Ekoizpen Ekologikoa

Kontrol eta Egiaztapenerako Erakundea

Kudeaketa eta kontrol lanak Euskadiko Nekazaritza eta Elikadura Ekologikoaren Kontseiluak -ENEEK burutzen ditu. Kontseiluak 2009ko urtarrilaren 1etik aurrera  erabateko eskumena du bere eginkizunak betetzeko.  Kontseiluak Euskadiko Nekazaritza eta Elikadura Ekologikoaren 10/2006 Legea, abenduaren 29koa, ematen dizkion eskumenak garatu egiten ditu, eta horien artean ondoko hauexek aipatu daitezke, besteak beste:

• Operadoreen Erregistroa kudeatzea.
• Nekazaritzako produktu eta elikagai ekologikoak kontrolatu eta egiaztatzea, eta, horretarako, UNE-EN 45011 arauan zehaztutako betekizunak bete beharko ditu.
• Nekazaritzako eta elikadurako produktu ekologikoak kontsumitzea eta horien berri ematea sustatzea.
• Zehatzeko ahala gauzatzea, lege honetan aurreikusitako baldintzen arabera.
• Nekazaritzaren arloko eskumenak dituen Euskal Autonomia Erkidegoko Administrazio Orokorreko Sailari nekazaritzako ekoizpen ekologikoaren arau teknikoen multzoa eta barne-erregimeneko erregelamendua proposatzea, nekazaritzako ekoizpen ekologikoaren arau teknikoetan argitaratzeko.
• Ekoizpen ekologikoko sistemen ezagutza eta aplikazioa jakinaraztea, baita ekoizpen ekologikoaren bidez lortzen diren produktuena ere.
• Nekazaritzaren arloko eskumenak dituen Euskal Autonomia Erkidegoko Administrazio Orokorreko Sailari produktuak ekoitzi, landu, biltegiratu, merkaturatu edo beste herrialde batzuetatik inportatzearen inguruan sortzen diren aldaketen berri ematea.
• Kontseiluko kide bihurtzen diren operadoreek urtero ordaindu beharko duten kuota zehaztea.

ENEEK - Euskadiko Nekazaritza eta Elikadura Ekologikoaren Kontseilua

Jauregibarria auzoa 4, 1 solairua
48340 Amorebieta-Etxano. Bizkaia
Tfnoa: 946 27 15 94
Mail: info@eneek.eus