Konputazio Kuantikotik Segurtasunera ekitaldian.

Iratxe Martin gure lankideak "Aro aurrekuantikotik aro postkuantikorako trantsizioaren premia. Benetan beharrezkoa da? Prest al gaude?" mahai inguruan parte hartu zuen Donostian ospatutako Konputazio Kuantikotik Segurtasunera ekitaldian.

Maria Penilla (ZIUR), Lorenzo Díaz de Apodaca (Cybertix) adituekin eta Alvaro Fraile (Ayesa) moderatzailearekin batera, konputazio kuantikoak zibersegurtasunaren arloan planteatzen dituen erronkak eta aukerak aztertu ziren.

Bere hitzaldian, Iratxek arriskuei aurrea hartzearen eta jarduteko mehatxua gauzatu arte ez itxarotearen beharra nabarmendu zuen. Azpimarratu zuenez, kriptografia post-kuantikorako trantsizioa ez da software- eta hardware-fabrikatzaileen erantzukizuna soilik, erakunde bakoitzak bere zatia hartu beharra du prozesuan ere. Funtsezko ekintzen artean, hauek nabarmendu zituen: datu sentikorrak identifikatzea, sistemen ahultasuna ebaluatzea, migrazio-estrategiak diseinatzea, kostuak eta baliabideak aztertzea, eta hornitzaileekin lankidetzan aritzea kriptografia post-kuantikorako trantsizio eraginkorra ziurtatzeko.

Azken batean, ondorioa argia izan zen: segurtasun post-kuantikoa ez da etorkizuneko aukera bat, oraingo beharra baizik.