskumena. Hori guztia tasaren organo likidatzailearen erantzukizuna izango da.
Tasen subjektu pasiboek tributu-autolikidazioaren eragiketak egin behar dituzte, baita ondoriozko tributu-zorraren ordainketa ere, hala lege honetan zehaztutako kasuetan nola erregelamenduz zehaztuko direnetan.
Tasak, oro har, sortzapenaren unean ordaindu beharko dira, non eta dena delako tasaren berezko araudian ez den ordaintzeko borondatezko epe zehatzik ezartzen.
Tasak eskudirutan ordainduko dira, ondoren aipatzen diren bitartekoetako bat erabiliz eta, betiere, bitarteko horietako bakoitzerako erregelamenduz ezartzen diren eskakizun eta baldintzak betez:
Legezko dirua.
Txekea.
Kreditu- edo zordunketa-txartelak.
Banku-transferentzia.
Banku-helbideratzea.
Ogasunaren arloan eskumena duen sailak baimentzen duen beste edozein bitarteko.
Ez da onartuko beste administrazio publikoren batek jaulkitako efektu tinbredunen edo ordainketa-agirien bidez ordaintzea tasak.
Ogasunaren arloan eskumena duen sailak baimena eman dezake aurreko 2. apartatuko c), d) eta e) letretan aipatzen diren ordainketa moduetan bide telematikoa erabiltzeko. Horretarako, teknika eta bitarteko elektronikoak, informatikoak edo telematikoak erabiliz ordaintzeko eskakizun eta baldintzak arautuko dira.
Borondatez ordaintzeko epea amaitu eta artean tributu-zorra ordaindu gabe badago, epe exekutiboari ekingo zaio.
Hala ere, borondatez ordaintzeko epeaz kanpo egiten diren ordainketetan, berandutze-interesa ordaindu beharko da.
Berandutze-interesa eskatuko da, era berean, egintzaren betearazpena eten egiten bada eta ordainketa era batera edo bestera geroratu, zatikatu eta luzatu egiten bada.
Errekargu hauek ordaindu beharko dira aurretiazko errekerimendurik gabe epez kanpo aurkeztutako aitorpenengatik:
Aitorpena aurkezteko eta diru-sarrera egiteko ezarritako epea igaro eta hurrengo hiru hilabeteen barruan aurkezten bada autolikidazioa edo aitorpena, errekargua % 5ekoa izango da, kanpoan utzita berandutze-interesak eta zehapenak, halakorik ezarri bada.
Aitorpena aurkezteko eta diru-sarrera egiteko ezarritako epea igaro eta laugarren eta seigarren hilabeteen artean aurkezten bada autolikidazioa edo aitorpena, errekargua % 10ekoa izango da, kanpoan utzita berandutze-interesak eta zehapenak, halakorik ezarri bada.
Aitorpena aurkezteko eta diru-sarrera egiteko ezarritako epea igaro eta zazpigarren eta hamabigarren hilabeteen artean aurkezten bada autolikidazioa edo aitorpena, errekargua % 15ekoa izango da, kanpoan utzita berandutze-interesak eta zehapenak, halakorik ezarri bada.
Aurreko a), b) eta c) letretan aipatzen diren errekarguak kalkulatzeko, autolikidazioaren ondorioz ordaindu beharreko zenbatekoa edo epez kanpoko aitorpenen ondoriozko likidazioaren zenbatekoa erabiliko da, eta kanpoan utziko dira autolikidazioa edo aitorpena aurkeztu arte sortzapena izan duten berandutze-interesak eta zehapenak, halakorik ezarri bada.
Aurkezpenerako ezarrita dagoen epea bukatu eta 12 hilabete igaro ondoren egiten bada, errekargua % 20koa izango da, zehapenak kontuan izan gabe, halakorik ezarri bada. Kasu horietan, denbora-tarte honi dagozkion berandutze-interesak eskatuko dira: aurkezpena egiteko ezarritako epea amaitu ondorengo 12 hilabeteen amaierako egunaren biharamunetik hasi eta autolikidazioa edo aitorpena aurkeztu arteko denbora.
Tasa ordaindu behar dutenek epez kanpoko autolikidazioa aurkeztearekin batera ez badute diru-sarrera egiten eta ordainketa atzeratzeko, zatikatzeko edo konpentsatzeko eskabiderik ere ez badute egiten, 3. apartatuan aipatzen diren errekarguak eta berandutze-interesak eskatuko zaizkie epe exekutiborako errekarguekin eta berandutze-interesekin batera.
Aurretiazko errekerimendurik gabe epez kanpo aurkeztutako aitorpenen likidazioen kasuan, ez da berandutze-interesik eskatuko aitorpena aurkeztu zenetik borondatezko ordainketarako epea amaitu arte igarotako aldiarengatik. Dena den, horrek ez die eragingo aitorpena epez kanpo aurkezteagatik eskatzekoak diren errekarguei eta interesei.
Tasaren zenbatekoa Euskal Autonomia Erkidegoko Diruzaintza Nagusiaren alde kontsignatzeak edo tasa fidantzatzeak ordainketaren ondorio berbera izango dute, desadostasuna badago tasaren egokitasunaz edo zenbatekoaz. Ordaintzeko betebeharra duenak ez badu frogatzen legez ezarritako epearen barruan aurkeztu duela errekurtso egokia, Euskal Autonomia Erkidegoko Diruzaintza Nagusian sartuko dira behin betiko bai kontsignatutako diru-zenbatekoak, bai fidantzan emandakoak.
Tasen arloko eskubide hauek lau urteren buruan preskribatuko dute:
Administrazioak duen eskubidea tasaren tributu-zorra dagokion likidazioaren bidez zehazteko.
Administrazioak duen eskubidea likidatutako eta autolikidatutako tributu-zorren ordainketa eskatzeko.
Administrazioak duen eskubidea tributu-zehapenak ezartzeko.
Jarduketa hauek eskatzeko eskubidea: diru-sarrera bidegabeak itzultzea (lege honen ondorioz sortutako itzulketak) eta bermeen kostua itzultzea.
Jarduketa hauek lortzeko eskubidea: diru-sarrera bidegabeak itzultzea (lege honen ondorioz sortutako itzulketak) eta bermeen kostua itzultzea.
Aurreko apartatuan zehazten diren kasuetan, preskripzio-epea arau hauen arabera hasiko da kontatzen:
kasuan, aitorpena edo autolikidazioa aurkezteko arauzko epea bukatu eta hurrengo egunetik aurrera.
kasuan, borondatez ordaintzeko epea bukatu eta hurrengo egunetik aurrera, artikulu honen 3. apartatuan ezarritakoari kalterik egin gabe.
kasuan, tributu-arloko arau-hausteak egin ziren une berberetik.
kasuan, diru-sarrera bidegabea egin eta hurrengo egunetik edo autolikidazioa aurkezteko epea bukatu eta hurrengo egunetik aurrera, baldin eta diru-sarrera bidegabea epe horren barruan egina bazen; edo aurkaratutako egintza guztiz ala hein batean bidegabetzat jotzen duen epaia edo administrazio-ebazpena irmo bihurtu eta hurrengo egunetik aurrera.
kasuan, diru-sarrera bidegabeak edo bermeen kostua itzultzeko eskubidea aitortzen duen erabakia jakinarazi eta hurrengo egunetik aurrera.
Zordun nagusiak bere borondatez ordaintzeko epea bukatu ondoko egunetik hasiko da kontatzen erantzule solidarioei ordainketa eskatzeko preskripzio-epea.
Erantzule subsidiarioen kasuan, zordun nagusiari edo erantzule solidarioetako edozeini tasak biltzeko azken jarduketaren jakinarazpena egin zitzaionetik hasiko da kontatzen preskripzio-epea.
Preskripzio-epeak etetea.
Artikulu honen 1. apartatuko a) letrak aipatzen duen eskubidearen preskripzio-epea eten egingo da, baldin eta:
Administrazioak ekintzaren bat egiten badu tributu-betebeharraren elementu guztiak edo horietako batzuk onartu, erregularizatu, egiaztatu, ikuskatu, ziurtatu edo likidatzeko, tributu-betebeharpekoak modu formalean ekintzon berri izanda.
Edozein motatako erreklamazioak edo errekurtsoak aurkezten badira; erreklamazio edo errekurtso horien harian Administrazioak jarduketak egiten baditu, tributu-betebeharpekoak modu formalean jarduketon berri izanda; jurisdikzio penalari erruduntasun-testigantza igortzen bazaio edo Fiskaltzaren aurrean salaketa aurkezten bada; eta irekitako administrazio-prozedura gelditu dadin agintzeko organo jurisdikzional batek egindako komunikazioa jasotzen bada.
Tributu-betebeharpekoak edozein jarduketa frogagarri egiten badu tributu-zorra likidatze edo autolikidatze aldera.
Artikulu honen 1. apartatuko b) letrak aipatzen duen eskubidearen preskripzio-epea eten egingo da, baldin eta:
Administrazioak ekintzaren bat egiten badu tributu-zorra modu efektiboan kobratzeko, tributu-betebeharpekoak modu formalean ekintzon berri izanda.
Edozein motatako erreklamazioak edo errekurtsoak aurkezten badira; erreklamazio edo errekurtso horien harian, Administrazioak jarduketak egiten baditu, tributu-betebeharpekoak modu formalean jarduketon berri izanda; zordunaren konkurtsoa deklaratzen bada edo tributu-zorra kobratzeko akzio zibil zein penalak egikaritzen badira; eta irekitako administrazio-prozedura gelditu dadin agintzeko organo jurisdikzional batek egindako komunikazioa jasotzen bada.
Tributu-betebeharpekoak edozein jarduketa frogagarri egiten badu tributu-zorra ordaindu edo azkentze aldera.
Artikulu honen 1. apartatuko c) letrak aipatzen duen eskubidearen preskripzio-epea eten egingo da, baldin eta:
Administrazioak tributu-zehapena ezartzeko edozein ekintza egiten badu, interesdunak modu formalean ekintzon berri izanda.
Tributu-betebeharpekoaren tributu-egoera erregularizatzeko egiten diren akzio administratiboek eten egingo dute erregularizatze horren ondorioz sortutako tributu-zehapenak ezartzeko preskripzio-epea.
Edozein motatako erreklamazioak edo errekurtsoak aurkezten badira; jurisdikzio penalari erruduntasun-testigantza igortzen bazaio; eta prozedura horien harian jarduketak egiten badira, tributu-betebeharpekoak modu formalean jarduketon berri izanda.
Artikulu honen 1. apartatuko d) letrak aipatzen duen eskubidearen preskripzio-epea eten egingo da, baldin eta:
Tributu-betebeharpekoak jarduketa frogagarriren bat egiten badu diru-sarrera bidegabeak edo bermeen kostua itzultzeko, edo autolikidazioa zuzentzeko.
Edozein motatako erreklamazioak edo errekurtsoak aurkeztu, tramitatu edo ebazten badira.
Artikulu honen 1. apartatuko e) letrak aipatzen duen eskubidearen preskripzio-epea eten egingo da, baldin eta:
Administrazioak ekintzaren bat egiten badu, diru-sarrera bidegabeak edo bermeen kostua itzultzeko.
Tributu-betebeharpekoak jarduketa frogagarriren bat egiten badu diru-sarrera bidegabea edo bermeen kostua itzul dakion eskatzeko.
Edozein motatako erreklamazioak edo errekurtsoak aurkeztu, tramitatu edo ebazten badira.
Epea etendakoan, berriz hasiko da preskripzio-epea zenbatzen, salbu eta hurrengo apartatuan aipatzen den kasuan.
Preskripzio-epea beste era hauetan eteten bada, hots, administrazioarekiko auzien jurisdikzioaren aurrean errekurtsoa aurkezteagatik, akzio zibil edo penalak egikaritzeagatik, erruduntasun-testigantza jurisdikzio eskudunari igortzeagatik, Fiskaltzari salaketa aurkezteagatik edo prozedura geldiarazteko agintzen duen komunikazio judiziala jasotzeagatik, berriro hasiko da preskripzio-epea zenbatzen, prozesu judizialari amaiera ematen dion edo geldiarazpena kentzen duen ebazpen irmoaren jakinarazpena jasotzen duenean Administrazioak, edo, bestela, Fiskaltzaren eskutik espedientea atzera itzultzen dela aditzera emateko jakinarazpena jasotzen denean.
Preskripzio-epea zordunaren konkurtsoa deklaratzeagatik eteten bada, konkurtso-prozesutik kanpo dauden tributu-zorretarako konkurtso-hitzarmena onartzen den unean hasiko da berriro preskripzio-epea. Konkurtso-hitzarmenaren pean dauden tributu-zorrei dagokienez, zorrak zordunari eska dakizkiokeenean hasiko da berriro preskripzio-epea zenbatzen. Hitzarmena onartzen ez bada, inguruabar horren berri ematen duen ebazpen judizial irmoa jasotzen denean hasiko da berriro preskripzio-epea.
Apartatu honetan xedatutakoa ez zaio aplikatuko Administrazioak ordainketa exijitzeko duen eskubidearen preskripzio-epeari, baldin eta etena administrazioarekiko auzibidean erabaki ez bada.
Preskripzio-epea tributu-betebeharpeko batentzat eteten bada, berdin etengo da gainerako tributu-betebeharpekoentzat ere erantzuleak barne. Dena den, betebeharra mankomunatua bada eta tributu-betebeharpeko bakarrari erreklamatzen bazaio dagokion zatia, gainerakoentzat epea ez da etengo.
Zor likidatu bat baino gehiago badago tributu-betebeharpeko beraren kontura, dagokion zorraren preskripzio-epea baizik ez da etengo.
Irabazitako preskripzioak ondorio berberak sortzen ditu ordaintzeko betebeharra duten guztientzat, salbu eta aurreko 7. apartatuan xedatutako inguruabarretan.
Preskripzioa ofizioz aplikatuko da, baita tributu-zorra ordainduta dagoenean ere, tributu-betebeharpekoak preskripzioa eskatu edo preskripzio-salbuespena aurkeztu beharrik gabe.
Irabazitako preskripzioak azkendu egiten du tributu-zorra.
Tasak eragindako tributu-zorra legearen indarrez bakarrik barkatu ahal izango da, eta lege horrek zehazten dituen zenbateko eta baldintzekin.
Subjektu pasiboaren eta gainerako erantzuleen kaudimengabezia frogatuagatik betearazpen-prozeduretan ordainarazi ezin izan diren zorrak behin-behinekoz azkenduta daudela joko da, dagokion zenbatekoan, harik eta preskripzio-epearen barruan birgaitzen diren arte.
Euskal Autonomia Erkidegoko Administrazioak, ofizioz edo interesdunak eskaturik, likidazioetan atzemandako akatsak zuzenduko ditu hala materialak eta egitezkoak, nola aritmetikoak baldin eta preskripzio-epea igaro ez bada.
Tasak kudeatzeko egintzen aurka, aurretiazko eta aukerako berraztertze-errekurtsoa aurkeztu ahal izango zaio tasa hori kudeatzen duen organoari.
Berraztertze-errekurtsoari buruzko ebazpenaren aurka edota kudeaketa-egintzen aurka (baldin eta errekurtsorik aurkeztu ez bada), erreklamazioa aurkeztu ahal izango zaio Euskadiko Ekonomia Arduralaritzaren Epaitegiari, organo hori arautzen duten arauei jarraituz.
Aurkaratutako egintzaren betearazpena automatikoki etengo da interesdunak eskaturik, baldin eta bermaturik geratzen badira egintza horren zenbatekoa, etendurak sortzen dituen berandutze-interesak eta etendura eskatzeko unean bidezkoak diren errekarguak.
Aurkaratzeak tributu-zehapen bati eragiten badio, automatikoki etengo da zehapen horren betearazpena, bermerik eman beharrik gabe.
Erreklamazio ekonomiko-administratiboari buruzko ebazpenak amaitu egingo du administrazio-bidea, eta ebazpen horren aurka administrazioarekiko auzi-errekurtsoa ezarri ahal izango da.
Euskal Autonomia Erkidegoko Administrazio orokorraren tasen inguruko arau-hauste eta zehapenen kasuan, lege honetan edo tasa bakoitzaren legean jartzen duena bete beharko da, eta, halako legerik ez badago, tributuen arloko arau-hauste eta zehapenen araubide orokorra zehazten duen araudia bete beharko da.
Tasei buruzko agirietan, tasak kudeatzen dituen organoaren edo organismo autonomoaren izena jaso beharko da. Tasa, berriz, lege honetan eta aurrerantzean tasa sortzen duen legean ematen zaion izenarekin identifikatuko da.
Prezio publikotzat joko dira zuzenbide publikoko araubidean egindako jardueren edo emandako zerbitzuen truke ordaintzen diren diruzko kontraprestazioak, baldin eta lege honen 4. artikuluaren arabera tasa ez badira.
Dekretu bidez zehaztuko da zein zerbitzu eta jarduera ordaindu ahal izango diren prezio publikoen bidez; horretarako, proposamena egingo dute elkarrekin ogasunaren arloan eskumena duen sailak, batetik, eta, bestetik, zerbitzu edo jarduera horiek ematen dituen sailak edo dagokion organoa edo entea atxikita duen sailak.
Kasuan kasuko jarduerak egiteko edo zerbitzuak emateko kostu ekonomikoak gutxienez berdintzeko adinakoak izango dira prezio publikoak, eta, zehaztapena egiteko, kontuan izango da beti jarduera edo zerbitzu horiek gizarteari dakarkioten onura.
Gizartearekin, ongintzarekin, kulturarekin edo interes publikoarekin zerikusia duten arrazoiak direla eta, aurreko apartatuan aurreikusitakoak baino prezio publiko merkeagoak ezar daitezke, preziotik diruz lagunduko den zatia ordaintzeko aurrekontu-aurreikuspenak ezarri ondoren.
Halaber, eta aurreko apartatuan aipatutako aurrekontu-aurreikuspenak betetzeko, ordaintzeko betebeharra duten subjektuen egoera edo jardueren ezaugarri bereziak kontuan harturik, salbuespenak eta hobariak ezarri ahal izango dira ordaindu beharreko prezio publikoetan. Prezioak finkatzen dituen xedapenean zehaztuko dira inguruabar horiek.
Lege berezi batean bestelakorik ezarri ezean, prezio publikoak honela finkatu edo aldatuko dira:
Prezioak kobratu behar dituen organoak edo enteak gainetik daukan saileko titularraren aginduz, organo edo ente horrek proposaturik.
Zuzenean merkataritzako organismo autonomoen eskutik, gainetik duten sailaren baimena jasota aurrez, haien jardueraren xede diren zerbitzuei edo ondasun-salmentari dagozkien prezioak direnean.
Prezio publikoak finkatu edo aldatzeko proposamenarekin batera, memoria ekonomiko-finantzarioa aurkeztuko da, eta han justifikatuko dira prezioen zenbatekoa eta kostuen finantzaketaren estaldura-maila.
Prezio publikoak finkatu edo aldatzeko proposamenaren onarpenarekin batera, ogasunaren arloan eskumena duen sailaren txosten loteslea beharko da.
Prezio publikoen zenbatekoak finkatzen edo aldatzen direnean, Euskal Herriko Agintaritzaren Aldizkarian emango dira argitara.
Prezio publikoak jaso behar dituzten sailak edo enteak arduratuko dira preziook administratzeaz eta kobratzeaz.
Prezio publikoak eskarazten dituzten ondasunak entregatzen direnean edo zerbitzua ematen hasten denean exijitu ahal izango da ordainketa.
Lege honen 21. artikuluan zehazten dira prezio publikoak ordaintzeko erak.
Prezio publikoen zenbatekoa, osoa edo zati bat, aldez aurretik ordaintzeko eskatu ahal izango da.
Administrazioak frogagiri bat emango du ordainketaren trukean. Frogagirian, xehetasun hauek agertuko dira, gutxienez:
Frogagiria egin duen organoa edo entea.
Zordunaren izen-deiturak edo sozietate-izena, identifikazio fiskaleko zenbakia adierazita.
Helbidea.
Kontzeptua.
Prezio publikoaren zenbatekoa, kobrantza-eguna eta kobrantza-aldia, hala badagokio.
Balio erantsiaren gaineko zerga, eragiketari hala badagokio eta salbuetsita ez badago.
Ez da beharrezkoa izango frogagirian zordunaren identifikazio-datuak adieraztea, emandako zerbitzuak honako hauek direnean: pertsonak eta haien ekipajeak garraiatzea, ibilgailuak aparkatzea eta ikuskizun publikoak egitea.
Prezioa ordaintzeko betebeharra duenari egoztekoak ez diren arrazoiengatik jarduera egiterik ez dagoenean edo zerbitzua ematen ez denean, atzera itzuliko zaio dirua, edo, ikuskizunak baldin badira, sarrerak trukatuko zaizkio, ahal denean.
Prezio publikoei dagozkien zorrak premiamenduko administrazio-prozeduraren bitartez erreklamatu ahal izango dira, prezio publikoaren araudi espezifikoan diru-sarrera egiteko ezarritako epea amaitutakoan edo, horrelako araurik ez bada, diru-bilketari buruzko araudian oro har ezarritako epea amaitutakoan.
Ogasun-arloan eskumena duen sailak ordainketa geroratzeko edo zatika ordaintzeko baimena eman dezake, prezioa ordaintzeko betebeharra duenak aldez aurretik horrela eskatuta. Tasetarako ezarritako baldintza berberak beteko dira halakoetan.
Lau urteren buruan preskribatuko du Euskal Autonomia Erkidegoko Administrazioak eta haren organismo autonomoek prezio publikoak aitortzeko eta likidatzeko duten eskubideak. Eskubidea baliagarri izan zen egunetik aurrera hasiko da kontatzen preskripzio-epea.
Lege honetan berariaz aurreikusi gabeko orotan, prezio publikoak administratzeko eta kobratzeko, Euskadiko Ogasun Nagusiaren Antolarauei buruzko Legean eta aplikatzekoak diren gainerako arauetan ezarritakoa beteko da.
Prezio publikoei buruzko administrazio-egintzen aurka, aurretiazko eta aukerako berraztertze-errekurtsoa aurkeztu ahal izango zaio organo kudeatzaileari, eta erreklamazio ekonomiko-administratiboa Euskadiko Ekonomia Arduralaritzaren Epaitegiari.
Tasa honen zerga-egitatea da Administrazioak beharrezkoak diren zerbitzuak ematea Administrazioan sartzeko hautaketa-probak egiteko; zehazki esanda, interesdunek aurkeztutako eskabideak jaso eta aztertzea.
Tasa honen subjektu pasibo dira Euskal Autonomia Erkidegoko Administrazio orokorrak edo haren organismo autonomoek langileak hautatzeko egiten dituzten deialdietan parte hartzeko eskabidea aurkezten dutenak.
Tasaren sortzapena eskabidea aurkezten denean izango da.
Tarifa honen arabera eskatuko da tasa (eurotan):
Titulazio-eskakizunarekin: 20,27.
Titulazio-eskakizunik gabe: 8,02.
Tasa honen zerga-egitatea da Administrazio orokorraren sailek eta organismo autonomoek administrazio-zerbitzu hauek ematea:
Kopia autentikoak, autentifikatuak eta konpultsatuak egitea.
Liburuak eginbidetzea.
Erregistro eta errolda ofizialetan inskribatzea.
Ahalordeak eta legitimazio-egiaztagiriak askiestea.
Sinadurak legeztatzea.
Administrazio-zerbitzu horiek ez dira tasa honen pean egongo, baldin eta lege honetan aurreikusitako beste tasaren baten bidez kargatuta badaude berariaz.
Tasa honen subjektu pasibo dira 40. artikuluko 1. apartatuan aipatzen diren zerbitzuak eskatzen edo jasotzen dituzten pertsona fisiko edo juridikoak.
Tasaren sortzapena zerga-egitate diren administrazio-zerbitzuak ematean izango da. Halere, eskaera egiten den unean ordain dadin eskatu ahal izango da.
Tarifa honen arabera eskatuko da tasa (eurotan):
Kopia autentikoak, autentifikatuak eta konpultsatuak egiteagatik:
Kopia bakoitza 3,95.
Konpultsatu beharreko agiriaren orri gehigarri bakoitzeko honenbeste gehituko da: 0,392625.
Kontabilitate-liburuak, aktak edo halako agiriak eginbidetzeagatik. Agiri bakoitza: 3,95.
Erregistro eta errolda ofizialetan inskribatzeagatik. Inskripzio bakoitza: 3,95.
Ahalordeak eta legitimazio-egiaztagiriak askiestegatik. Agiri bakoitza: 3,95.
Sinadurak legeztatzeagatik. Legeztatutako sinadura bakoitza: 3,95.
Tasa honetatik salbuetsita egongo dira:
Administrazioko langileak, ziurtagiriak eskatzen dituztenean lanpostuari berari dagozkio beharrak betetzeko edo pertsona fisikoen errentaren gaineko zergari lotuta ordainsariak justifikatzeko.
Partikularrak, Autonomia Erkidegoak emandako dirulaguntzak, dohaintzak edo bekak ordaintzearekin zerikusia duten zerbitzuak direnean.
Lizitatzaileak, kontratazio-espedienteekin zerikusia duten zerbitzuak direnean.
Enpresaburuak, Kontratisten Erregistro Ofizialak emandako zerbitzuak direnean.
Pertsona fisiko edo juridikoak, publikoak zein pribatuak, eskaera egiten dutenean Jaurlaritzaren Idazkaritzako eta Legebiltzarrarekiko Harremanetarako Zuzendaritzak legezta dezan atzerrian eragina izan behar duten agirietan EAEko administrazio publikoen agintariek ezarri beharreko sinadura.
Erregistro eta errolda ofizialetan egindako inskripzioak; salbuespena izango dira Jabetza Intelektualaren Erregistroan eta berariazko inskripzio-tasa bat araututa duten beste erregistro eta errolda ofizialetan egindako inskripzioak.
Subjektu pasiboek autolikidazioaren bitartez zehaztu eta ordaindu beharko dute tributu-zorra, erregelamenduz adierazitako tokian, moduan eta epeen barruan.
Tasaren zerga-egitatea da Euskal Autonomia Erkidegoan hirugarren batzuek kontratu bidez gauzatutako obrak zuzentzeko eta ikuskatzeko lan fakultatiboak egitea.
Tasa honen subjektu pasibo dira aurreko artikuluan aipatutako enkante, lehiaketa eta zuzeneko kontratazioak adjudikatzen zaizkien pertsonak edo entitate kontratistak.
Tasaren sortzapena zerbitzua ematen denean izango da, eta tasaren likidazioa, berriz, ziurtagiri bakoitzarekin egingo da.
Tasaren likidazioa jakinarazi eta hurrengo hamabost egunen barruan eskatu ahal izango da tasa, borondatez ordaintzeko epean.
Tasa honen zerga-oinarria kontratuaren prezioa da, kanpoan utzita bai balio erantsiaren gaineko zerga, bai tasa hau, obra-ziurtagirien arabera egiaztatzen baita. Orobat, zerga-oinarrian sartuko dira, hala dagokienean, prezioak berrikusteagatik eta lanak likidatzeagatik dagozkion zenbateko gehigarriak.
Karga-tasa % 4 izango da.
Tasaren zerga-egitatea da Euskal Autonomia Erkidegoko ondarearen jabari publikoko ondasunen erabilera pribatiboa edo aprobetxamendu berezia, Euskal Autonomia Erkidegoko Administrazioaren organo eskudunek emakida edo baimenen bitartez emandakoa, Euskadiren ondarea arautzen duen legean xedatutakoaren arabera.
Jabari horren erabilera pribatiboa edo aprobetxamendu berezia ez da tasa honen pean egongo, baldin eta lege honetan aurreikusitako beste tasaren batek berariaz kargatzen badu.
Tasa honen subjektu pasibo dira emakiden edo administrazio-baimenen titularrak, edo, hala badagokio, subrogazioz aurreko horien lekua hartzen dutenak.
Tasaren sortzapena zerga-egitateari dagozkion tituluak ematen direnean izango da.
Emakida edo baimena indarrean duten hurrengo urte-aldietan, urte bakoitzeko urtarrilaren 1ean izango da tasaren sortzapena.
Tasaren kuota kalkulatzeko, jabari publikoan okupatu den azalera (metro karratutan neurtuta) eta okupazioaren iraupena hartuko dira kontuan.
Urtebeteko edo gehiagoko iraupena duten baimen eta emakidetan, kuota hau eskatuko da: 26,75 euro/m2/urte.
Urtebetetik beherako iraupena duten baimen eta emakidetan, kuota hau eskatuko da: 0,49 euro/m2 eguneko edo egun-frakzioko, eta gehieneko metatua 26,75 euro/m2-koa izango da.
Emakidaren lehenengo urtean, eskatzekoa den tasa-zenbatekoa proportziozkoa izango da urte horretako iraunaldiarekiko; hortaz, aurreko apartatuen araberako zenbatekoari dagokion hainbanaketa ezarriko zaio. Era berean, emakidak indarrean irauten duen azken urtean ere aplikatuko da hainbanaketaren irizpide hori.
