Gizakunde elizak Bilboko Udalak antolatutako BAS, Bilbao Arte Sakroa, jaialdiaren edizio berria hartuko du martxoaren 26tik 30era. Programak bost kontzertu bilduko ditu, eta nazioarteko eszenako taldeek interpretatutako antzinako musikako eta errepertorio sakratuko proposamenak eskainiko ditu.

Aurtengo edizioko sarrerak martxoaren 18tik aurrera jarriko dira salgai, 10 eurotan, Arriaga Antzokiko leihatiletan, www.teatroarriaga.eus eta musika-musica.bilbao.eus webgunetan.

2026KO BAS, BILBAO ARTE SAKROA, JAIALDIAREN PROGRAMAZIOA

• ACCADEMIA DEL PIACERE. Martxoak 26, osteguna
• PRÈS DE VOTRE OREILLE. Martxoak 27, ostirala
• RICERCAR CONSORT. Martxoak 28, larunbata
• FORMA ANTIQVA. Martxoak 29, igandea
• I GEMELLI. Martxoak 30, astelehena

Martxoaren 26an, Accademia del Piacerek “Romances entre Oriente y Occidente” programa aurkeztuko du; proposamen horrek musika-tradizioen arteko elkarrizketa aztertzen du, kultura desberdinak lotzen dituen errepertorio baten bidez. Ghalia Benali abeslariak, Quiteria Muñoz sopranoak, Dani de Morónek (gitarra flamenkoa) eta Kiya Tabassianek (setarra) parte hartuko dute; zuzendaritza Fahmi Alqhairen esku egongo da, eta hark zango biola ere joko du.

Hurrengo egunean, martxoaren 27an, ostirala, Près de Votre Oreille taldeak “Lighten mine eies” interpretatuko du, barroko garaiko lanak biltzen dituen programa bokala. Kontzertuan Amélie Raison sopranoak eta Fiona McGown mezzosopranoak parte hartuko dute; Cyril Costanzok baxua joko du, eta Robin Pharo izango da zuzendaria, eta zango biola ere joko du.

Martxoaren 28an, larunbata, Ricercar Consort taldeak “Larmes de la Vierge” obra eskainiko du, errepertorio sakratuan oinarritutako programa batekin. Oraingoan, Céline Scheen sopranoak parte hartuko du, eta zuzendaritza Philippe Pierloten esku egongo da eta baita baxu-biola joko du.

Martxoaren 29an, igandea, Forma Antiqva taldeak “Sancta Ovetensis” interpretatuko du; programa horrek tradizio erlijiosoari lotutako ondare musikalari jarriko dio arreta. Kontzertuan María Espada sopranoak parte hartuko du, eta Aarón Zapico arduratuko da klabeaz eta zuzendaritzaz.

Azkenik, martxoaren 30ean, astelehena, I Gemelli taldeak emango dio amaiera jaialdiari, “Todos los perfumes del Líbano” programarekin. Kontzertuan Andrea Cueva Molnar sopranoak eta Emiliano González Toro tenorrak parte hartuko dute.

SARREREN SALMENTA

Sarrerak 10 euroko prezioan erosi ahal izango dira BIHAR, osteguna, martxoaren 18tik aurrera.

• Arriaga Antzokiko leihatilak: Larunbat, igande, astelehen eta asteartean:
  11:30etik 14:00etara/17:00etatik 19:00etara. Asteazken, ostegun eta ostiraletan:
  11:30etik 14:00etara/17:00etatik 20:00etara.
• Www.teatroarriaga.eus webgunean
• Musika-musica.bilbao.eus webgunean