Jardunaldi berezia martxoaren 21 Arrazakeriaren Aurkako Nazioarteko Egunaren harira

Bilboko Udalak Arrazakeriaren Aurkako Nazioarteko Eguna ospatuko du hainbat ekimenekin, herritarrak sentsibilizatzeko eta arrazismoaren aurkako borrokan duen konpromisoa berresteko, aldi berean hiriaren kultura-aniztasuna sustatuz.

Jardunaldi berezia Bilborocken – Martxoak 24

Ospakizun honen baitan, martxoaren 24an, astelehena, Bilborock-en (18:00-20:00) arrazakeriaren aurkako jardunaldi berezi bat egingo da, Bilboko Udalaren zurrumurruen aurkako estrategiaren barruan.

• Bakarrizketa “Yo no soy racista, pero… Manzanas traigo” – Aitor Vinagretek umorearen eta ironiaren bidez aurreiritziak eta eguneroko mikroarrazismoak jorratuko dituen antzezlan batekin emango dio hasiera jardunaldiari.
• Tokiko ekimenak arrazakeria eta diskriminazioa prebenitzeko:
  • Arrazakeriaren aurkako VI. Eskola: birtualetik presentzialera (Mamadou Ngom – Munduko Medikuak).
  • Ongi Etorri Zinema proiektua (Txus Blanco – Hika Ateneo eta Ongi Etorri Errefuxiatuak).
  • Zurrumurruen aurkako Estrategia (Ane Lezama – AMEKADI).
  • Red Era Berean – Arrazakeriaren aurkako euskal sarea (Mayra Colado García – CITE-CCOO).
• “Arrazakeriaren aurka ahalduntzeko gazteentzako eskola” aurkezpena, Immigrazioaren Tokiko Kontseiluko Gazte Taldearen eskutik.
• Publikoarekin elkarrizketa irekia jardunaldiari amaiera emateko.

DAMBA Festibala – Martxoak 22

Larunbatean, martxoaren 22an, Bilborock-en DAMBA Festival ospatuko da. Jaialdi honek kultura-aniztasuna ospatu eta musikaren bidez arrazakeriaren aurkako borrokaren balioa nabarmentzen du.

Artista nagusiak: Awa Fall, Novato, Titica, Havana 537, DJ Slimdate, KlassJ Gold, Novisi Percussion, African Vibes, Encuentro Latino eta Thierno Diedhiou.

“Kultura Aniztasuna eta Ahalduntzea / Culture Diversity and Empowerment” lelopean, jaialdiak komunitate desberdinen adierazpen artistikoak ikusarazi eta kulturen arteko topaguneak sustatuko ditu.