Emakida edo baimena emateak onuradunaren etekin ekonomikoak murrizten dituzten betebehar edo kontraprestazio batzuk baldin badakartza, orduan tasa-oinarria proportzio berean gutxitu beharko da, hargatik eragotzi gabe 54. artikuluan xedatutakoa.
Jabari publikoko ondasunen erabilera pribatiboa eta aprobetxamendu berezia tasa honetatik salbuetsita egongo dira:
Doako baimen edo emakiden ondoriozkoak baldin badira.
Erabilera pribatiboak edo aprobetxamendu bereziak ez badakarkio onuradunari etekin ekonomikorik, edo, ekarrita ere, etekin horiek deuseztatzen edo hutsaltzen dituzten baldintzak edo kontraprestazioak bete behar baditu onuradunak.
Erabilera pribatiboa edo aprobetxamendu berezia zerbitzuak emateko kontratu bat egitearen ondorio bada.
Inguruabar horiek guztiak jaso beharko dira jabari publikoko ondasunen erabilera pribatiboa edo aprobetxamendu berezia emango duten baldintza-agirietan edo tituluan.
Emakidak eta baimenak urtebeteko aldietarako edo aldi luzeagoetarako ematen direnean, tasaren likidazioa hiru hilean behin egingo da, likidazio aurreratu gisa, urtarrilean, apirilean, uztailean eta urrian.
Gainerako kasuetan, sortzapenaren unean likidatuko da.
Tasa honen zerga-egitatea da testuak txertatzea Euskal Herriko Agintaritzaren Aldizkariaren II. atalean (Agintariak eta langileria), IV. atalean (Justizia Administrazioa) eta V. atalean (Iragarkiak).
Tasa honen subjektu pasibo dira Euskal Herriko Agintaritzaren Aldizkarian testuak txertatzea eskatzen duten pertsona fisikoak edo juridikoak.
Aurreko hori gorabehera, Euskal Autonomia Erkidegoko Administrazio orokorreko organoek izapidetutako administrazio-kontratazioko prozeduren lizitazioari buruzko xedapenak eta iragarkiak argitaratzen direnean Euskal Herriko Agintaritzaren Aldizkarian, Administrazio orokorra bera izango da subjektu pasiboa.
Justizia Administrazioak testuak txertatzea eskatzen duenean horiek argitaratzea beharrezkoa delako prozedura judizialerako, testua noren mesedetan txertatzen den, huraxe izango da subjektu pasiboa, edo testu-txertatzea zuzenean edo zeharka nork sustatzen duen, huraxe.
Prozedura judizialetan, prokuradorearen esku-hartzearekin argitaratzen diren testuetan, prokuradorea izango da zergadunaren ordezko.
Tasaren sortzapena testuak Euskal Herriko Agintaritzaren Aldizkarian argitaratzen direnean izango da, zerbitzu hori baita zerga-egitea. Hala ere, testuak argitaratu aurretik exijituko da tasaren ordainketa.
Tarifa honen arabera eskatuko da tasa (eurotan):
Agiriak argitaratzea.
Oro har.
1. Bi hizkuntza ofizialetan bereiz argitaratutako karaktere edo zuriune bakoitza (agiriaren titulua eta testua barne): 0,056827.
2. Zerrendak, mapak edo balioesteko zailak diren beste elementu grafiko batzuk (DIN-A4 edo antzekoa): 202,8321.
Euskal Autonomia Erkidegoko erakunde komunen administrazio-kontratuen lizitazioei buruzko xedapenak eta iragarkiak, maiatzaren 8ko 817/2009 Errege Dekretuaren II. eranskinean ezarritako ereduekin bat etorriz egindakoak. Iragarki bakoitza: 504,6119.
Presazko iragarkiak 10 egun balioduneko epean txertatuko dira gehienez, txertatzeko agindua berresten denetik kontatzen hasita. Horrela argitaratutako iragarkiengatik ordaindu beharreko tasa ohikoa baino ehuneko ehun handiagoa izango da.
Lege honen 16. artikuluko 1. apartatuan jasotako salbuespenarekin bat etorriz, subjektu pasibo hauek bakarrik salbuetsiko dira tasa honetatik:
Euskal Herriko Agintaritzaren Aldizkariko II. atalean (Agintariak eta langileria) eta V. atalean (Iragarkiak) testuak txertatzen dituztenean, Euskal Autonomia Erkidego erakunde komunak eta Euskadiko Ondareari buruzko Legearen testu bategina onartzeko azaroaren 6ko 2/2007 Legegintzako Dekretuaren 1.1 artikuluan aipatutako gainerako entitateak.
Euskal Herriko Agintaritzaren Aldizkariko IV. atalean (Justizia Administrazioa) testuak txertatzen dituzten subjektu pasiboak eta haien ordezkoak, baldin eta testu horiek organo judizialek ofizioz emandako iragarkiak eta ediktuak badira edo, bestela, subjektu pasiboari doako laguntza juridikorako eskubidea aitortu bazaio prozesu judizialean.
Salbuespenetik kanpo geratzen dira, nolanahi ere, testu-txertatze hauek:
Administrazio-kontratazioko prozedurak lizitatzeari buruzko xedapenak eta iragarkiak direnean.
Legez, tributu-zama hirugarren bati aldatzea dagokionean.
Tasa honen zerga-egitatea da ikus-entzunezko komunikaziorako lizentzia bat xede duten negozio juridikoak egiteko baimenei dagozkien zerbitzuak ematea.
Tasa honen subjektu pasibo dira ikus-entzunezko komunikaziorako lizentzien titular izanik aurreko artikuluan aipatutako baimenak eskatzen dituzten pertsona fisiko eta juridikoak.
Tasaren sortzapena zerbitzua ematen denean izango da. Halere, ordainketa aurretiaz exijituko da, eskaera egiten den unean.
Tasa 174,03 eurokoa izango da.
Tasa honen zerga-egitatea da hezkuntza-arloan eskumena duen sailak titulu eta ziurtagiri akademiko eta profesionalak, espedienteak eta inprimakiak egitea, baita agirion ale bikoiztuak ere.
Tasa honen subjektu pasibo dira aipatutako titulu eta ziurtagiri akademiko eta profesionalak eta agirion ale bikoiztuak eskatzen dituztenak.
Tasaren sortzapena titulu-agiriak eta ziurtagiriak egitean izango da. Hala ere, agirion eskaera egiten den unean exijitu ahal izango da tasa ordaintzea.
Administrazioak ofizioz egiten baditu tituluak eta ziurtagiriak, tasaren sortzapena agiriok egiteko eskaera egiten denean izango da, eta une horretantxe exijituko da ordainketa.
Tarifa honen arabera eskatuko da tasa (eurotan):
(Ikus .PDF)
Kuota ordaintzetik guztiz salbuetsita egongo dira kategoria bereziko familia ugariko kideak direla egiaztatzen duten eskatzaileak.
Kuotaren % 50eko hobaria izango dute kategoria orokorreko familia ugariko kideak direla egiaztatzen duten eskatzaileek.
Eskatzaile hauek kuota ordaintzetik guztiz salbuetsita egongo dira: larritasun bereziko kalte pertsonal fisiko edo psikofisikoak jasan dituztela egiaztatzen duten terrorismoaren biktimak eta haien ezkontideak edo, afektibitate-harreman antzekoa izanik, haiekin modu iraunkorrean bizi direnak, eta berdin haien seme-alabak.
Tasa honen zerga-egitatea da helduei euskara irakasteko programen oinarrizko curriculumeko mailaren bati dagozkion espedienteak eta inprimakiak egitea eta arlo horretako bai ziurtagiriak bai ziurtagirion ale bikoiztuak ematea (guztiak ere euskararen ezagutza egiaztatzekoak). Kultura arloan eskumena duen sailari dagokio jarduketa horiek egitea.
Tasa honen subjektu pasibo dira ziurtagiri horiek eta beroien ale bikoiztuak eskatzen dituztenak.
Tasaren sortzapena tituluen ziurtagiriak egitean izango da. Hala ere, agirion eskaera egiten den unean exijitu ahal izango da tasa ordaintzea.
Hona tasaren zenbatekoa (eurotan):
Jatorrizko ziurtagiriak: 22,32.
Bikoiztuak: 2,08.
Tasa honen zerga-egitatea da interesdunak eskaturik hasiera ematea atzerriko goi-mailako hezkuntza-sistemen esparruan lortutako titulu bat homologatzeko edo baliokide deklaratzeko espediente bati, edo unibertsitateaz kanpoko irakaskuntzetako atzerriko tituluak edo ikasketak homologatu edo baliozkotzeko espediente bati.
Tasaren sortzapena eskabidea aurkezten denean izango da. Tasa ordaindu izana frogatu beharko da espedientea izapidetzeko.
Tasa honen subjektu pasibo dira atzerriko tituluak homologatzeko, baliozkotzeko edo baliokide deklaratzeko eskatzen duten pertsona fisikoak.
Tarifa honen arabera eskatuko da tasa (eurotan):
(Ikus .PDF)
Aurreko letretan berariaz aipatu gabeko titulu edo ikasketen kasuan, ondorioei edo maila akademikoari dagokienez baliokideak diren titulu edo ikasketen zenbatekoa aplikatuko da.
Ez da tasarik eskatuko Bigarren Hezkuntzako Graduaren Espainiako tituluarekin homologatzeko eskabideagatik.
Tasa honen zerga-egitatea da zerbitzuak ematea aisiako ontziak maneiatzeko behar diren tituluak egiteko, berritzeko, baliozkotzeko eta haien ale bikoiztuak egiteko, bai eta tituluok lortzeko azterketetan parte hartzeko ere.
Tasa honen subjektu pasibo dira zerga-egitate diren zerbitzuak eskatzen edo jasotzen dituztenak.
Tasaren sortzapena zerga-egitate diren administrazio-jarduketak gauzatzen direnean izango da. Halere, eskaera egiten den unean exijitu ahal izango da ordainketa.
Tarifa honen arabera eskatuko da tasa (eurotan):
Azterketa teorikorako eskubideak:
Yateko kapitaina: 66,84.
Yateko patroia: 54,99.
Aisiako ontziko patroia: 43,24.
Oinarrizko nabigazioko patroia: 35,37.
Azterketa praktikorako eskubideak:
Yateko kapitaina: 66,84.
Yateko patroia: 54,99.
Aisiako ontziko patroia: 43,24.
Oinarrizko nabigazioko patroia: 35,37.
Kirol-arloko tituluak egitea:
Yateko kapitaina: 47,16.
Yateko patroia: 31,44.
Aisiako ontziko patroia: 23,60.
Oinarrizko nabigazioko patroia: 19,68.
Lehen mailako kirol-urpekaria: 23,60.
Bigarren mailako kirol-urpekaria: 23,60.
Kirol-urpekaritzako irakaslea: 23,60.
Kirol-arloko tituluak berritzea:
Yateko kapitaina: 3,95.
Yateko patroia: 3,95.
Aisiako ontziko patroia: 3,95.
Oinarrizko nabigazioko patroia: 3,95.
Administrazio-zerbitzuak:
Baliozkotze bakoitza: 4,75.
Tituluaren ale bikoiztu bakoitza: 3,95.
Ziurtagiri bakoitza: 3,95.
Tasa honen zerga-egitatea da interesdunak eskaturik nazioarteko aterpekide-txartel eta ongietorri-zigilu hauek egiteko behar diren zerbitzuak ematea:
Gazteentzako nazioarteko aterpekide-txartela.
Helduentzako nazioarteko aterpekide-txartela.
Familientzako nazioarteko aterpekide-txartela.
Taldeentzako nazioarteko aterpekide-txartela.
Tasa honen subjektu pasibo dira txartel mota bakoitzaren onuradun izateko adinaren edo gizataldearen baldintzak bete eta txartela beren izenean egin dakiela eskatzen duten pertsona fisikoak.
Tasaren sortzapena zerga-egitate diren administrazio-jarduketak gauzatzen direnean izango da. Halere, eskaera egiten den unean exijitu ahal izango da ordainketa.
Tarifa honen arabera eskatuko da tasa (eurotan):
Gazteentzako nazioarteko aterpekide-txartela: 5,42.
Helduentzako nazioarteko aterpekide-txartela: 10,82.
Familientzako nazioarteko aterpekide-txartela: 19,49.
Taldeentzako nazioarteko aterpekide-txartela: 17,31.
Hobari hauek izango dituzte:
«Gazte txartela» edo gazteentzako txartel baliokideren bat dutenek gazteentzako nazioarteko aterpekide-txartelagatik ordaindu beharreko kuotaren % 50.
Irabazi-asmorik gabeko elkarte edo entitateek taldeentzako nazioarteko aterpekide-txartelagatik ordaindu beharreko kuotaren % 100, baldin eta formalki eratuta eta dagokien erregistroan inskribatuta badaude eta haien helburu nagusia EAEn gazteriaren edo gizarte-ekintzaren esparruan jardutea bada.
Tasa honen zerga-egitatea da Unibasq-Euskal Unibertsitate Sistemaren Kalitate Agentziaren ebaluaziorako eskabide normalizatuak izapidetzeko behar diren zerbitzuak ematea.
Tasa honen subjektu pasibo dira zerga-egitate diren zerbitzuak eskatzen dituzten edo jasotzen dituzten pertsona fisiko edo juridikoak.
Tasaren sortzapena zerbitzua ematen denean izango da. Hala ere, aurretiaz ordaindu beharko da, eskaera egiten den unean.
Irakasleak akreditatzeko zerbitzuak emateko tasa 49,70 eurokoa izango da.
Ordainsari osagarriak esleitze aldera irakasleen eta ikerlarien ikerketa-merezimendu indibidualak ebaluatzeko zerbitzuak emateko tasa 49,70 eurokoa izango da.
Unibertsitate berriak sortzeko proposamenak ebaluatzeko zerbitzuak emateko tasaren zenbatekoa 8.721,47 eurokoa izango da.
Tasa honen zerga-egitatea da beharrezkoak diren zerbitzuak ematea Polizia eta Larrialdietako Euskal Akademiak ziurtagiri akademikoak eta ziurtagirion ale bikoiztuak, homologazioak, baliozkotzeak eta aitorpenak egiteko bai, orobat, kopia autentikoak edo autentifikatuak eta aipatutako dokumentuen konpultsa egiteko ere.
Tasaren subjektu pasibo dira agiri horiek eskatzen dituztenak (hots, ziurtagiri akademikoak eta ziurtagirion ale bikoiztuak, homologazioak, baliozkotzeak eta aitorpenak, kopia autentikoak edo autentifikatuak eta aipatutako dokumentuen konpultsa).
Tasaren sortzapena behar diren ziurtagiri edo dokumentuak egiten direnean izango da. Hala ere, agirion eskaera egiten denean exijitu ahal izango da tasa ordaintzea.
Ziurtagiri akademikoak ofizioz egiten direnean, agiriok egiteko eskaera egiteaz batera izango da tasaren sortzapena, eta une horretan eskatuko da ordainketa.
Tarifa honen arabera eskatuko da tasa (eurotan):
Homologazioak: 138,53 euro.
Ziurtagiri akademikoak egitea: 26,86 euro.
Baliozkotze- eta aitorpen-eskabideak: 56,32 euro.
Ale bikoiztuak, kopia autentikoak edo autentifikatuak egitea eta dokumentuak konpultsatzea: 5,28 euro. Konpultsatu beharreko dokumentuaren orri gehigarria: 0,53 euro.
Tasa ordaintzetik salbuetsita egongo da Polizia eta Larrialdietako Euskal Akademiak zerbitzuak ematea ziurtagiri akademikoak eta agirion ale bikoiztuak, homologazioak, baliozkotzeak eta aitorpenak eta kopia autentikoak edo autentifikatuak eta aipatutako dokumentuen konpultsa egiteko, betiere jarduketa horiek Polizia eta Larrialdietako Euskal Akademiaren Zuzendaritza Kontseiluak onartutako Jardueren Urteko Planaren barruko jarduerei badagozkie eta arlo hauei lotuta badaude: Ertzaintzako, Udaltzaingoetako eta EAEko foru- eta toki-administrazioetako larrialdietako zerbitzuetako langileak eta Larrialdiei Aurre Egiteko Euskal Sisteman dauden Euskadiko boluntarioen antolakundeetako langileak.
Tasaren zerga-egitatea da aholkularitzako eta konpetentziak ebaluatzeko zerbitzu teknikoak ematea lan-esperientziaren bidez edo prestakuntza-bide ez-formalen bitartez lortutako konpetentzia profesionalak egiaztatzeko probetan, baldin eta zerbitzu horiek ez badituzte osorik finantzatzen edo diruz laguntzen Europar Batasunaren edo Estatuko Administrazioaren funts espezifikoek.
Tasa honen subjektu pasibo dira aurreko artikuluan zehaztutako prozeduran parte hartzeko aurreinskripzioa eta inskripzioa egitea eskatzen duten pertsona fisikoak.
Tasaren sortzapena zerga-egitatea gauzatzen denean izango da. Prozeduraren fase bakoitzean aurreinskripzioa eta inskripzioa egiteko unean eskatuko da ordainketa egitea, subjektu pasiboaren autolikidazioaren bidez.
Hauek dira tasaren kuotak:
Lan-esperientziari eta ikaskuntza ez-formalei esker lortutako konpetentzia profesionalak aitortzeko prozesuan aurreinskribatzea: 10,66 euro.
Aholkularitza fasean inskribatzea:
maila: 63,99 euro.
maila: 74,66 euro.
maila: 95,98 euro.
mailako titulu osoak: 95,98 euro.
mailako titulu osoak: 106,66 euro.
mailako titulu osoak: 117,32 euro.
Ebaluazio fasean inskribatzea:
Lehen mailako kualifikazioen konpetentzia-unitate bakoitza: 12,79 euro.
Bigarren mailako kualifikazioen konpetentzia-unitate bakoitza: 16,00 euro.
Hirugarren mailako kualifikazioen konpetentzia-unitate bakoitza: 19,20 euro.
100. artikulua. Salbuespenak eta hobariak.
Prozeduran onartutako pertsona fisikoak tasa ordaintzetik erabat salbuetsita egongo dira, baldin eta honako inguruabarren bat egiaztatzen badute:
Langabezian daudela eta Lanbide-Euskal Enplegu Zerbitzuko bulegoetan izena emana dutela enplegua eskatzeko.
Izena eman aurreko urte naturalean guztira izan dituzten diru-sarrerak lanbide arteko urteko gutxieneko soldataren parekoak edo txikiagoak direla.
Bizikidetza-unitatearen gutxieneko diru-sarrerak ez direla iristen lanbide arteko gutxieneko soldataren 1,5era.
Indarrean dagoen araudiaren arabera zehaztutako kategoria bereziko familia ugariko kide direla.
Diru-sarrerak bermatzeko errenta edo bizitzeko gutxieneko diru-sarrera jasotzen dutela.
Terrorismoaren biktima direla, legez hala onartuta.
Genero-indarkeriaren biktima direla edo izan direla.
Ehuneko 33ko edo hortik gorako desgaitasunen bat dutela tasaren sortzapen-unean.
Iraupen luzeko langabeak direla.
Prozeduran onartutako pertsona fisikoek % 50eko hobaria izango dute tasan ezin metatuzkoa, betiere, baldin eta honako inguruabarren bat egiaztatzen badute:
Indarrean dagoen araudiaren arabera zehaztutako kategoria orokorreko familia ugariko kide direla.
Izena eman aurreko urte naturalean guztira izan dituzten diru-sarrerak lanbide arteko urteko gutxieneko soldataren % 150aren parekoak edo txikiagoak direla.
101. artikulua. Zerga-egitatea.
Tasa honen zerga-egitatea da Trafiko Zuzendaritzak jarduerak egitea edo zerbitzuak ematea arlo hauetan:
Gidariak prestatzeko zentroak.
Trafiko-zerbitzu askotarikoak.
102. artikulua. Subjektu pasiboa.
Tasa honen subjektu pasibo dira zerga-egitate diren administrazio-jarduerak edo -zerbitzuak eskatu edo jasotzen dituzten pertsona fisikoak edo juridikoak.
103. artikulua. Sortzapena.
Tasaren sortzapena zerga-egitate diren zerbitzuak ematen direnean izango da. Halere, eskaera egiten den unean exijitu ahal izango da ordainketa.
104. artikulua. Kuota.
Tarifa honen arabera eskatuko da tasa (eurotan):
Gidariak prestatzeko zentroak:
Gidari-eskola pribatuak edo gidariak prestatzeko bestelako zentroak irekitzeko baimena: 478,07.
Gidari-eskola pribatuak edo gidariak prestatzeko bestelako zentroak irekitzeko baimena aldatzea, ikuskapena eginda edo egin gabe: 27,89.
Gidariak prestatzeko irakaslearen edo gidari-eskola pribatuetako zuzendariaren gaitasun-agiria lortzeko ikastaro eta probetan izena ematea eta azterketa-eskubideak izatea: 47,82.
Gidari-eskola pribatuetako zuzendari eta irakasle izateko gaitasun-agiriak eta Trafiko Zuzendaritzaren eskumenekoak diren beste titulazio batzuk eta haien guztien kopiak egitea: 107,81.
Prestakuntza-zentro batean erregelamendu-manu baten arabera egindako ikuskatzea: 71,72.
Askotariko zerbitzuak.
Espedienteetan edozein motatako oharrak jasotzea, datuak ematea, ziurtagiriak egitea, dokumentuak erkatzea eta banakatzea eta edozein motatako plaka edo liburuak zigilatzea: 3,83.
Zirkulazio-baimen berezia, garraio bereziaren araubideko ibilgailuetarako eta ibilgailu berezietarako: 136,66.
Garraio bereziaren araubideko ibilgailuetako eta ibilgailu berezietako zirkulazio-baimen berezia aldatzea: 16,41.
Poliziaren konpainia-zerbitzua, garraio bereziaren araubideko ibilgailuetarako eta ibilgailu berezietarako (euroak, agente eta ordu bakoitzeko): 33,90.
Kirol-probak, bizikleta-ibilaldiak eta beste ekitaldi batzuk egiteko baimena: 15,47.
Poliziaren konpainia-zerbitzua, kirol-probak, bizikleta-ibilaldiak eta bestelako ekitaldiak kontrolatzeko eta ordenatzeko (euroak, agente eta ordu bakoitzeko): 33,90.
Trafiko Zuzendaritzaren eskumeneko beste baimen berezi batzuk: 15,47.
105. artikulua. Salbuespenak.
Antolatzaileak administrazio publikoak, irabazi-asmorik gabeko entitateak eta emakumeen kirol-ekitaldietako arduradunak badira, horiek denek ez dute ordaindu beharko kirol-probak, bizikleta-ibilaldiak eta beste ekitaldi batzuk kontrolatzeko eta ordenatzeko poliziaren konpainia-zerbitzuagatik ezarritako tasa.
Aurreko apartatuaren ondorioetarako, irabazi-asmorik gabeko entitatetzat hartuko dira fundazioak, onura publikoaren deklarazioa duten elkarteak eta formalki eratuta eta erregistratuta dauden boluntarioen antolakundeak, baldin eta interes orokorreko helburuak badituzte eta ekitaldia antolatuz lortzen dituzten diru-sarrerak entitatearen estatutuetako helburuak edo entitatearen xedea betetzeko erabiltzen badituzte.
Kirol-federazioak, kirol-elkarteak eta kirol-klubak salbuetsita egongo dira tasa ordaintzetik, baldin eta, haien arauen arabera, irabazi-asmorik ez badute, antolatzen den ekitaldia doakoa bada joaten den jendearentzat eta ekitaldia antolatzeko gastuak baino diru-sarrera handiagorik lortzen ez badute babesleen bidez edo beste kontzeptu batzuen bidez. Aldez aurretik, egiaztatuko da ekitaldia antolatzeko egindako gastuak egokiak direla.
106. artikulua. Zerga-egitatea.
Tasa honen zerga-egitatea da zerbitzu hauek ematea:
Jokorako materiala homologatzeko saiakuntza teknikoak egitea.
Jolas- eta zori-makinen joko-sistemen eta unitate zentrala duten joko-sistemen erregistroan inskribatzea.
Joko-enpresen erregistroan inskribatzea.
Agiri profesionalak egitea eta berritzea.
Jolas- eta zori-makinen arloko administrazio-baimena ematea.
Makina horien enpresa operadore izateko baimena ematea eta baimen hori aldatzea.
Joko-aretoak edo jolas-aretoak ustiatzeko administrazio-baimena ematea.
Bingo-aretoak instalatzeko eta irekitzeko administrazio-baimena ematea eta baimen hori aldatzea.
Areto horiek kudeatzeko joko-enpresa izateko administrazio-baimena ematea eta baimen hori aldatzea.
Joko-kasinoak instalatzeko eta irekitzeko administrazio-baimena ematea eta baimen hori aldatzea.
Jarduera horietarako beste joko-enpresa edo -lokal batzuk jarri eta irekitzeko baimena ematea (jokoek Euskal Autonomia Erkidegoko Jokoen Katalogoan egon behar dute sartuta).
Erregelamendu bidez eskatzen diren liburuak eginbidetzea eta dokumentuak konpultsatzea.
Instalatze-baimenak eskatzea.
Joko eta Ikuskizun Zuzendaritzak joko-prozeduretan peritu-txostenak edo txosten teknikoak egitea.
107. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko edo juridikoak.
108. artikulua. Sortzapena.
Tasaren sortzapena zerga-egitate diren zerbitzuak ematen direnean izango da. Halere, eskaera egiten den unean exijitu ahal izango da ordainketa.
109. artikulua. Kuota.
Tarifa honen arabera eskatuko da tasa (eurotan):
Joko-materiala homologatzeko saiakuntza tekniko bakoitza:
Bingoetako eta kasinoetako joko-materiala: 384,92.
Joko-makinak edo joko-makinen programak: 102,50.
Bingo-jokorako informatika-sistemak: 384,92.
Joko-makinen interkonexio-sistemak. Makina bakoitza: 115,49.
Joko-materialen edo -sistemen bestelako homologazioak: 384,92.
Joko-sistemen erregistroan inskribatzea:
«B» motako makinak edo jolas-makina saridunak: 543,18.
«P» motako makinak edo apustu-makina lagungarriak: 256,25.
«C» motako makinak edo zori-makinak: 307,50.
Bestelako joko-makinak: 102,50.
Unitate zentrala duten joko-sistemak: 543,18.
Joko-makinen interkonexio-sistemak: 543,18.
Joko-enpresen erregistroan inskribatzea:
Enpresa operadoreak, fabrikatzaileak, banatzaileak, merkaturatzaileak, laguntza teknikokoak, inportatzaileak eta interkonexioen eta aretoen hornitzaileak: 192,48.
Bingo-jokoen enpresak, txartel-ustiatzaileak, apustu-ustiatzaileak eta bestelako joko-enpresak: 384,92.
Joko-kasinoen enpresak: 577,41.
Inskripzioa berritzea, ebazpena eskatzen duenean: inskripziorako tarifaren % 50.
Baimenak, hauetarako:
Joko-kasinoak: 1.924,63.
Bingo-aretoak: 962,31.
Joko-aretoak, apustu-lokalak eta Jokoen Katalogoan dauden jokoetarako beste lokal espezifiko batzuk: 461,91.
Errifak eta tonbolak :130,49.
«C» motako makinak edo zori-makinak ustiatzeko baimenak: 60,90.
Beste joko-makina batzuk ustiatzeko baimenak: 60,90.
Bingo metatu interkonektatua: 76,99.
Joko-lokalak instalatzeko eta jarduteko baimena eskualdatzea: 153,96.
Kasinoko joko propioetako txapelketak: 177,51.
Zuzendaritzaren jarduna eskatzen duten beste izapide batzuk: 76,99.
Baimenak berritzea edo aldatzea:
Joko-kasinoen baimenak berritzea edo aldatzea: 654,38.
Bingo-aretoen baimenak berritzea edo aldatzea: 307,93.
Apustu-lokalen edo joko-aretoen baimenak berritzea edo aldatzea: 153,96.
Ebazpena eskatzen duten beste baimen batzuk: 102,50.
Joko-makinei dagozkien beste izapide batzuk:
Makinak ustiatzeko baimenak eskualdatzea. Makina bakoitza: 25,63.
Establezimendu-aldaketak edo makina-aldaketak. Makina bakoitza: 25,63.
Ustiatzeko baimenaren edo kokatze-buletinaren ale bikoiztua: 76,88.
Erregelamendu bidez eskatzen diren liburuak eginbidetzea eta dokumentuak konpultsatzea:
Liburuak eginbidetzea. 100 orriko multzo edo frakzio bakoitza: 19,26.
Dokumentuak konpultsatzea. Lehenengo 10 orriak: 3,85.
Enpresei, baimenei edo joko-makinei buruzko ziurtagiriak: 51,25.
Gainerakoak, 0,40 euro konpultsatutako orri bakoitzeko.
Joko eta Ikuskizun Zuzendaritzak joko-prozeduretan peritu-txostenak edo txosten teknikoak egitea: 205,00.
110. artikulua. Zerga-egitatea.
