Izenburua: Tratu-berdintasunari eta diskriminaziorik ezari buruzko IV. Euskal Kongresua

Urriaren 16an eta 17an egingo da Tratu-berdintasunari eta diskriminaziorik ezari buruzko IV. Euskal Kongresua. Topaketaren ardatza izango dira diskriminazioaren aurkako borrokan aurrera egiteko estrategiak eta pertsona guztien eskubideen kultura indartzea, bereziki historikoki diskriminatuak izan diren taldeak babesteko.

Kongresuaren helburu nagusia da ezagutza- eta esperientzia-trukea sustatzea, tratu-berdintasunean eta diskriminazioaren aurka aurrera egiteko. Giza eskubideen aitortzan eta babeseran atzerapausoak gertatzen ari diren testuinguruan, babes-egoeraren azterketa aurkeztuko da eta, aldi berean, azken urteetako aurrerapausoak identifikatuko dira.

Programak hainbat saio biltzen ditu: egungo testuinguruko babes-neurriak, araudi antidiscriminatorioen arteko loturak eta auzibide estrategikoa; sare sozialetako kontranarratibak; diskriminazioaren eta gorroto-delituen biktimei arreta emateko ereduak; ikerketa akademikoaren ekarpenak; intersekzionalitatea; eta adimen artifizialaren rola diskriminazioaren kontrako borrokan. Erlijio-arrazoiengatik ematen den diskriminazioaren aurkako ekarpenak ere landuko dira.

Irekiera instituzionala Eusko Jaurlaritzako arduradunek egingo dute, eta Kongresuak eragile instituzional, akademiko, juridiko eta sozialak zein herritar konprometituak elkartuko ditu. Egituran, akreditazioak, mahai-inguru tematikoak eta atsedenaldietako harreman-guneak aurreikusten dira.