Helburu orokorrak

Administrazioko idatzizko komunikazioan trebatzea, horretarako beharrezko diren hizkuntza-baliabideak eta testugintzari loturiko aholku praktikoak landuz.

Helburu zehatzak

Testugintza: kohesioa eta diskurtsoaren garapen orokorra eta egokitasuna lantzea. Gramatika (sintaxia, lexikoa) eta estiloa lantzea (estilo nominala, gerundio okerrak, atzerakarga, egilea agerian etab.).

Testu-diseinua: idazteko irizpideak, agurrak, kargua, erakundeen izenak nola adierazi.

Konpetentziak

Ikaslea gai izango da:

• Testuingurua, landutako hizkuntza-baliabideak eta kohesio-baliabideak kontuan hartuta testu egokia eta komunikatiboa sortzeko.

• Bereizteko noiz egin behar den hitzez hitzeko itzulpena eta noiz ideiari buruzkoa.

Testu-egokitasuna: komunikazio-egoera, erregistroa.

Honako testu-motak (oharra, ofizioa, gutuna, mezu elektronikoa) egoki idazteko joskera eta lexikoaren lanketa.

Testu-egituraketa eta paragrafoen antolaketa.

Gaztelaniaren morroi diren egiturak saihesteko bideak: sasi-erlatibozkoak, gerundioak eta abar.

Esaldien eta paragrafoen arteko kohesio baliabideak: lokailuak, testu-antolatzaileak eta lexikoa.

Metodologia

Ikastaroa on-line izango da (moodle plataforma bidez) eta teoria eta praktika uztartuko dira. Hasieratik,ikasleak azken ataza praktiko bati begira bideratuko dira. Teorian landutakoa eta emandako aholkuak atazen bidez eta ikasleen partaidetza (foroak) sustatuz praktikan jarriko dira.

Ebaluazioa

Batetik, galdetegi bidez egingo da; bestetik, irakasleak planteaturiko zenbait ataza eta tutoretza-saioen bitartez.

Ikastaroa gainditzeko galdetegi horien erdiak ondo egin beharko dira eta atazei dagokienez, landutako hizkuntzabaliabideak eta aholkuak egoki erabili diren hartuko da kontuan.

Aprobetxamendua

Galdetegien erdiak ondo egitea eta aprobetxamendu proba gainditzea.

Ikastaroaren balorazioa

Ikasleek astebetetze inkesta beteko dute.

Irakasleek balorazio inkesta osatuko dute.

Baldintzak

Beharrezkoa da posta elektronikoko kontu korporatibo bat izatea ikastaroa egingo duen pertsona identifikatzeko.

Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan, IVAPekiko izapideak / Ziurtatzeak atalean sartuta.