Tasa honen zerga-egitatea da zerbitzu hauek ematea:
Eusko Jaurlaritzako zuzendaritza eskudunak baimena ematea jendaurreko ikuskizunak eta, oro har, aisialdiko jarduerak egiteko.
Establezimendu publikoak ireki eta ixteko ordutegiak luzatzeko baimena ematea.
Sarrerak komisioaz saltzeko edo birsaltzeko baimena ematea.
Erregelamendu bidez eskatzen diren liburuak eginbidetzea eta dokumentuak konpultsatzea.
Joko eta Ikuskizun Zuzendaritzak ikuskizun-prozeduretan peritu-txostenak edo txosten teknikoak egitea.
Baimenik behar ez duten jendaurreko ikuskizun edo aisialdiko jardueren kasuan, indarrean dagoen araudiak ezarritako betekizunak betetzen ote diren egiaztatzea.
111. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisikoak edo juridikoak.
112. artikulua. Sortzapena.
Tasaren sortzapena zerga-egitate diren zerbitzuak ematen direnean izango da. Halere, eskaera egiten den unean exijitu ahal izango da ordainketa.
Aurreko apartatuan xedatutakoa gorabehera, baimenen kasuan, baimendutako ikuskizun bakoitzagatik izango da tasaren sortzapena, edozein dela ere ebazpen berean baimendutako ikuskizunen kopurua.
113. artikulua. Kuota.
Tarifa honen arabera eskatuko da tasa (eurotan):
Ikuskizunak eta aisialdiko jarduerak baimentzea:
Ikuskizunak eta aisialdiko jarduerak baimentzea:
700 pertsonara arteko edukiera: 61,50.
701 pertsonatik 1.999ra bitarteko edukiera: 153,75.
000 pertsonatik 5.000ra bitarteko edukiera: 307,50.
001 pertsonatik 10.000ra bitarteko edukiera: 615,00.
000 pertsonatik gorako edukiera: 1.537,50.
Pirotekniazko lehergailuak jaurtitzea: 153,97.
Zezen-ikuskizunetarako baimena:
Zezen-ikuskizunak, oro har: 307,93.
Zezen-ikuskizun tradizionalak: 57,75.
Beste zezen-ikuskizun batzuk: 57,75.
Zezen-plaza finkoak berriz irekitzeko baimena: 512,50.
Ordutegiak eta ikuskatzeak:
Ordutegia luzatzea:
1. Kasu eta data zehatzetarako: 77,23.
2. Hiru hilabetetik gorako aldietarako: 192,48.
Sarrerak birsaltzeko baimena: 76,99.
Erregelamendu bidez eskatzen diren liburuak eginbidetzea eta dokumentuak konpultsatzea:
Liburuak eginbidetzea. 100 orriko multzo edo frakzio bakoitza: 19,25.
Dokumentuak konpultsatzea. Lehenengo 10 orriak: 3,85.
Hortik aurrera, 0,379968 euro konpultsatutako orri bakoitzeko.
Joko eta Ikuskizun Zuzendaritzak ikuskizun-prozeduretan peritu-txostenak edo txosten teknikoak egitea: 102,50.
Baimenik behar ez duten jendaurreko ikuskizun edo aisialdiko jardueren kasuan, indarrean dagoen araudiak ezarritako betekizunak betetzen ote diren egiaztatzea: 57,16.
114. artikulua. Salbuespenak.
Zerga-egitate diren zerbitzuen hartzaileak udalak direnean, salbuetsita egongo dira tasa ordaintzetik.
115. artikulua. Zerga-egitatea.
Tasa honen zerga-egitatea da Segurtasun Sailburuordetzak segurtasun pribatuaren arloan zerbitzuak ematea eta jarduerak egitea. Hauek zehazki:
Segurtasun-enpresak baimentzea, haien erantzukizunpeko adierazpena jasotzea eta enpresok Euskadiko Segurtasun Pribatuaren Erregistroan inskribatzea.
Inskripzioan aldaketak egitea.
Segurtasun-enpresen ordezkaritzak irekitzeko baimena ematea.
Detektibe-bulegoen erantzukizunpeko adierazpena jasotzea, bulegoak inskribatzea eta sukurtsalak baimentzea.
Segurtasun pribatuko langileak prestatzeko eta eguneratzeko zentroen erantzukizunpeko adierazpena jasotzea eta zentroak inskribatzea.
Baimentzea, batetik, eskolta pribatuen zerbitzuak eta, bestetik, segurtasun-zaindariek eta landazainek armekin egin beharreko zaintza-zerbitzuak.
Segurtasun-zerbitzuak baimentzea industrialde edo urbanizazioetan, merkataritza- eta aisialdi-gune edo parkeetan, kirol eta kultura-arloko ekitaldietan edo oihartzun soziala duen beste edozein ekitalditan, baldin eta bide edo espazio publikoak edo erabilera erkideko guneak erabiltzen badira edo mugatuta dauden esparru eta espazio irekiak erabiltzen badira.
Segurtasun-zaindariak ordezkatzeko zerbitzua ezartzeko baimena.
Ibilgailuen giltzak zaintzeko zerbitzuak emateko baimena.
Segurtasun-neurriak eduki behar dituzten establezimenduak eta instalazioak irekitzeko baimena ematea edo egiaztatu behar diren erreformak jakinaraztea, segurtasun-neurriak hartzetik dispentsatzea eta, oro har, beste edozein baimentze edo egiaztatze, beharrezkoa duten heinean Administrazioko langileak bertaratzea edo txostena egitea.
Ziurtagiriak egitea.
Dokumentuak konpultsatzea eta liburuak eginbidetzea.
116. artikulua. Subjektu pasiboa.
Tasa honen subjektu pasibo dira segurtasun pribatuaren arloko administrazio-zerbitzuak eta -jarduerak eskatzen dituzten pertsona fisiko edo juridikoak, edo, Administrazioak ofizioz jardunez gero, zerbitzu eta jardueron hartzaileak.
117. artikulua. Sortzapena.
Zerga-egitate den administrazio-zerbitzua ematen edo -jarduketa gauzatzen denean izango da tasaren sortzapena.
Hala ere, eskaera aldez aurretik egiten den kasuetan, eskaera egiten den unean eskatuko da ordainketa, eta, ordaintzen ez bada, ez da egingo edo izapidetuko administrazio-zerbitzua edo -jarduketa.
Tasaren zerga-egitatea den administrazio-zerbitzua edo -jarduketa Administrazioak ofizioz egiten duen kasuetan, zenbateko zenbatetsia aurretiaz gordailutzeko eska daiteke, gerora egingo den likidazioaren kontura.
118. artikulua. Kuota.
Tarifa honen arabera eskatuko da tasa (eurotan):
Segurtasun-enpresak baimentzea, haien erantzukizunpeko adierazpena jasotzea eta enpresok inskribatzea: 383,18.
Aldaketak egitea honako inskripzio-idazpen hauetan: egoitza soziala, forma juridikoa, jarduteko lurralde-eremua eta jardueren hedapena, barnean hartuta Administrazioko langileak bertaratzea eta txostena egitea: 269,21.
Aldaketak egitea honako inskripzio-idazpen hauetan: kapital soziala, akzioen eta partaidetzen titulartasuna, estatutuen aldaketak, administrazio- eta zuzendaritza-organoen osaeran izandako aldaketak eta segurtasuneko langileen uniformetasun-aldaketak: 115,94.
Segurtasun-enpresen ordezkaritzak irekitzeko baimena: 145,44.
Detektibe-bulegoen erantzukizunpeko adierazpena jasotzea, bulegoak inskribatzea eta sukurtsalak baimentzea: 350,41.
Segurtasun pribatuko langileak prestatzeko eta eguneratzeko zentroen erantzukizunpeko adierazpena jasotzea eta zentroak inskribatzea: 350,41.
Eskolta pribatuen zerbitzuak ematea baimentzea: 216,18.
Segurtasun-zaindariek eta landazainek armekin egin beharreko zaintza-zerbitzuak baimentzea: 216,18.
Segurtasun-zerbitzuak baimentzea industrialde edo urbanizazioetan, merkataritza- eta aisialdi-gune edo parkeetan, kirol eta kultura-arloko ekitaldietan edo oihartzun soziala duen beste edozein ekitalditan, baldin eta bide edo espazio publikoak edo erabilera erkideko guneak erabiltzen badira edo mugatuta dauden esparru eta espazio irekiak erabiltzen badira: 216,18.
Segurtasun-zaindariak ordezkatzeko zerbitzua ezartzeko baimena ematea: 216,18.
Ibilgailuen giltzak zaintzeko zerbitzuak emateko baimena ematea: 216,18.
Segurtasun-neurriak eduki behar dituzten establezimenduak eta instalazioak irekitzeko baimena ematea edo egiaztatu behar diren erreformak jakinaraztea, segurtasun-neurriak hartzetik dispentsatzea eta, oro har, beste edozein baimentze edo egiaztatze, beharrezkoa duten heinean Administrazioko langileak bertaratzea edo txostena egitea: 216,18.
Ziurtagiriak egitea: 23,60.
Dokumentuak konpultsatzea eta liburuak eginbidetzea: 4,41.
119. artikulua. Zerga-egitatea.
Tasa honen zerga-egitea da segurtasun-arloan eskumena duen sailaren koordinazioko eta esku-hartzeko taldeek sailarenak berarenak izan zein hitzartutakoak, segurtasun publikoko arrazoiengatik, egoera zailean dauden pertsonak bilatzeko, erreskatatzeko edo salbatzeko zerbitzuak ematea, ofizioz edo alderdi batek eskatuta, betiere ematen den zerbitzua subjektu pasibotzat jotako horren onerako den heinean eta inguruabar hauetakoren batean gertatzen bada:
Pertsonentzat arriskutsuak diren aisialdi- edo kirol-jardueren ondorioz egiten badira bilaketa- erreskate- edo salbamendu-lanak.
Tasa hau aplikatzeari dagokionez, aisialdi- eta kirol-jarduera hauek joko dira pertsonentzat arriskutsutzat, modalitate eta estilo guztietan: urpekaritza, igeriketa-zeharkaldiak, windsurfa, flysurfa, uretako eskia, wakeboarda, wakesurfa, skurferra, uretako motorrak, bodyboarda, surfa, raftinga, hydrospeeda, piraguismoa, arraunketa, arroilen eta troken jaitsiera, zubi-jauzia, gominga, kite buggya, quadak, eskalada, kirol-espeleologia edo «espeleismoa», mendiko bizikleta babes-kaskorik gabe, moto-krosa, mendiko motordun ibilgailuak, raid eta trec diziplinetako hipika, zaldizko turismo eta ibilaldiak, eskia, snowboarda, elurretako motorrak, paraskia, snowbikea, mushinga, skibikea, aerostazioa, parakaidismoa, base-jauzia, hegaldiak ultrarinetan, hegaldiak motordun eta motorrik gabeko aparatuetan, parapentea, delta hegala eta parasailinga.
Pertsonentzat arriskutsuak diren beste aisialdi- eta kirol-jarduera batzuk ere ezarri ahal izango dira erregelamendu bidez.
Arriskutsutzat seinaleztatuta dauden lekuetan edo sarbidea mugatua edo debekatua dutenetan egiten badira bilaketa-, erreskate- edo salbamendu-lanak.
Bilaketa-, erreskate- edo salbamendu-lanak egiteko orduan, fenomeno meteorologiko gogorren ondorioz alerta laranja edo gorria ezarrita badago (herritarrei hala jakinarazita) eta egoera meteorologiko horrek jarduera jakin batzuk egiteko arriskua handitzen badu.
Objektiboki justifikatutako arrazoirik gabe eskatzen bada zerbitzua, edo arriskua dagoelako itxurak egiten badira.
Pertsonen bilaketa-, erreskate- edo salbamendu-zerbitzuak emateagatik ezarritako tasa ez da ordaindu behar izango katastrofe edo hondamendi publikoko egoeretan, edota zerbitzu horiek interes orokorreko arrazoiengatik ematen direnean eta ez partikularren edo ondasun jakinen mesedetan.
Era berean, ez da tasa ordaindu beharrik izango itsasoan pertsonak salbatzeagatik edo ontziak erreskatatzeagatik, legeria espezifikoan eta nazioarteko hitzarmenetan aurreikusita dauden kasuetan.
120. artikulua. Subjektu pasiboa.
Tasa honen subjektu pasibo dira zerbitzuaren onuradun diren pertsona fisikoak edo juridikoak eta Tributuen Lege Orokorraren 35.4 artikuluan aipatutako entitateak horiek ere zerbitzuaren onuradun diren heinean.
Tasa honen subjektu pasibo dira, halaber, tasari lotutako zerbitzua emanarazi duten aisialdi- eta kirol-jarduerak antolatu dituztenak.
Kasu horretan, tasa ordaintzeko erantzukizun subsidiarioa izango dute artikulu honetako 1. apartatuan adierazitako subjektu pasiboek.
Subjektu pasiboak aseguru-poliza bat kontratatuta badauka tasa honi lotutako kasuak estaltzeko, aseguru-entitate edo -sozietateak izango dira ordezko subjektu pasiboak. Tasaren kuotaren muga polizan kontzeptu horretarako aseguratutako zenbatekoa izango da, eta, halakorik ez badago, prestazio osorako aseguru-zenbatekoa.
121. artikulua. Sortzapena.
Tasaren sortzapena zerbitzua ematen hasten denean izango da, hau da, zerbitzu-emaileak zerbitzua ematera irteten diren unean.
122. artikulua. Kuota.
Kuota zehazteko, bi faktore hartuko dira kontuan: batetik, zerbitzua emateko erabilitako profesionalen eta baliabide materialen kopurua, eta, bestetik, profesional edo baliabide material bakoitzak zerbitzua ematen igarotako denbora.
Tarifa honen arabera eskatuko da tasa (euroak orduko):
Giza baliabideak (pertsona bakoitzeko): 41,77.
Baliabide materialak:
Ibilgailu bakoitza: 44,09.
Helikoptero bakoitza: 2.428,26.
Ontzi bakoitza:
18 metroko edo gutxiagoko luzera dutenak: 444,35.
18 metrotik gorako luzera dutenak: 2.340,06.
Ordu-frakzioen kasuan, proportzionalki aplikatuko dira tarifaren zenbatekoak. Gehienez ere lau orduko tartea likidatuko da.
Tasa hau likidatzean, 19. artikuluan ezarritakoaz gain, esku hartu duten pertsonak eta baliabideak adieraziko dira, baita unitate kopurua eta erabilitako denbora eta kontzeptu bakoitzari dagokion indarreko tarifaren zenbatekoa ere.
Zerbitzu berari subjektu pasibo bat baino gehiago badagozkio, denen artean hainbanatuko da kuota.
123. artikulua. Salbuespenak eta hobariak.
Subjektu pasiboek kuotaren % 80ko hobaria izango dute.
Tasa hau ordaintzetik salbuetsita egongo dira subjektu pasibo hauek:
Edozein eratako anomalia, urritasun edo asaldu psikikoa dutenak.
16 urtez azpikoak.
Erreskatean edo aurreko fasean hildakoak, edo ondorengo fase batean hildakoak baldin eta bilaketa, erreskatea edo salbamendua eragin zuten arrazoiengatik hil badira.
Aurreko 120. artikuluaren 2. eta 3. apartatuetan aipatzen diren tributu-betebeharpekoei ez zaie inolako salbuespenik ezta hobaririk aplikatuko.
124. artikulua. Zerga-egitatea.
Tasa honen zerga-egitatea da Ertzaintzak zerbitzuak ematea, zerbitzu horiek bereziki onuragarriak badira pertsona edo entitate jakinentzat edo, onuragarriak izan gabe ere, zuzenean eragiten badiete pertsona edo entitateei, eta, betiere, azkeneko kasu horretan, Ertzaintzaren lana pertsona edo entitate horiek eragindakoa bada, zuzenean edo zeharka, unean-unean pertsona eta ondasunentzako benetako arriskua dagoelako zaintza eta babes bereziko aparteko zerbitzuak eman behar direnean, bermatu ahal izateko irabazi-asmoarekin antolatutako jendaurreko ikuskizun jendetsu bat kiroletakoa edo bestelakoa behar bezala gauzatu ahal izango dela, bai ekitaldian bertan, bai ekitaldiaren aurretik edo ondoren, ezinbesteko denboraz, ekitaldiaren esparruan edo lekuan bertan zein inguruetan. Halaber, kirolzaleei eta kirol-klubei eskolta- eta konpainia-zerbitzuak ematea.
125. artikulua. Subjektu pasiboa.
Tasaren subjektu pasibo zergadunak dira zerbitzua behar duten ekitaldiak antolatzen dituzten pertsona fisiko edo juridikoak edo zerbitzu hori jasotzeko eskaria egiten dutenak.
126. artikulua. Sortzapena.
Tasaren sortzapena zerbitzua ematen hasten denean izango da, hau da, zerbitzu-emaileak zerbitzua ematera irteten diren unean.
127. artikulua. Kuota.
Erabiltzaileen sarbide-kontrola duten instalazioetan egindako kirol-lehiaketa profesional edo profesionalizatuetan, kuota zehazteko, ezaugarri hauek hartuko dira kontuan: zenbatekoa den instalazio horien edukiera eta zer kirol-mailatakoa den lehiaketa, bai, halaber, kirol-ekitaldia arrisku handikotzat jotzen den ala ez.
Tasaren zenbatekoa zehazteko, 0,1 koefizientea aplikatuko zaio instalazio horietan une bakoitzean baimendutako gehieneko edukierari, eta horren emaitzari honako faktore hauek aplikatuko zaizkio:
Lehiaketa ofiziala bada eta nazioartekoa edo Europa-mailakoa, edo mailarik gorenekoa bada Estatuan antolatutako lehiaketen artean (besteak beste, ohorezko ligak, lehen maila, kopak edo superkopak): 1,00.
Lehiaketa ofiziala bada baina ez bada nazioartekoa edo Europa-mailakoa, edo bigarren mailakoa bada Estatuan antolatutako lehiaketen artean: 0,60.
Lehiaketa ofiziala bada baina ez bada nazioarteko edo Europa-mailakoa, edo hirugarren mailakoa bada (edo maila baxuagokoa) Estatuan antolatutako lehiaketen artean: 0,30.
Kirol-ekitaldia lagunartekoa bada edo erakustaldia bada: 0,30.
Eragiketa horien ondoriozko tasaren zenbatekoa bikoiztu egingo da kirol-ekitaldia arrisku handikotzat jotzen bada.
Halaber, tasaren zenbatekoa, oro har, ezingo da izan 500,00 eurotik beherakoa. Arrisku handikotzat jotako kirol-ekitaldien kasuan, berriz, ezingo da izan 1.000,00 eurotik beherakoa.
Futbola ez den kirol-ekitaldietan, tasaren zenbatekoa ezingo da 1.500,00 eurotik gorakoa izan, eta, ekitaldia arrisku handikotzat jotzen bada, ezingo da 3.000,00 eurotik gorakoa izan.
Kuota hori aplikatuko da 1. apartatu honetan jasotako zehaztapenen arabera kalkulatua, baldin eta kuotaren zenbatekoak ez badu gainditzen artikulu honen beraren 2. apartatuan jasotzen den kalkulu-prozeduraren arabera lortutako zenbatekoa.
Gainerako ekitaldietan, kuota zehazteko, bi aldagai hartuko dira kontuan: batetik, zenbat funtzionariok ematen duten zerbitzua, eta, bestetik, zenbat denbora erabiltzen duen funtzionario bakoitzak zerbitzu hori emateko.
Tarifa hau aplikatuko da tasa ezartzeko: 33,90 euro funtzionario eta orduko.
Ordu-frakzioen kasuan, proportzionalki aplikatuko dira tarifaren zenbatekoak. Hau izango da ekitaldi-egun bakoitzean likidatu beharreko gehieneko denbora: ekitaldiak irauten duen denbora osoa eta, hala badagokio, ekitaldia hasi aurreko eta bukatu ondorengo ordua. Kirolzaleei eta kirol-klubei emandako eskolta- eta laguntza-zerbitzuen likidazioan ez da muga hori aplikatuko.
Tasa honen likidazioan, 19. artikuluak ezartzen duenaz gain, datu hauek zehaztu beharko dira: parte hartu duten funtzionarioen kopurua, erabilitako denbora eta indarrean dagoen tarifaren zenbatekoa.
128. artikulua. Salbuespenak.
Antolatzaileak administrazio publikoak edo irabazi-asmorik gabeko entitateak badira, tasa ordaintzetik salbuetsita egongo dira. Salbuetsita geratuko dira, halaber, emakumeen kirol-ekitaldiak.
Ondorio horietarako, irabazi-asmorik gabeko entitatetzat joko dira fundazioak, onura publikoaren deklarazioa duen elkarteak eta formalki eratuta eta erregistratuta dauden boluntarioen antolakundeak, baldin eta interes orokorreko helburuak badituzte eta ekitaldia antolatuz lortzen dituzten diru-sarrerak entitatearen estatutuetako helburuak edo entitatearen xedea betetzeko erabiltzen badituzte.
Kirol-federazioak, kirol-elkarteak eta kirol-klubak salbuetsita egongo dira tasa ordaintzetik, baldin eta, haien arauen arabera, irabazi-asmorik ez badute, antolatzen den ekitaldia doakoa bada joaten den jendearentzat eta ekitaldia antolatzeko gastuak baino diru-sarrera handiagorik lortzen ez badute babesleen bidez edo beste kontzeptu batzuen bidez. Aldez aurretik, egiaztatuko da ekitaldia antolatzeko egindako gastuak egokiak direla.
129. artikulua. Zerga-egitatea.
Tasa honen zerga-egitatea da industria, industria-segurtasun, energia eta meategien arloetako zerbitzu komunak ematea, hala ofizioz, nola interesdunak eskaturik. Hona hemen zerbitzu horiek:
Egiaztagiri profesionalak eta enpresa baimenduaren ziurtagiriak.
Desjabetze-prozedurak.
Abian jartzeko administrazio-baimena behar duten jarduerak.
Beste tarifetan jasota ez dauden ziurtagiriak egitea.
130. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
131. artikulua. Sortzapena.
Tasaren sortzapena, oro har, zerga-egitate diren zerbitzuak ematen diren unean izango da. Halere, eskaera egiten edo espedientea hasten den unean exijitu ahal izango da ordainketa.
Desjabetze-prozeduretan, okupazio-beharra deklaratzeaz batera eskatuko da aldez aurreko ordainketa.
132. artikulua. Tasaren elementu kuantitatiboak.
Tarifa honen arabera eskatuko da tasa (eurotan):
Oinarrizko tarifa.
Oinarrizko tarifa bat ezartzen da aplikatzekoa izango dena zerbitzuaren tasa makineria, tresneria, instalazio eta abarren aurrekontuaren arabera finkatzen den kasuetarako. Horretarako, portzentajezko koefiziente zuzentzaile batzuk aplikatzen dira, zerbitzuak kostuaren arabera bereizteko:
000 euroraino: 125,59.
Gainerakoa 100.000 euro edo frakzio bakoitzeko: 75,35.
Gehieneko kopurua: 772,32.
Profesionalen egiaztagiriak eta enpresa baimenduaren ziurtagiriak:
Azterketa-eskubideak: 15,40.
Txartela, enpresa-ziurtagiriak edo Enpresa Kalifikazioko Agiria (EKA) egitea eta berritzea: 18,83.
Desjabetze-prozedura:
Nahitaezko desjabetzea eskatzen duten administrazio-izapideak egiteagatik: 753,47.
Abian jartzeko administrazio-baimena behar duten jarduerak.
Oinarrizko tarifa aplikatzea.
Beste tarifetan jasota ez dauden ziurtagiriak egitea:
Ikuskapenik gabe: 15,07.
Ikuskapenarekin: 100,46.
133. artikulua. Zerga-egitatea.
Tasa honen zerga-egitatea da honako zerbitzu hauek ematea:
Kontrol metrologikoa egitea.
Ibilgailuen azterketa teknikoak eta horiei dagozkien agiriak egitea.
X izpien instalazioak erregistroan inskribatzea.
Substantzia arriskutsuak tarteko gertatzen diren istripuei lotutako arriskuak ebaluatzea.
134. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
135. artikulua. Sortzapena.
Tasaren sortzapena zerga-egitate diren zerbitzuak ematen diren unean izango da. Halere, eskaera egiten edo espedientea hasten den unean exijitu ahal izango da ordainketa.
136. artikulua. Tasaren elementu kuantitatiboak.
Tarifa honen arabera eskatuko da tasa (eurotan):
Metrologia:
Modeloa onartzea:
Onartzeko aurkeztutako modelo bakoitza: 125,59.
Onartutako modelo batean funtsezkoak ez diren aldaketak egitea: 62,78.
Lehenago emandako onarpenak luzatzea: 62,78.
Neurtzeko tresnen jatorrizko egiaztapenak.
Egiaztatutako unitate bakoitzagatik, taula honen arabera eskatuko da tasa:
Publikoarentzako salmenta-prezioa:
6,01 arte publikoarentzako salmenta-prezioaren gaineko % 5.
6,14tik 300,51ra: 0,40 + 6,01etik gorako soberakoaren % 2.
300,52tik 601,01era: 7,77 + 300,51tik gorako soberakoaren % 1.
601,02tik 1.502,53ra: 11,56 + 601,01etik gorako soberakoaren % 0,8.
502,54tik 3.005,06ra: 20,62 + 1.502,53tik gorako soberakoaren % 0,6.
005,07tik 6.010,12ra: 33,20 + 3.005,06tik gorako soberakoaren % 0,4.
010,13tik 30.050,61era: 47,04 + 6.010,12tik gorako soberakoaren % 0,2.
050,62tik aurrera 107,41 + 30.050,61etik gorako soberakoaren % 0,1.
Jatorrizko egiaztapena laginketa bidez egiten bada, tasaren zenbatekoa laginaren unitate kopuruaren araberakoa izango da, eta unitate bakoitzaren prezioari 1.2 tarifa honen taulan dagokiona aplikatuz kalkulatuko da.
Metrologia-egiaztapena.
Metrologia-egiaztapenaren ziurtagiri bakoitzeko: 132. artikuluaren 5. tarifa aplikatuko da.
Ibilgailuak:
Ibilgailuen aldizkako ikuskapenak:
1. Motozikletak eta ziklomotorrak: 22,60.
2. Ibilgailu arinak: 41,44.
3. Ibilgailu astunak: 55,28.
4. Atoiak eta nekazaritzako ibilgailuak: 35,15.
Taximetroen ikuskapenak: 25,12.
Ikuskapen-lerrotik pasa beharrik gabeko gainerako ikuskapenak: 25,12.
Ikuskapen-lerrotik pasa beharreko gainerako ikuskapenak: 24,14 euro gehi 2.1 puntuan adierazitakoa.
Etxez etxeko ikuskapenak: Dagokion tasa gehi 0,65 euro kilometroko.
X izpien instalazioak:
Mediku-diagnostikoak egiteko X izpien instalazioen erregistro-inskripzio bakoitza: 25,12.
Arriskuen ebaluazioa:
Arriskuen analisia ebaluatzea:
1. Kuota finkoa: espedientea hastea: 2.913,05.
2. Kuota aldakorra (hurrengo a eta b letrak aplikatuta ateratako zenbatekoen batura):
Establezimenduaren mugetatik kanpo ondorioak sortzen dituen eta kuantifikatuta dagoen istripu-kasu bakoitza: 416,15.
Establezimenduaren mugetatik kanpo ondorioak sortzen dituen eta kuantifikatuta dagoen istripu-kasu bakoitza, baldin eta, gainera, arriskuen analisi kuantitatiboaren ebaluazioa beharrezkoa bada: 416,15.
3. Kanpoko larrialdietako plana egiteko oinarrizko informazioa ebaluatzea: 182,07.
Jada ebaluatutako segurtasun-txostenak berrikustea: Aurreko 4.1 apartatuan aurreikusitako tarifa aplikatuta lortutako zenbatekoen % 50.
137. artikulua. Zerga-egitatea.
Tasa honen zerga-egitatea da meatzaritza-baliabideak esploratzeko eta ikertzeko baimenak, meatzaritza-baliabideak ustiatzeko emakidak eta meatze-antolamenduarekin zerikusia duten gainerako zerbitzuak ematea; halaber, jabari publikoaren erabilera pribatiboa egitea, bat etorrita meatzaritza erregulatzen duen araubidearekin.
138. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko eta juridikoak, bai eta aurreko artikuluan aipatzen diren baimenen eta emakiden titularrak ere.
139. artikulua. Sortzapena.
Tasaren sortzapena, oro har, zerga-egitate diren zerbitzuak ematen diren unean izango da. Halere, eskaera egiten edo espedientea hasten den unean exijitu ahal izango da ordainketa.
Baimen eta emakidetan, jabari publikoaren erabilera pribatiboari dagokion tasaren (azalera-kanona) sortzapen-unea, oro har, hau izango da: baimena edo emakida emateko erabakiak aipatzen duen eskubidea sortzen den eguna, hau da, emakidadunak emakidaren titulua hartu izanaren agiria sinatzen duen eguna.
