Arauaren xedea da kanal elektronikoa ezartzea Karrera Judizialera, Fiskalera eta Justizia Administrazioko Letraduen Kidegora sartzeko prestatzeko laguntzen prozedurarako.

Laguntzak eskatzen dituzten pertsonak behartuta daude harremanak bitarteko elektronikoen bidez izatera, eta bitarteko horiek erabili beharko dituzte prozeduraren fase eta izapide guztietan, eskabidea, dokumentuen aurkezpena, komunikazio eta jakinarazpenak barne.

Prozedura honetako izapide guztiak egiteko, kontsultatzeko eta eskaerak egiteko, interesdunek baliabide elektronikoak erabiliko dituzte.

Helbide honetan eskuratu daitezke Euskal Autonomia Erkidegoko Administrazio Publikoaren egoitza elektronikoan onartutako identifikazio eta sinadura elektronikorako bitartekoak: https://www.euskadi.eus/ziurtagiri-elektronikoak

Laguntza hauek izapidetzeko bitarteko elektronikoak erabiltzeko beharra Administrazio Publikoen Administrazio Prozedura Erkidearen urriaren 1eko 39/2015 Legean, Sektore Publikoaren Araubide Juridikoaren urriaren 1eko 40/2015 Legean eta izapidetze elektronikoari buruz indarrean dagoen gainerako araudian dago araututa.

Prozeduraren fitxa eta sarbidea Euskal Autonomia Erkidegoko Administrazio Publikoaren egoitza elektronikoan argitaratuko dira, helbide honetan: https://www.euskadi.eus/servicios/xxxxx (prozeduraren kodea). Bertan, hauek egongo dira eskuragarri:

Prozedura izapidetzeko jarraibideak.

Eskaera ebazteko epeari eta Administrazioaren isiltasunaren ondorioei buruzko informazioa.

Eskabidea betetzeko jarraibideak, eta harekin batera aurkeztu beharreko dokumentazioa.

Prozedurako betekizunen eta egiaztatzeko moduaren inguruko informazio eguneratua, administrazio publikoen arteko kontsulta-sistemen bidez lortzeko aukera eta interesdunaren erantzukizunpeko adierazpena barne.

Prozeduran egin daitezkeen izapide guztiak.

Prozeduran erabil litezkeen eredu eta inprimaki normalizatu guztiak (eskabide-inprimakia, erantzukizunpeko adierazpena, ordezkaritza eskuordetzeko dokumentua...), Euskal Autonomia Erkidegoko Administrazioaren izapidetze elektronikorako plataforma komunean dauden inprimakietan oinarrituta, behar bezala normalizatuta, hizkera argian eta irakurketa errazerako idatzita, Euskal Autonomia Erkidegoko bi hizkuntza ofizialetan, eta sektore publikoko webguneen eta gailu mugikorretarako aplikazioen irisgarritasunari buruzko araudian aurreikusitako irisgarritasun-betekizunak beteta.

Ordezkari baten bidez ere egin daitezke izapideak elektronikoki, eta, horretarako, ordezkaritza Euskal Autonomia Erkidegoko Administrazio Publikoaren ahalordeen erregistro elektronikoan inskribatuko da, helbide honetan: https://www.euskadi.eus/representantes

Entitate pertsonek ez dituzte berriro aurkeztu behar izango dagoeneko administrazio publikoen esku dauden dokumentuak eta informazioa. Horretarako, eskabide-ereduan honako aukera hau jasoko da: pertsonak berariaz onartzea ezarritako betekizunak egiaztatzen dituzten datuak edo agiriak administrazio publikoen datuak trukatzeko plataformen bidez lortzea edo egiaztatzea, ahaztu gabe Administrazio Publikoak dituen egiaztatze-, kontrolatze- eta ikuskatze-ahalmenak.

Eskatzailearen betebeharrak bete direla erantzukizunpeko adierazpen bidez eskabideari erantsita egiaztatu ahal izango da, azaroaren 11ko 1/1997 Legegintzako Dekretuaren testu bategina aplikatuta.

Eskaeraren ondoko izapideak, jakinarazpenak barne, bitarteko elektronikoen bidez egingo dira, Euskal Autonomia Erkidegoko Administrazio Publikoaren egoitza elektronikoko «Nire karpeta» atalean: https://www.euskadi.eus/nirekarpeta. Bertan, interesdunek edozein unetan kontsultatu ahal izango dute beren espedientea.

Jakinarazpen sistemak aukera emango du egiaztatzeko zer egun eta ordutan jartzen den jakinarazpenaren xede den egintza entitate interesdunaren eskura edo, hala badagokio, baimendutako pertsonaren eskura, bai eta zer egun eta ordutan ikusi den edukia ere, une horretatik aurrera joko dela egintzat jakinarazpena. Interesdunaren eskura utzi eta, hamar egun natural igarota, ez baldin bada edukira sartu, jakinarazpena atzera bota dela ondorioztatuko da. Izapidea egintzat joko da, eta prozedurak aurrera jarraituko du, non eta ez den garbi geratzen, ofizioz edo interesdunak eskaturik, teknikoki ezinezkoa izan zaiola edukira sartzea.

Gainera, hala dagokionean, jakinarazpena argitalpen bidez egin ahal izango da, Euskal Herriko Agintaritzaren Aldizkarian zein egoitza elektronikoko Iragarki Taula Elektronikoan (https://www.euskadi.eus/iragarki-taula-elektronikoa).

Abisu bakarra bidali ahal izango da interesdunak eman duen gailu elektronikora edo posta elektronikoko helbidera, egoitza elektronikoan jakinarazpen bat duela adierazteko. Abisua bidaltzen ez bada ere informatiboa izango baita soil-soilik, jakinarazpena guztiz baliozkoa izango da.

Emate-ebazpena elektronikoki jakinaraziko da, hargatik eragotzi gabe Euskal Herriko Agintaritzaren Aldizkarian ere argitaratzea, jendeak horren berri izan dezan, Administrazio Publikoen Administrazio Prozedura Erkidearen urriaren 1eko 39/2015 Legearen 41. eta 45. artikuluetan ezarritakoaren arabera.

Administrazioak dirulaguntzak ordaindu ahal izateko, pertsona onuradunak Eusko Jaurlaritzaren dagokion datu-basean jasota egon beharko du.

Alta eman edo hirugarren interesduneko zure datuak aldatzeko, Eusko Jaurlaritzak emandako hirugarrenentzako erregistro telematikora jo beharko da, honako helbide honetan: https://www.euskadi.eus/altaterceros