Euskadiko Autonomia Estatutuko 16. artikuluan xedaturik dagoenez, eta Konstituzioko lehen xedapen gehigarrian agindurik dagoena bete beharrez, irakaskuntza autonomia-erkidegoaren eskuetan dago bere luze-zabal betean, maila eta gradu guztietan, mota eta espezialitate guztietan, nahiz eta Konstituzioko 27. artikulua eta haren garapeneko lege organikoak ere hortxe egon, eta 149.1.30 artikuluak Estatuari uzten dizkion ahalmenak ere hortxe egon.

Gorte Nagusiek abenduaren 21eko 6/2001 Lege Organikoa onartu ondoren, Universidad del País Vasco / Euskal Herriko Unibertsitateak bere estatutu berriak egin ditu, aldi baterako bigarren xedapenean aurreikusita dagoenaren arabera. Orain, berriz, Eusko Jaurlaritzak onartu behar ditu, aurretiazko legezkotasun-kontrola gainditu ondoren, hala egin behar dela baitago xedaturik abenduaren 21eko 6/2001 Lege Organiko horretako 6.2 artikuluan.

Abenduaren 21eko 6/2001 Lege Organikoa onartu ondoren, gaur arte, autonomia-erkidegoko erakundeek ez dituzte unibertsitateari buruzko beren aginpideak garatu. Unibertsitatea Antolatzeko Euskal Legearen egitasmoa, ordea, hasia da legebiltzarrean aurrera egiten. Eta, laster barru, beste hainbat erregelamenduzko xedapen autonomiko agertuko da, lan-legepean kontrataturiko unibertsitateko irakasleei buruz esate baterako. Hori horrela izanik, bihar-etziko arau autonomikoen aurreikuspenak denean eta beti errespetatu beharra dauzkate Universidad del País Vasco / Euskal Herriko Unibertsitateko estatutuek, eta edukia haietara egokitu beharra daukate.

Eta, honenbestez, Universidad del País Vasco / Euskal Herriko Unibertsitateko klaustroak eginiko estatutuek indarrean dagoen legea betetzen ote duten aztertu ondoren, Gobernu Kontseiluak abenduaren 23ko bileran onartu ondoren eta Hezkuntza, Unibertsitate eta Ikerketa sailburuak hala proposaturik, hauxe