Ikertze-baimenetan edo ustiatze-emakidetan, esleipenaren osteko hurrengo urteetan, urte naturaleko lehenbiziko egunean izango da jabari publikoaren erabilera pribatiboagatik ezarritako tasaren (azalera-kanona) sortzapena, data horretan indarrean diren baimen eta emakida guztietarako.
Ikertze-baimenak edo ustiatze-baimenak urtarrilaren 1a baino geroago ematen badira, esleitu diren urtean ordaindu beharreko tasa ez da osoa izango, dagokion heinekoa baizik, hau da, esleitu diren egunetik urte naturala amaitu arteko aldiari dagozkion kuoten zati proportzionala.
Aurreko paragrafoko irizpide bera erabiliko da ikertze-baimenei uko egiten zaienean edo iraungitzen direnean; kasu horietan, ukoa onartzen den edo baimena iraungia dela adierazten den egunaz geroztik, ez da tasaren sortzapenik izango.
140. artikuluaren 2. apartatuan esplorazio-baimenetarako zehazten diren tarifak baimenaren iraupen-aldi osoari dagozkio, hots, urte osoari, eta berriro ordaindu beharko dira baimenaren iraupen-epea beste urtebetez luzatzen bada.
140. artikulua. Tasaren elementu kuantitatiboak.
Tarifa honen arabera eskatuko da tasa (eurotan):
Meatze-antolamendua.
Esplorazio-baimena.
1. 1.000 lauki-sareraino: 2.439,13.
2. Lauki-sare gehigarri bakoitza, 1.000 lauki-saretik aurrera: 2,30.
Ikertze-baimena.
1. Lehenengo lauki-sarea: 2.477,27.
2. Lauki-sare gehigarri bakoitza: 11,45.
Meatzaritza-legerian aurreikusitako A eta B ataletako meatzaritza-baliabideak aprobetxatzeko baimena eta leheneratze-proiektuak egiteko baimena.
1. 20 hektarearaino: 3.544,37.
2. Hektarea gehigarri bakoitza, 20 hektareatik aurrera: 45,77.
Meategiak ustiatzeko emakidak.
1. Ikertze-baimenetatik eratorriak.
1.1. 50 lauki-sareraino: 2.439,13.
1.2. Lauki-sare gehigarri bakoitza, 50 lauki-saretik aurrera: 45,77.
2. Zuzeneko ustiatze-emakidak.
2.1. 50 lauki-sareraino: 3.544,37.
2.2. Lauki-sare gehigarri bakoitza, 50 lauki-saretik aurrera: 45,77.
Meatzaritzako eskubide eta baimenen transmisio-, errentamendu- edo karga-eskaera.
1. Meatzaritza-legerian aurreikusitako A eta B atalak: artikulu honen 1.3 apartatuko tarifaren % 50.
2. Meatzaritza-legerian aurreikusitako C eta D atalak: artikulu honen 1.4 apartatuko tarifaren % 50.
Meatzaritzako baimen eta emakiden iraungitze-eskabidea.
1. Meatzaritza-legerian aurreikusitako A eta B atalak: artikulu honen 1.3 apartatuko tarifaren % 50.
2. Meatzaritza-legerian aurreikusitako C eta D atalak: artikulu honen 1.4 apartatuko tarifaren % 50.
Meategiak ustiatzeko emakiden eta baimenen aldaketak: artikulu honen 1.3 eta 1.4 apartatuetako tasaren % 50.
Meatzaritzako baimen eta emakiden bitartez jabari publikoaren erabilera pribatiboa egitea (azalera-kanona).
Esplorazio-baimenak.
1. Lauki-sare bakoitza, 1.000raino: 0,32.
2. Lauki-sare bakoitza, 1.001etik 2.000ra bitarte: 0,40.
3. Lauki-sare bakoitza, 2.000tik aurrera: 0,50.
Ikertze-baimenak.
1. Lauki-sare bakoitza:18,66.
Ustiatze-emakidak.
1. 22/1973 Legea baino lehenagoko legerien arabera emandakoak.
1.1. Hamar hektareako multzo bakoitza edo frakzioa eta urte bakoitza, 280 hektarearaino: 268,57.
1.2. Hamar hektareako multzo bakoitza edo frakzioa eta urte bakoitza, 280 hektareatik aurrera: 67,13.
2. 22/1973 Legeari jarraituz emandakoak.
2.1. Lauki-sare eta urte bakoitza, 10 lauki-sareraino: 746,02.
2.2. Lauki-sare eta urte bakoitza, 10 lauki-saretik aurrera: 186,49.
A ataleko meategiak ustiatzeko baimenak.
1. Urte bakoitzeko eta 5 hektarearaino: 3.730,05.
2. Hektarea gehigarri eta urte bakoitza, 5 hektareatik aurrera: 18,64.
B ataleko meategiak ustiatzeko baimenak. Babes-perimetro bakoitza.
1. 20 hektarearaino: 3.730,05.
2. Hektarea gehigarri eta urte bakoitza, 20 hektareatik aurrera eta 70 hektarearaino: 18,64.
3. Hektarea gehigarri eta urte bakoitza, 70 hektareatik Aurrera 9,32.
Meatzaritzarekin lotutako beste zerbitzu batzuk.
Meatzaritzako ustiategietako urteko lehergai-kontsumorako baimena edo obra zibileko leherketetarako ereduzko proiektua onartzea.
1. 1.000 kg lehergai arte: 30,47.
2. Hortik gora, 1.000 kg lehergaiko multzo bakoitza edo frakzio bakoitza: 3,03.
Meatze-baliabideen lan-planak onartzea: 132. artikuluaren oinarrizko tarifaren % 50, urteko ustiapen-aurrekontuari aplikatuta, 373,66 euroko mugarekin.
A, B, C eta D ataleko baliabideei buruz, arauek agindutako txostenak, demarkazioak, mugaketak eta ikuskapenak, eta Meatzaritzako Segurtasunaren Oinarrizko Arauei buruzko Araubide Orokorrean ezarritakoa: aurreko 132. artikuluko 5. tarifa.
141. artikulua. Eratorritako emakidak.
Jabari publikoaren erabilera pribatiboagatik ezarritako tasa aplikatzean, ustiatze-emakida ikertze-baimen batetik badator, likidazio osagarria egin beharko da, emakida esleitzeko erabakia irmo bihurtzen denetik urte naturala amaitu artekoa, hartatik kenduta emakidaren sorburu den ikertze-baimenaren aldi berari dagokion tasa.
142. artikulua. Ez ordaintzeagatik iraungitzea.
Lege honetako 22. artikuluan xedatutakoa gorabehera eta alde batera utzita meatzaritzari buruzko indarreko legeriaren arabera izan daitezkeen bestelako arrazoiak, jabari publikoaren erabilera pribatiboagatik ezarritako tasa borondatez ordaintzeko epean ordaintzen ez bada eta bi hilabete igaro badira tributu-zorraren ordainketa gauzatu edo bermatu gabe, iraungitzat joko dira meategiak ustiatzeko emakidak, baita meategiak esploratzeko eta ikertzeko baimenak ere; hargatik eragotzi gabe beste zehapen batzuk ere metatzea, bat etorrita arau-hauste eta zehapenen araubide orokorrarekin.
143. artikulua. Zerga-egitatea.
Tasa honen zerga-egitatea da mahastizaintza eta ardogintzaren arloan nahitaez bete beharreko erregistro-liburuak egitea, eredu hauen arabera:
a) 1. eredua. Produktu hauen sarrerak eta irteerak erregistratzeko liburuak: mahaiko ardoa, eskualde jakin batean produzitutako kalitateko ardoa, ardoak elaboratzeko produktuak eta amaierako produktuak.
b) 2. eredua. Produktu hauen sarrerak eta irteerak erregistratzeko liburua: elaborazio-prozesuak dituzten mahastizaintza eta ardogintzako produktuak (ardo aparduna, ardo apardun gasduna, eskualde jakin batean produzitutako kalitateko likore-ardoa, eskualde jakin batean produzitutako kalitateko ardo aparduna, eskualde jakin batean produzitutako ardo txinpartaduna, ardo aromatizatuak, sangria, mahats-zukuak eta bestelakoak).
c) 3. eredua. Jarduera hauek erregistratzeko liburuak: praktika enologikoak, produktuak elaboratzeko prozesuak eta erregistratu beharreko prozesu eta praktiketarako produktuen mugimendua.
144. artikulua. Subjektu pasiboa.
Tasa honen subjektu pasibo dira zerga-egitate diren mahastizaintza eta ardogintzako produktuak elaboratu, biltegiratu eta ontziratzeko jardueretan aritzen diren nekazaritza-industrien titularrak pertsona fisikoak nahiz juridikoak izan, betiere zerga-egitatean aipatzen diren erregistro-liburuak betetzeko betebeharra baldin badute.
145. artikulua. Sortzapena.
Zerga-egitatean aipatzen diren erregistro-liburuak eginbidetuta ematen direnean izango da tasaren sortzapena.
146. artikulua. Kuota.
Tarifa honen arabera eskatuko da tasa (eurotan):
Lehenengo eredua, ale bakoitza: 23,09.
Bigarren eredua, ale bakoitza: 50,04.
Hirugarren eredua, ale bakoitza: 19,26.
147. artikulua. Tasa likidatzea.
Subjektu pasiboek autolikidazioaren bitartez zehaztu eta ordaindu beharko dute tributu-zorra, erregelamenduz adierazitako tokian, moduan eta epeen barruan.
148. artikulua. Zerga-egitatea.
Tasa honen zerga-egitatea da administrazio-zerbitzuak ematea, Itsas Arrantzari buruzko martxoaren 13ko 6/1998 Legearen arabera aisialdiko itsas arrantzarako edo itsasertzean eta itsasadarretan itsas belarrak biltzeko behar diren lizentzietarako.
149. artikulua. Subjektu pasiboa.
Tasa honen subjektu pasibo dira aisialdiko itsas arrantzarako lizentzia eskatzen duten pertsona fisikoak.
150. artikulua. Sortzapena.
Tasaren sortzapena zerga-egitate diren administrazio-jarduketak gauzatzen direnean izango da. Hala ere, dagokion lizentzia egiten den unean exijitu ahal izango da ordainketa.
151. artikulua. Kuota.
Hona tasaren zenbatekoa:
Ur-azaleko arrantzarako lizentzia egitea (bost urteko balioa): 18,31 euro.
Urpeko arrantzarako lizentzia egitea (urtebeteko balioa): 18,31 euro.
152. artikulua. Zerga-egitatea.
Tasa honen zerga-egitatea da administrazio-zerbitzuak ematea, araudiaren arabera Euskal Autonomia Erkidegoko barne-uretan angulak lehorretik nahiz ontzitik arrantzatzeko lizentziak egin, berritu eta emateko.
153. artikulua. Subjektu pasiboa.
Tasa honen subjektu pasibo dira angula arrantzatzeko lizentzia egitea, berritzea eta ematea eskatzen duten pertsona fisikoak.
154. artikulua. Sortzapena.
Tasaren sortzapena zerga-egitate diren administrazio-jarduketak gauzatzen direnean izango da. Halere, lizentzia egiteko eskaera egiten den unean exijitu ahal izango da ordainketa.
155. artikulua. Kuota.
Tarifa honen arabera eskatuko da tasa (eurotan):
Angula lehorretik arrantzatzeko: 18,83.
Angula ontzitik arrantzatzeko: 75,35.
156. artikulua. Zerga-egitatea.
Tasa honen zerga-egitatea da Administrazioak behar diren zerbitzuak ematea ehizan jarduteko gaitasuna egiaztatzeko azterketarako.
157. artikulua. Subjektu pasiboa.
Tasa honen subjektu pasibo dira ehizan jarduteko gaitasuna egiaztatzeko azterketa egiten dutenak.
158. artikulua. Sortzapena.
Ehizan jarduteko gaitasuna egiaztatzeko azterketa egiteko eskabideak aurkezten direnean izango da tasaren sortzapena.
159. artikulua. Kuota.
Tasa 11,61 eurokoa izango da.
160. artikulua. Zerga-egitatea.
Tasa honen zerga-egitatea da osasun-arloan eskumena duen sailak hilotz-osasuneko zerbitzuak ematea.
161. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko eta juridikoak eta haien kausadunak.
162. artikulua. Sortzapena.
Tasaren sortzapena zerga-egitate diren zerbitzuak ematen direnean izango da. Halere, zerbitzua interesdunak eskaturik ematen denean, eskaera egiten den momentuan exijituko da ordainketa.
163. artikulua. Kuota.
Tarifa honen arabera eskatuko da tasa (eurotan):
Hilotzak eta gorpuzkiak hobitik ateratzea, berriro hobiratzea eta erraustea:
Hilotzak eta giza gorpuzkiak hobitik ateratzea, berriro hobiratzea eta erraustea: 105,53.
Gorpuzkiak hobitik ateratzea, berriro hobiratzea eta erraustea: 10,53.
Beilatzea eta hilotza eraikin publiko batean ikusgai edukitze: 133,12.
Lekuz aldatzea I. eta II. multzoetako hilotz hobiratu gabeak: 100,46.
Hilotzetarako establezimenduak eta gorputegiak:
Beilatokiak eraiki eta jardunean jartzea: 389,30.
Errausketa-labeak eraiki eta jardunean jartzea: 389,30.
Hilerriak eraiki eta jardunean jartzea: 615,36.
Hilerriak ixtea: 100,46.
164. artikulua. Xedea.
Tasa honen xedea da jarduketa hauek kargatzea: hiltegietako, zatikatze-geletako eta ehizakia prozesatzeko geletako kontrol ofizialak egitea; arrantzako eta akuikulturako produktuak merkaturatzeko kontrol ofizialak egitea; ziurtagiri ofizialak egitea, eta irailaren 26ko 1487/2009 Errege Dekretuan jasotako elikadura-osagarriak eta abenduaren 3ko 1412/2018 Errege Dekretuan jasotako produktu jakin batzuk merkaturatzeari buruzko jakinarazpenak egitea.
Horretarako, honako tasa hauek bereiziko dira:
Hiltegietako kontrol ofizialengatik ezarritako tasa.
Zatikatze-geletako kontrol ofizialengatik ezarritako tasa.
Ehizakia prozesatzeko geletako kontrol ofizialengatik ezarritako tasa.
Arrantzako eta akuikulturako produktuak ekoizteko eta merkaturatzeko kontrol ofizialengatik ezarritako tasa.
Ziurtagiri ofizialak egiteagatik ezarritako tasa.
Irailaren 26ko 1487/2009 Errege Dekretuan jasotako elikadura-osagarriak eta abenduaren 3ko 1412/2018 Errege Dekretuan jasotako produktu jakin batzuk merkaturatzeari buruzko jakinarazpenengatik ezarritako tasa.
165. artikulua. Zerga-egitatea.
Tasa honen zerga-egitatea dira osasun-arloan eskumena duen saileko fakultatiboek osasun publikoa babesteko egiten dituzten jarduketak: kontsumorako diren animalien eta animalion haragi freskoen kontrol ofizialak; hiltegi, zatikatze-gela eta ehizakia prozesatzeko gela eta establezimenduetako kontrol ofizialak; arrantzako eta akuikulturako produktuak ekoizteko eta merkaturatzeko jardueren kontrol ofizialak; ziurtagiri ofizialak, eta irailaren 26ko 1487/2009 Errege Dekretuan jasotako elikadura-osagarriak eta abenduaren 3ko 1412/2018 Errege Dekretuan jasotako produktu jakin batzuk merkaturatzeari buruzko jakinarazpenak.
Tributua ordainarazte aldera, honela katalogatzen dira aurreko apartatuan definitutako zerga-egitatearen barruan sartzen diren osasun-kontrol ofizialen jarduerak:
Haragi freskoa lortzeko ante mortem egindako ikuskapenak eta osasun-kontrolak, animalia hauei dagokienez: behi, txerri, ardi eta ahuntzak eta bestelako hausnarkariak, untxi eta lumadun nahiz iledun ehiza xehea, solipedoak/ekidoak eta etxeko hegaztiak.
Haragi fresko horiek lortzeko hil diren animaliei post mortem egindako ikuskapenak eta osasun-kontrolak.
Establezimenduan egindako lanen agiri bidezko kontrola.
Giza kontsumorako kanalak, erraiak eta barrukiak kontrolatzea eta zigilatzea, bai eta zatikatze-geletan eta ehiza-haragia prozesatzeko geletan lortutako piezei marka edo ezaugarria jartzea ere.
Arrantzako eta akuikulturako produktuak ekoizteko eta merkaturatzeko ikuskapenak eta agiri bidezko kontrolak.
Esportazio-ziurtagiriak, salmenta librearen ziurtagiriak eta osasun-ziurtagiriak egitea.
Irailaren 26ko 1487/2009 Errege Dekretuan jasotako elikadura-osagarriak eta abenduaren 3ko 1412/2018 Errege Dekretuan jasotako produktu jakin batzuk merkaturatzeko komunikazioen azterketa.
166. artikulua. Subjektu pasiboa.
Tasa hauen subjektu pasibo dira tasaren zerga-egitate diren lanak egiteko erabilitako establezimenduen titularrak pertsona fisiko zein juridikoak.
Subjektu pasiboek tasaren zenbatekoa jasanaraziko diete, faktura bidez, zerbitzua eskatu dutenei edo tasaren xede diren jardueren hartzaileei. Tasa kobratu ondoren, Administrazio orokorraren kontura sartu beharko da zenbatekoa, betiere, erregelamenduz ezarriko den eran.
167. artikulua. Erantzule subsidiarioak.
Tasa kobratzeko erantzule subsidiarioak dira sozietateetako administratzaileak; porrotetako, konkurtsoetako eta sozietateetako sindiko, kontu-hartzaile edo likidatzaileak, bai eta, oro har, tasaren sortzapena eragin duten jardueren ikuskatze- eta kontrol-lanetan diharduten entitateak ere.
168. artikulua. Tasaren sortzapena.
170. artikuluaren arabera jasotako tasen edo kargen sortzapena honela izango da:
Aldez aurretik ordainduta, zerbitzuak subjektu pasiboak edo interesdunak eskatuta hasten direnean, 170. artikuluko 1. apartatuko e) eta f) letren kasuan.
Hiru hilean behin, 170. artikuluko 1. apartatuko a), b), c) eta d) letren kasuan.
Establezimendu berean, interesdunak eskatuta, animaliak hil eta zatikatzeko lanak egiten badira elkarren segidan, prozesuaren hasieran zehaztuko da tasaren zenbateko osoa era metatuan, edozein dela ere dagozkien kuoten sortzapen-unea, kapitulu honetan likidazioak metatzeari buruz ezarritako arauetan zehaztutakoa gorabehera.
169. artikulua. Zerga-egitatea gauzatzeko lekua.
Zerga-egitatea EAEren lurraldean egin dela ulertuko da, baldin eta bertan kokatzen badira hiltegi edo instalazio hauek: animaliak hiltzekoak, kanalak zatikatzekoak, ehizakia prozesatzekoak eta arrantzako edo akuikulturako produktuak ekoitzi eta merkaturatzekoak. Gauza bera ulertuko da EAEko lurraldean egiten badira osasun-arloan eskumena duen saileko zerbitzuek emandako ziurtagiri ofizialak eta merkaturatze-jakinarazpenak.
Etxeko hegazti bizien osasun-egoera jatorrizko ustiategian ikuskatzen denean, ustiategian bertan kobratuko da ikuskatze horri dagokion tributu-kuota, zeina hurrengo artikuluan zehazten den kuotaren % 20 izango baita.
170. artikulua. Tributu-kuota.
Eragiketa hauetako bakoitzarengatik eskatuko zaio tributu-kuota zergadunari:
Abereak hiltzea.
Zatikatzea.
Ehiza-haragia prozesatzea.
Arrantzako eta akuikulturako produktuak ekoiztea eta merkaturatzea.
Ziurtagiri ofizialak egitea.
Irailaren 26ko 1487/2009 Errege Dekretuan jasotako elikadura-osagarrien eta abenduaren 3ko 1412/2018 Errege Dekretuan jasotako produktu jakin batzuen merkaturatze-jakinarazpena egitea.
Hala eta guztiz ere, establezimendu berean egiten badira abereak hil eta zatikatzeko lanak, bi faseen kuotak bilduko dira tasaren zenbateko osoan, 172. artikuluan zehazten den moduan metatuta.
Abereak hiltegian hilez gero, hildako abere kopuruaren arabera likidatuko dira subjektu pasiboari eskatu beharreko kuotak.
Behar bezala baimendutako establezimendu edo instalazioetan hiltzen den animalia bakoitzeko ezartzen dira jarduera hauei dagozkien tributu-kuotak: batera egindako ante mortem eta post mortem ikuskapen- eta osasun-kontrolak; gauzatutako lanen agiri bidezko kontrola, eta kanalak, erraiak eta barrukiak zigilatzeko jarduera. Hona kuoten zenbatekoak (eurotan):
(Ikus .PDF)
Zatikatze-lanetarako, zatikatu behar den tona kopuruaren arabera eta animalia-espeziearen arabera ezarriko da kuota. Hala, zatikatze-lanetarako, haragiak zatikatu aurretik duen benetako pisua hartuko da erreferentziatzat hezurrak ere barnean direla.
Zatikatze-geletako osasun-kontrol ofizialei dagokien kuota barnean dela kanaletatik lortutako animalia-piezei etiketa eta marka jartzea:
(Ikus .PDF)
Ehizakia prozesatzeko geletako kontrol ofizialei dagokien kuota barnean dela kanaletatik lortutako animalia-piezei etiketa eta marka jartzea:
(Ikus .PDF)
Arrantzako eta akuikulturako produktuak merkatuan sartzeko kuota:
Arrantzako eta akuikulturako produktuak lehen aldiz merkaturatzea:
1,03 euro, tonako edo tonaren frakzioko, hilabete bakoitzeko lehen 50 tonetarako.
0,51 euro, tonako edo tonaren frakzioko, hilabete bakoitzeko hurrengo tonetarako.
Lehen salmenta lonjan:
1,03 euro, tonako edo tonaren frakzioko, hilabete bakoitzeko lehen 50 tonetarako.
0,26 euro, tonako edo tonaren frakzioko, hilabete bakoitzeko hurrengo tonetarako.
Esportazio-ziurtagiriak, salmenta librearen ziurtagiriak eta osasun-ziurtagiriak egiteko kuota 41,00 eurokoa da egindako ziurtagiri bakoitzeko.
Irailaren 26ko 1487/2009 Errege Dekretuan jasotako elikadura-osagarrien eta abenduaren 3ko 1412/2018 Errege Dekretuan jasotako produktu jakin batzuen merkaturatze-jakinarazpenaren kuota 328,00 eurokoa da enpresek egindako jakinarazpen bakoitzeko.
171. artikulua. Kenkariak.
Tributu-kuoten zenbatekoen gainean, ondorengo letretan adierazten diren kenkariak aplikatu ahal izango dituzte lan hauek egiten dituzten establezimenduen titularrek: azienda hiltzeko establezimenduak, zatikatze-gelak, ehiza-haragia prozesatzeko gelak eta arrantzako eta akuikulturako produktuak merkaturatzeko jarduerak. Nolanahi ere, kontzeptu guztien baturak ezin izango du gainditu tributu-kuoten zenbatekoaren % 50:
Negozio-bolumen murriztua duten operadoreak:
Hiltegien kasuan, hiltegi txikia bada, urtean 2.000 abere-unitate edo gutxiago hiltzen dituena, kenkaria % 30ekoa izango da.
Gainerako industrietan, operadore horiek enpresa txikiak direnean, Batzordearen 651/2014 (EB) Erregelamenduan aurreikusitako definizioen arabera, kenkaria hau izango da:
Enpresa ertainak: % 10.
Enpresa txikiak: % 20.
Mikroenpresak: % 30.
Hau hartzen da enpresa ertaintzat: 250 langile baino gutxiago dituen enpresa eta urteko negozio-bolumena edo urteko balantze orokorra 50 milioi eurotik beherakoa duena; hau enpresa txikitzat: 50 langile baino gutxiago dituena eta urteko negozio-bolumena edo urteko balantze orokorra 10 milioi eurotik beherakoa duena; eta hau mikroenpresatzat: 10 langile baino gutxiago dituena eta urteko negozio-bolumena edo urteko balantze orokorra 2 milioi eurotik beherakoa duena.
Operadoreen historia (EB) 2017/625 Erregelamenduaren 1. artikuluaren 2. apartatuan jasotako arauak betetzeari dagokionez.
Operadorearen betetze-historia kontrol ofizialen bidez egiaztatzen denean, hau da, araua bete dutelako historia ona dutenean.
(EB) 2017/625 Erregelamenduaren 1. artikuluaren 2. apartatuan jasotako arauak betetzeari dagokionez historia ona duten operadoreek ez-betetzeen historia dutenek baino kostu global txikiagoak izango dituzte, haien gaineko kontrol ofiziala ez baita hain sarri egingo.
Honako kenkari hauek aplikatuko dira azken bi urteetako kontrol ofizialen emaitzen arabera, dela kontrol ofizialaren ikuskapenaren bidez dela auditoretzaren bidez:
Ikuskapenean hautemandako higiene- eta osasun-baldintzen arabera, kenkaria hau izango da:
Oso onak: % 30.
Onak: % 15.
Auditoretzen emaitzaren arabera, kenkaria hau izango da:
Aldekoa, goi-mailakoa: % 30.
Aldekoa, oinarrizko mailakoa: % 15.
Nolanahi ere, kontzeptu horretarako ezarritako gehieneko kenkaria ez da % 30 baino handiagoa izango.
Artikulu honetan araututako kenkariak aplikatzeko, osasun-arloan eskumena duen saileko zerbitzuei eskaera egin behar zaie aldez aurretik; eta, eskaerarekin batera, kasu bakoitzean ezarritako baldintzak eta betekizunak betetzen direla frogatzen duen dokumentazioa aurkeztu beharko da.
172. artikulua. Likidazioak metatzeari buruzko arauak.
Sortzapen fase guztiak edo batzuk establezimendu berean egiten badira, kasuan-kasuan sortzapena izan duten tributu-kuotak metatu beharko dira, arau hauen arabera:
Establezimendu berean egiten badira animaliak hil eta zatikatzeko lanak, kuota-sortzapen bakarra izango da: animaliak hiltzeari lotutako ikuskatze eta osasun-kontroleko jarduketari dagokiona.
Establezimenduan zatikatze-lanak baino ez badira egiten, kuota-sortzapen bakarra izango da: zatikatze-lanari lotutako ikuskatze eta osasun-kontroleko jarduketari dagokiona.
173. artikulua. Tasak likidatzea eta ordaintzea.
Tasen kuotak ordaintzeko, autolikidazioa egin beharko du subjektu pasiboak, erregelamenduz ezarritako moduan eta epeetan.
174. artikulua. Salbuespenak eta hobariak.
Aurreko artikuluetan jasotako arauen arabera egindako likidazioetatik ateratzen diren kuotetan, ez da salbuespenik egingo, ezta murrizketarik eta hobaririk ere, edozein izanda ere ustiategien titularra edo edozein lurraldetan egonda ere ustiategi horiek.
175. artikulua. Arau gehigarriak.
Haragia esportatzen denean, zuzenean izan zein zeharka izan, tasaren zenbatekoa ezingo zaie hirugarren batzuei itzuli.
176. artikulua. Zerga-egitatea.
Tasa honen zerga-egitatea da osasun-arloan eskumena duen sailak osasun publikoko laborategiaren zerbitzuak ematea.
177. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
178. artikulua. Sortzapena.
Tasaren sortzapena zerbitzua ematen denean izango da. Halere, zerbitzua interesdunak eskaturik ematen denean, eskaera egiten den unean exijitu ahal izango da ordainketa.
179. artikulua. Kuota.
Tarifa honen arabera eskatuko da tasa (eurotan):
Mikrobiologia:
Mikroorganismo markatzaileen zenbaketa. Parametro bakoitza: 13,08.
Patogenoak aberastea eta identifikatzea. Haietako bakoitza: 33,13.
Mikroorganismoen serotipoa zehaztea. Haietako bakoitza: 13,19.
Mikroskopio bidezko behaketak:
1. Lagin freskoa aztertzea: 4,14.
2. Tindatu eta aztertzea: 6,10.
3. Eremu ilunean egindako azterketa: 5,28.
Berariazko parasitologia-teknikak:
1. Elementu parasitarioen kontzentrazioa: 12,39.
2. Elementu parasitarioen zenbaketa: 12,39.
3. Bestelako identifikazio-teknika bakoitza: 18,49.
Antibiograma: 18,49.
