Bilbao Bizkaia Ur Partzuergoak, «Ubideko udal-mugarteko lehen mailako saneamendu-sarea berritzea» proiektuaren espedientea formalki onartu eta gero, proiektua gauzatzeko lur guztiak erabiltzeko beharra adierazi zuen.

2021eko martxoaren 30ean, Bilbao Bizkaia Ur Partzuergoak nahitaezko desjabetze-espedientea hastea eta ondasunen eta eskubideen zerrenda jendaurrean jartzea erabaki zuen, hamabost eguneko epean, prentsan eta 2021eko maiatzaren 5eko Bizkaiko Aldizkari Ofizialean (83. zk.). Geroago, 2021eko azaroaren 30ean egindako bilkuran, Bilbao Bizkaia Ur Partzuergoak Eusko Jaurlaritzari proiektuak eragiten dituen eskubideak eta ondasunak okupatzeko urgentziaren adierazpena eskatzea erabaki zuen, Nahitaezko Desjabetzearen Legearen 52. artikuluan ezarritakoa betetzeko.

Urgentziaz okupatu beharreko ondasunak eta eskubideak zehaztuta eta banakatuta agertzen dira espedientean jasotako zerrendan, identifikazioak egiteko datu askirekin agertu ere. Zerrenda hori jendaurrean jarri zen egoki zenean, eta ez zen alegaziorik aurkeztu, administrazio-espedientean adierazten denez.

Zerbitzu teknikoek ikusi dutenez, ez dago espedientea izapidetzeko inolako hirigintza-oztoporik.

Ondasun eta eskubide horiek okupatzea luzaezintzat jotzen da, honako arrazoi hauengatik:

Estankotasun arazoak ditu Ubideko lehen mailako saneamendu-sareko kolektoreak (horrek hondakin-urak Ubideko HUAraino eramaten ditu). Bestalde, kolektore horren hainbat zati ibaiaren jabari publiko hidraulikoaren zortasun-eremuaren barruan daude.

Egoera horretan atzeman da saneamendu-sarera ur parasito asko sartu dela. Horrek eragin du isurketa-baldintzak ez-betetzea Ubideko HUAtik Undabe ibaira egiten diren isurketetan.

Proiektuak jasotzen dituen lanak eginez, egoera hori konponduko da, eta Undabe ibaira egiten diren isurketa desegokiak ezabatuko dira.

Euskal Autonomia Erkidegoko Lurralde Antolamenduari buruzko maiatzaren 31ko 4/1990 Legearen 26.1.f artikuluan xedatzen denez, Eusko Jaurlaritzari dagokio nahitaez desjabetu beharreko ondasunak eta eskubideak urgentziaz okupatu behar direla deklaratzea, nahitaezko desjabetzeak honako hauek hartzen dituenean: burutze-unitate osoak, lurraldearen hirigintza-antolaketari dagozkion sistema orokorrak edo antolaketa horren elementuren bat eta hiri-lurzoruan egin beharreko banakako jarduketak. Goian aipatutako lege horrek 26.2 artikuluan ezarritakoaren arabera, lurralde-antolamenduaren eskumenak dituen sailburuari zegokion horretarako proposamena aurkeztea Gobernu Kontseiluari.

Hori dela eta, Lurralde Plangintza, Etxebizitza eta Garraioetako sailburuak proposaturik, Gobernu Kontseiluak, 2022ko otsailaren 15eko bilkuran gaia aztertu ondoren, honako hau