Helburu orokorrak

Langileek denboraren joanean hizkuntza ez erabiltzeagatik galdu duten maila berreskuratzea eta hizkuntza erabiltzeko beldurrak kentzen laguntzea.

Helburu zehatzak

Laguntza eskaintzea hizkuntza zuzen eta egoki erabiltzeko eguneroko jardueran.
Langileei euskara eguneroko lanean aplika dezaten baliabideak ematea.
Erregistro formala eta informala bereizten eta desberdin erabiltzen ikastea.
Jardunean errepikatzen diren akatsak zuzentzea.
Lan arloko hiztegia lantzea.

Konpetentziak

Ikasleak prestakuntza-ekintza amaitzean jakingo du:

• Zuzenago idazten eta hitz egiten.
• Lexiko zuzenagoa erabiltzen.
• Irakurgaiak eta entzungaiak, oro har, hobeto ulertzen.

Gramatika

Euskaltzaindiaren arauak.
Ikasleen ohiko zalantzak eta akats gramatikalak.
Zuzentasuna (kalko okerrak, deklinabidea, etab.).
Joskera (gerundioa, pasiboa, etab.).
Aditza.
Puntuazioa.

Lexikoa

Hiztegi batua, laneko hiztegia.

Idazmena

Testu egokiak eta argiak egiteko baliabideak.
Testu motak: eskutitza, ofizioa, e-maila.

Mintzamena

Elkarrizketak, narrazioak, azalpenak.
Ahozko azalpena erraztu eta entzuleen arreta pizteko baliabideak.

Irakurmena eta entzumena

Lagunarteko solasak, telefonozko elkarrizketak, bat-bateko topaketak, berriak, kronikak, eta laneko azalpenak.
Ikastaroaren planteamendua C.1 mailako ikuspuntu orokorretik bideratuta badago ere, administrazioko jardunarekin zerikusia duten idazkiak, gaiak edota ariketak txertatu eta landuko dira.

Metodologia

Teoria eta praktika uztartuko dira ikastaroan nahiz eta alde praktikoak lehentasuna izango duen.

Ebaluazioa

Ikastaroan betetako eginkizunak hartuko dira kontuan GAI kalifikazioa lortu ahal izateko.

Aprobetxamendua

% 80ko bertaratzea eta eskoletan proposatu diren ariketak egin izana.

Ikastaroaren balorazioa

Ikasleek astebetetze inkesta beteko dute.
Irakasleek balorazio-inkesta osatuko dute.

Baldintzak

Beharrezkoa da posta elektronikoko kontu korporatibo bat izatea ikastaroa egingo duen pertsona identifikatzeko.
Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Harremanetarako

ikasivap@ivap.eus

Ziurtagiri digitala

Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan, IVAPekiko izapideak / Ziurtatzeak atalean sartuta.