Immunologia-teknikak:
1. Elektroforetikoak: 42,35.
2. Immunofluoreszentzia: 18,49.
3. Analisi immunoentzimatiko heterogeneoa (ELISA) :23,87.
4. Analisi immunoentzimatiko homogeneoa: 5,28.
5. Zehaztu gabeko beste tekniketako bakoitza: 47,46.
Proba biologikoak:
1. In vivo saiakuntza: 59,41.
Fisika-kimika:
Teknika ez-instrumentalak:
1. Destilazioa: 14,47.
2. Lurrungailu birakariaren bidezko destilazio: 19,26.
3. Dekantazio-inbutuarekin erauztea: 18,49.
4. Soxhlet bidez erauztea: 37,29.
5. Solido/likido erauzketa: 20,73.
6. Fase solidoko matrize-dispertsioa: 42,35.
7. Mineralizazioa: 21,79.
8. Geruza fineko kromatografia edo paper-kromatografia: 26,88.
9. Zutabe-kromatografia: 31,02.
10. Grabimetria: 18,49.
11. Bolumetria: 7,71.
Teknika instrumentalak:
1. Errefraktometria: 7,71.
2. Erreflektometria: 7,71.
3. Potentziometria: 12,39.
4. Turbidimetria: 7,71.
5. Konduktimetria: 7,71.
6. Ultramore-ikusgai espektrofotometria: 15,47.
7. Gasen kromatografia. Detektatzeko sistema bakoitza, masa-espektrometria salbu: 51,66.
8. Gas-kromatografia/masa-espektrometria: 123,19.
9. Absortzio atomiko bidezko espektrofotometria: 34,81.
10. Absortzio atomiko bidezko espektrofotometria/Zeeman efektua: 51,66.
11. Proper infragorrian (NIRA) absortzio bidez egindako analisi automatizatua. Parametro bakoitza: 20,73.
12. Geruza mehean egindako bereizmen handiko kromatologia (HPTLC): 61,58.
13. Detektagailu arruntarekin egindako kromatologia likidoa: 88,01.
14. Diodo-detektagailuarekin egindako kromatografia likidoa: 138,58.
15. Kromatografia ionikoa: 51,66.
16. Infragorriaren espektrofotometria: 41,37.
17. ICP-Masak: 79,06.
Analisi multzoak. Urak:
Uraren analisi fisiko-kimiko eta bakteriologiko osoa, salbu eta pestizidak, erradioaktibitatea, hidrokarburoak eta trihalometanoak: 548,94.
Uraren kontrol analisi fisiko-kimiko eta bakteriologikoa: 46,46.
Uraren analisi fisiko-kimiko eta bakteriologikoa, edateko uren araztegiaren irteeran: 172,29.
Uraren analisi fisiko-kimiko eta bakteriologikoa, iturrian: 133,44.
Hondakin-uren analisia, oinarrizko multzoa, hona: materia esekia, OEBa, OEKa, pHa, eroankortasuna, anioi bat eta katioi bat: 58,95.
OEBa, OEKa. Haietako bakoitza: 20,73.
Uraren analisi fisiko-kimiko osoa, salbu eta pestizidak, erradioaktibitatea, hidrokarburo aromatiko poliziklikoak eta trihalometanoak: 508,76.
Uretan dauden pestizida, organofosforatu, organokloratu eta triazinen analisia: 240,99.
Uretan dagoen erradioaktibitatearen analisia, guztizko alfa eta beta: 160,67.
Uretan dauden hidrokarburo aromatiko poliziklikoen analisia: 178,52.
Uraren kontrol-analisi fisiko-kimikoa: 25,78.
Uraren analisi fisiko-kimikoa, edateko uren araztegiaren irteeran: 104,82.
Uraren analisi fisiko-kimiko, iturrian: 112,74.
Uraren kontrol-analisi bakteriologikoa: 20,73.
Uraren analisi bakteriologikoa, edateko uren araztegiaren irteeran: 67,47.
Uraren analisi bakteriologikoa, iturrian: 20,73.
Hemodialisi-uraren gutxieneko analisia (aluminioa, fluorra, heterotrofoen eta Pseudomonas aeruginosaren zenbaketa): 100,09.
Hemodialisi-uraren analisi osoa: 446,52.
Igerileku kloratuen analisia: 92,37.
Igerileku elektrofisikoen analisia: 115,49.
Detergente anioniko, kationiko eta ez-ionikoak: 230,95.
Halogeno organiko purgagarriak (AOX, POX, TOX): 115,49.
Trihalometanoak: 92,37.
N-metilkarbamatoak: 177,06.
Ditiokarbamatoak : 84,68.
Interesdunak eskaturik egin beharreko analisia osatu ahal izateko laginak in situ hartu behar izanez gero, 30,85 euro gehituko zaio tasaren zenbatekoari.
180. artikulua. Zerga-egitatea.
Tasa honen zerga-egitatea da ofizioz edo interesdunak eskaturik zerbitzu hauek ematea:
Farmazia-arretako establezimenduak eta zerbitzuak sortu, abian izan, lekualdatu, aldatu, eskualdatu eta ixteko izapideak egitea eta baimenak ematea, arau hauetan aurreikusitakoaren arabera: Euskal Autonomia Erkidegoko Ordenazio Farmazeutikorako ekainaren 17ko 11/1994 Legearen 3. artikulua; Giza erabilerarako botiken banaketari buruzko urriaren 11ko 782/2013 Errege Dekretuaren 1. artikulua, eta Euskal Autonomia Erkidegoan albaitari-sendagaiak banatzen eta saltzen dituzten tokiak zabaltzeko, pentsu sendagarriak banatzeko eta ekoizteko eta albaitariek erabiliko dituzten autotxertoak egiteko baimena ematen duen eta jarduera horiek guztiak kontrolatzen dituen uztailaren 30eko 156/2001 Dekretuaren 2. artikulua.
Giza erabilerarako botiken banaketari buruzko urriaren 11ko 782/2013 Errege Dekretuaren 20. artikuluan aurreikusitako banaketa-praktika onei buruzko ziurtagiria egiteko ikuskapena.
Albaitaritzako medikamentuei buruzko urtarrilaren 27ko 109/1995 Errege Dekretuaren 39. artikuluan aurreikusitakoaren arabera, albaitaritzako autotxertoak zuzenki fabrikatzeko arauen betetze-ziurtagiria emateko ikuskapena.
181. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
182. artikulua. Sortzapena.
Tasaren sortzapena zerbitzua ematen denean izango da. Halere, ordainketa aurretiaz exijituko da, eskaera egiten den unean.
183. artikulua. Kuota.
Tarifa honen arabera eskatuko da tasa (eurotan):
Farmazia-bulegoak:
Sortzeko eskabidea: 115,49.
Lekualdatzeko eskabidea: 307,93.
Eskualdatzea:
1. Eskualdatzailearen eskabidea: 538,89.
2. Erosteko aukera izateko eskabidea: 269,42.
3. Amortizazio-eskabidea: 500,41.
Obrak egiteko baimenaren eskabidea, obrak farmazia-bulegoan sekzioa sortzeko ez badira: 307,93.
Arduraduna, ordezkoa edo laguntzailea izendatzea: 61,58.
Jarraitzeko erreserbaren eskabidea: 269,42.
Farmazia-bulegoa behin betiko ixteko eskabidea: 384,92.
Botikategiak:
Sortzeko edo ixteko eskabidea: 230,95.
Lekualdatzeko edo obrak egiteko eskabidea: 269,42.
Lehen mailako arreta emateko farmazia-zerbitzuak, ospitaleetako eta zentro soziosanitarioetako farmazia-zerbitzuak eta ospitaleetako eta zentro soziosanitarioetako medikamentu-biltegiak:
Sortzeko edo ixteko eskabidea: 384,92.
Lekualdatzeko edo obrak egiteko eskabidea: 269,42.
Izendatzeak: 61,58.
Medikamentuak (gizakientzakoak, albaitaritzakoak), sendagaiak eta bestelako farmaziako produktuak banatzeko entitateak:
Sortzeko edo ixteko eskabidea: 384,92.
Lekualdatzeko edo obrak egiteko eskabidea: 269,42.
Izendatzeak: 61,58.
Banaketa ikuskatzea eta praktika onei lotzen zaiela egiaztatzea: 492,01.
Albaitaritzarako medikamentuak txikizka saltzen dituzten abelazkuntzako entitate edo elkarteak eta dendak:
Farmazia-zerbitzua sortzeko edo ixteko eskabidea: 384,92.
Farmazia-zerbitzua lekualdatzeko edo obrak egiteko eskabidea: 269,42.
Izendatzeak: 61,58.
Farmazia-bulegoetako sekzioak:
Sortzeko eskabidea: 384,92.
Pentsu sendagarria fabrikatzeko unitateak:
Sortzeko edo ixteko eskabidea: 384,92.
Lekualdatzeko edo obrak egiteko eskabidea: 269,42.
Albaitaritzan erabiltzeko autotxertoak egiten dituzten zentroak:
Sortzeko edo ixteko eskabidea: 384,92.
Lekualdatzeko edo obrak egiteko eskabidea: 269,42.
Zuzenki fabrikatzeko arauak ikuskatzea eta egiaztatzea: 492,01.
184. artikulua. Zerga-egitatea.
Tasa honen zerga-egitatea da ofizioz edo interesdunak eskaturik zerbitzuak ematea Autonomia Erkidegoko osasun-araudian aintzat hartutako osasun-zentroak, -zerbitzuak eta -establezimenduak instalatzeko osasun-baimenak izapidetzeko, funtsezko aldaketak egiteko eta funtzionamenduko osasun-baimenak berritzeko.
185. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
186. artikulua. Sortzapena.
Tasaren sortzapena zerga-egitate diren administrazio-jarduketak egiten direnean izango da. Halere, zerbitzua interesdunak eskaturik ematen denean, eskaera egiten den unean exijitu ahal izango da ordainketa.
187. artikulua. Kuota.
Tarifa honen arabera eskatuko da tasa (eurotan):
Instalaziorako osasun-baimena eskatzea.
C.1. Ospitaleak: 1.726,13.
C.2. Ospitalean barneratu gabe osasun-asistentzia emateko hornitzaileak:
C.2.1. Mediku-kontsultak: 345,36.
C.2.2. Osasun-arloko beste profesional batzuen kontsultak: 345,36.
C.2.3. Lehen mailako arretako zentroak: 690,68.
C.2.4. Zentro balioaniztunak: 690,68.
C.2.5. Zentro espezializatuak:
C.2.5.1. Hortz-klinikak: 1.036,06.
C.2.5.2. Giza ugalketa lagunduko zentroak: 1.036,06.
C.2.5.3. Haurdunaldia borondatez eteteko zentroak: 690,68.
C.2.5.4. Kirurgia handi anbulatorioko zentroak: 1.036,06.
C.2.5.5. Dialisi-zentroak: 1.036,06.
C.2.5.6. Diagnosi-zentroak: 690,68.
C.2.5.7. Osasun-asistentziako zentro ibiltariak: 690,68.
C.2.5.8. Odol-transfusioko zentroak: 1.036,06.
C.2.5.9. Ehun-bankuak: 1.036,06.
C.2.5.10. Osasun-azterketak egiteko zentroak: 690,68.
C.2.5.11. Osasun mentaleko zentroak: 690,68.
C.2.5.90. Beste zentro espezializatu batzuk: 1.036,06.
C.2.90. Ospitalean barneratu gabe osasun-asistentzia emateko beste hornitzaile batzuk: 690,68.
C.3. Osasungintzaz kanpoko antolakunde batean integratutako zerbitzuak: 690,68.
E.3. Optikak: 1.036,06.
E.4. Ortopediak: 1.036,06.
E.5. Entzumen-protesiko establezimenduak: 1.036,06.
Funtzionamenduko osasun-baimenean funtsezko aldaketak egiteko eta baimena berritzeko osasun-baimenaren eskabidea: aurreko 1. tarifan ezarritako zenbatekoaren % 50.
188. artikulua. Zerga-egitatea.
Tasa honen zerga-egitatea da urriaren 15eko 550/1991 Dekretuan osasun-arloko publizitatea arautzekoa bera zehaztutako osasun-arloko publizitateari buruzko izapideak eta baimenak egiteko zerbitzuak ematea, ofizioz edo interesdunak eskaturik.
189. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko zein juridikoak.
190. artikulua. Sortzapena.
Tasaren sortzapena zerga-egitate diren administrazio-jarduketak egiten direnean izango da. Halere, zerbitzua interesdunak eskaturik ematen denean, eskaera egiten den unean exijitu ahal izango da ordainketa.
191. artikulua. Kuota.
Tarifa honen arabera eskatuko da tasa (eurotan):
Baimena eskatzea publizitatea egiteko eta baimenean funtsezko aldaketak egiteko: 113,03
Baimena berritzea edo funtsezkoak ez diren aldaketak egitea: aurreko 1. tarifan ezarritako zenbatekoaren % 50.
192. artikulua. Zerga-egitatea.
Tasa honen zerga-egitatea da osasun-produktuak neurrira fabrikatzeko lizentzia lortzeko izapideak egiteko zerbitzuak ematea, ofizioz edo interesdunak eskaturik. Produktu horiek mediku espezialista batek idatziz eginiko preskripzioari jarraituz fabrikatutakoak dira, berariaz; hala, idatzizko preskripzio horretan, medikuak, ardura bere gain harturik, diseinuaren berariazko ezaugarriak zehazten ditu, eta produktuak gaixo jakin batentzat baizik ez dira.
193. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak jasotzen dituzten pertsona fisiko edo juridikoak.
194. artikulua. Sortzapena.
Tasaren sortzapena zerga-egitate diren administrazio-jarduketak gauzatzen direnean izango da. Halere, zerbitzua interesdunak eskaturik ematen denean, eskaera egiten den unean exijitu ahal izango da ordainketa.
195. artikulua. Kuota.
Tasa 631,68 eurokoa izango da.
Funtsezko aldaketak egiten direnean edo baimena berritzen denean, aurreko paragrafoan ezarritako zenbatekoaren % 50 izango da tasaren zenbatekoa.
196. artikulua. Zerga-egitatea.
Tasaren zerga-egitatea da 199. artikuluan aipatzen diren zerbitzuak edo jarduerak ematea edo egitea, zehazki elementu hauei dagokienez: legez aitortutako medikamentuak, osasun- eta kosmetika-produktuak eta norberaren zainketako produktuak, farmazia-laborategiak eta banaketa-entitateak.
197. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak ematea edo jarduerak egitea eskatzen duten pertsona fisiko edo juridikoak.
198. artikulua. Sortzapena.
Zerga-egitate den zerbitzua eman edo jarduera egiten denean izango da tasaren sortzapena, eta subjektu pasiboak eskaera egiten duenean exijituko da tasaren ordainketa. Eskabidea ez da izapidetuko harik eta dagokion tasa ordaindu dela egiaztatu arte.
Aurrekoa gorabehera, administrazio-zerbitzua edo -jarduketa ofiziozkoa bada, jarduketa horien hasiera jakinarazten denean izango da tasaren sortzapena, eta tasaren zenbatekoa beti ordaindu beharko da zerbitzua eman edo jarduera egin aurretik.
199. artikulua. Kuota.
Tarifa honen arabera eskatuko da tasa (eurotan):
Farmazia-industria.
Zuzenki fabrikatzeko arauak (ZFA) ikuskatzea eta egiaztatzea, egun bakoitza: 457,78.
Zuzenki fabrikatzeko arauei (ZFA) buruzko ziurtagiria egitea: 228,87.
Laginak hartzea: 312,11.
Beste ikuskapen batzuk: 91,57.
Medikamentuen behaketarako baimen ondoko azterlanak baimentzeko ebaluazioa: 457,78.
Laborategiak, medikamentuak kontrolatu edo garatzeko zentroak.
Laborategiko praktika onak (LPO) ikuskatzea eta egiaztatzea, egun bakoitza: 457,78.
Laborategiko praktika onei buruzko ziurtagiria (LPO) egitea: 228,87.
Beste ikuskapen batzuk: 91,57.
Giza erabilerarako medikamentuak merkaturatzeko baimenaren titularren eta farmakozaintzako jarduerak egiteko azpikontratatutako zerbitzu-enpresen farmakozaintza-sistemaren ikuskapen-zerbitzua, egun bakoitza: 457,78.
Saiakuntza klinikoak: praktika kliniko onak ikuskatzea eta egiaztatzea, egun bakoitza: 457,78.
Kosmetikoak.
Zuzenki fabrikatzeko arauak (ZFA) ikuskatzea eta egiaztatzea, egun bakoitza: 457,78.
Zuzenki fabrikatzeko arauei (ZFA) buruzko ziurtagiria egitea: 228,87.
Ikuskapen arautua edo interesdunak eskatua: 78,03.
200. artikulua. Zerga-egitatea.
Tasa honen zerga-egitatea da medikuntza nuklearreko, erradioterapiako eta erradiodiagnostikoko unitate asistentzialen kalitatea eta segurtasuna bermatzeko programa ebaluatzea eta, hala badagokio, programaren onespen-ziurtagiria egitea.
201. artikulua. Kuota.
Kuotaren zenbatekoa (eurotan):
(Ikus .PDF)
(Ikus .PDF)
202. artikulua. Subjektu pasiboa.
Tasa honen subjektu pasibo dira pertsona fisiko eta juridikoak eta Tributuen Lege Orokorraren 33. artikuluan aipatutako entitateak, tasaren zerga-egitatea osatzen duten administrazio-jarduerak gauzatzeko eskatzen duten heinean.
203. artikulua. Sortzapena.
Tasaren sortzapena izango da administrazio-jarduketa hasteko eskaera aurkezten denean, eta jarduketa ez da gauzatuko edo izapidetuko harik eta dagokion ordainketa egiten den arte.
204. artikulua. Likidazioa.
Tarifak subjektu pasiboek autolikidatuko dituzte kasuan kasuko administrazio-jarduketak hasteko eskaera egiten duten unean.
205. artikulua. Zerga-egitatea.
Tasa honen zerga-egitatea da babes ofizialaren kategoriara atxikitako etxebizitza mota guztiek babes ofizialeko kalifikazioa eta ziurtapena jasotzeko bete beharreko izapideen gaineko zerbitzuak ematea: hain zuzen ere, proiektuak aztertzea, ziurtapenak egiaztatzea eta obrak ikuskatzea.
206. artikulua. Subjektu pasiboa.
Tasa honen subjektu pasibo dira babes ofizialeko etxebizitzen eraikuntza sustatzen duten pertsona fisiko eta juridikoak, babes ofizialeko etxebizitzen alde ezarritako onurak eskatzen dituzten heinean edo etxebizitzak ikuskatu edo behin betiko babes ofizialekotzat kalifika ditzatela eskatzen duten heinean.
207. artikulua. Sortzapena.
Tasaren sortzapena zerga-egitate diren administrazio-jarduketak egitean izango da. Hala ere, etxebizitzak behin-behinekoz babes ofizialekotzat jotzeko eskaera aurkezten den unean exijitu ahal izango da ordainketa.
208. artikulua. Tasaren elementu kuantitatiboak.
Babes ofizialeko etxebizitza guztietarako karga-tasa aurrekontu babesgarri osoaren % 0,07koa izango da aurrekontu babesgarritzat ulertuta Babes Ofizialeko Etxebizitzei buruzko Legea aplikatzeko Erregelamendua onartzen duen uztailaren 24ko 2114/1968 Dekretuaren 5.h) artikuluan zehaztutakoa, kanpoan utzita tasa bera.
Lurzoruen eta egin beharreko urbanizatze-lanen balioaren egiaztapenik eduki ezean, legez zilegi den handiena hartuko da zerga-oinarritzat.
Prezio-aldakuntzak, obra-unitateen ordezkapenak edo aurrekontu gehigarriak direla-eta aurrekontu babesgarri osoak gora egiten badu, behar diren likidazio osagarriak egingo dira, gorabehera horien ondoriozko gehikuntza oinarri hartuta.
209. artikulua. Salbuespenak.
Sustapen publikoko babes ofizialeko etxebizitzen sustatzaileak salbuetsita egongo dira tasa honetatik.
210. artikulua. Zerga-egitatea.
Tasa honen zerga-egitatea da zerbitzuak ematea Eraikingintzaren Kalitatearen Kontroleko Laborategiak lanak eta saiakuntzak egiteko, bai interesdunek eskaturik, bai Administrazioak ofizioz emanda.
211. artikulua. Subjektu pasiboa.
Tasa honen subjektu pasibo dira zerga-egitate diren zerbitzuak edo lanak jasotzen dituzten pertsona fisiko nahiz juridikoak.
212. artikulua. Sortzapena.
Tasaren sortzapena zerbitzua ematen denean izango da. Hala ere, eskaera egiten den unean exijitu ahal izango da ordainketa.
213. artikulua. Kuota.
Lege honen eranskinean jasotako tarifaren arabera eskatuko da tasa.
214. artikulua. Zerga-egitatea.
Tasa honen zerga-egitatea da EBren etiketa ekologikoa eman, aldatu, luzatu eta berritzeko eskabidea izapidetzeko behar diren zerbitzuak ematea.
215. artikulua. Subjektu pasiboa.
Tasa honen subjektu pasibo dira EBren etiketa ekologikoa eskatzen duten pertsona fisikoak edo juridikoak.
216. artikulua. Sortzapena.
EBren etiketa ekologikoa eman, aldatu, luzatu eta berritzeko zerbitzuak ematen direnean izango da tasaren sortzapena. Halere, eskaera egiten den unean exijituko da ordainketa.
217. artikulua. Kuota.
EBren etiketa ekologikoa eman, aldatu, luzatu eta berritzeko eskabide bakoitzagatik 348,04 euroko kuota ordaintzeko eskatuko da.
Enpresa txiki eta ertainen eta mikroenpresen kasuan (Batzordearen 2003ko maiatzaren 6ko 2003/361/EE Gomendioaren arabera definituta) eta garapen-bidean dauden herrialdeetako operadoreen kasuan, 227,48 eurokoa izango da kuota.
218. artikulua. Hobariak.
Kuotaren % 30eko hobaria aplikatuko zaie eskatzaileei, baldin eta egiaztatzen badute izena emanda daudela Batasunaren Ingurumen Kudeaketako eta Ikuskaritzako Sisteman (EMAS), edo % 15ekoa, ISO 14001 arauarekin bat datorren ziurtagiria badute. Hobariak ez dira metatzen. Bi sistemak betetzen badira, hobaririk altuena soilik ezarriko da.
Murriztapen hori lortzeko, eskatzaileak berariazko konpromisoa hartu behar du bermatzeko ezen etiketa ekologikoko bere produktuek erabat betetzen dituztela EBren etiketa ekologikoaren irizpideak kontratua baliozkoa den aldian, eta konpromiso hori modu egokian sartzen dela zehaztutako ingurumen-helburuetan.
219. artikulua. Autolikidazioa.
EBren etiketa ekologikoa eman, aldatu, luzatu eta berritzeko eskabideagatik ezarritako kuota eskabide hori entregatzeko unean autolikidatuko dute subjektu pasiboek.
220. artikulua. Zerga-egitatea.
Tasa honen zerga-egitatea da ingurumen-organoak zerbitzuak ematea edo jarduerak egitea lurzoruaren kutsadura saihestu eta kutsatutakoa garbitzeko. Hona zerbitzu eta jarduera horiek:
Lurzoruaren kalitatearen deklarazioaren prozeduran, ingurumen-organoak honako erabaki hauek ematea:
Lurzoruaren kalitatearen ikerketa-lanei buruzko balioztatze-txostenak, aurkeztutako ikerketa-txostenak nahikoa ez izateagatik.
Hondeaketa baimentzen duten ebazpenak.
Lurzoruaren kalitatearen deklarazioak.
Leheneratze-plana onartzeko ebazpenak.
Lurzorua leheneratu dela egiaztatzen duten ebazpenak.
Lurzorua erabiltzeko gaitasunaren deklarazioaren ebazpena egitea.
Salbuespenaren ebazpena egitea.
Lurzoruaren kalitatea ikertu eta leheneratzeko entitate izateko akreditazioa ematea.
Lurzoruaren kalitatea ikertu eta leheneratzeko entitate izateko emandako akreditazioak aldatzeko eskaerak izapidetzea, akreditazioaren irismena handitu delako edo proiektuaren buruak eta arrisku-aztertzaileak gehitu direlako, haien gaikuntza aldez aurretik balioztatu ez bada.
Lurzoruaren Kalitatearen Administrazio Erregistroan egindako kontsulten inguruko erabakia ematea.
221. artikulua. Subjektu pasiboa.
Tasaren subjektu pasibo dira zerga-egitate diren zerbitzuak edo jarduerak eskatzen dituzten pertsona fisiko edo juridikoak.
222. artikulua. Sortzapena.
Zerga-egitate den zerbitzua eman edo jarduera egiten denean izango da tasaren sortzapena. Hala ere, dagokion jarduketa eskatzen den unean exijitu ahal izango da ordainketa.
223. artikulua. Kuota.
Tarifa honen arabera eskatuko da tasaren kuota (eurotan):
Lurzoruaren kalitatearen deklarazioaren prozeduran:
Lurzoruaren kalitatearen ikerketa-lanei buruzko balioztatze-txostenak egitea: 164,00.
Hondeaketa baimentzen duten ebazpenak egitea: 218,67.
Lurzoruaren kalitatearen deklarazioak egitea: 218,67.
Lurzorua leheneratzeko plana onartzeko ebazpena egitea: 218,67.
Lurzorua leheneratu dela egiaztatzen duten ebazpenak egitea: 164,00.
Lurzorua erabiltzeko gaitasunaren deklarazioaren ebazpena egitea: 164,00.
Salbuespenaren ebazpena egitea: 109,35.
Lurzoruaren kalitatea ikertu eta leheneratzeko entitate izateko akreditazioa ematea: 437,35.
Lurzoruaren kalitatea ikertu eta leheneratzeko entitate izateko akreditazioa aldatzea: 109,35.
Lurzoruaren Kalitatearen Administrazio Erregistroan kontsulta egitea: 54,67.
Lurzoruaren kalitatearen deklarazioaren prozeduretan, prozeduraren barruan ematen diren erabakien kopuruaren arabera kalkulatuko da likidatu beharreko tasaren kuota zenbatekoa.
224. artikulua. Hobariak.
Aurreko artikuluan oinarrituta kalkulatutako kuotei hobari hauek aplikatuko zaizkie, eta metatu egin ahal izango dira:
kuotaren % 10, enpresa txiki eta ertainei (Batzordearen 2003ko maiatzaren 6ko 2003/361/EE Gomendioko definizioaren arabera).
kuotaren % 20, mikroenpresei (Batzordearen 2003ko maiatzaren 6ko 2003/361/EE Gomendioko definizioaren arabera).
kuotaren % 50, subjektu pasiboek Europako EMAS erregistroan inskribatuta daudela egiaztatzen badute.
Aurreko apartatuan ezarritako hobariren bat aplikatzeko baldintzak betetzen dituzten subjektu pasiboek baldintza horiek betetzen dituztela dioen erantzukizunpeko adierazpen bat aurkeztu beharko dute prozedura hasteko eskaerarekin batera.
225. artikulua. Tasa likidatzea.
Subjektu pasiboek dagokion jarduketa eskatzen duten unean zehaztu eta ordaindu beharko dute tributu-zorra, autolikidazioaren bitartez.
Hala ere, lurzoruaren kalitatearen deklarazioaren prozeduretan, ingurumenaren arloan eskumenak dituen organoak erabakiko du tasa zenbatekoa den, eta prozedura amaitzen duen ebazpena egindakoan likidatuko da tasa.
226. artikulua. T-1 tasa. Itsasontziak.
Tasa honen zerga-egitatea da itsasontziek portuko zerbitzuguneko urak eta itsas seinaleen eta balizen instalazioak baliatzea, eta itsasotik portura iristeko eta esleitu zaien atrakaleku, amarraleku edo ainguralekuan egoteko portuko obrak eta instalazio finkoak erabiltzea.
Tasaren subjektu pasibo zergadun solidarioak izango dira itsasontziaren enpresa armadorea eta ontzi-konpainia.
Itsasontzia kontsignatuta badago, ordezko subjektu pasiboa izango da itsasontziaren enpresa kontsignatarioa.
Emakida edo baimen bidez utzitako kaietan, pantalanetan eta atrakatzeko portu-instalazioetan, emakidaduna edo baimenduna izango da ordezko subjektu pasiboa.
Manu honetan izendatutako ordezko subjektu pasibo guztiak solidarioki behartuta geratuko dira tributu-betebeharretik ondorioztatzen diren prestazio materialak eta formalak betetzera; nolanahi ere, Portuko Administrazioak, lehenengo, emakidaren edo baimenaren titularrarengana jotzea izango du. Ordezko subjektu pasiboek beren betebeharrak konplitu ezean bereziki tasa ordaindu ezean, Portuko Administrazioak subjektu pasibo zergadunei exijitu ahal izango die betebehar horiek betetzeko.
Tasaren sortzapena itsasontzia portuko zerbitzuguneko uretan sartzen denean izango da, kontuan hartu gabe atrakatu duen edo ainguraleku bat esleitu zaion. Tasaren likidazioa hilabete bakoitza amaitu ondoren egingo da.
Tasa honen zerga-oinarria dira erregistroko tonaje gordineko (ETG) unitatea edo frakzioa, eta hiru orduko aldiak edo frakzioak; gehienez ere lau aldi egin ahal izango dira 24 orduko epe bakoitzeko.
Hauek dira tasaren kuotak:
Oro har:
Itsasontziak 0,054968 euro ordaindu behar du erregistroko tonaje gordineko (ETG) unitateko edo haren frakzioko, hiru orduko aldi edo frakzio bakoitzeko; gehienez ere lau aldi egin daitezke 24 orduko epe bakoitzeko.
