POWER QUERY Y POWER PIVOT EN EXCEL (2025/35/10/1)

Mailan aurrera egin ahal izateko, oinarrizko maila gainditua izatea ezinbestekoa da.

• Oinarrizko maila: Power query y power pivot en excel
• Maila aurreratua: Power query y power pivot en excel. Avanzado.
• Prestakuntza gehigarria: Power BI

Helburu orokorrak

• Excel-en taula dinamikoak sortzen ikastea.
• Hainbat datu-jatorritatik abiatuta, datuak kargatzeko eta taula bateko edo batzuetako datu-ereduak sortzeko Power Pivot-en erabileran trebatzea.
• Microsoft Power Queryren bidez egin beharreko eragiketak menderatzen jakitea, datuak sendotu, garbitu eta eraldatzeko.
• Kalkuluak egiteko DAX funtzio nagusiak ezagutzea.
• Power Pivot eta Power Query menderatzen ikastea, datuen analisia egiteko

Helburu zehatzak

Exceleko datuen tratamendurako prozedurak optimizatzea eta automatizatzea, datuen analisirako Exceleko osagarrien bidez: Power Pivot eta Power Query.

Gaitasunak

Prestakuntza-ekintza amaitzean, ikaslea gai izango da:

• Hainbat datu-jatorriren karga automatizatzeko (Excel, Csv, testu-fitxategiak, Web, Access, etab.).
• Kalkulu-orri batzuetako edo zenbait fitxategitako informazioa finkatzeko.
• Datuak garbitzeko eragiketak egitea (errenkada eta zutabe hutsak ezabatzea, balioak ordezkatzea, beharrezkoak ez diren datuak ezabatzea, etab.).
• Formatu egokiak aplikatzeko eta datuak eraldatzeko eragiketak egiteko.
• Datu-eredua taula batekin edo gehiagorekin sortu, eta taulen artean erlazioak sortzeko. Ereduaren datuak taula eta grafiko dinamikoetan islatzeko.
• Datu-eredua aberastea, neurriak, kalkulatutako zutabeak eta Kpis sortuz. DAX funtzio nagusiak maneiatzeko.

1. Taula dinamikoen diseinua

• Taula dinamikoa sortzea.
• Segmentazioak
• Denbora-eskalak.

2. Microsoft Power Query

• Sarrera
• Power Queryren interfazea.
• Excel fitxategi batetik datuak inportatzea.
• Datuak kargatzea.
• Testu-fitxategi batetik datuak inportatzea.
• Datuak garbitzeko eta ordenatzeko eragiketak.
• Exceleko hainbat fitxategitako datuak kontsolidatzea.
• Web orri batetik datuak inportatzea.
• Hainbat taulatako datuak konbinatu.
• Erantsi zenbait taulatako datuak.
• Fitxategi ugari, aldi berean, inportatu eta konbinatzea.
• Datuen normalizazioa (datuen transposizioa, dinamizazioa, etab.).
• Datuak taldekatuz, laburtzea.
• Baldintzazko zutabeak eta zutabe pertsonalizatuak sortzea.
• Daten taulak sortu

3. Microsoft Power Pivot

• Sarrera
• Datu-ereduaren kontzeptua: Izar eredua.
• Datu-eredua sortzea.
• Taulen arteko erlazioak.
• Zutabeak eta neurriak sortzea.
• Sortu KPIak.
• Datu-eredua taula dinamikoen bidez aztertzea.

4. DAX (Data Analysis Expressions)

• Sarrera
• Funtzio matematikoak.
• Agregazio-funtzioak.
• Agregazio-funtzioak X atzizkiarekin.
• Ebaluazio-testuinguruak: errenkadaren testuingurua eta iragazkiaren testuingurua.
• Iragazki-funtzioak.
• Daten taula edo egutegia sortzea.
• Denbora-adimenaren funtzioak.

Metodologia

Azalpen teorikoak ariketa praktikoekin uztartuko dira.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Ikastaroan egindako kasu praktikoen antzeko hiru ariketa praktiko burutuko dira. Ebaluaketa gainditzeko gutxienez 10 puntutik 6koa lortu beharko dira.

• 1. ariketa: 2 puntu balio ditu. Gainditzeko puntu 1 lortu beharko da. Burutzeko 30 minutuko tartea izango da.
• 2. ariketa: 4 puntu balio ditu. Gainditzeko gutxienez 2,5 puntu lortu beharko dira.
• 3. ariketa: 4 puntu balio ditu. Gainditzeko gutxienez 2,5 puntu lortu beharko dira. Osatzeko ordubeteko tartea izango da.

Adibidea: Emandako datu-basetik abiatuta, kargatu datuak Power query erabiliz, eta dagokion ustiapena egin, horien urteko sailkapena lortzeko.

Ebaluazioa gainditzeko hiru ariketak gainditu behar dira.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintza Teknikoak

• Ikasle bakoitzak bere erabiltzailea eta pasahitza ikastarora eramatea ezinbestekoa da. Ezagutzen ez badu ELZra deitu.
• Ikastaroko lehen egunean, ikastaroa hasi baino 20 minutu lehenago bertaratu behar da ordenagailua behar bezala martxan jartzeko.
• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus