DESARROLLO DEL BIENESTAR:CUERPO, MENTE Y COMUNICACIÓN (2025/24/1/2)

Mailan aurrera egin ahal izateko, aurreko mailan adierazitako ikastaroetako bat gainditua izatea ezinbestekoa da.

• Oinarrizko maila: Metodologías saludables, para el bienestar: herramientas para la gestión de las relaciones interpersonales / Mindfulness / Adimen emozionala
• Maila aurreratua: DESARROLLO DEL BIENESTAR: CUERPO, MENTE Y COMUNICACIÓN

Helburu orokorrak

• Ongizateari eta autozainketari dagokienez, garunaren funtzionamenduari buruzko ezagutza bereganatzea.
• Kontzientzia emozionala garatzea, komunikazioan arautzeko.

Helburu zehatzak

• Garunaren funtzionamenduaren oinarrizko mekanismoak eta horien aplikazioa ezagutzea.
• Autozainketa ongizaterako oinarri gisa ulertzea.
• Narratiben eraikuntzan malgutasun kognitiboa zabaltzea.
• Komunikazioaz jabetzea egoera txarretan.

Gaitasunak

Prestakuntza-ekintza amaitzean, ikaslea gai izango da:

• Erregulazio emozionaleko mekanismoak aplikatzea.
• Erantzun fisiologikoak identifikatzea eta erreakzio mentalak erregulatzea.
• Gorputz-mailan, maila kognitiboan eta komunikatiboan jarrera malgua sortzea.
• Ongizatea aldatzen duten elementu estresatzaileak identifikatzea.
• Komunikazioa hobetzea ongizateari eragiten dioten egoeretan.
• Ongizatea garatzeko teknikak praktikatzea, gorputzaren, adimenaren eta komunikazioaren mailan

1. MODULUA: NEUROZIENTZIAREN EKARPENAK ONGIZATERAKO

1. Ongizatea ulertzeko oinarrizko kontzeptuak.
2. Zer leku du burmuinak ongizatea lortzeko?.
3. Emozioak eta horiek gorputzean, buruan eta komunikazioan duten agerpena identifikatzea.
4. Ongizatearen mailak: fisikoa, ingurumenekoa, emozionala, mentala, espirituala eta soziala.

2. MODULUA: GORPUTZAREN ONGIZATEA

1. Ongizatea lortzeko kanpoko eta barruko informazio-iturriak.
2. Ongizate fisikoa: elikadura, jarduera fisikoa eta atsedena.
3. Gorputzaren errekuperazioa: arnasketa, isiltasuna eta loa.
4. Ingurumen-ongizatea: inguruneak osasunean duen eragina.

3. MODULUA: ONGIZATEA BURUAN

1. Ongizate kognitiboa hobetzeko distortsioak hautematea eta identifikatzea.
2. Arreta garatzea eta narratibak eraikitzea.
3. Estresa kudeatzeko malgutasun kognitiboa praktikatzea.
4. Ongizate espirituala: bizi-asmoa, kidetza eta koherentzia.

4. MODULUA: ONGIZATEA KOMUNIKAZIOAN

1. Ongizatea definitzen duen hizkuntzaren identifikazioa.
2. Gatazken aurrean barne-elkarrizketa osasuntsua aktibatzea.
3. Komunikazio-malgutasuna garatzea testuinguruaren arabera (pertsona barrukoa, pertsona artekoa eta soziala).
4. Gizarte-Ongizatea garatzeko komunikazio-praktikak.

Metodologia

Metodologia praktikoa eta esperientziala da. "Metodologías Saludables para el Bienestar" ikastaroan eskuratutako ezagutzatik abiatzen da, ikaskuntza praktikoaren bidez sakontzen jarraitzeko, aldaketa pertsonala erraztuko duen kontzientzia areagotzeko. Simulazio-teknikak aplikatzen dira, pertsonen arteko egoerak irudikatzeko, eman daitezkeen erantzun posibleetan aldaketak lantze-aldera erabateko konfidentzialtasun testuinguruan. Ikasgelan ikasitakoa praktikan jartzera bideratzen da, eta norberaren lanarekin osatzen da.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Bi fase.

1. fasea: Aurrez aurreko saio bakoitzari dagozkion lau zeregin osagarriak egitea eta entregatzea (urriak 9,10,16,17). Zeregin horiek aurrez aurreko saioaren egun bereko 19:00ak baino lehen (urriak 9,10,16,17) entregatu beharko dira, posta elektronikoz, irakasleak emandako helbidera.

2. fasea: Azken saioan zehar, azken ebaluazioa gisa, egoera jakin batetik abiatzen den proba idatzia (praktikoa) egingo da. Erantzun laburreko bost galdera egingo dira, ikastaroan zehar landutako kontzeptuekin lotuta. 20 minutu inguru izango dira hori betetzeko. Proba gainditzeko, 10 puntutik 7 lortu behar dira. Adibidea:

• Estresaren kudeaketa erraztuko duen arnasketa mota bat deskribatu.
• Aukeratu lan-ingurunean bi joera kognitibo aplikatzen diren egoera bat, bata positiboa eta bestea negatiboa.

Aprobetxamendu-proba gainditzeko, 4 zereginak (1. fasea) eta proba-idatzia (2. fasea) gainditu behar dira.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintzak

Aurrez aurreko 4 saio egingo dira (bakoitza hiru ordu eta erdikoa), eta saio bakoitzari lotuak, ariketa edo lan batzuk bete beharko dira, zeinak ordu eta erdiko lan pertsonal gisa baloratuko diren. Lan pertsonalari dagokion denbora hori ikastaroaren 20 orduak borobiltzeko erabiltzearen helburua, saio presentzial bakoitzean eskuratutako ezagutzak praktikaren bidez barneratzea da. Xehetasunak ebaluaketa atalean.

Baldintza teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Kontaktua

prestakuntza@ivap.eus