Nahitaez porturatu behar izan duten itsasontziei kuota orokorraren % 50eko murrizketa aplikatuko zaie.
Urte naturalean hamabi bider baino gehiagotan porturatzen diren itsasontziei murrizketa hauek aplikatuko zaizkie:
porturatzetik 24.era arte: kuota orokorraren % 15.
porturatzetik 40.era arte: kuota orokorraren % 30.
porturatzean eta hurrengoetan: kuota orokorraren % 50.
Nabigazio-linea erregularretako itsasontziei murrizketa hauek aplikatuko zaizkie, baldin eta erregular izatearen kalifikazioa urte bakoitzaren urtarrilaren 1a baino lehen dokumentatzen eta baimentzen bada Portuko Administrazioan:
porturatzetik 24.era arte: kuota orokorraren % 10.
porturatzetik 50.era arte: kuota orokorraren % 20.
porturatzetik aurrera: kuota orokorraren % 30.
Itsas bidaia turistikoak egiten dituzten bidaiari-itsasontziei kuota orokorraren % 30eko murrizketa aplikatuko zaie.
Jardunik gabeko itsasontziei kuota orokorraren % 50eko murrizketa ezarriko zaie. Ondorio horietarako, jardunik gabeko itsasontzitzat joko dira dotazio gisa zaintza-langileak baino ez dituztenak, eta eraikitzen, konpontzen edo desegiten ari diren itsasontziak edo desegiteko zain daudenak, egoera hori egiaztatuta badago.
Jardunik gabeko itsasontziaren egonaldia bi hilabetekoa baino luzeagoa bada, ez du murrizketarik izateko eskubiderik izango.
Lau hilabetez jardunik gabe egon ondoren, kuotek hileko % 5eko gehikuntza metagarria izango dute.
Bidaiari-itsasontziak izan ez eta barneko, badiako edo tokiko trafikorako erabiltzen diren itsasontziei, portuetan basea duten atoiontziei, dragei, tanga-ontziei, gangilei, gabarrei, pontoiei eta antzeko makinei kuota orokorraren % 75eko murrizketa aplikatuko zaie.
Bandaz banda jarrita dauden itsasontziei dela kaian saiheska atrakaturiko beste baten alboan, dela bandaz banda jarrita dauden beste itsasontzi batzuen alboan kuota orokorraren % 50eko murrizketa aplikatuko zaie.
Kaian puntatik atrakatutako itsasontziei eta zerbitzuko buiei amarratutakoei kuota orokorraren % 50eko murrizketa aplikatuko zaie.
Desatrakatzeko edo atrakalekuz aldatzeko agindua jaso duen itsasontziak maniobra horiek atzeratzen baditu, agintaritza eskudunak ezartzen dizkion zehapenez gain halakorik bada, beste zenbateko hauek ere ordaindu beharko ditu:
Lehenengo bi orduetako bakoitzagatik edo frakzioagatik: hogeita lau orduko kuotari dagokion zenbatekoa.
Gainerako ordu bakoitzagatik: hogeita lau orduko kuotari dagokion zenbatekoa halako bost.
Edozein arrazoi dela-eta itsasontzi batek baimenik gabe atrakatzen badu, aurreko azpiapartatuan adierazitako kuota berbera ordaindu beharko du; horrek, hala ere, ez dio eskubiderik emango han irauteko, eta desatrakatu egin beharko du hala agintzen diotenean, baita zehapenak ordaindu ere, izan duen jokabideari hala badagokio.
Ostiraleko 20:00etatik asteleheneko 08:00ak arte (biak barne) atrakatzen duten itsasontziei eta jai-bezperako 20:00etatik jai ondoko egun balioduneko 08:00ak arte (biak barne) atrakatzen dutenei kuota orokorrari hiru ordurengatik dagokion zenbatekoaren % 35eko murrizketa ezarriko zaie, baldin eta lanaldia jai osteko egunean hastea aurreikusia badute.
Murrizketa horri heltzeko nahia Portuko Administrazioari jakinarazi behar zaio idatziz, itsasontzia portuan sartu baino lehen.
227. artikulua. T-2 tasa. Bidaiariak.
Tasa honen zerga-egitatea da bidaiariek instalazio hauek erabiltzea: atrakalekuak, lehorreko sarbideak, zirkulazio-bideak eta portuko beste instalazio finko batzuk.
Tasaren subjektu pasibo zergadun solidarioak izango dira itsasontziaren enpresa armadorea eta ontzi-konpainia.
Itsasontzia kontsignatuta badago, ordezko subjektu pasiboa izango da itsasontziaren enpresa kontsignatarioa.
Manu honetan izendatutako ordezko subjektu pasiboak solidarioki behartuta geratuko dira tributu-betebeharretik ondorioztatzen diren prestazio materialak eta formalak betetzera; nolanahi ere, Portuko Administrazioak, lehenengo, emakidaren edo baimenaren titularrarengana jotzea izango du. Ordezko subjektu pasiboak bere betebeharrak konplitu ezean bereziki tasa ordaindu ezean, Portuko Administrazioak subjektu pasibo zergadunei exijitu ahal izango die betebehar horiek betetzeko.
Tasaren sortzapena bidaiariak pasatzeko, ontziratzeko, lehorreratzeko edo portutik iragateko operazioak hasten direnean izango da. Likidazioa hilabete bakoitza amaitu ondoren egingo da.
Tasa honen zerga-oinarria dira bidaiari kopurua, bidaiari modalitatea eta trafiko eta operazio motak.
Hauek dira tasaren kuotak:
Bidaiari bakoitza (eurotan):
(Ikus .PDF)
Badiako edo tokiko trafikoan, ontziratzean bakarrik ordainduko da kuota.
Lagun bakarrarentzako edo birentzako kabinetako bidaiariei I. blokeko kuota ezarriko zaie; II. blokekoa, hirurentzako edo gehiagorentzako kabinetan edo aretoko besaulkietan doazenei, eta III. blokekoa, berriz, ontzigaineko bidaiariei.
Itsas bidaia turistikoen araubideko bidaiariei aurreko taulako kuota ezarriko zaie, % 30eko murrizketarekin.
Bidaiari kopurua, bidaiari mota edo trafiko mota modu zehaztugabean emanez gero edo ezkutatuz gero, aurreko taulako kuota halako bi ezarriko zaio gaizki aitortutako edo aitortu gabe utzitako partidari.
228. artikulua. T-3 tasa. Salgaiak.
Tasa honen zerga-egitatea da ontziratzen, lehorreratzen, ontzi batetik bestera aldatzen edo itsasotik edo lehorretik iragaten diren salgaiek instalazio hauek erabiltzea: atrakalekua, itsasontziaren zamalanekin zerikusia duten merkataritza-erabilerako guneak, lehorreko sarbideak, zirkulazio-bideak, manipulazio-guneak (biltegiratzeko edo gordetzeko espazioak izan ezik) eta portuko beste instalazio finko batzuk.
Zerga-egitatean sartzen da, halaber, portuko zerbitzugunera lehorretik sartu eta lehorretik ateratzen diren salgaiek hau da, itsasoa erabiltzen ez dutenek aipatu diren instalazioak erabiltzea, kasu hauetan izan ezik: helmuga edo jatorria portuko zerbitzugunean kokatutako fabrika-instalazioak, eraldaketa-instalazioak, instalazio logistikoak edo biltegiratzekoak direnean.
Hauek dira tasaren subjektu pasiboak:
Ontziratzen diren, lehorreratzen diren, ontzi batetik bestera aldatzen diren edo itsasoko iragaitzaren araubidean dauden salgaiak izanez gero, enpresa armadorea, ontzi-konpainia eta salgaien jabea izango dira subjektu pasibo zergadun solidarioak.
Itsasontzia eta salgaiak kontsignatuta baldin badaude, hauek izango dira ordezko subjektu pasiboak: itsasontziaren enpresa kontsignatarioa eta salgaien ordezkari-lanetan dabilen enpresa kontsignatarioa, bitartekaria edo logistikako operadorea.
Lehorretik iragaten diren salgaiak izanez gero, edo portuko zerbitzugunera sartzeko edo handik ateratzeko itsasoa erabiltzen ez duten salgaiak izanez gero, subjektu pasibo zergadun solidarioak izango dira salgaien jabeak edo, halakorik egonez gero, salgaien ordezkari-lanak egiten dituen enpresa bitartekaria edo logistikako operadorea.
Salgaien helmuga emakida edo baimen bidez emandako instalazio bat baldin bada, ordezko subjektu pasiboa izango da salgaiak bidaltzen edo jasotzen dituen emakidaren edo baimenaren titularra.
Manu honetan izendatutako ordezko subjektu pasibo guztiak solidarioki behartuta geratuko dira tributu-betebeharretik ondorioztatzen diren prestazio materialak eta formalak betetzera; nolanahi ere, Portuko Administrazioak, lehenengo, emakidaren edo baimenaren titularrarengana jotzea izango du. Ordezko subjektu pasiboek beren betebeharrak konplitu ezean bereziki tasa ordaindu ezean, Portuko Administrazioak subjektu pasibo zergadunei exijitu ahal izango die betebehar horiek betetzeko.
Tasaren sortzapena salgaiak portuko zerbitzugunetik pasatzeko operazioak hasten direnean izango da. Likidazioa hilabete bakoitza amaitu ondoren egingo da.
Tasa honen zerga-oinarria dira salgai mota eta salgaien pisua, trafiko mota eta operazio mota.
Hauek dira tasaren kuotak:
Salgai-partida bakoitzari ezarri beharreko kuotak taula honetan jasotzen dira (eurotan), pisu gordinaren tona metriko edo haren frakzio bakoitzeko eta indarrean dagoen salgaien sailkapenari jarraikiz dagokien multzoaren arabera:
(Ikus .PDF)
Salgaien artean, petrolio-produktuak eta haien eratorriak honela sailkatuko dira, T-3 tasa likidatze aldera:
(Ikus .PDF)
Salbuespenez, kabotaje-araubideko gasolioari eta fuel-olioari 0,361216 euroko kuota aplikatuko zaie.
Itsasontziak eta ontziak hornitzearren portura lehorretik sartzen diren petrolio-produktuei ezarriko zaien kuotak % 50eko murrizketa izango du ontziratze-operazioan produktu berberei aplikatzen zaien kuotaren gainean.
Ez dute T-3 tasa ordaindu beharko arrantza-kaietan edo berariaz egokitutako beste kai batzuetan kontsumo propiorako ontziratzen dituzten hornidurengatik, ontzi- eta arrantza-tresnengatik, izotzarengatik eta gatzarengatik.
Tona metriko batetik beherako guztizko pisua duten partidei ezarriko zaien zenbatekoa (200 kg-ko edo hortik gorako frakzio bakoitzeko) tona bakoitzeko ordaindu beharko litzatekeenaren bostena izango da.
Lehorretik iragateko operazioetan salgai-partida bakoitzari ezarri beharreko kuotak taula honetan jasotzen dira (eurotan), pisu gordinaren tona metriko edo haren frakzio bakoitzeko eta indarrean dagoen salgaien sailkapenari jarraikiz dagokien multzoaren arabera:
Lehenengoa. 0,198863 euro.
Bigarrena. 0,266986 euro.
Hirugarrena. 0,392625 euro.
Laugarrena. 0,581085 euro.
Bosgarrena. 0,785250 euro.
Kabotaje-araubideko ontziak urez hornitzeko aplikatzekoa den kuotak % 80ko murrizketa izango du 5.1 apartatuan lehenengo multzorako aurreikusitakoaren gainean.
Nazioarteko iragaitzaren araubideko trafikoan, hots, salgaiak atzerriko portu batetik etorri eta, berriz ere, atzerriko beste portu baterantz ateratzen direnean, Portuko Administrazioak 5.1 apartatuko taulako zenbatekoei koefiziente zuzentzaileak ezarri ahal izango dizkie urtero, erabiltzaile bakoitzak daukan trafiko-bolumenaren arabera.
Edukiontzien trafikoan, gainera, kalkuluak errazteko, edukiontzian garraiatzen diren salgai guztiak batez beste dagokien multzokoak balira bezala hartu ahal izango dira, salgaien sailkapena kontuan harturik, eta zama-unitate bakoitzeko batez besteko pisua izango balute bezala. Portuko Administrazioan bereziki egiaztatu eta frogatu beharko da garraiatutako salgaien artean bosgarrena ez den beste multzorik dagoen; hor sartzen dira, esaterako, edukiontzi hutsak edo zama garbiaren batez besteko pisua, TEU bakoitzeko, 10 tona baino gutxiagokoa dutenak. Edonola ere, administrazio horrek onartu beharko ditu araubide bereziak, aintzat hartuz T-3 tasaren zenbatekoak zehaztearren erregelamendu bidez ezartzen diren irizpideak, eta haien ondoriozko murrizketa ezingo da izan 5.1 apartatuko taula aplikatuz legokiokeen kuota baino % 50 handiagoa.
Bide laburreko itsas garraio bidez garraiatzen diren siderometalurgiako produktuei % 35eko murrizketarekin aplikatuko zaie tasa honen kuota.
Murrizketa hori aplikatzeari dagokionez, bide laburreko itsas garraiotzat hartuko da salgaien edo bidaiarien trafikorako itsasontzi bidezko itsas zerbitzua, Europako uretan soilik egiten dena, geografikoki Europan dauden portu batzuetatik besteetara edo portu horietatik Europakoak izan ez baina Europa inguratzen duten itsaso itxietan itsasertza duten herrialdeetako portuetara, barne hartuta leku horietako guztietako uharteak eta subiranotasuneko lurralde ez-kontinentalak. Kontzeptu horren barruan sartuko da, era berean, Europar Batasuneko estatuen eta Norvegia eta Islandiaren arteko itsas garraioa, bai eta Europar Batasuneko estatuen eta Itsaso Baltikoko, Itsaso Beltzeko eta Mediterraneo itsasoko beste herrialde batzuen arteko itsas garraioa ere.
Portuko zerbitzugunetik trenbidez sartzen edo ateratzen diren salgaiei eta salgaiak garraiatzeko elementuei itsasotik sartu edo ateratzekoei % 25eko kuota-murrizketa aplikatuko zaie.
Dena den, aurreko bi apartatuetan aipatzen diren egoerak batera gertatzen direnean, kuotan guztira egingo den murrizketa ezingo da izan % 40tik gorakoa.
229. artikulua. T-4 tasa. Arrain freskoa.
Tasaren zerga-egitatea da jardunean diren arrantza-itsasontziek edo -ontziek portuko zerbitzuguneko urak baliatzea, eta itsasotik atrakalekura eta ainguralekura iristeko eta han egoteko portuko obrak eta instalazioak erabiltzea.
Zerga-egitatea da, era berean, portu-esparrura itsasotik arrantza- nahiz merkataritza-itsasontzian sartzen den edo lehorretik heltzen den arrain freskoak eta haren produktuek instalazio hauek erabiltzea: atrakalekuak, manipulazio-guneak eta salmenta-guneak, sarbideak, zirkulazio-bideak, aparkalekuak eta portuko beste instalazio finko batzuk.
Hauek dira tasaren subjektu pasiboak:
Arrain freskoa portura itsasotik heltzen bada, arrantza-itsasontziaren enpresa armadorea izango da tasa honen subjektu pasibo zergaduna.
Arraina portuan saltzen denean, ordezko subjektu pasiboa izango da, halaber, arrainaren jabea ordezkatuz lehenengo salmenta egiten duena.
Arraina salmenta publikorako aretoan saltzen denean, ordezko subjektu pasiboa arrainaren emakidaduna izango da, edo bestela, titularra, non eta Portuko Administrazioa ez den.
Arrain freskoa portura lehorretik heltzen bada, arrainaren jabea izango da subjektu pasibo zergaduna.
Ordezko subjektu pasiboa, berriz, arrainaren jabea ordezkatuz salmenta egiten duena izango da.
Arraina salmenta publikorako aretoan saltzen denean, ordezko subjektu pasiboa arrainaren emakidaduna izango da, edo bestela, titularra, non eta Portuko Administrazioa ez den.
Manu honetan izendatutako subjektu pasiboak solidarioki behartuta geratuko dira tributu-betebeharretik ondorioztatzen diren prestazio materialak eta formalak betetzera; nolanahi ere, Portuko Administrazioak, lehenengo, 2.a) apartatuko hirugarren tartekian eta 2.b) apartatuko hirugarren tartekian adierazten diren ordezko subjektu pasiboengana jotzea izango du. Ordezko subjektu pasiboek beren betebeharrak konplitu ezean bereziki tasa ordaindu ezean, Portuko Administrazioak subjektu pasibo zergadunei exijitu ahal izango die betebehar horiek betetzeko.
Tasa honen subjektu pasiboak arrainaren erosleari jasanaraziko dio tasaren zenbatekoa. Horretarako, faktura edo antzeko agiriren bat egin beharko da, non subjektu pasiboak adierazpen hau jasoko baitu: «Arrain freskoari dagokion tasaren ehunekoa:...».
Tasaren sortzapena izango da arrantza-itsasontzia edo -ontzia, arrain freskoa edo haren produktuak portuko zerbitzugunetik pasatzen hasten direnean. Likidazioa hilabete bakoitza amaitu ondoren egingo da.
Tasa honen zerga-oinarria da arrainaren edo haren produktuen merkatu-balioa, portuko lonjan enkantean salduta lortutakoa; enkantean edo bestela saldu ez bada, Portuko Administrazioak zehaztuko du merkatu-balioa, kontuan izanik zein den espezie horien batez besteko balioa tasa likidatzen den egunean edo aurre-aurreko egunetan.
Hauek dira tasaren kuotak:
Oro har, zerga-oinarriaren % 2.
Portuko Administrazioak baimena ematen badu lehorretik portura arrain freskoaren produktuak sartzeko, portuko instalazioak erabiltzearren edo arraina enkantean saltzearren, kuota orokorraren % 50eko murrizketa izango da produktu horiengatik, betiere frogatzen badute T-4 tasa edo haren baliokidea beste portu batean ordaindu dutela. Osterantzean, kuota osoa ordaindu beharko dute.
Arraina sailkatzeko, lehenengoz saltzeko eta merkaturatzeko manipulazio-gune publikorik ez duten portuetan, baldin eta lan horietarako instalazio pribatuak erabili behar badituzte, T-4 tasarengatik ordaindu beharreko zenbatekoak artikulu honetan ezarrita dauden arauak aplikatuz ateratzen den kuotaren % 60ko murrizketa izango du.
Tasa hori ordaintzen duten arrantza-itsasontziak salbuetsita egongo dira I. kapitulu honetan ezarritako gainerako tasak ordaintzetik, gehienez hilabeteko epean, zama deskargatzen edo ontzi batetik bestera aldatzen hasi diren egunetik zenbatuta. Epe hori luzatu egin daiteke jardunik gabeko nahitaezko aldiak iraun bezainbeste (dela aldi baterako konponketa-lanengatik, dela kostaldeko debekualdiengatik edo ohiko jarduerei dagozkien lizentziengatik), baina agintaritza eskudunak emandako ziurtagirien bidez frogatu beharko dira egoera horiek, berariaz eta banan-banan.
Jardunik gabeko nahitaezko aldia luzea baldin bada, agintaritza eskudunak zehaztuko du non geratuko diren ainguratuta edo atrakatuta barkuak, betiere kontuan izanda atrakaleku erabilgarriak eta portua ustiatzeko beharrizanak.
Edonola ere, jardunik gabeko aldia sei hilabete baino luzeagoa denean, epe hori igarotzen denetik aurrera T-1 tasaren % 100 ordainduko dute. Jardunik gabeko aldia hamabi hilabete baino luzeagoa bada, hamahirugarren hilabetetik aurrera hileko % 2ko gehikuntza metagarria aplikatuko da.
Halaber, arrantza-ontziek, aurreko apartatuan zehazturiko kasuetan dauden artean, ez dute T-3 tasa ordaindu beharko arrantza-kaietan edo berariaz egokitutako beste kai batzuetan kontsumo propiorako ontziratzen dituzten hornidurengatik, ontzi- eta arrantza-tresnengatik, izotzarengatik eta gatzarengatik. Era berean, arrantza-ontziak hornitzearren portura lehorretik sartzen diren petrolio-produktuei ezarriko zaien tasak % 50eko murrizketa izango du ontziratze-operazioan produktu berberei aplikatzen zaien kuotaren gainean.
Portuko Administrazioak ahalmena izango du arrainen pisua, kalitatea eta espezieak egiaztatzeko, eta egiaztatze horren gastuak tasa ordaindu behar duen subjektu pasiboaren kontura izango dira.
Autolikidazioa aurkeztuko dute artikulu honen 2.a) apartatuko hirugarren tartekian eta 2.b) apartatuko hirugarren tartekian adierazten diren ordezko subjektu pasiboek, eta autolikidazio horretan Portuko Administrazioari jakinaraziko dizkiote tasa likidatzeko beharrezkoak diren datuak eta bestelako informazio-datuak; gainera, beren kabuz egingo dituzte tributu-zorraren zenbatekoa zehazteko eta ordaintzeko beharrezkoak diren kalifikazio- eta kuantifikazio-eragiketak.
Informazio-datuen artean sartuko dira, kasu guztietan, honako hauek:
Enpresa armadorearen izena.
Arrantza-itsasontziaren edo -ontziaren izena eta matrikula.
Saldutako edo erretiratutako arrain kopurua, espeziearen arabera.
Salmenta-prezioa, espeziearen arabera.
Eroslearen izena.
Ordezko subjektu pasibo horiek eskubidea izango dute informazio-jarduketak egiteagatik zenbateko bat jasotzeko; zenbateko hori zerga-oinarriaren % 0,5 izango da, eta tasa honetan aurreikusitako deskontu berberak aplikatuko zaizkio.
230. artikulua. T-5 tasa. Seigarren eta zazpigarren zerrendetako ontziak.
Aisialdiko nabigazioko azpiegiturak honela katalogatzen dira T-5 amarratze-tasa likidatze aldera, kontuan hartuta nola ematen diren kirol-amarratzeen kudeaketa-zerbitzuak:
taldea: portuko zerbitzuetako langileak partekatzen dituzten aisialdiko nabigazioko azpiegiturak.
taldea: portuko zerbitzu esklusiboa 24 ordutik beherako txandetan ematen duten aisialdiko nabigazioko azpiegiturak; zerbitzu-orduak astean bi edo hiru lanaldi osoren parekoak izango dira, goi-denboraldian salbu, orduan egunero emango baitira.
taldea: portuko zerbitzuetako langileen zerbitzu esklusiboa 24 ordutik beherako txandetan ematen duten aisialdiko nabigazioko azpiegiturak; zerbitzu-orduak astean hiru lanaldi osoren baino gehiagoren parekoak izango dira, goi-denboraldian salbu, orduan egunero emango baitira.
taldea: portuko zerbitzuetako langileen zerbitzu esklusiboa urteko egun guztietan eta 24 orduetan ematen duten aisialdiko nabigazioko azpiegiturak.
Tasa honen zerga-egitatea da seigarren eta zazpigarren zerrendetako ontziek portuko zerbitzuguneko urak baliatzea, eta itsasotik portura iristeko eta esleitu zaien atrakaleku, amarraleku edo ainguralekuan egoteko portuko obrak eta instalazioak erabiltzea. Halaber, zerga-egitatea izango da eskifaia-kideek eta bidaiariek portuko kaiak, pantalanak, lehorreko sarbideak, zirkulazio-bideak eta, baleude, Portuko Agintaritzaren egonlekuak eta harrera-tokiak erabiltzea; halakoetan, eskatzen dituzten berariazko zerbitzuak ordaindu beharko dituzte.
Orobat, tasa honen zerga-egitatearen barruan sartuko dira portuko zerbitzuetako langileek emandako zerbitzuak (marineltza-, zaintza- edo administrazio- eta harrera-zerbitzuak), baldin eta dartsenen baldintzek hala egitea eskatzen badute.
Hauek izango dira tasaren subjektu pasibo zergadun solidarioak:
Baimena izanez gero, baimenaren titularra.
Titulurik gabeko okupazioetan, ontzi okupatzailearen jabea, enpresa kontsignatarioa eta ontziko kapitaina edo patroia.
Tasaren sortzapena ontzia portuko zerbitzuguneko uretan sartzen denean izango da. Baimena duten ontzien kasuan, tasaren sortzapena gaikuntza ematen duen titulua lortzean izango da.
Portuan pasaeran dauden ontziek portura iritsitakoan likidatu beharko dute tasa, deklaratzen duten egonaldiaren iraupenaren arabera.
Portuan basea duten ontziek aurretiaz eta Portuko Administrazioak ezarritako aldien arabera likidatuko dute tasa, eta, Portuko Administrazioak hala eskatuz gero, banku-entitate batean helbideratu beharko dute ordainketa.
Tasa honen zerga-oinarria da ontziaren guztizko luzera eta gehieneko zabalera biderkatuta ateratzen den azalera (metro karratutan) bider ontziak ainguratuta edo atrakatuta igaro duen denbora.
Hauek dira tasaren kuotak:
Ontziek portuko zerbitzuguneko urak baliatzeagatik, eta itsasotik dagokien atrakalekura edo ainguralekura iristeko eta han egoteko portuko obrak eta instalazioak erabiltzeagatik:
1. Aisialdiko nabigazioko azpiegituretan atrakatzeagatik ordaindu beharreko T-5 tasaren zenbatekoa honako hau izango da:
1. taldea.
(Ikus .PDF)
2. taldea.
(Ikus .PDF)
3. taldea.
(Ikus .PDF)
4. taldea.
(Ikus .PDF)
Iragaitzazko ontzietarako atrakalekuak:
(Ikus .PDF)
(Ikus .PDF)
2. Ontzia instalazio finko batean (lehorrari atxikitako obra zibila) edo instalazio flotatzaile batean amarratzea edo atrakatzea kaian atrakatzearen pareko izango da, baldin eta instalazioak ontziak bereizteko fingerrik ez badu, eta ez badago ez ur- ez argindar-zerbitzurik.
3. Bandaz banda jarrita dauden ontziek dela kaian edo pantalan flotatzailean saiheska atrakaturiko ontzien alboan, dela bandaz banda jarrita dauden beste barku batzuen alboan 6.1.1 apartatuan ezarrita dagoen kuota orokorraren % 50eko murrizketa izango dute.
4. Ontzia ainguratuta edo atrakatuta dagoen guneak metro bat baino gutxiagoko zingoa badu dagokion portuko gehieneko itsasbehera bizi ekinokzialetik (GIBE) neurtuta, kuota orokorraren % 25eko murrizketa aplikatuko zaio ontziari.
Gainera, baldintza hauek bete behar dira:
Ontziaren guztizko luzera 6 metro baino laburragoa izatea.
Motorraren potentzia 25 HP baino txikiagoa izatea.
Murrizketa horiek ez zaizkie aplikatuko pantalanetan atrakatuta dauden ontziei, ezta seigarren edo zazpigarren zerrendako ontzi baten baino gehiagoren jabe direnei ere.
5. Portuaren kanpoaldea edo portuaren ondoko aldea erabiltzen duten ontziek, baldin eta portuko zerbitzuak hurbil izateagatik edo erabiltzeagatik onuraren bat ateratzen badute, 6.1.1 apartatuan ezarritako kuotaren % 60ko murrizketa izango dute, eta murrizketa hori bateraezina izango da artikulu honetan jasotzen den beste edozeinekin.
6. Ontzien jabeak pentsiodunak badira, tasa hau ordaintzetik salbuetsita egongo dira. Salbuespen hori aplikatzeari begira, pentsiodunak direla egiaztatzeko, kasuan kasuko organismo ofizialaren ziurtagiria aurkeztu beharko dute, eta urteko guztizko diru-sarrerak lanbide arteko gutxieneko soldata baino 1,5 bider txikiagoak direla justifikatu; horretarako, pertsona fisikoen errentaren gaineko zergaren azken aitorpenaren kopia erantsi beharko dute. Era berean, atrakatzea eskatu duten ontzian nabigatzeko legez eskatzen den titulua aurkeztu beharko dute.
Salbuespen hori ez zaie aplikatuko seigarren edo zazpigarren zerrendan erregistraturiko ontzi baten baino gehiagoren jabe direnei, 6 metrotik gorako gehieneko luzera duten ontzien jabeei, ez eta motorraren potentzia 50 HP baino handiagoa duten ontzien jabeei ere.
7. Bai ainguratzea eta bai atrakatzea Portuko Administrazioari eskatu behar zaizkio. Hala egin ezean, pantalanean atrakatzeko kuotarena izango da sortzapena, eta % 100eko gehikuntza izango du; horrez gain, zehapena jartzea ere egongo da, indarrean dauden xedapenak hausteagatik.
Kuota hori ordaintzeak ez du kentzen ontzia desatrakatzeko betebeharra, amarralekuz edo ainguralekuz aldatzekoa edo, areago, portutik ateratzekoa, agintaritza eskudunak beharrezkotzat jo eta hala agintzen badu.
8. Desatrakatzeko edo atrakalekuz aldatzeko agindua jaso duen barkuak maniobra horiek atzeratzen baditu, agintaritza eskudunak ezartzen dizkion zehapenez gain halakorik bada, beste zenbateko hauek ere ordaindu beharko ditu:
Lehenengo hiru egunetako bakoitzagatik edo frakzioagatik: dagokion kuotaren zenbatekoa, % 50eko gehikuntzarekin.
Gainerako egun bakoitzagatik: dagokion kuotaren zenbatekoa, % 100eko gehikuntzarekin.
9. Tasa hau ordaindu behar duten ontziak T-1 tasa ordaintzetik salbuetsita egongo dira.
10. Baimenaren titularrak Portuko Administrazioari jakinarazten badio aldi baterako ez duela okupatuko bere amarralekua, Portuko Administrazioak baimena eman ahal izango du plaza hori beste batek okupa dezan aldi batez.
Kasu horretan, amarratze-baimenaren titularrari hobari bat aplikatu ahal izango zaio, eta hobari hori dagokion ekitaldiaren amaieran ordainduko zaio, ordainketa bakar baten bidez. Berriz alokatzearen hobariagatik egingo den urteko ordainketak ezingo du gainditu amarratze-baimenaren titularrak ordaindutako T-5 amarratze-tasaren urteko zenbatekoaren % 80.
Uraren eta energia elektrikoaren zerbitzuak eskura izateagatik dorretxo adimendunen bidez:
1. Kuotaren zenbatekoa kalkulatzeko, koefiziente honekin biderkatuko da aurreko 6.1 apartatuan ezarritako tasa:
Uraren eta energia elektrikoaren hargunea: 0,007.
2. Urez eta energia elektrikoz hornitzeko portu-instalazioen erabilera tasa honen likidazioa kontuan hartu gabe likidatuko da, eta 228. artikuluan ezarritakoaren arabera.
Baimenaren titularrak jakinarazten badu ez duela bere amarralekua aldi batez okupatuko, Administrazioak baimena eman ahal izango du plaza hori beste ontzi batek okupa dezan.
Kasu horretan, amarralekuaren titularrari hobari bat aplikatuko zaio tasaren hurrengo likidazioan, bigarren okupazioagatik ordaindutako zenbatekoaren % 60koa.
231. artikulua. T-6 tasa. Altxatze-zerbitzuak.
Tasa honen zerga-egitatea da ontziek altxatze-zerbitzuak erabiltzea.
Tasaren subjektu pasibo zergadun solidarioak izango dira zerbitzuaren eskatzailea edo onuraduna eta ontziaren jabea.
Tasaren sortzapena zerbitzua eskuragarri jartzen den unetik aurrera izango da, eta tasa ordaindu izana nahitaez justifikatu beharko da zerbitzua jaso ahal izateko.
Tasa honen zerga-oinarria dira ekipamendua erabilgarri dagoen denbora, haren altxatze-ahalmena edo -potentzia, egingo den maniobra mota, garabi mota eta ontziaren dimentsioak.
Hau da T-6 tasaren kuota:
Portiko-garabi autopropultsatua, altxatzea eta uretaratzea, guztizko luzeraren metro lineal bakoitzeko:
Gehienez 8 metroko ontziak: 11,12 euro.
8 metrotik gora hasita 12 metrora arteko ontziak: 14,30 euro.
12 metrotik gorako ontziak: 17,50 euro.
Beso-garabia, altxatzea eta uretaratzea: 43,75 euro.
Murrizketa hauek aplikatu ahal izango dira tasaren kuotaren zenbatekoan:
Maniobra azkarrak egiten badira, bermatu gabe eta 30 minutu baino gutxiago erabilita, % 50eko murrizketa.
Altxatzea edo uretaratzea soilik egiten bada, % 50eko murrizketa.
Portiko-garabi autopropultsatuaren maniobra bi hilabetetik laura bitarteko negualdirako egiten bada, % 20ko murrizketa.
Portiko-garabi autopropultsatuaren maniobra lau hilabetetik zortzira bitarteko negualdirako egiten bada, % 40ko murrizketa.
232. artikulua. T-7 tasa. Aparkatzea.
Tasa honen zerga-egitatea da ibilgailuak aparkatzeko portu-zerbitzua ematea EAEko portuen zerbitzuguneetan.
Tasaren subjektu pasibo zergadun solidarioak izango dira aparkatzeko zerbitzuaren onuraduna edo baimenaren erabiltzaile titularra eta ibilgailuaren jabea.
Tasaren sortzapena ibilgailua portuko aparkaleku-gunean sartzen denean izango da. Baimena duten pertsonen kasuan, tasaren sortzapena gaikuntza ematen duen titulua lortzean izango da.
Tasa honen zerga-oinarria da portuko aparkaleku-gunean igarotako denbora.
Baimena duten pertsonen kasuan, tasa honen zerga-oinarria izango da aparkaleku-zerbitzua erabiltzeko baimena bera.
Ibilgailuak aparkatzeko zerbitzua arautzen den portuetan, kuota hauek ordainduko dira:
Oro har:
1. Portuko jarduerekin zerikusia duten egoiliarren eta erabiltzaileen ibilgailuak:
Donostia: 96,77 euro/urte.
Beste portu batzuk: 68,94 euro/urte.
2. Portuko jarduerekin zerikusirik ez duten gainerako erabiltzaileen ibilgailuak:
Ibilgailu arinak: 1,08 euro ordu bakoitzeko edo frakzioko, eta gehienez 10,66 euro egun bakoitzeko.
Ibilgailu astunak: 3,21 euro ordu bakoitzeko edo frakzioko, eta gehienez 31,99 euro egun bakoitzeko.
3. Portuko amarratzaileek lehentasunez erabiltzeko aparkalekuak dituzten kirol-portuetan, diru kopuru hauek kobratuko dira aparkatzeko zerbitzua erabiltzeko baimenagatik:
Getariako, Bermeoko eta Mutrikuko portuetan: 68,94 euro/urte.
Donostiako, Hondarribiko eta Orioko portuetan: 96,77 euro/urte.
Iragaitzazko edo pasaerako amarratzaileen ibilgailuetarako: 5,42 euro/egun.
Portura sartzeko txartela egiteagatik edo, hura galdu edo hondatuz gero, berria emateagatik:
Txartel magnetikoa: 41,87 euro.
Txartel ez-magnetikoa: 7,38 euro.
Gaizki aparkatutako ibilgailu bakoitza kentzeagatik: 58,22 euro.
233. artikulua. T-8 tasa. Uraren eta energia elektrikoaren hornidurari dagokion tasa.
Tasa honen zerga-egitatea da urez eta energia elektrikoz hornitzeko portu-instalazioak erabiltzea; izan ere, atrakatze- eta amarratze-zerbitzuak hartzeaz batera, nahitaezkoa da ura eta energia elektrikoa hartzea.
Tasaren subjektu pasibo zergadun solidarioak izango dira ontziaren jabea, baimenaren jabe titularra, itsasontziaren enpresa armadorea, ontzi-konpainia, eta ontziko kapitaina edo patroia.
Itsasontzia kontsignatuta badago, ordezko subjektu pasiboa izango da itsasontziaren enpresa kontsignatarioa.
Tasaren sortzapena beste honen sortzapenaren une berean izango da: itsasontziek edo ontziek portuko zerbitzuguneko urak baliatzeagatik eta itsasotik atrakalekura eta ainguralekura iristeko eta han egoteko portuko obrak eta instalazioak erabiltzeagatik ezarritako tasa. Batera likidatuko dira bi tasa horiek.
Tasa honen zerga-oinarria da eskuratutako unitate kopurua, kontagailua dagoen kasuetan. Bestela, hau izango da zerga-oinarria: ontziaren guztizko luzera eta gehieneko zabalera biderkatuta ateratzen den azalera (metro karratutan) bider ontziak ainguratuta edo atrakatuta igaro duen denbora.
Hauek dira tasaren kuotak:
Ura: 1,88 euro, metro kubiko bakoitzeko.
Energia elektrikoa: 0,83 euro, kilowatt-ordu bakoitzeko.
Kontagailurik ez badago, ura eta energia elektrikoa kontsumitzeagatik ordaindu behar den kuota 0,031 euro/m2 eta egun izango da.
Kontsumoa karenatze-eremuan egiten bada, 24,13 euro/egun izango da kuota.
234. artikulua. T-9. Askotariko zerbitzuak.
Tasa honen zerga-egitatea da baskulak, ontzitegi-orgak, garbiketa-makinak edo portuko beste edozein zerbitzu erabiltzea.
Tasaren subjektu pasibo zergadun solidarioak izango dira zerbitzuaren eskatzailea edo onuraduna eta ontziaren jabea.
Tasaren sortzapena zerbitzua eskuragarri jartzen den unetik aurrera izango da, eta tasa ordaindu izana nahitaez justifikatu beharko da zerbitzua jaso ahal izateko.
Hau da tasa honen zerga-oinarria:
Baskulak: zenbat aldiz erabili den baskula.
Ontzitegi-orgak: ontzia zenbat aldiz altxa eta jaitsi den, zenbat egunetan egon den ontzitegian, eta zenbatekoak diren ontziaren erregistroko tonaje gordina (ETG) eta luzera.
Garbiketa-makinak: zenbat denbora erabili diren.
Hauek dira tasaren kuotak:
Baskulak:
Pisaldi bakoitza: 1,70 euro.
Ontzitegi-orgak:
1. Altxaldi edo jaitsaldi bakoitza.
Gehienez 50 ETG baditu, guztizko luzeraren metro bakoitza: 19,91 euro.
150 ETG baditu, tona bakoitza: 2,29 euro.
150 ETG baino gehiago baditu, tona bakoitza: 1,75 euro.
2. Egonaldi-egun bakoitza.
Gehienez 50 ETG baditu, guztizko luzeraren metro bakoitza: 0,59 euro.
150 ETG baditu, tona bakoitza: 0,31 euro.
150 ETG baino gehiago baditu, tona bakoitza: 0,53 euro.
Seigarren eta zazpigarren zerrendetako ontziak direnean, kuota hauek ordainduko dituzte egunean, guztizko luzeraren metro lineal bakoitzeko eta egonaldi-egun bakoitzeko:
7 egun: 0,49 euro.
10 egun: 0,76 euro.
20 egun: 1,17 euro.
60 egun: 2,61 euro.
egunetik aurrera: 2,61 euro.
Irailaren 1etik apirilaren 30era egiten diren egonaldietan, bi egun horiek barne, murrizketa hauek egingo dira, 61. egunetik aurrera:
120 eguneko egonaldia: % 20.
121-240 eguneko egonaldia: % 40.
3. Lehorreratze-arrapalak, erabilaldi bakoitzeko: 12,99 euro.
4. Sehaska-jokoa:
Txikiak: 1,45 euro/egun.
Ertainak: 2,69 euro/egun.
Handiak: 3,90 euro/egun.
Garbiketa-makinak:
1. Ontzia harea-zurrustarekin garbitzea, egun bakoitzeko edo frakzioko: 80,86 euro.
2. Presioz garbitzeko makina, ordu-erdi bakoitzeko edo frakzioko: 7,66 euro.
3. Makina hidrogarbitzailea: 3,29 euro/12 minutu.
235. artikulua. Portuko jabari publikoaren okupazio pribatiboagatik eta erabileragatik ezarritako tasa.
Tasa honen zerga-egitatea dira portuko jabari publikoaren okupazioa eta erabilera, barnean hartuta haren lurgaina eta lurpea.
Hauek dira tasaren subjektu pasibo zergadunak:
Emakida edo baimena izanez gero: emakidaduna edo baimenaren titularra, hurrenez hurren.
Titulurik gabeko okupazioa izanez gero: okupatzailea.
Tasaren sortzapena une hauetan izango da:
Artikulu honen 2.a) apartatuan aipatzen den kasuan, emakidaren edo baimenaren tituluak ematen direnean, eta urte bakoitzeko urtarrilaren 1ean, emakidak edo baimenak urtez urte izango dituen indarraldietan.
Artikulu honen 2.b) apartatuan aipatzen den kasuan, okupazioa gertatzen den unean.
Sortzapenaren unean likidatuko da tasa. Emakidak eta baimenak ostalaritza-jardueretarako (urtebete baino epe laburragorako) edo kirol-probak egiteko ematen direnean, tasaren likidazioa jabari publikoa okupatzeko edo erabiltzeko aldia amaitu eta hurrengo hilabetean egingo da. Emakidak eta baimenak urtebeterako edo gehiagorako ematen direnean, uztailean eta urtarrilean likidatuko da tasa, aurreko sei hilabeteei dagokiena.
Tasa honen zerga-oinarria dira portuko jabari publikoan okupatu den azalera (metro karratutan neurtuta) eta okupazioaren iraupena.
Hauek dira tasaren kuotak:
Emakidak.
1. Oro har, hauek dira tasaren kuotak:
Azalera eraikigabea bada, 13,40 euro/m2/urte.
Azalera eraikia bada, 26,75 euro/m2/urte.
Aisialdiko nabigazioko erabilera duten portu-eremuetako azalera eraikia bada, 7,38 euro/m2/hilabete.
eta b) kasuetan, % 25eko koefiziente murriztailea ezarriko da portu hauetan:
Armintza.
Deba.
Ea.
Elantxobe.
Lekeitio.
Mundaka.
Mutriku.
Orio.
Plentzia.
Zumaia.
kasuan, berriz, % 65eko koefiziente murriztailea ezarriko da portu hauetan:
Armintza.
Deba.
Ea.
Elantxobe.
Mundaka.
Mutriku.
Ondarroa.
Orio.
Plentzia.
2. Emakidaren xede diren instalazioak lurpean egon eta eragozpenik sortzen ez badute lur gainean aske zirkulatzeko, azalera eraikigabearen okupazioari dagozkion kuotak aplikatuko dira, % 50eko murrizketarekin. Lurpeko kanalizazioetan, gutxienez 1 m2 zenbatuko da kanalizazioko metro lineal bakoitzeko. Entitate publikoek ura hornitzeko eta saneatzeko lurperatutako kanalizazioetan, gutxienez 0,20 m2 kuantifikatuko dira kanalizazioko metro lineal bakoitzeko.
3. Okupazioaren xedea bada portu-jardueraren prestazioarekin zuzeneko loturarik ez duten merkataritzako edo industriako jarduerak garatzea, 5.1.1 apartatuan ezarritako kuotak aplikatuko dira, % 50eko gehikuntzarekin.
Nolanahi ere, gehikuntza hori % 20koa izango da, Hondarribiko portuko kirol-nabigazioko eremuetako merkataritza-erabilera duten azalera eraikiak direnean.
4. Emakidaren xede den lokala hornituta dagoenean eta bertan gauzatuko den merkataritza- edo industria-jarduerarako beharrezkoak diren tresnak eta makinak barne hartzen dituenean, 5.1.1 apartatuan ezarritako kuota aplikatuko da, % 125eko gehikuntzarekin.
5. Okupazio berean 5.1.2 eta 5.1.3 apartatuetan aipatzen diren egoerak gertatzen badira, apartatu bakoitzari dagozkion kuoten batezbesteko aritmetikoa egingo da.
6. Emakidaren xedea ur-eremu jakin bat okupatzea denean, kuotak azalera eraikigabeari dagozkionak izango dira.
7. Emakidaren xedea sareak manipulatzeko eraikinak badira, edo tinak edo kutxak garbitzeko instalazioak, izotz-fabrikak, arraina jaso, erakutsi, manipulatu edo saltzeko lonjak edota izozteko instalazioak, azalera eraikiaren okupazioari dagozkion kuotak aplikatuko dira, % 50eko murrizketarekin.
8. Emakidaren lehenengo urtean, eskatzekoa den tasa-zenbatekoa proportziozkoa izango da urte horretako iraunaldiarekiko; hortaz, aurreko apartatuen araberako zenbatekoari dagokion hainbanaketa ezarriko zaio. Era berean, emakidak indarrean irauten duen azken urtean ere aplikatuko da hainbanaketaren irizpide hori.
Baimenak:
Baimena denean, kopuru hauek aplikatuko dira:
1. Merkataritza- edo industria-jarduera baterako denean:
Portuko jarduerekin zerikusia badu: 0,250656 euro/m2/egun.
Portuko jarduerekin zerikusirik ez badu: 0,492014 euro/m2/egun.
2. Merkataritza- edo industria-jarduera baterako ez denean: 0,250656 euro/m2/egun.
3. Zehaztuko diren biltegiratze-guneetako espazioak okupatu edo erabiltzeko baimena denean, tasaren zenbatekoak kuota orokorraren % 50eko murrizketa izango du. Biltegiratze-guneetan dauden espazioak arrainetarako bilgarriak edo arrantza-lanabesak uzteko okupatzen edo erabiltzen direnean, murrizketa % 80koa izango da.
Emakidei edo baimenei dagozkien tasen zenbatekoak urtero berrikusiko dira, lege bidez onartutako portuko tasen eguneraketaren arabera.
Lehenago esleitutako emakidak eta baimenak, baldin haien tituluan prezioak berrikusteko klausula badago, aurreko paragrafoan ezarritakoaren arabera berrikusiko dira, klausula horrek lege hau aipatzen badu edo kontsumoko prezioen indizea ez beste adierazle bat aipatzen badu; aldiz, klausulak kontsumoko prezioen indizea aipatzen badu, indize horrek izandako aldakuntzen arabera berrikusiko dira.
Portuko Administrazioak emakidak edo baimenak esleitzeko lehiaketetarako deialdiak egiten baditu, aukera egongo da lizitatzaileek, tasa honetarako ezarritako zenbatekoez gain, zenbateko gehigarriak eskaintzeko, eta hori baldintza-agirietan jasoko da, ebazteko irizpideen artean. Eskainitako zenbateko gehigarriak, tributu izaerarik ez dutenez, ez daude aurreko 5.3 apartatuan aurreikusitako eguneratze-araubidearen menpe.
Baimenaren xedea kirol- eta jolas-ekitaldiak egitea denean, tasaren zenbatekoa proportziozkoa izango da ekitaldi-egunean benetan okupatutako orduekiko; hortaz, artikulu honen aurreko apartatuen araberako zenbatekoari dagokion hainbanaketa ezarriko zaio. Ondorio horietarako, lurralde-ordezkaritzako langileek bidalitako aktan zehaztuko dira benetako okupazioaren hasiera-ordua eta amaiera-ordua.
Toki-korporazioei salbuespena aplikatuko zaie emakidetan eta baimenetan, baldin eta ez badituzte irabazi-asmoz ustiatzen, ez beren kabuz, ez hirugarrenen bidez.
Arrantzaleen kofradiei eta ekoizleen antolakundeei salbuespena ezarriko zaie portuko jabari publikoa okupatzeko emakidetan, baldin eta haien xedea bada eraikin hauetako bat eraikitzea eta ustiatzea: sareak manipulatzeko eraikinak; tinak edo kutxak garbitzeko instalazioak; izotz-fabrikak; arraina jaso, erakutsi, manipulatu edo saltzeko lonjak; arraina izozteko eta biltegiratzeko instalazioak, eta lanabesak biltegiratu eta konpontzeko sotoak. Emakida eskualdatzen bada edo eraikina eta instalazioak amortizatzeko aurreikusitako denbora amaitzen bada, ez da salbuespena aplikatuko.
Hala ere, portuko jabari publikoa okupatzeko eta erabiltzeko emakidak edo baimenak berekin baldin badakar baimena edo emakida eman duen administrazioak jarduera edo gastu batzuk egin behar izatea, emakidadunak edo baimenaren titularrak hartu beharko du bere gain, oso-osorik, jarduera edo gastu horien ondoriozko kostu ekonomikoa.
Onura publikoaren deklarazioa duten irabazi-asmorik gabeko entitateei salbuespena aplikatuko zaie, baldin eta portuko jabari publikoa okupatzeko eta erabiltzeko baimena baliatuz egiten dituzten jarduerek erabilera ekonomikorik ez badakarte.
Hala ere, portuko jabari publikoa okupatzeko eta erabiltzeko baimenak berekin baldin badakar baimena eman duen administrazioak jarduera edo gastu batzuk egin behar izatea, baimenaren titularrak hartu beharko du bere gain, oso-osorik, jarduera edo gastu horien ondoriozko kostu ekonomikoa.
Portuko jabari publikoa titulurik gabe okupatzen edo erabiltzen den kasuetan, aplikatu beharreko kuota baimenei dagokiena izango da, % 100eko gehikuntzarekin.
Portuko jabari publikoa okupatzeko edo erabiltzeko gaikuntza-titulua eman zaion merkataritza- edo industria-jarduera egun osotan eteten edo geldiarazten bada, eskatzekoa den tasaren kuota proportziozkoa izango da eten edo geldiarazi ez den jarduera-aldiarekiko, administrazio publikoek onartutako xedapen orokor eta nahitaez bete beharrekoen arabera.
236. artikulua. Zerga-egitatea.
Tasa honen zerga-egitatea da Euskal Autonomia Erkidegoan ematen diren zerbitzuen erabiltzaileentzako eta kontsumitzaileentzako erreklamazio-orriak eskuratzea; zerbitzu horien artean daude etxez etxeko zerbitzuak, ikuskizun publiko eta aisialdiko jardueretakoak eta jatetxe eta ostatuetakoak.
237. artikulua. Subjektu pasiboa.
Tasa honen subjektu pasibo dira zerga-egitate diren erreklamazio-orriak eskuratzen dituzten pertsona fisiko edo juridikoak.
238. artikulua. Sortzapena.
Tasaren sortzapena erreklamazio-orriak eskuratzen direnean izango da, eta une horretan bertan eskatu ahal izango da tasa ordaintzea.
239. artikulua. Kuota.
Tasaren kuota 7,04 euro izango da erreklamazio-orrien sorta bakoitzeko; sortak 40 orri hirukoitz izango ditu.
LEHENENGO XEDAPEN GEHIGARRIA
Ezagutzak eta inguruabar pertsonalak egiaztatzeko tasak ordaintzetik salbuetsita egongo dira Erregistro Zibilean sexuaren aipamena zuzentzea lortu eta arrazoi horrengatik titulu, ziurtagiri edo agiri berriak egiteko eskatzen duten interesdunak ezagutzak eta inguruabar pertsonalak egiaztatzeko tasak lege honen IV. tituluan aurreikusita daude.
BIGARREN XEDAPEN GEHIGARRIA
Euskadiko Kirol Portuak zuzenbide pribatuko ente publikoaren izaera publiko ez-tributarioa duten ondare-prestazioak (tarifak).
Seigarren eta zazpigarren zerrendetako ontziei dagokien tarifa.
Aisialdiko nabigazioko azpiegiturak honela katalogatzen dira izaera publiko ez-tributarioa duten ondare-prestazioak (tarifak) likidatze aldera, kontuan hartuta nola ematen diren kirol-amarratzeen kudeaketa-zerbitzuak:
taldea: portuko zerbitzuetako langileak partekatzen dituzten aisialdiko nabigazioko azpiegiturak.
taldea: portuko zerbitzu esklusiboa 24 ordutik beherako txandetan ematen duten aisialdiko nabigazioko azpiegiturak; zerbitzu-orduak astean bi edo hiru lanaldi osoren parekoak izango dira, goi-denboraldian salbu, orduan egunero emango baitira.
taldea: portuko zerbitzuetako langileen zerbitzu esklusiboa 24 ordutik beherako txandetan ematen duten aisialdiko nabigazioko azpiegiturak; zerbitzu-orduak astean hiru lanaldi osoren baino gehiagoren parekoak izango dira, goi-denboraldian salbu, orduan egunero emango baitira.
taldea: portuko zerbitzuetako langileen zerbitzu esklusiboa urteko egun guztietan eta 24 orduetan ematen duten aisialdiko nabigazioko azpiegiturak.
Tarifa honen xedea da kirol-ontziek eta aisialdiko ontziek itsasotik portura iristeko eta esleitu zaien atrakaleku, amarraleku edo ainguralekuan egoteko portuko obrak eta instalazioak erabiltzea. Halaber, tarifaren xedea izango da eskifaia-kideek eta bidaiariek portuko kaiak, pantalanak, lehorreko sarbideak, zirkulazio-bideak eta, baleude, Portuko Agintaritzaren egonlekuak eta harrera-tokiak erabiltzea; halakoetan, eskatzen dituzten berariazko zerbitzuak ordaindu beharko dituzte.
Orobat, tarifa honen xedearen barruan sartuko dira portuko zerbitzuetako langileek emandako zerbitzuak (marineltza-, zaintza- edo administrazio- eta harrera-zerbitzuak), baldin eta dartsenen baldintzek hala egitea eskatzen badute.
Hauek izango dira tarifa modu solidarioan ordaindu beharko dutenak:
Baimena izanez gero, baimenaren titularra.
Titulurik gabeko okupazioetan, ontzi okupatzailearen jabea, enpresa kontsignatarioa eta ontziko kapitaina edo patroia.
Tarifaren sortzapena ontzia portuko zerbitzuguneko uretan sartzen denean izango da. Baimena duten ontzien kasuan, tarifaren sortzapena gaikuntza ematen duen titulua lortzean izango da.
Portuan pasaeran dauden ontziek portura iritsitakoan likidatu beharko dute tarifa, deklaratzen duten egonaldiaren iraupenaren arabera.
Portuan basea duten ontziek aurretiaz eta ezarritako aldien arabera likidatuko dute tarifa, eta, hala eskatzen bazaie, banku-entitate batean helbideratu beharko dute ordainketa.
Tarifaren kuoten zenbatekoa kalkulatzeko, ontziaren guztizko luzera eta gehieneko zabalera biderkatuta ateratzen den azalera (metro karratutan) eta ontziak ainguratuta edo atrakatuta igaro duen denbora hartuko dira kontuan.
Hauek dira tarifaren kuoten zenbatekoak:
Ontziek portuko zerbitzuguneko urak baliatzeagatik, eta itsasotik dagokien atrakalekura edo ainguralekura iristeko eta han egoteko portuko obrak eta instalazioak erabiltzeagatik:
1. Aisialdiko nabigazioko azpiegituretan atrakatzeagatik ordaindu beharreko T-5 tarifaren zenbatekoa honako hau izango da:
1. taldea.
(Ikus .PDF)
2. taldea.
(Ikus .PDF)
3. taldea.
(Ikus .PDF)
4. taldea.
(Ikus .PDF)
Iragaitzazko ontzietarako atrakalekuak:
(Ikus .PDF)
2. Ontzia instalazio finko batean (lehorrari atxikitako obra zibila) edo instalazio flotatzaile batean amarratzea edo atrakatzea kaian atrakatzearen pareko izango da, baldin eta instalazioak ontziak bereizteko fingerrik ez badu, eta ez badago ez ur- ez argindar-zerbitzurik.
3. Bandaz banda jarrita dauden ontziek dela kaian edo pantalan flotatzailean saiheska atrakaturiko ontzien alboan, dela bandaz banda jarrita dauden beste barku batzuen alboan 6.1.1 apartatuan ezarrita dagoen kuota orokorraren % 50eko murrizketa izango dute.
4. Ontzia ainguratuta edo atrakatuta dagoen guneak metro bat baino gutxiagoko zingoa badu dagokion portuko gehieneko itsasbehera bizi ekinokzialetik (GIBE) neurtuta, kuota orokorraren % 25eko murrizketa aplikatuko zaio ontziari.
Gainera, baldintza hauek bete behar dira:
Ontziaren guztizko luzera 6 metro baino laburragoa izatea.
Motorraren potentzia 25 HP baino txikiagoa izatea.
Murrizketa horiek ez zaizkie aplikatuko pantalanetan atrakatuta dauden ontziei, ezta seigarren edo zazpigarren zerrendako ontzi baten baino gehiagoren jabe direnei ere.
5. Portuaren kanpoaldea edo portuaren ondoko aldea erabiltzen duten ontziek, baldin eta portuko zerbitzuak hurbil izateagatik edo erabiltzeagatik onuraren bat ateratzen badute, 6.1.1 apartatuan ezarritako kuotaren % 60ko murrizketa izango dute, eta murrizketa hori bateraezina izango da artikulu honetan jasotzen den beste edozeinekin.
6. Ontzien jabeak pentsiodunak badira, tarifa hau ordaintzetik salbuetsita egongo dira. Salbuespen hori aplikatzeari begira, pentsiodunak direla egiaztatzeko, kasuan kasuko organismo ofizialaren ziurtagiria aurkeztu beharko dute, eta urteko guztizko diru-sarrerak lanbide arteko gutxieneko soldata baino txikiagoak direla justifikatu; horretarako, pertsona fisikoen errentaren gaineko zergaren azken aitorpenaren kopia erantsi beharko dute. Era berean, atrakatzea eskatu duten ontzian nabigatzeko legez eskatzen den titulua aurkeztu beharko dute.
Salbuespen hori ez zaie aplikatuko seigarren edo zazpigarren zerrendan erregistraturiko ontzi baten baino gehiagoren jabe direnei, 6 metrotik gorako gehieneko luzera duten ontzien jabeei, ez eta motorraren potentzia 50 HP baino handiagoa duten ontzien jabeei ere.
