Helburu orokorrak

Zabortegi baten diseinuari, eraikuntzari, ustiapenari, araudiari, zaintzari eta kontrolari buruzko alderdien ezagutza nahikoa lortzea, aurrerapen teknikora egokitzen den ebaluatzeko.

Helburu zehatzak

• Zabortegiei aplikatzen zaien araudi sektorialaren alderdi garrantzitsuenak eta berritzaileenak identifikatzea.
• Zabortegien diseinuaren eta eraikuntzaren arloko teknika erabilgarri onenak deskribatzea.
• Zabortegien ustiapenean dauden praktikarik onenak ezagutzea (Enhanced Landfill Management).
• Gure zabortegien egoera aurrerapen teknikoen arabera ebaluatzea: arrakasta-egoerak eta ikasitako ikasgaiak partekatzea.
• Ingurumena Zaintzeko Planen ebaluazioa errazteko irizpideak ematea.
• Zabortegien integrazioa ekonomia zirkularrean sustatzea

Gaitasunak

Prestakuntza ekintza amaitzean ikaslea gai izango da:

• Zabortegiei dagokien araudia eta haren aginduak aplikatzeko.
• Zabortegi bat aurrerapen teknikora zenbateraino egokitzen den identifikatzeko.
• Ingurumena babesteko ezarritako neurrien nahikotasuna ebaluatzeko.
• Ingurumena Zaintzeko Planen egokitasuna ebaluatzeko.
• Hobekuntza-puntuak ezarri eta proposatzeko.

• Zabortegien ingeniaritza. Lur-mugimenduak. Kudeaketa aurreratuaren kontzeptuak. Zabortegietako meatzaritza. Zabortegiak eta jasangarritasuna.
• Ustiapen-plana. Isurketa-ontziak gauzatzea: gelaxkak eta faseak. Eraikuntza-irizpideak: hondakinak isurtzea, zabaltzea eta trinkotzea. Euste-elementuak. Hondakin-masaren egonkortasuna.
• Iragazgaizte-sistemak. Diseinu-alderdiak. Material naturalak, agregakin balorizatuak eta geosintetikoak: ezaugarri teknikoak, erabilerak, patologiak. TEO, aplikazioak, patologiak.
• Ur garbiak, grisak, lixibiatuak eta gasak biltzeko eta drainatzeko sistemak diseinatzea. Tratamendu- eta kudeaketa-aukerak.
• Diseinua eta exekuzioa. Aldi baterako zigilatzeak vs. behin betikoak. Zigilatze-soluzioaren egonkortasuna. Itxi ondorengo erabilerak.
• Ingurumena Zaintzeko Planeko elementuen diseinua: azaleko urak, lurpeko urak, balantze hidrikoa, zabortegiko gasak eta egonkortasunaren kontrola. Itxi ondorengo aldia mantentzea eta amaitzea.

Metodologia

Saio bakoitza 2 orduko 2 zatitan banatua dago. Tartean 30 minutuko (coffee-break) atsedena izango da (ez dira ikastaro-ordutzat hartuko). Saioak dinamikoak izango dira, horretarako azalpen teorikoak benetako egoerekin uztartuko dira, baita eztabaida eta ikasleen partehartzea ere bultzako da.

Azken saioa zabortegi batera bisita egiteko gordeko da, non gelan landutako kontzeptuak identifikatuko diren.

Ikastaroa hasi aurreko egunetan, ikasleen artean galdetegi bat zabalduko da horien interesak, motibazioak eta ezagutza maila ezagutzeko asmoz.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: 5. saioan zehar 15 galderez osatutako galdetegia burutuko da. Berau osatzeko 15 minutuko tartea izango da eta galdera okerrak ez dira zigortuko. Proba gainditzeko 10 puntutik gutxienez 6 lortu beharko dira. Adibidez: Zabortegi bat zigilatzeko soluzioak, araudiaren arabera, gutxienez estaldura artifizial iragazgaitz bat izan behar du (dentsitate handiko polietilenozko geomintza)?

1. Bai, beti eta nahitaez.
2. Bai, bat gutxienez, eta bi badira hobe.
3. Zigilatze-soluzioaren barruan geomintza eraman dezake edo ez eraman. Klimatologiaren, hondakin motaren eta kokalekuaren baldintzen araberakoa izango da.
4. Zabortegiak ez dira inoiz HDPE geomintzekin zigilatu behar.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintzak

Atsedenaren 30 minutu gehigarriak ez dira ziurtatuko

Zabortegira bisita egiten den egunean (azaroak 13), bertaratze-ziurtagiriak emango dira joan-etorriari dagokion denbora justifikatzeko. Jatorria Lakua izango da beti, eta helmuga, berriz, zabortegia (Lakua-zabortegia-Lakua joan-etorria gehi bisitari dagokion denbora). Bertaratze-egiaztagiriak egingo dira saioko bertaratze-dokumentua kontuan hartuta. Bisitarako ezarritako denbora ikastaroko 2 ordu gisa zenbatzen da.

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus