• Bitarteko maila: Fitxa honen xede den ikastaroa.
• Maila aurreratua: Konpetentzia digitala: 3.3 Egile-eskubideak eta jabetza intelektualeko lizentziak. Maila aurreratua

Maila aurreratuan matrikulatzeko, ezinbestekoa da bitarteko maila gainditu izana.

Helburu orokorrak
Egile-eskubideak eta jabetza intelektualeko lizentziak dituzten eduki digitalak bereizten ikastea eta norberak sortutako lan digitaletarako Creative Commons lizentziak sortzen ikastea.

Konpetentziak
Prestakuntza-ekintza amaitzean, ikaslea gai izango da:

• Ingurune digitalean egile-eskubideen garrantzia ulertzea eta, era berean, egile-eskubideak eta lizentziak datuei, informazioari eta eduki digitalei nola aplikatzen zaizkien ulertzea.
• Copyright, Copyleft eta Creative Commons lizentzien artean bereiztea.
• Egile-eskubideei eta lizentziei buruzko araudiari buruzko informazioa aurkitzea.
• Creative Commons lizentziak sortzea norberak sortutako lan digitaletarako.

I. MODULUA: JABETZA INTELEKTUALA ETA EGILE-ESKUBIDEA

1. Jabetza Intelektuala
2. Egile-eskubideak

• Ondare-eskubideak eta eskubide moralak
• Obra babestuak erabiltzea
• Babestutako obren motak
• Babestu gabeko obrak
• Egile-eskubideen urraketa
• Zehapenak eta zigorrak

II. MODULUA: COPYLEFT ETA CREATIVE COMMONS LIZENTZIAK

1. Kultura librea
2. Copyleft
3. Creative Commons lizentziak
4. Bilatu Creative Commons edukia
5. Jabari publikoa
6. Software librea

Metodologia

Autoprestakuntza ikastaroa, online, eta tutoretza gabekoa. Ikastaroak hainbat unitate didaktiko ditu, baita ariketa praktiko eta hausnarketa-ariketa batzuk ere.

Ebaluazioa
Ebaluazioaren helburua izango da ikastaroaren helburu orokorrak betetzen direla bermatzea.
Aprobetxamendu-proba 20 galderako online test bat izango da; ezagutza eta trebetasun galderez osatua, erantzun mota desberdinak dituztenak (erantzun bakar edo anitzekoak, egia ala gezurra itxurakoak eta praktika-simulazio itxurakoak). Proba egiteko gehienezko denbora 30 minutukoa izango da.

• Proba egiteko, hurrengo helbidean eskatu berau egiteko data, ordua eta lekua 5 eguneko epean: http://www.bait.eus
• Azterketa egiteko deialdi bakarra duzu.

Aprobetxamendua
Aprobetxamendu-egiaztagiria lortzeko bete beharreko baldintzak:

• Aprobetxamendu-proba gainditzea: gutxienez, 7 erantzun zuzen galdera mota bakoitzeko.

Ziurtagiriak
http://www.bait.eus webgunetik eta edozein momentutan probaren ziurtagiria deskargatzeko aukera duzu "Erabiltzailearen historia, matrikula eta erreklamazioen kudeaketa" atalean.
Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan. Sartu "IVAPekiko izapideak", "Ziurtatzeak" atalean.

Baldintzak

Posta elektronikoko kontu korporatibo bat, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik. Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Eskakizun teknikoak

• Nabigatzaileak: Microsoft Edge, Mozilla Firefox edo Chrome eguneratuak
• Interneterako konexioa, eta YouTube zerbitzuko atzipena zabalik

KKDD Europako esparrua

Konpetentzia Digitalen Europako Esparrua Euskadiko administrazio publikoetan zabaldu dadin bultzatzea, eta ikasteko modu berriak eta ziurtapen-sistemak sustatzea.
Enplegatu publiko modernoaren curriculumean funtsezkoak diren konpetentziak Europako Batzordeak ezarrita ditu; eta konpetentzia horietako bat konpetentzia digitalei lotutakoa da. Konpetentzia Digitalen Esparruan identifikatzen eta baliozkotzen dira konpetentzia digitalaren osagai nagusiak, digitalki gai izateko ezagutza, ahalmen eta jarrera gisa ulertuta. DIGCOMP, (Digital Competence: Identification and European-wide validation of its key components for all levels of learners) proiektua da esparru horren oinarria, eta helburua, aldiz, 21 konpetentzia digital (5 arlotan bereizita) identifikatzea da. Jakite-maila bat, bi jakite-maila edo hiru jakite-maila aurreikusi dira konpetentzia bakoitzerako.

Azalpen bideoa

Konpetentzia digitalak

Laguntza

Laguntza teknikoa behar izanez gero:

• Deitu CAUko telefono zenbakira (945016) 440
• Astelehenetik ostiralera 08:00etatik 20:00etara

Probaren funtzionamenduari buruz laguntza behar izanez gero:

• Deitu hurrengo telefono-zenbaki honetara 664110557 / 664101155
• Astelehenetik ostegunera 09:00etatik 18:30era. Ostiraletan 09:00etatik 16:00etara.

Administrazio-gaiekin lotutako kontsultak egiteko: prestakuntza@ivap.eus