7. Bai ainguratzea eta bai atrakatzea Portuko Administrazioari eskatu behar zaizkio. Hala egin ezean, pantalanean atrakatzeko kuotarena izango da sortzapena, eta % 100eko gehikuntza izango du; horrez gain, zehapena jartzea ere egongo da, indarrean dauden xedapenak hausteagatik.
Kuota hori ordaintzeak ez du kentzen ontzia desatrakatzeko betebeharra, amarralekuz edo ainguralekuz aldatzekoa edo, areago, portutik ateratzekoa, agintaritza eskudunak beharrezkotzat jo eta hala agintzen badu.
8. Desatrakatzeko edo atrakalekuz aldatzeko agindua jaso duen barkuak maniobra horiek atzeratzen baditu, agintaritza eskudunak ezartzen dizkion zehapenez gain halakorik bada, beste zenbateko hauek ere ordaindu beharko ditu:
Lehenengo hiru egunetako bakoitzagatik edo frakzioagatik: dagokion kuotaren zenbatekoa, % 50eko gehikuntzarekin.
Gainerako egun bakoitzagatik: dagokion kuotaren zenbatekoa, % 100eko gehikuntzarekin.
9. Tarifa hau ordaindu behar duten ontziak T-1 tasa ordaintzetik salbuetsita egongo dira.
10. Baimenaren titularrak Portuko Administrazioari jakinarazten badio aldi baterako ez duela okupatuko bere amarralekua, Portuko Administrazioak baimena eman ahal izango du plaza hori beste batek okupa dezan aldi batez.
Kasu horretan, amarratze-baimenaren titularrari hobari bat aplikatu ahal izango zaio, eta hobari hori dagokion ekitaldiaren amaieran ordainduko zaio, ordainketa bakar baten bidez. Berriz alokatzearen hobariagatik egingo den urteko ordainketak ezingo du gainditu amarratze-baimenaren titularrak ordaindutako T-5 amarratze-tarifaren urteko zenbatekoaren % 80.
Uraren eta energia elektrikoaren zerbitzuak eskura izateagatik:
1. Kuotaren zenbatekoa kalkulatzeko, koefiziente honekin biderkatuko da aurreko 6.1 apartatuan ezarritako tarifa:
Uraren eta energia elektrikoaren hargunea: 0,007.
2. Urez eta energia elektrikoz hornitzeko portu-instalazioen erabilera tarifa honen likidazioa kontuan hartu gabe likidatuko da, eta uraren eta energia elektrikoaren hornidurari dagokion tasan ezarritakoaren arabera.
Baimenaren titularrak jakinarazten badu ez duela bere amarralekua aldi batez okupatuko, Administrazioak baimena eman ahal izango du plaza hori beste ontzi batek okupa dezan.
Kasu horretan, amarralekuaren titularrari hobari bat aplikatuko zaio tarifaren hurrengo likidazioan, bigarren okupazioagatik ordaindutako zenbatekoaren % 60koa.
Aparkatzeagatik ezarritako tarifa.
Tarifa honen xedea da ibilgailuak aparkatzeko portu-zerbitzua ematea EAEko portuen zerbitzuguneetan.
Tarifa modu solidarioan ordaindu beharko dute aparkatzeko zerbitzuaren onuradunak edo baimenaren erabiltzaile titularrak eta ibilgailuaren jabeak.
Tarifaren sortzapena ibilgailua portuko aparkaleku-gunean sartzen denean izango da. Baimena duten pertsonen kasuan, tarifaren sortzapena gaikuntza ematen duen titulua lortzean izango da.
Tarifaren kuoten zenbatekoa kalkulatzeko, portuko aparkaleku-gunean igarotako denbora hartuko da kontuan.
Baimena duten pertsonen kasuan, tarifaren kuoten zenbatekoa kalkulatuko da aparkaleku-zerbitzua erabiltzeko baimenaren beraren arabera.
Ibilgailuak aparkatzeko zerbitzua arautzen den portuetan, kuota hauek ordainduko dira:
Oro har:
1. Portuko jarduerekin zerikusia duten egoiliarren eta erabiltzaileen ibilgailuak:
Donostia: 68,94 euro/urte.
Beste portu batzuk: 22,60 euro/urte.
2. Portuko jarduerekin zerikusirik ez duten gainerako erabiltzaileen ibilgailuak:
Ibilgailu arinak: 1,08 euro ordu bakoitzeko edo frakzioko, eta gehienez 10,66 euro egun bakoitzeko.
Ibilgailu astunak: 3,21 euro ordu bakoitzeko edo frakzioko, eta gehienez 31,99 euro egun bakoitzeko.
3. Portuko amarratzaileek lehentasunez erabiltzeko aparkalekuak dituzten kirol-portuetan, diru kopuru hauek kobratuko dira aparkatzeko zerbitzua erabiltzeko baimenagatik:
Getariako, Bermeoko eta Mutrikuko portuetan: 68,94 euro/urte.
Donostiako, Hondarribiko eta Orioko portuetan: 96,77 euro/urte.
Iragaitzazko edo pasaerako amarratzaileen ibilgailuetarako: 5,42 euro/egun.
Portura sartzeko txartela egiteagatik edo, hura galdu edo hondatuz gero, berria egiteagatik:
Txartel magnetikoa: 41,87 euro.
Txartel ez-magnetikoa: 7,38 euro.
Gaizki aparkatutako ibilgailu bakoitza kentzeagatik: 58,22 euro.
Uraren eta energia elektrikoaren hornidurari dagokion tarifa.
Tarifa honen xedea da urez eta energia elektrikoz hornitzeko portu-instalazioak erabiltzea; izan ere, atrakatze- eta amarratze-zerbitzuak hartzeaz batera, nahitaezkoa da ura eta energia elektrikoa hartzea.
Hauek izango dira tarifa modu solidarioan ordaindu beharko dutenak: ontziaren jabea, baimenaren jabe titularra, itsasontziaren enpresa armadorea, ontzi-konpainia, eta ontziko kapitaina edo patroia.
Itsasontzia kontsignatuta badago, ordezko subjektu pasiboa izango da itsasontziaren enpresa kontsignatarioa.
Tarifaren sortzapena tasa honen sortzapenaren une berean izango da: itsasontziek edo ontziek portuko zerbitzuguneko urak baliatzeagatik eta itsasotik atrakalekura eta ainguralekura iristeko eta han egoteko portuko obrak eta instalazioak erabiltzeagatik ezarritako tasa. Tarifa eta tasa batera likidatuko dira.
Tarifaren kuoten zenbatekoa kalkulatzeko, eskuratutako unitate kopurua hartuko da kontuan, kontagailua dagoen kasuetan. Bestela, honela kalkulatuko da: ontziaren guztizko luzera eta gehieneko zabalera biderkatuta ateratzen den azalera (metro karratutan) bider ontziak ainguratuta edo atrakatuta igaro duen denbora.
Hauek dira tarifaren kuotak:
Ura: 1,83 euro, metro kubiko bakoitzeko.
Energia elektrikoa: 0,50 euro, kilowatt-ordu bakoitzeko.
Kontagailurik ez badago, ura eta energia elektrikoa kontsumitzeagatik ordaindu behar den kuota 0,020 euro/m2 eta egun izango da.
Kontsumoa karenatze-eremuan egiten bada, 14,20 euro/egun izango da kuota.
Portuko jabari publikoaren okupazio pribatiboagatik eta erabileragatik ezarritako tarifa.
Tarifa honen xedea dira portuko jabari publikoaren okupazioa eta erabilera, barnean hartuta haren lurgaina eta lurpea.
Hauek ordaindu beharko dute tarifa:
Emakida edo baimena izanez gero: emakidaduna edo baimenaren titularra, hurrenez hurren.
Titulurik gabeko okupazioa izanez gero: okupatzailea.
Tarifaren sortzapena une hauetan izango da:
D) letra honen 2.a) apartatuan aipatzen den kasuan, emakidaren edo baimenaren tituluak ematen direnean, eta urte bakoitzeko urtarrilaren 1ean, emakidak edo baimenak urtez urte izango dituen indarraldietan.
D) letra honen 2.b) apartatuan aipatzen den kasuan, okupazioa gertatzen den unean.
Sortzapenaren unean likidatuko da tarifa. Emakidak eta baimenak urtebeterako edo gehiagorako ematen direnean, aurretiaz likidatuko da tarifa, urte bakoitzeko urtarrilean.
Tarifaren kuoten zenbatekoa kalkulatzeko, portuko jabari publikoan okupatu den azalera (metro karratutan neurtuta) eta okupazioaren iraupena hartuko dira kontuan.
Hauek dira tarifaren kuotak:
Emakidak.
1. Oro har, hauek dira tarifaren kuotak:
Azalera eraikigabea: 13,40 euro/m2/urte.
Azalera eraikia: 26,75 euro/m2/urte.
Aisialdiko nabigazioko erabilera duten portu-eremuetako azalera eraikia: 7,38 euro/m2/hilabete.
eta b) kasuetan, % 25eko koefiziente murriztailea ezarriko da portu hauetan:
Armintza.
Deba.
Ea.
Elantxobe.
Lekeitio.
Mundaka.
Mutriku.
Orio.
Plentzia.
Zumaia.
kasuan, berriz, % 65eko koefiziente murriztailea ezarriko da portu hauetan:
Armintza.
Deba.
Ea.
Elantxobe.
Mundaka.
Mutriku.
Ondarroa.
Orio.
Plentzia.
2. Emakidaren xede diren instalazioak lurpean egon eta eragozpenik sortzen ez badute lur gainean aske zirkulatzeko, azalera eraikigabearen okupazioari dagozkion kuotak aplikatuko dira, % 50eko murrizketarekin. Lurpeko kanalizazioetan, gutxienez 1 m2 zenbatuko da kanalizazioko metro lineal bakoitzeko.
3. Okupazioaren xedea bada portu-jardueraren prestazioarekin zuzeneko loturarik ez duten merkataritzako edo industriako jarduerak garatzea, 5.1.1 apartatuan ezarritako kuotak aplikatuko dira, % 50eko gehikuntzarekin.
Nolanahi ere, gehikuntza hori % 20koa izango da, Hondarribiko portuko kirol-nabigazioko eremuetako merkataritza-erabilera duten azalera eraikiak direnean.
4. Emakidaren xede den lokala hornituta dagoenean eta bertan gauzatuko den merkataritza- edo industria-jarduerarako beharrezkoak diren tresnak eta makinak barne hartzen dituenean, 5.1.1 apartatuan ezarritako kuota aplikatuko da, % 125eko gehikuntzarekin.
5. Okupazio berean 5.1.2 eta 5.1.3 apartatuetan aipatzen diren egoerak gertatzen badira, apartatu bakoitzari dagozkion kuoten batezbesteko aritmetikoa egingo da.
6. Emakidaren xedea ur-eremu jakin bat okupatzea denean, kuotak azalera eraikigabeari dagozkionak izango dira.
7. Emakidaren xedea sareak manipulatzeko eraikinak badira, edo tinak edo kutxak garbitzeko instalazioak, izotz-fabrikak, arraina jaso, erakutsi, manipulatu edo saltzeko lonjak edota izozteko instalazioak, azalera eraikiaren okupazioari dagozkion kuotak aplikatuko dira, % 50eko murrizketarekin.
8. Emakidaren lehenengo urtean, eskatzekoa den tarifa-zenbatekoa proportziozkoa izango da urte horretako iraunaldiarekiko; hortaz, aurreko apartatuen araberako zenbatekoari dagokion hainbanaketa ezarriko zaio. Era berean, emakidak indarrean irauten duen azken urtean ere aplikatuko da hainbanaketaren irizpide hori.
Baimenak:
Baimena denean, kopuru hauek aplikatuko dira:
1. Merkataritza- edo industria-jarduera baterako denean:
Portuko jarduerekin zerikusia badu: 0,250656 euro/m2/egun.
Portuko jarduerekin zerikusirik ez badu: 0,492014 euro/m2/egun.
2. Merkataritza- edo industria-jarduera baterako ez denean: 0,250656 euro/m2/egun.
3. Zehaztuko diren biltegiratze-guneetako espazioak okupatu edo erabiltzeko baimena denean, tarifaren zenbatekoak kuota orokorraren % 50eko murrizketa izango du.
4. Baimena energia elektrikoaren eta uraren hargunea barne hartuta ematen denean, 14,20 euroko kuota gehigarria aplikatuko da eguneko.
Emakidei edo baimenei dagozkien tarifen zenbatekoak urtero berrikusiko dira, lege bidez onartutako portuko tarifen eguneraketaren arabera.
Lehenago esleitutako emakidak eta baimenak, baldin haien tituluan prezioak berrikusteko klausula badago, aurreko paragrafoan ezarritakoaren arabera berrikusiko dira, klausula horrek lege hau aipatzen badu edo kontsumoko prezioen indizea ez beste adierazle bat aipatzen badu; aldiz, klausulak kontsumoko prezioen indizea aipatzen badu, indize horrek izandako aldakuntzen arabera berrikusiko dira.
Emakidak edo baimenak esleitzeko lehiaketetarako deialdiak egiten badira, aukera egongo da lizitatzaileek, tarifa honetarako ezarritako zenbatekoez gain, zenbateko gehigarriak eskaintzeko, eta hori baldintza-agirietan jasoko da, ebazteko irizpideen artean. Eskainitako zenbateko gehigarriak, tributu izaerarik ez dutenez, ez daude aurreko 5.3 apartatuan aurreikusitako eguneratze-araubidearen menpe.
Baimenaren xedea kirol- eta jolas-ekitaldiak egitea denean, tarifaren zenbatekoa proportziozkoa izango da ekitaldi-egunean benetan okupatutako orduekiko; hortaz, artikulu honen aurreko apartatuen araberako zenbatekoari dagokion hainbanaketa ezarriko zaio. Ondorio horietarako, lurralde-ordezkaritzako langileek bidalitako aktan zehaztuko dira benetako okupazioaren hasiera-ordua eta amaiera-ordua.
Toki-korporazioei salbuespena aplikatuko zaie emakidetan eta baimenetan, baldin eta ez badituzte irabazi-asmoz ustiatzen, ez beren kabuz, ez hirugarrenen bidez.
Arrantzaleen kofradiei eta ekoizleen antolakundeei salbuespena ezarriko zaie portuko jabari publikoa okupatzeko emakidetan, baldin eta haien xedea bada eraikin hauetako bat eraikitzea eta ustiatzea: sareak manipulatzeko eraikinak; tinak edo kutxak garbitzeko instalazioak; izotz-fabrikak; arraina jaso, erakutsi, manipulatu edo saltzeko lonjak; arraina izozteko eta biltegiratzeko instalazioak, eta lanabesak biltegiratu eta konpontzeko sotoak. Emakida eskualdatzen bada edo eraikina eta instalazioak amortizatzeko aurreikusitako denbora amaitzen bada, ez da salbuespena aplikatuko.
Hala ere, portuko jabari publikoa okupatzeko eta erabiltzeko emakidak edo baimenak berekin baldin badakar Euskadiko Kirol Portuak enteak jarduera edo gastu batzuk egin behar izatea, emakidadunak edo baimenaren titularrak hartu beharko du bere gain, oso-osorik, jarduera edo gastu horien ondoriozko kostu ekonomikoa.
Onura publikoaren deklarazioa duten irabazi-asmorik gabeko entitateei salbuespena aplikatuko zaie, baldin eta portuko jabari publikoa okupatzeko eta erabiltzeko baimena baliatuz egiten dituzten jarduerek erabilera ekonomikorik ez badakarte.
Hala ere, portuko jabari publikoa okupatzeko eta erabiltzeko baimenak berekin baldin badakar Euskadiko Kirol Portuak enteak jarduera edo gastu batzuk egin behar izatea, baimenaren titularrak hartu beharko du bere gain, oso-osorik, jarduera edo gastu horien ondoriozko kostu ekonomikoa.
Portuko jabari publikoa titulurik gabe okupatzen edo erabiltzen den kasuetan, aplikatu beharreko kuota baimenei dagokiena izango da, % 100eko gehikuntzarekin.
Portuko jabari publikoa okupatzeko edo erabiltzeko gaikuntza-titulua eman zaion merkataritza- edo industria-jarduera egun osotan eteten edo geldiarazten bada, eskatzekoa den tarifaren kuota proportziozkoa izango da eten edo geldiarazi ez den jarduera-aldiarekiko, administrazio publikoek onartutako xedapen orokor eta nahitaez bete beharrekoen arabera.
Ontziei zerbitzuak emateagatik ezarritako tarifa.
Tarifa honen xedea da ontziek portuan zenbait zerbitzu erabiltzea.
Hauek izango dira tarifa modu solidarioan ordaindu beharko dutenak: ontziaren jabea; seigarren eta zazpigarren zerrendetako ontziei dagokien tarifan aipatzen den baimenaren titularra bigarren xedapen gehigarri honen A) letran jasota dago tarifa hori, eta ontziko kapitaina eta patroia.
Ontzia kontsignatuta badago, ontziaren enpresa kontsignatarioak ordaindu beharko du tarifa, ordezko gisa.
Tarifaren sortzapena zerbitzua ematen hasten den unetik aurrera izango da.
Hauek dira tarifaren kuoten zenbatekoak:
Travel lift (portiko-garabi) bidez ontziak altxatu eta uretaratzea, guztizko luzeraren metro lineal bakoitzeko:
Gehienez 8 metroko ontziak: 10,79 euro.
Gehienez 12 metroko ontziak: 13,78 euro.
12 metrotik gorako ontziak: 16,84 euro.
Altxatzeko eta uretaratzeko maniobra lehorrean bermatu gabe egiten bada eta 30 minutu baino gutxiago irauten badu, tarifaren kuotaren zenbatekoak % 50eko hobaria izango du.
Beso-garabia erabiltzea:
Euskal Autonomia Erkidegoaren eskumeneko porturen batean amarratzeko baimena duten ontziak altxatu eta uretaratzea:
6 metrotik beherako luzera duten ontziak 65,90 euro.
6 metrotik gorako luzera duten ontziak 69,10 euro.
Euskal Autonomia Erkidegoaren eskumeneko portuetan amarratzeko baimenik ez duten ontziak altxatu eta uretaratzea:
6 metrotik beherako luzera duten ontziak 85,67 euro.
6 metrotik gorako luzera duten ontziak 89,83 euro.
Altxatzeko eta uretaratzeko maniobra lehorrean bermatu gabe egiten bada eta 30 minutu baino gutxiago irauten badu, tarifaren kuotaren zenbatekoak % 50eko hobaria izango du.
Ontzitegi-eremuan egotea:
Lehenengo 15 egunak: 0,2044 euro/m2/egun.
egunetik aurrera: 0,3408 euro/m2/egun.
Matxurak txosten tekniko bidez justifikatzen badira, % 40ko hobaria aplikatuko da egun bakoitzeko, 16. egunetik aurrera.
Ontzitegi-eremuan negualdirako egonaldiak eginez gero (irailaren 1etik apirilaren 30era): 0,2044 euro/m2/egun.
Azalera metro karratutan kalkulatzeko, ontziaren guztizko luzera gehieneko zabaleraz biderkatuko da.
Euskal Autonomia Erkidegoaren eskumeneko porturen batean amarratzeko baimena duten ontzien kasuan, altxatze-eguna eta hurrengoa ez dira zenbatuko ontzitegi-eremuan egoteagatik ezarritako kuota kalkulatzeko.
Beso-garabia erabiltzea, osagarriak (motorrak, mastak eta bestelakoak) altxatzeko eta jaisteko maniobretarako:
Lehenengo ordua edo frakzioa: 56,20 euro.
Hurrengo orduetako bakoitza edo frakzioa: 28,11 euro.
Portuko jabaria atoietarako erabiltzea, ontziarekin edo gabe (ontzitegi-eremutik kanpo):
Egun bakoitza edo frakzioa: 10,00 euro.
Makina hidrogarbitzaile eramangarria erabiltzea:
Modu proportzionalean, erabilitako denboraren arabera, 16,54 euro orduko.
Euskal Autonomia Erkidegoaren eskumeneko porturen batean amarratzeko baimenik ez duten ontzien kasuan, ordu bakoitza edo frakzioa: 19,28 euro.
Fitxen bidez ordaintzen den makina hidrogarbitzailea erabiltzea:
12 minutuko tarte bakoitza: 2,87 euro.
Ontziak xukatzeko edo beste zeregin batzuetarako eskulana erabiltzea:
Ordu bakoitza edo frakzioa: 33,40 euro.
Sehaska-jokoa erabiltzea:
Sehaska txikiak erabiltzen diren egun bakoitza edo frakzioa: 1,36 euro.
Sehaska ertainak erabiltzen diren egun bakoitza edo frakzioa: 2,51 euro.
Sehaska handiak erabiltzen diren egun bakoitza edo frakzioa: 3,65 euro.
Sehaskak negualdirako erabiltzen badira (irailaren 1etik apirilaren 30era), egonaldi eta zenbateko hauen arabera kalkulatuko da kuota:
60 egunera arte: 2,64 euro/egun.
240 egun: 2,11 euro/egun.
Bateriarako tentsio-igogailua erabiltzea:
Zerbitzu bakoitza: 2,96 euro.
Portu barruan ontziak atoian eramatea:
Zerbitzu bakoitza: 43,40 euro.
Arrapala erabiltzea:
Arrapalaren erabilaldi bakoitza: 12,90 euro.
Arrapala 10 aldiz erabiltzeko eskubidea ematen duen abonu bakoitza: 64,46 euro.
Portuko instalazioetara sartzeko txartelaren/giltzaren kopia egitea:
Kopia bakoitza: 23,28 euro.
Hurbiltasun-txartela: 5,0330 euro.
Hurbiltasun-fobak (giltzatakoa): 9,7673 euro.
Ontzitegi-orgak erabiltzea:
1. Bermeoko kirol-portuko ontzitegi-orgak erabiltzea:
Altxatzeagatik, uretaratzeagatik eta lehenengo 24 orduetako egonaldiagatik (bi marea):
Gehienez 50 ETG: 368,50 euro.
50 ETG baino gehiago: 425,48 euro.
Gainera, lehenengo 24 orduetatik aurrera, lehenengo 15 egunak igaro arte, guztizko luzeraren metro lineal bakoitzeko eta egonaldi-egun bakoitzeko: 0,76 euro.
Hamaseigarren egunetik aurrera, guztizko luzeraren metro lineal bakoitzeko eta egonaldi-egun bakoitzeko: 2,29 euro.
Euskal Autonomia Erkidegoaren eskumeneko porturen batean amarratzeko baimenik ez duten ontzien kasuan, honela kalkulatuko da kuota:
Altxatzeagatik, uretaratzeagatik eta lehenengo 24 orduetako egonaldiagatik (bi marea):
Gehienez 50 ETG: 423,78 euro.
50 ETG baino gehiago: 489,30 euro.
Gainera, lehenengo 24 orduetatik aurrera, lehenengo 15 egunak igaro arte, guztizko luzeraren metro lineal bakoitzeko eta egonaldi-egun bakoitzeko: 0,87 euro.
Hamaseigarren egunetik aurrera, guztizko luzeraren metro lineal bakoitzeko eta egonaldi-egun bakoitzeko: 2,29 euro.
Seigarren eta zazpigarren zerrendetako ontziak direnean, kuota hauek ordainduko dituzte egunean, guztizko luzeraren metro lineal bakoitzeko eta egonaldi-egun bakoitzeko:
7 egun: 0,76 euro.
10 egun: 1,14 euro.
egunetik 20. egunera: 2,29 euro.
Matxurak txosten tekniko bidez justifikatzen badira, % 40ko hobaria aplikatuko da egun bakoitzeko, 16. egunetik aurrera.
2. Plentzia eta Armintzako kirol-portuetako ontzitegi-orgak erabiltzea:
Altxatzeagatik, uretaratzeagatik: 12,22 euro, guztizko luzeraren metro lineal bakoitzeko.
Eguneko kuotak, guztizko luzeraren metro lineal bakoitzeko eta egonaldi-egun bakoitzeko:
7 egun: 0,76 euro.
10 egun: 1,14 euro.
egunetik 20. egunera: 2,29 euro.
Matxurak txosten tekniko bidez justifikatzen badira, % 40ko hobaria aplikatuko da egun bakoitzeko, 16. egunetik aurrera.
Kutsaduraren aurkako kita erabiltzea:
Erabilitako kit bakoitza: 100 euro.
Bidaiariei dagokien tarifa.
Tarifa honen zerga-egitatea da bidaiariek instalazio hauek erabiltzea: atrakalekuak, lehorreko sarbideak, zirkulazio-bideak eta portuko beste instalazio finko batzuk.
Subjektu pasibo zergadun solidarioak izango dira itsasontziaren enpresa armadorea eta ontzi-konpainia.
Itsasontzia kontsignatuta badago, ordezko subjektu pasiboa izango da itsasontziaren enpresa kontsignatarioa.
Manu honetan izendatutako ordezko subjektu pasiboak solidarioki behartuta geratuko dira tributu-betebeharretik ondorioztatzen diren prestazio materialak eta formalak betetzera; nolanahi ere, Portuko Administrazioak, lehenengo, emakidaren edo baimenaren titularrarengana jotzea izango du. Ordezko subjektu pasiboak bere betebeharrak konplitu ezean bereziki tarifa ordaindu ezean, Portuko Administrazioak subjektu pasibo zergadunei exijitu ahal izango die betebehar horiek betetzeko.
Tarifaren sortzapena bidaiariak pasatzeko, ontziratzeko, lehorreratzeko edo portutik iragateko operazioak hasten direnean izango da. Likidazioa hilabete bakoitza amaitu ondoren egingo da.
Tarifa honen zerga-oinarria dira bidaiari kopurua, bidaiari modalitatea eta trafiko eta operazio motak.
Hauek dira tarifaren kuotak:
Bidaiari bakoitza (eurotan):
(Ikus .PDF)
Badiako edo tokiko trafikoan, ontziratzean bakarrik ordainduko da kuota.
Lagun bakarrarentzako edo birentzako kabinetako bidaiariei I. blokeko kuota ezarriko zaie; II. blokekoa, hirurentzako edo gehiagorentzako kabinetan edo aretoko besaulkietan doazenei, eta III. blokekoa, berriz, ontzigaineko bidaiariei.
Itsas bidaia turistikoen araubideko bidaiariei aurreko taulako kuota ezarriko zaie, % 30eko murrizketarekin.
Bidaiari kopurua, bidaiari mota edo trafiko mota modu zehaztugabean emanez gero edo ezkutatuz gero, aurreko taulako kuota halako bi ezarriko zaio gaizki aitortutako edo aitortu gabe utzitako partidari.
AZKEN XEDAPENETAKO LEHENENGOA
Tasak edo prezio publikoak ezarriak dituzten zerbitzuak Euskal Autonomia Erkidegoari eskualdatzen zaizkionean, Eusko Jaurlaritzak sei hilabeteko epea izango du, eskualdatze-dekretuak Euskal Herriko Agintaritzaren Aldizkarian argitaratzen diren egunetik hasita, tasa eta prezio publiko horien araubide juridikoa lege honetan ezarritakoari egokitzeko, dagozkion legegintzako ekimenak aurkeztuz.
Harik eta aurreko paragrafoan ezarritakoa betetzeko arauak onartu eta indarrean jarri arte, Euskal Autonomia Erkidegoari eskualdatutako zerbitzuen tasak eta prezio publikoak une horretan indarrean dauden arauen arabera arautuko dira.
AZKEN XEDAPENETAKO BIGARRENA
Baimena ematen zaio Gobernu Kontseiluari testu bategin honetan ezarritakoa garatu eta betearazteko behar diren xedapenak eman ditzan, ogasun-arloko eskumena duen sailburuaren proposamenez.
AZKEN XEDAPENETAKO HIRUGARRENA
Eusko Jaurlaritzak bere web-orrian izango ditu ikusgai, bai Euskal Autonomia Erkidegoko Administrazioaren Tasen eta Prezio Publikoen Legearen testu eguneratua, bai indarrean dauden prezioen informazioa.
Beraz, Lege honi men egiteko eta men eginarazteko agintzen diet, norbanako zein agintari direla, Euskadiko herritar guztiei.
Vitoria-Gasteiz, 2025eko martxoaren 31.
Lehendakaria,
IMANOL PRADALES GIL.
(Ikus .PDF)
Gaiarekin lotutako edukiak
Arauaren historia (3)
- Ikus: HUTS-ZUZENKETA, honako Legegintzako Dekretu honen huts-zuzenketarena: 1/2025 Legegintzako Dekretua, martxoaren 20koa, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzekoa.
- Zuzendutakoa: HUTS-ZUZENKETA, Legegintzako Dekretu honena: 1/2025 Legegintzako Dekretua, martxoaren 20koa, Euskal Autonomia Erkidegoko Administrazioaren Tasen eta Prezio Publikoen Legearen testu bategina onartzekoa.
- Indargabetzen du: 1/2007 LEGEGINTZAKO DEKRETUA, irailaren 11koa, Euskal Autonomia Erkidegoko Administrazioaren Tasa eta Prezio Publikoei Buruzko Legearen testu bategina onartzeko dena.